Timoti Ibuzọ 4:16 - Ika

¹⁶ E leban enwẹn i lẹ nkuzi i ẹnya — mẹsọnmẹ ẹ, makẹni ịya kẹ y'e gi zụọpụha kẹ enwẹn i kẹ ndị rị e gọn i ntịn.

Timoti Ibuzọ 4:16 ပူးပေါင်းရင်းမြစ်များ

Ihiẹn Mẹni Nke Ibuzọ 28:10

Lee ẹ nwan, Osolobuẹ a họrịgụọ ị d'a tụn ụlọ-nsọ wẹ k'a nọ e fe ẹ. Jikẹnmẹ, n'ị rụn ọrụn hụ.”

Ihiẹn Mẹni Nke Ẹbụọ 19:6

Ọ sị wẹ, “Marịnkwọ nị ihiẹn ụnụ rị e mẹ, makẹni ẹlẹ ịhịan tumẹ ụnụ nị ụnụ e dọnzi oku, kama Osolobuẹ hụn rị ebẹhụ ụnụ rị ogẹn ọwụlẹ ụnụ rị a han eṅẹn.

Ọpụpụ 23:13

“Dọnrinkwọ nị ẹnya e mẹ ihiẹn ile m sị ụnụ e mẹ. Akpọkwọlẹ ni ẹfan mmọn-lẹ-iyi ọwụlẹ; anịkwọlẹ ni ẹfan wẹ ghadẹ ụnụ ọnụ pụha.

Azaya 55:11

ẹrịra kẹ oku gha m ọnụ pụha nọ: o kinhẹnkọ mmaka, kama, o k'e mẹrịrị ihiẹn m chọ, rụnpụha ihiẹn m gi ufiri ẹ ku ẹ.

Jerimaya 23:22

Omẹni e te nọdịọlẹ wẹ ọgwa m, nkẹ e zi wẹ ndị nke m ozi m, e mẹ wẹ wẹ bibehi eje-obibi wẹ, mẹ wẹ latọ eje-ihiẹn ndị wẹ rị e mẹ.

Makị 13:9

“Ụnụ nwẹn, kpachanpụkwọ nị ẹnya; makẹni wẹ jẹnkọ d'e wejẹn ụnụ ọgwa ichẹn-ichẹn, gbu ụnụ ili imẹ ụlọ-ofufe ichẹn-ichẹn; ụnụ jẹnkọ d'e wuzo ihun ndị Gọvanọ lẹ ndị-nze makẹ ufiri m; ọ wụrụ oghere ụnụ e gi shịanị m ẹri.

Luku 21:34

“Kpachanpụ nị nwan ẹnya, amamgbe iri-ụwa lẹ ịra-manya lẹ oku-elu e mẹ ụhụọhịn hụ kunrun ụnụ idẹnmizi nọkẹ ọnyan.

Ọrụn Ndị-ozi 26:22

Kanị Osolobuẹ hụ e yeni m ẹka d'e rukwọ nwan tannị; ya kẹ m gi wuzo ebeni a shịa ẹri, a gwa kẹ onyẹ uku kẹ onyẹ-nta okuni. Arị m e ku ihiẹn ọzọ karị ihiẹn ndị-amụma lẹ Mozizi ku n'o jẹnkọ d'e mẹ:

Ọrụn Ndị-ozi 6:4

ẹnyi nwẹn jẹnkọ d'e bu enwẹn ẹnyi che ekpere lẹ iku oku-Chuku.”

Ndị Rom 11:14

ikẹnkwọ nị m saẹka gi ẹ mẹ ẹnya fụma ndị alị m, kẹni m saẹka zụọpụhadẹ ụfọdụ.

Ndị Rom 16:17

Umunẹ m, dodo, ọ rị ẹka ụnụ, kpachanpụ nị ẹnya makẹ ndị rị e kebe ụnụ, e mẹ okukwe ụnụ uke ebe wẹ n'a kuzi ihiẹn wụlẹni ezioku ahụn ndị kuzini ụnụ kuzi ụnụ. Gbanị nị wẹ ọsọ!

Ndị Rom 2:7

Nke ndị e mẹsọnmẹ mma makẹni wẹ rị a chọ nị Osolobuẹ ye wẹ ọghọ lẹ mgbaye lẹ ndụn nwọnlẹni ọgụgụ, Osolobuẹ k'e gi ndụn itẹbitẹ kụ wẹ ụgwọ.

Ndị Kọrẹntị Ibuzọ 1:21

Makẹni ụwa asanị ẹka gi amamihiẹn marịn Osolobuẹ ebe ọ nọ e gi amamihiẹn ẹ e mẹ ihiẹn, ọ sụọ Osolobuẹ n'o gi “nzuzu” rị ozi ẹnyi rị e zi zụọpụha ndị hụn k'e kwerini.

Ndị Kọrẹntị Ibuzọ 9:22

M ru ebe ndị zelẹni rị, e họnrin m onyẹ zelẹni, kẹni m hụn ụzọ wẹhẹ ndị zelẹni d'a marịn Kraịstị. E họnringụọ m ihiẹn ile rị ichẹn-ichẹn ebe ndị ile rị ichẹn-ichẹn rị, kẹni m gi ihiẹn ile rịnị zụọpụhadẹ ụfọdụ.

Ndị Kọrẹntị Ibuzọ 9:27

Mba! M'e mẹshi ẹhụ m ikẹn, e mẹ ẹ kẹ igbọn — amamgbe m'e zigụ ndị ọzọ oziọma, mmẹ nwẹn a wụrụ onyẹ wẹ jụ, nị agbanị m ọsọ ọhụnma.

Ndị Ẹfẹsọsụ 4:14

makẹ ẹnyi gha a wụsọnmẹ ụmụẹka, ndị ẹbi e bushi ihun-lẹ-azụụn, ndị-nkuzi ọwụlẹ e buhunmẹ kẹ ufere, ndị ịhịan gi nkuzi ẹro lẹ aghịghọ e dufie.

Ndị Kolosị 4:17

Sị nị Akịpọsụ, “Hụnkwọ a n'ị rụnchanrịn ogbo wẹ keye i imẹ ọrụn Di-nwọnni-ẹnyi.”

Ndị Tẹsalonika Ibuzọ 2:16

e gbọndọn ẹnyi ezilẹ ndị alị ọzọ ozi wẹ k'e gi nwọn nzụọpụha! Ẹrịra kẹ w'e mẹ ogẹn ile hụn wẹ gi e mẹjun mkpu njọ wẹ ile. Kanị, iwe-lẹ-ọnụma Osolobuẹ e kunrungụọ wẹ nwan ikpanzụụnnị.

Timoti Ibuzọ 1:3

Nọdị nwan Ẹfẹsọsụ kẹ m dọn gwa ị ogẹn m gi jẹnkọ Masẹdonia, kẹni ị gwa ndị hụ rị a kuzi ihiẹn wụlẹni ezioku akuzizilẹ ẹ;

Timoti Ibuzọ 4:15

E mẹ ihiẹn ndịnị ile; e we enwẹn i e che imẹ wẹ, kẹni ịhịan ile hụn a nị ọ hụ a gha.

Timoti Ibuzọ 4:6

Ị gwa umunẹ ẹnyi imẹ Kraịstị ihiẹn ndịnị wẹ, i k'a wụrụ ezigbo onyẹ-ọrụn Kraịstị Jizọsị wẹ zụn ọhụnma, onyẹ wẹ gi ihiẹn ndị nke Kraịstị kweri lẹ ezigbo nkuzi zụn.

Timoti Nke Ẹbụọ 2:10

Ya haịn m gi e dingbuchanrịn ihiẹn ile makẹ ufiri ndị Osolobuẹ họrị, kẹni wẹ nwẹn nwọnhẹnzi nzụọpụha rị imẹ Kraịstị wụ Jizọsị lẹ ọghọ itẹbitẹ rịn'a.

Timoti Nke Ẹbụọ 3:14

Kanị ịyụ nwẹn, mẹsọnmẹ ihiẹn hụn ị mụ, hụn i kweri ọhụnma-ọhụnma, makẹni y'a marịnghọ onyẹ ị mụnarịn a;

Timoti Nke Ẹbụọ 4:2

e ku oku-Chuku; e ku ẹ ogẹn ile, kẹ ọnọdị rị mma kẹ ọnọdị jọ njọ; a gwapụ ịhịan njọ wẹ, a jụgbọ, a kasị obi, e gichanrịn ndidin lẹ nkuzi e mẹ ẹ.

Taịtọsụ 1:9

O k'a marịnrịrị ẹnya nkuzi ahụn furu w'a tụkwasị obi hụn rị okukwe ẹnyi, kẹni ọ saẹka gi nkuzi zu oke a gba ndị ọzọ umẹ, e gizi ẹ a ghọsị ndị hụn a papụ nkuzi ahụn nị wẹ rị e mẹfie.

Taịtọsụ 2:15

Ya wụ, a kuzi wẹ nwan ihiẹn ndịnị, a gba wẹ umẹ, a jụgbọ wẹ. E mẹ ẹ kẹ onyẹ oku rịchanrịn ẹka. Anịkwọlẹ onyẹ ọwụlẹ legberi i.

Taịtọsụ 2:7

Wụrụ onyẹ wẹ e leri imẹ ihiẹn ile rị mma. Ebe nkuzi i rị, wụrụ onyẹ ezioku lẹ onyẹ ghalẹni e gi nkuzi e gu egu,

Filemọnụ 1:19

Mmẹ wụ Pọlụ gi ẹka m de ọnwan: Ẹghẹẹ, gụn a yeni m; m k'a kụ a. Ẹlẹ mmẹ nwọn gwazị ị nị i gi m ụgwọ — n'i gi m ụgwọ enwẹn i.

Hibru 12:15

Hụn n'a n'o nwọnni onyẹ ẹfọma Osolobuẹ fie; nị ize ewerini ọnọdị imẹ igunrun ụnụ, buhẹ nsọngbu, mẹrụ ndị bu ọda.

Hibru 13:9

Awụkwọlẹ ni ndị wẹ gi nkuzi rị ichẹn-ichẹn e dufie; makẹni ọ rịka mma omẹni obi hụ e ru ịhịan alị makẹni o gi eyemẹka Osolobuẹ dọn ẹnya, ẹlẹ nị o dọnmẹsọnmẹ iwu ihiẹn-oriri, iwu ndị bantulẹnini ndị e dọnmẹni wẹ erere.

Jemisi 5:20

hụn wekinhẹnn'ẹ ya marịn nị onyẹ wekinhẹn onyẹ-njọ kpahukọnị a zụọpụhaọlẹ onyẹ njọ ẹka ọnwụn, kpumẹ njọ bu ọda.