Timoti Ibuzọ 5:17 - Ika

¹⁷ Ndị-isi ụka rị a kị ọhụnma furu w'e ye ọghọ lẹ ụgwọ-ọrụn furu w'e ye ndị-isi, ye wẹ ya ụzọ ẹbụọ, tụmadụ ndị rị a gbakẹnmẹ ebe iku oku-Chuku lẹ ikuzin'ẹ rị.

Timoti Ibuzọ 5:17 ပူးပေါင်းရင်းမြစ်များ

Ndị-nze Nke Ẹbụọ 2:9

E fetugụ wẹ, Ẹlaịja nọ jụ Ẹlaịsha, “Kị m'e mẹn'i wẹ gini d'e wepụ m ebe ị rị?” Ya Ẹlaịsha nọ sị a, “Dodo, nị m nwọnhẹn ikẹn ị ụzọ ẹbụọ kẹni m nọkin ẹnya ị.”

Azaya 40:2

Gwa nị Jerusalẹm oku a rọkọ obi, hịnị n'a ya n'ọ nụ a — nị agha e mẹgụọ a ihiẹn o k'e mẹ ẹ; n'ọ kụgụọ ụgwọ njọ a; nị Osolobuẹ e yegụọ a afụnfụn njọ a, yekwasị.

Jerimaya 16:18

“M jẹnkọ d'e ye wẹ afụnfụn njọ lẹ eje-ihiẹn wẹ mẹ, ye wẹ ya ụzọ ẹbụọ, makẹni e gigụọ wẹ eje-ihiẹn ndị ahụn wẹ kpụtọsọnmẹ mẹrụ alị m, ihiẹn ndị ahụn rụnị rịlẹni ndụn hụn wẹ rị e fe.”

Jerimaya 17:18

Ifẹnrẹn ya mẹgbu ndị rị e kpokponi m, ka anịlẹ mmẹ nwẹn fa; rọn wẹ egun, ka anịlẹ egun tụ m. Mẹ nwan ogẹn nsọngbu kunrun wẹ, y'e tikpọ wẹ ru alị!

Zẹkaraya 9:12

Ndị wẹ kwọndọn hụn rị e lee ẹnya nzụọpụha, kinhẹn ni nwan ezigbo ụlọ ụnụ zeni! M rị a gwa ụnụ tannị nị m k'e yekin ụnụ ihiẹn ile ụnụ tuhu, gi hụn han kẹ ịya dụnnị ụnụ ya.

Ọgụngụn 18:31

ụnụ lẹ ikpụlọ ụnụ nwọn ikẹn nọ ebe ọwụlẹ ri ẹ, makẹni ụgwọ ọrụn ụnụ rị a rụn imẹ Ọdụ-nsọ rọ.

Matiu 24:25

“A gwatọgụọkwọ m ụnụ!

Luku 10:7

Nọdị nị ụlọ ohu ahụn nabanhannị ụnụ, e ri, a ra ihiẹn ọwụlẹ wẹ ye ụnụ — makẹni onyẹ ọrụn furu w'a kụ ụgwọ. Akwahunmẹlẹ ni.

Luku 12:42

Di-nwọnni-ẹnyi nọ za, “Onyẹ wụ onyẹ nlepụ-ẹnya ahụn furu wẹ gi e dọn ẹnya, marịn ihiẹn, hụn di-nwọnn'ẹ bu idibo rị iwe ẹ che ẹka, n'ọ hụn ụzọ e ye wẹ ihiẹn-oriri furu onyẹ-onyẹ ogẹn o furu?

Jọnụ 4:38

“M zi ụnụ d'a ghọ ihiẹn ụnụ rụnlẹni; ndị ọzọ a rụngbugụọ enwẹn wẹ; ụnụ a bịagụọ d'a ghọ ihiẹn wẹ rụn.”

Ọrụn Ndị-ozi 11:30

Ya wẹ nọ nwan tụ ihiẹn kẹ wẹ dọn ku, we ihiẹn wẹ tụ ye Banabasị lẹ Sọlụ jẹnni ndị-isi ụka rị Jerusalẹm.

Ọrụn Ndị-ozi 20:35

E gigụọ m ihiẹnni ile ghọsị ụnụ n'o furu ni ẹnyi a rụnshi ọrụn ikẹn ẹrịra e gi e yeni ndị zelẹni ẹka, a nyanhan oku Di-nwọnni-ẹnyi wụ Jesu lẹ enwẹn ẹ ku, sị, ‘Iyeni ka ngọzi a wụ karị ịnarịnnị.’ ”

Ọrụn Ndị-ozi 28:10

Wẹ nọ mẹsọnmẹ ihiẹn bu ọda gi ye ẹnyi ọghọ. E buzịghọ wẹ ihiẹn ile rị ẹnyi mkpa cheni ẹnyi imẹ ụgbọ-mirin ogẹn ẹnyi gi lakọ.

Ndị Rom 12:8

omẹni ịkasị-obi rọ, ya kasị obi; omẹni iye ndị nwọnlẹni rọ, ya hama ẹka; omẹni ọkịkị rọ, ya rụnshi ikẹn; omẹni imẹ-omikẹn rọ, ya gi ịghọghọ e mẹ ẹ.

Ndị Rom 15:27

Uwẹ gi uche wẹ mẹ ẹ. O rughọ wẹ e mẹ, makẹni wẹ gi ndị kwerini rị Jerusalẹm ụgwọ. Makẹni, omẹni ndị wụlẹni ndị Ju e rinarịngụọ ndị Ju ihiẹn imẹ-mmọn, o furu nị ndị wụlẹni ndị Ju gizi ihiẹn ụwanị wẹ nwọn yeni wẹ ẹka.

Ndị Rom 16:12

Kele ni Traịfina lẹ Traịfosa, ikpoho hụn a rụnshi ọrụn Di-nwọnni-ẹnyi ikẹn. Kele ni ezi ọwụ m wụ Pẹsisi hụn a gbakẹnmẹ ihiẹn Di-nwọnni-ẹnyi ọda-ọda.

Ndị Kọrẹntị Ibuzọ 15:10

Kanị, m wụ nwan ihiẹn m wụ ghahanị ẹfọma Osolobuẹ; bụ ẹfọma hụ o mẹni m alanị nwan iwi. Kaka! Mmẹ rụnkarịdẹ wẹ ile. Kanị, ẹlẹ mmẹ rụn a, ẹka Osolobuẹ hụn rị imẹ ndụn m rụn a.

Ndị Kọrẹntị Ibuzọ 16:16

m rị a sị ụnụ humẹni ndị nọ ẹrịra isi, wẹ lẹ ndị ile rịzị a rụn ọrụn Osolobuẹ, a rụnshi ẹ ikẹn.

Ndị Kọrẹntị Ibuzọ 3:9

Makẹni ẹnyi lẹ Osolobuẹ gba a rụn; ụnụ wụ ugbo Osolobuẹ, ụlọ Osolobuẹ rị a tụn.

Ndị Kọrẹntị Nke Ẹbụọ 6:1

Makẹni ẹnyi lẹ Osolobuẹ gba a rụn, ẹnyi rị nwan a rịọ ụnụ: dodo ni, anịlẹ ni ẹfọma Osolobuẹ rugụ ụnụ ẹka la iwi.

Ndị Galeshịa 6:6

Ndị wẹ rị a kuzi oku-Chuku wẹ keye ndị rị a kuzi wẹ oku-Chuku ihiẹn ọwụlẹ rị mma wẹ nwọn.

Ditrọnọmi 18:8

ihiẹn ọwụlẹ pụhanị, ya lẹ ibe ẹ e ke ẹ ahanmahan, ọ sụọkwọn'a nị ezi-lẹ-ụlọ a hụ e wẹhẹn'ẹ egho wẹ re ihiẹn.

Ndị Filipi 2:16

E kwọnkẹnmẹ ni oku hụn e ye ndụn, kẹni m hụn ihiẹn m'e gi nyan isi Ụhụọhịn Kraịstị k'a bịa, nị ọsọ m gba lẹ ọrụn m rụn alanị iwi.

Ndị Filipi 2:29

Gi ni nwan ịghọghọ nabanhan a makẹ Di-nwọnni-ẹnyi. A gbaye ni ndị nọ kẹ ịya —

Ndị Filipi 4:3

Ẹghẹẹ, yụ wụ onyẹ-ọrụn ibe m furu wẹ gi e dọn ẹnya, m rị a rịọ ị n'ị yeni ikpoho ndịnị ẹka, makẹni e sọngụọ wẹ m lụnị oziọma ọgụn, uwẹ lẹ Klemẹnti lẹ ndị ọzọ ile mmẹ lẹ wẹ gba a rụn ọrụn — ndị ẹfan wẹ rị imẹ ẹkụkwọ ndụn-itẹbitẹ.

Timoti Ibuzọ 3:5

Makẹni, omẹni ịhịan a sanị ẹka kị ikpụlọ a, nanị k'o dọn lepụ ụka Osolobuẹ ẹnya?

Timoti Ibuzọ 4:10

Ịya haịn ẹnyi gi a rụngbu enwẹn ẹnyi, a lụgbu enwẹn ẹnyi, makẹni ẹnyi gi Chuku rị ndụn dọn ẹnya, Chuku hụn wụ Onyẹ-nzụọpụha ịhịan ile, tụmadụ ndị kwerini.

Timoti Ibuzọ 4:14

Alatọkwọlẹ oyiye rị imẹ i, hụn i nwọnhẹn ghahanị amụma lẹ ẹka ndị-isi ụka bukwasị ị.

Timoti Ibuzọ 4:16

E leban enwẹn i lẹ nkuzi i ẹnya — mẹsọnmẹ ẹ, makẹni ịya kẹ y'e gi zụọpụha kẹ enwẹn i kẹ ndị rị e gọn i ntịn.

Timoti Ibuzọ 4:6

Ị gwa umunẹ ẹnyi imẹ Kraịstị ihiẹn ndịnị wẹ, i k'a wụrụ ezigbo onyẹ-ọrụn Kraịstị Jizọsị wẹ zụn ọhụnma, onyẹ wẹ gi ihiẹn ndị nke Kraịstị kweri lẹ ezigbo nkuzi zụn.

Timoti Ibuzọ 5:19

Wẹ kpe onyẹ-isi, eyelẹ ẹ ọnụ, mmanị madụ ẹbụọ mọbụ ẹtọ pụha ọshẹri.

Timoti Ibuzọ 5:3

A tụnị nị ikpoho di wẹ nwụnhụn nwọnlẹni eyemẹka nke-esi ụya.

Timoti Nke Ẹbụọ 2:6

Onyẹ-ugbo hụn a rụnshi ọrụn ikẹn furu hụn e buzọ e ri ihiẹn-ugbo rịn'a.

Timoti Nke Ẹbụọ 4:2

e ku oku-Chuku; e ku ẹ ogẹn ile, kẹ ọnọdị rị mma kẹ ọnọdị jọ njọ; a gwapụ ịhịan njọ wẹ, a jụgbọ, a kasị obi, e gichanrịn ndidin lẹ nkuzi e mẹ ẹ.

Hibru 13:17

E kweyeni ni ndị-ndu ụnụ, e bu ni enwẹn ụnụ e che okpuru wẹ. Makẹni, wẹ rị e lepụ umẹ-ndụn ụnụ ẹnya. Osolobuẹ jẹnkọ d'a jụ wẹ ukwere ụnụ. Hụn n'a nị wẹ gi ịghọghọ ye mgbakọ hụ, ẹlẹ ẹnya-mirin, makẹ ọ gha a jọ ụnụ njọ.

Hibru 13:24

Kele ni ndị-ndu ụnụ ile lẹ ndị-nsọ ile. Ndị hụn gha Itali bịa e zighọ ekele ụnụ.

Hibru 13:7

Nyanhan nị ndị-ndu ụnụ, hụn gwa ụnụ oku Osolobuẹ; lekpọ nị elu wẹ bi lẹ ihiẹn gha imẹ ẹ pụha; leri nị okukwe wẹ.