Timoti Ibuzọ 5:10 - Ika

¹⁰ Ọ k'a wụrịrị onyẹ wẹ gi ọrụn ọma marịn: ya wụ, n'ọ zụnghọ ụmụ; n'ọ nabanhanghọ ndị ọbịa; n'o feghọ ndị nke Osolobuẹ, chanchanpụ wẹ unyin ụkụ; n'o yeghọnị ndị rị nsọngbu ẹka; n'o bughọ enwẹn ẹ che ọrụn ọma ụzọ ile.

Timoti Ibuzọ 5:10 ပူးပေါင်းရင်းမြစ်များ

Jẹnẹsisi 18:4

Nị wẹ kuhẹni ụnụ mirin mẹ ẹkẹrẹ, nị ụnụ gi chanchan ụkụ ụnụ, ụnụ e zu ikẹn okpuru osisi ebeni.

Jẹnẹsisi 19:2

sị wẹ, “Ndị di-nwọnni m, dodo ni, banhangụ nị iwe odibo ụnụ d'a ranhịn uhinhinni, ụnụ a chanbelụa ụkụ ụnụ; eki fọn ụnụ a zọ ụzọ jẹnmẹ ebe ụnụ jẹnkọ; eki fọn ụnụ a zọ ụzọ jẹnmẹ ebe ụnụ jẹnkọ.” Wẹ nọ sị a, “Mba, ẹnyi k'a ranhịn ogbe ebeni.”

Jẹnẹsisi 24:32

Ya okẹnnyẹ ahụn nọ sọn ẹ lashi iwe wẹ. Labanị nọ tọtusọnmẹ ibu anyịnyan ndị ahụn bu, kpọnyeni anyịnyan ndị ahụn ẹfịfịa-ọkpọnkụn wẹ e gi dinẹ lẹ ẹfịfịa-oyiyi wẹ k'e ri; o kuyezi ẹ mirin kẹni ya lẹ ndị ya lẹ wẹ wị gi chanpụ ụkụ.

Jẹnẹsisi 43:24

O wẹhẹ wẹ iwe Josẹfụ, ọ nọ kuyeni wẹ mirin gi chanpụ ụkụ, yezikwọ Jaki wẹ ihiẹn-oriri.

Ẹbụ-ọma 119:4

Y'a gwagụọ ẹnyi e dọnmẹ iwu i, e dọnmẹ wẹ ọhụnma-ọhụnma.

Azaya 1:17

Mụnị kẹ wẹ dọn e mẹ ihiẹn rị mma! A kwadọn ni ezigbo eṅẹn, e yeni ni ndị wẹ rị e mẹgbu ẹka. A nọ nị ndị nwọnlẹni nẹdi e ye azụụn, e kinni ni ikpoho di wẹ nwụn ọnụ wẹ.

Lẹvitikọsụ 25:35

“Omẹni onyẹ Izrẹlụ ibe ụnụ dan ogbẹnnyẹ, nị ọ hụnzịnị ihiẹn o gi bi, yen'ẹ ẹka rịkẹ abịamabịa mọbụ onyẹ bịahụ alị ụnụ d'a nọdị, nị a du i biri.

Matiu 25:17

Ẹrịra kẹ onyẹ o ye hụn jun ẹkpa ẹbụọ dọnzi nwọnhẹn ẹkpa ẹbụọ chen'ẹ.

Matiu 5:16

Ẹrịra kẹ ụnụ k'a nịzị ukpẹ ụnụ e nwun hụn ịhịan e legha, kẹni wẹ a hụn ọrụn-ọma ụnụ, e gi ẹ a ja Nẹdi ụnụ rị elu-igwee mma.

Luku 7:38

Ọ nọ nọdị azụụn ebe ụkụ-alị Jesu rị, a kwan ẹkwan: ọ hụ a kwan ẹnya-mirin e ye Jesu ụkụ-alị ẹbụbụọ, e gi ntutu ẹ e finkọrị a; ọ hụ e susu Jesu ọnụ ụkụ-alị, e hu udẹn hụ e kpu ẹ ụkụ-alị.

Luku 7:44

Ya Jesu nọ gbehutọ, bu ihun zinmẹ okpoho hụ, sị Saịmọnụ, “Y'a hụn okpohoni? A banhan m iwe i, y'e yeni m mirin chanchan ụkụ, kalẹ o gigụọ ẹnya-mirin ẹ chanchan m ụkụ, gi ntutu ẹ finkọrị a;

Ọrụn Ndị-ozi 10:22

Wẹ nọ za, sị, “Kọnẹlusu zi ẹnyi. Onyẹ a kị ndị-agha ọgụn-isẹn rọ, onyẹ ezi-omumẹ a tụ egun Osolobuẹ; ndị Ju ile e ku oku ẹ ọhụnma. Mmọn-ozi nsọ gwa a d'a kpọ ị, n'ị bịa iwe ẹ kẹni ọ nụ ihiẹn i k'e ku.”

Ọrụn Ndị-ozi 22:12

“Imẹ Damaskọsụ, o nwọn okẹnnyẹ ohu w'a kpọ Ananayasị, hụn e fe ofufe Iwu Mozizi ọhụnma-ọhụnma. Ndị Ju ile bi ebẹhụ e ku oku ẹ ọhụnma.

Ọrụn Ndị-ozi 6:3

Umunẹ, lehunmẹ ni nwan ẹnya imẹ igunrun ụnụ, nị ụnụ họpụha mmadụ ẹsa: ndị w'e ku oku wẹ ọhụnma, ndị Mmọn-nsọ jun imẹ wẹ, ndị marịn ihiẹn ọhụnma-ọhụnma, kẹni ẹnyi ye wẹ ọrụnnị;

Ọrụn Ndị-ozi 9:36

Imẹ Jọpa, o nwọn okpoho ohu ẹfan a wụ Tabita hụn wụ onyẹ nsọnmazụụn Jesu (Asụsụ Griki, Tabita wụ Dọkasị hụn wụ Ele). Tabita e mẹ ọghọ ọda-ọda, o yeni ndị igbẹnnyẹ ẹka ọhụnma-ọhụnma.

Ọrụn Ndị-ozi 9:39

Ya Pita nọ lihi, sọnmẹ wẹ. E ru w'ẹ, wẹ nọ w'ẹ shi mmughẹ hụ rị ibe elu. Ikpoho ile di wẹ nwụnhụn e fihunmẹ Pita, a kwan ẹkwan, a ghọsị a ẹwuru tueni lẹ ẹkwa ndị ọzọ Dọkasị kpa k'ọ rị ndụn.

Ndị Rom 12:13

E yeni ni ndị nke Osolobuẹ ihiẹn rị a kọ ẹka. A nabanhan nị ndị ọbịa.

Ndị Ẹfẹsọsụ 2:10

Ọrụn-ẹka Osolobuẹ kẹ ẹnyi wụ, ndị o ke imẹ Kraịstị wụ Jizọsị, kẹni ẹnyi hụn ụzọ e mẹ ihiẹn rị mma o ketọnị ẹnyi.

Ndị Kolosị 1:10

kẹni ụnụ e bi obibi furu Di-nwọnni-ẹnyi, obibi hụn a sụọn'a ụzọ ile, a mịpụha mkpụrụ ọrụn ọma ile rị ichẹn-ichẹn, a marịn Osolobuẹ, a marịnwaye.

Timoti Ibuzọ 2:10

Kama, wẹ gi ọrụn-ọma chọ enwẹn wẹ mma, k'o furu nị ikpoho e fe Osolobuẹ e mẹ.

Timoti Ibuzọ 3:2

Ya wụ, onyẹ-isi ụka k'a wụrịrị onyẹ nwọnlẹni nkọrịanị. O k'a wụrịrị onyẹ nwọn nwunyẹ ohu sụọ; onyẹ e kwọndọn enwẹn ẹ; onyẹ nwọn uche; onyẹ furu w'a gbaye, onyẹ ma nabanhan ọbịa; onyẹ ma kuzi nkuzi.

Timoti Ibuzọ 3:7

O k'a wụrịrị onyẹ ndị rị ogbe e ku oku ẹ ọhụnma, amamgbe ọ fa, danban ọnyan Ekwensụ,

Timoti Ibuzọ 5:16

Omẹni, okpoho kwerini nwọn onyẹ di ẹ nwụnhụn iwe wẹ, ya yeni wẹ ẹka, makẹ ụka gha e bukẹ ibu, kẹni ụka hụn ụzọ e yeni ndị di wẹ nwụnhụn nwọnlẹni onyẹ e yeni wẹ ẹka nke-esi ẹka.

Timoti Ibuzọ 5:25

Ẹrịra kẹ ọrụn ọma dọnzi a pụhachanrịn ifọn. Ọsụọdẹn'a n'o ke pụhachanrịn ifọn, o zuerisọnmẹkọ.

Timoti Ibuzọ 6:18

Sị wẹ e mẹ mma, a wụ ndị ịdanfịn ebe ịrụn ọrụn-ọma rị; wẹ a ha ẹka, a hụn a nị ihiẹn wẹ e ruzi ndị ọzọ ẹka ọhụnma —

Timoti Nke Ẹbụọ 1:5

M hụ a nyanhan okukwe i hụn gha akpakalị obi i pụha; okukwe ohu hụ bu ụzọ rị imẹ nnẹ i kanị wụ Lọịsị lẹ nnẹ i wụ Yunisi, hụn m marịn n'ọ rịzịkwọ nwan imẹ i.

Timoti Nke Ẹbụọ 2:21

onyẹ chanchanpụ nwan enwẹn ẹ ihiẹn nwọnlẹni ọghọ, ọ wụrụ arịa nwọn ọghọ, arịa wẹ dọnmẹ ichẹn, hụn a bannị onyẹ nwọn ụlọ erere, arịa w'e gi mẹ ihiẹn ile rị mma.

Timoti Nke Ẹbụọ 3:15

y'a marịngụọzị Ẹkụkwọ-nsọ gha ẹhụ nwa-ndu i lala, Ẹkụkwọ-nsọ hụn k'a saẹka ye i amamihiẹn y'e gi nwọn nzụọpụha ghahanị ikwerini Kraịstị wụ Jizọsị.

Timoti Nke Ẹbụọ 3:17

kẹni onyẹ nke Osolobuẹ wụrụ onyẹ wẹ zụn ọhụnma, hụn k'a s'ẹka mẹ ihiẹn ile rị mma.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Taịtọsụ 2:7

Wụrụ onyẹ wẹ e leri imẹ ihiẹn ile rị mma. Ebe nkuzi i rị, wụrụ onyẹ ezioku lẹ onyẹ ghalẹni e gi nkuzi e gu egu,

Taịtọsụ 3:1

Nyanhan nị wẹ nị wẹ e bu enwẹn wẹ e che okpuru ndị-ndu lẹ ndị-ọkịkị, wẹ e humẹ isi; wẹ kwademẹ nị wẹ e mẹ ihiẹn ọwụlẹ rị mma.

Taịtọsụ 3:14

Ndị nke ẹnyi wẹ mụnrụnzịkwọ kẹ wẹ dọn e we enwẹn wẹ a kwanị ihiẹn rị mma, kẹni wẹ saẹka e ye ẹka ezigbo mkpa pụha, amamgbe w'a wụrụ ndị nwọnlẹni hụn w'a rụn.

Taịtọsụ 3:8

Ọnwan wụ ezioku. M chọ ni y'e ku ihiẹn ndịnị, e kushi wẹ ikẹn, kẹni ndị kwerigụnị Osolobuẹ hụn ụzọ e dọnrin ẹnya e we enwẹn wẹ a kwanị ọrụn ọma. Ihiẹn ndịnị a rịka mma, w'a bannị ịhịan ile erere.

Hibru 10:24

Nị ẹnyi a chọsọnmẹ ni kẹ ẹnyi e dọn mẹ ibe ẹnyi e nwọn ihiẹn-ọsụsụọ, e mẹ ihiẹn rị mma.

Hibru 13:2

Egikwọlẹ ni ịnabanhan ndị ọbịa gu egu, makẹni o nwọngụọ ndị gi ẹ nabanhan ndị mmọn-ozi, lee wẹ ọbịa, bụ a marịn wẹ nị ndị-mmọn ozi rọ.

Hibru 13:21

ya dodo yechanrịn ụnụ ihiẹn ile rị mma ụnụ e gi mẹ uche ẹ, a rụn ọrụn imẹ ndụn ẹnyi kẹni ihiẹn a sụọn'a hụn ụzọ e mẹ imẹ ndụn ẹnyi ghahanị Jesu Kristi. Ọjịja-mma ya rịnị Jizọsị Kraịstị ogẹn ile jẹnrin ejẹn! Isẹẹ.

Pita Ibuzọ 2:12

E bi ni ọhụnma imẹ ndị alị ọzọ kwerilẹni; kẹni, wẹ gha e kuja oku ụnụ nị ụnụ rị e mẹ eje-ihiẹn, wẹ hụ a hụn ihiẹn rị mma ụnụ rị e mẹ, kẹni wẹ gi ẹ ja Osolobuẹ mma Ụhụọhịn hụ o k'a bịa.

Pita Ibuzọ 4:9

A nabanhan nị ibe ụnụ iwe ụnụ, endẹnwịnwịnlẹ ni.

Jọnụ Nke Ẹtọ 1:12

Kanị ịhịan ile e ku oku Dẹmẹtrịọsụ ọhụnma; Ezioku lẹ enwẹn ẹ e kuzi oku ẹ ọhụnma. Ẹnyi nwẹn rị a shịazịkwọn'a ẹri — bụ y'a marịnghọ nị ẹri ẹnyi wụ ezioku.