Timoti Ibuzọ 4:6 - Ika

⁶ Ị gwa umunẹ ẹnyi imẹ Kraịstị ihiẹn ndịnị wẹ, i k'a wụrụ ezigbo onyẹ-ọrụn Kraịstị Jizọsị wẹ zụn ọhụnma, onyẹ wẹ gi ihiẹn ndị nke Kraịstị kweri lẹ ezigbo nkuzi zụn.

Timoti Ibuzọ 4:6 ပူးပေါင်းရင်းမြစ်များ

Ẹbụ-ọma 19:7

Iwu Osolobuẹ ye ẹnyi zu oke, o bu ndụn e che ịhịan obi; ụmụ-iwu Osolobuẹ ti furuchanrịn wẹ gi e dọn ẹnya, o mẹ ogbori a marịn ihiẹn;

Itẹn 4:2

Makẹni ihiẹn rị mma kẹ m rị a kuzi ụnụ, a latọkwọlẹ ni nwan ihiẹn m kuzi ụnụ.

Jerimaya 15:16

K'i gwa m oku, e righọ m'a lekẹ ihiẹn-oriri, o mẹ m ghọghọ, mẹ ẹfọ sụọ m ụsụọ, makẹni ẹfan ị kẹ m'a za, Osolobuẹ, Chuku ihiẹn ile rị okpuru ẹ.

Matiu 13:52

Ọ nọ sị wẹ, “Ya wụ nị ọka-iwu Mozizi, hụn wẹ zụn ọzụnzụn Alị-eze elu-igwee, nọ kẹ onyẹ nwọn ụlọ, hụn gha ebe o dọnmẹ ihiẹn e wepụha kẹ ihiẹn ọhụn kẹ ihiẹn akan.”

Luku 1:3

Gọvanọ wụ Tiofilọsụ, e rogụọ m'a n'ọ hụghọ mma nị mmẹ nwẹn nkẹ den'i y'ẹ uri-uri, makẹni e lebanchanrịngụọ m ihiẹn ndịnị ile ẹnya gha isi ẹ lala,

Ọrụn Ndị-ozi 1:15

Ogẹnni kẹ Pita gi lihi ọtọ imẹ igunrun ndị kwerini, gwama wẹ oku. Wẹ rị ihiẹn nọ kẹ mmadụ ọgụn-isin gbakikomẹ ebẹhụ. Ọ sị wẹ,

Ọrụn Ndị-ozi 20:31

We ni nwan ẹnya ru alị; nyanhan nị nị ezuni m ikẹn ọrọgbọ ahụa ẹtọ, kẹ uhinhin kẹ efinnaị, ebe m rị e gi ẹnya-mirin a dọ onyẹ ọwụlẹ ẹka-ntịn.

Ọrụn Ndị-ozi 20:35

E gigụọ m ihiẹnni ile ghọsị ụnụ n'o furu ni ẹnyi a rụnshi ọrụn ikẹn ẹrịra e gi e yeni ndị zelẹni ẹka, a nyanhan oku Di-nwọnni-ẹnyi wụ Jesu lẹ enwẹn ẹ ku, sị, ‘Iyeni ka ngọzi a wụ karị ịnarịnnị.’ ”

Ndị Rom 15:15

Kanị, o nwọnghọ ihiẹn ndị m kushi ikẹn imẹ ẹhụhụọ-ozini kẹni m nyanhanzịnị ụnụ wẹ. M'e kushi ikẹn makẹ ẹka Osolobuẹ hụn rị imẹ ndụn m,

Ndị Kọrẹntị Ibuzọ 4:17

Ya haịn m gi zilanị ụnụ Timoti, ezi nwa m, hụn m gi e dọn ẹnya imẹ Onyẹ-nwọnni-ẹnyi. O k'a nyanhan nị ụnụ kẹ m'e mẹ ihiẹn imẹ Kraịstị Jizọsị, nyanhan nị ụnụ ya kẹ m'a kuzi ẹ imẹ ụka ile rị ebe ile.

Ndị Kọrẹntị Nke Ẹbụọ 11:23

omẹni wẹ wụ ndị-ọrụn Kraịstị, nị m kusọnmẹ rịkẹ onyẹ isi zulẹni oke, mmẹ ka wẹ onyẹ-ọrụn Kraịstị a wụ — makẹni mmẹ ka ọrụn a rụn, mmẹ ka ngan e jẹn, mmẹ kẹ wẹ ka mkpịnsịn a fịan — mgbe ole-lẹ-ole kẹ wẹ fịanpụ m mkpịnsịn. Ọnwụn a kpọsọnmẹzi m ihun.

Ndị Kọrẹntị Nke Ẹbụọ 3:6

Osolobuẹ mẹ ẹnyi gi wụrụ ndị ma rụn ọrụn nkwerigbama ọhụnnị, ẹlẹ nke Iwu wẹ de ede, kanị nke Mmọn-nsọ. Makẹni Iwu wẹ de e gbu egbu, kanị Mmọn-nsọ e ye ndụn.

Ndị Kọrẹntị Nke Ẹbụọ 6:4

Mba. Imẹ ihiẹn ile, ẹnyi a ghọsịchanrịn nị ẹnyi wụ ndị-ọrụn Osolobuẹ: ghahanị idingbu ihiẹn ile, ghahanị nsọngbu lẹ afụnfụn lẹ eje-ọnọdị ichẹn-ichẹn e kunrunni ẹnyi;

Ndị Ẹfẹsọsụ 6:21

Ezi nwẹnẹ ẹnyi wụ Taịkikọsụ, hụn wụzị onyẹ-ọrụn wẹ gi e dọn ẹnya imẹ Di-nwọnni-ẹnyi, k'a gwachanrịn ụnụ ihiẹn ile, kẹni ụnụ marịn ọnọdị m lẹ kẹ ihiẹn nọ ebeni.

Ndị Filipi 2:20

Enwọn m onyẹ ọzọ hụn rị kẹ Timoti, hụn gichanrịn akpakalị obi ẹ a chọ ọrịrịmma ụnụ.

Ndị Filipi 2:22

Kanị, nke Timoti, ụnụ lẹ enwẹn ụnụ a marịngụọ onyẹ ọ wụ, nị o sọn m a rụn ọrụn oziọma kẹ nwa dọn e sọn nẹdi ẹ.

Ndị Filipi 3:16

Kanị, nị ẹnyi ile e mẹ hụn furu ogo ẹnyi rugụ.

Ndị Kolosị 2:19

O kwọndọnzini Kraịstị, hụn wụ isi hụn ẹhụ ile gha e nwọnhẹn ihiẹn-oriri, e mẹ akwanran rịn'a e kwọndọnsọnmẹ mkpamkpa ile rịn'a ghahanị okẹn-ẹhụ ile, e mẹ ẹhụ e sue ezigbo usue gha ẹka Osolobuẹ bịa.

Ndị Kolosị 3:16

A nị nị oku Kraịstị a rị imẹ ndụn ụnụ ọda-ọda. E gi ni amamihiẹn lẹ akọ-lẹ-uche ile a kuzi ibe ụnụ, a dụn wẹ ọdụn; e gi obi rị a kpanmịn Osolobuẹ a bụnị Osolobuẹ ẹbụ-ọma rị Ẹkụkwọ-nsọ lẹ ẹbụ-ofufe lẹ ẹbụ-nsọ.

Ndị Kolosị 4:7

Ezi nwẹnẹ ẹnyi wụ Taịkikọsụ hụn furu wẹ gi e dọn ẹnya jẹnkọ d'a gwachanrịn ụnụ kẹ m rị. Odibo ibe ẹnyi imẹ Onyẹ-nwọnni-ẹnyi k'ọ wụ.

Ndị Tẹsalonika Ibuzọ 3:2

ẹnyi nọ zihẹni ụnụ Timoti nwẹnẹ ẹnyi hụn ẹnyi lẹ ịya gba a rụnnị Osolobuẹ ọrụn izisọnmẹ oziọma Kraịstị, sị a d'a dụ ẹjan ye ụnụ ukun, gba ụnụ umẹ nị ụnụ kwọnkẹnmẹ okukwe ụnụ —

Timoti Ibuzọ 1:10

ndị ughẹrẹ lẹ ikẹnnyẹ wẹ lẹ ikẹnnyẹ e mẹ mgba lẹ ikpoho wẹ lẹ ikpoho e mẹ mgba; ndị e re ịhịan lẹ ndị e ṅọn ịhịan; ndị-ntụ lẹ ndị a shịa ẹri-ntụ — lẹzi ndị ọzọ ile e mẹ ihiẹn ọwụlẹ ya lẹ ezigbo nkuzi ghalẹni a dangbama.

Timoti Ibuzọ 4:16

E leban enwẹn i lẹ nkuzi i ẹnya — mẹsọnmẹ ẹ, makẹni ịya kẹ y'e gi zụọpụha kẹ enwẹn i kẹ ndị rị e gọn i ntịn.

Timoti Ibuzọ 6:3

Omẹni ịhịan rị a kuzi ihiẹn ọzọ, a jụ ezigbo nkuzi Onyẹ-nwọnni-ẹnyi wụ Jesu Kristi lẹ nkuzi furu ofufe Osolobuẹ,

Timoti Nke Ẹbụọ 1:6

Ufiri ẹ, m rị a nyanhann'ị n'ị fụnwun oyiye Osolobuẹ hụn rị imẹ i, hụn Osolobuẹ ye i ogẹn m gi bu ẹka kwasị ị.

Timoti Nke Ẹbụọ 3:10

Yụ nwẹn, y'a hụngụọ nkuzi m, obibi m, ihiẹn m chụkọ, okukwe m, ndidin m, ihiẹn-ọsụsụọ m, kẹ m dọn wuzo,

Timoti Nke Ẹbụọ 4:3

Makẹni ogẹn lala hụn ịhịan jẹnkọlẹni d'e kweri ezigbo nkuzi. Kama, ebe ntịn wẹ rị a chọsọnmẹ n'ọ nụ ihiẹn a sụọnị wẹ, wẹ k'a chọrị ndị k'a kuzi wẹ ihiẹn wẹ chọ nị wẹ nụ.

Taịtọsụ 2:1

Kanị yụ nwẹn, kuzirịrị ihiẹn furu nkuzi kụrụ ọtọ:

Pita Ibuzọ 2:2

Nọkẹ ụmụ wẹ mụ nke ọhụn, a chọshi ni mirin-ẹran imẹ-mmọn ahụn rị nsọ ikẹn — kẹni ụnụ e gi ẹ e sueru ogo nzụọpụha,

Jọnụ Nke Ẹbụọ 1:9

Onyẹ fe mgbọn, hụn nke o gi nọdị ebe nkuzi Kraịstị dọnmẹ ẹ, hụnyẹ enwọn Osolobuẹ. Kanị onyẹ hụn sọnsọnmẹ nkuzi Kraịstị k'o dọn rị e nwọnghọ kẹ Chuku-Nẹdi kẹ Nwa Chuku.

Judu 1:5

M chọ nị m nyanhan nị ụnụ ihiẹn ụnụ marịn, nị Di-nwọnni-ẹnyi ahụn gha alị Ijiptu zụọpụha ndị Izrẹlụ gizi ẹka a tikpọ ndị rị imẹ wẹ hụn kwerilẹni;