Timoti Ibuzọ 3:2 - Ika

² Ya wụ, onyẹ-isi ụka k'a wụrịrị onyẹ nwọnlẹni nkọrịanị. O k'a wụrịrị onyẹ nwọn nwunyẹ ohu sụọ; onyẹ e kwọndọn enwẹn ẹ; onyẹ nwọn uche; onyẹ furu w'a gbaye, onyẹ ma nabanhan ọbịa; onyẹ ma kuzi nkuzi.

Timoti Ibuzọ 3:2 ပူးပေါင်းရင်းမြစ်များ

Azaya 56:10

Ndị-nche Izrẹlụ wụ ndị ẹnya-ishi, amarịn wẹ ihiẹn, nkitẹ odin a gba nkịtịn kẹ wẹ ile wụ w'a ra saẹka a gbọ, w'e dinẹsọnmẹhụ, a rọ nrọ — ụran a sụọka wẹ.

Luku 1:6

Wẹ ẹbụbụọ wụ ndị ezi-omumẹ ẹnya Osolobuẹ; w'e dọnmẹchanrịn iwu lẹ ọdịnalị Di-nwọnni-ẹnyi, onwọnni hụn w'e gi kọrịanị wẹ —

Luku 2:36

O nwọnzighọ okpoho onyẹ-amụma w'a kpọ Ana, nwa Fanụẹlụ, onyẹ ebọn Asha k'ọ wụ; ọ kagụọ ẹgẹdi; ahụa ẹsa sụọ kẹ ịya lẹ di ẹ bi di ẹ nọ nwụnhụn.

Ndị Rom 12:13

E yeni ni ndị nke Osolobuẹ ihiẹn rị a kọ ẹka. A nabanhan nị ndị ọbịa.

Ndị Filipi 2:15

kẹni ụnụ wụrụ ndị nwọnlẹni nkọrịanị, ndị ẹka wẹ rị ọchan; ụmụ Osolobuẹ obibi wẹ nwọnlẹni ntụpọ hụn bi imẹ eje-agbọ zinrinlẹni, e nwun, e ke, imẹ ụwanị kẹ kokisẹ.

Timoti Ibuzọ 3:12

Ndị-ọrụn ụka k'a wụrịrị ndị nwọn nwunyẹ ohu sụọ; ndị a kị ụmụ wẹ lẹ ikpụlọ wẹ ọhụnma.

Timoti Ibuzọ 3:8

Ẹrịrazịkwọ, ndị-ọrụn ụka k'a wụrịrị ndị furu w'a gbaye; awụkọ wẹ ndị irenaị; awụkọ wẹ ndị okẹn-manya mọbụ ndị ẹkpịrị-egho.

Timoti Ibuzọ 4:3

Wẹ k'a kuzimẹ ịhịan w'a lụlẹ di-lẹ-nwunyẹ, w'e rilẹ ụfọdụ ihiẹn-oriri, ihiẹn Osolobuẹ ke kẹni ndị hụn kwerini hụn marịn ezioku hụn ụzọ e ri, a kpanmịn a.

Timoti Ibuzọ 5:10

Ọ k'a wụrịrị onyẹ wẹ gi ọrụn ọma marịn: ya wụ, n'ọ zụnghọ ụmụ; n'ọ nabanhanghọ ndị ọbịa; n'o feghọ ndị nke Osolobuẹ, chanchanpụ wẹ unyin ụkụ; n'o yeghọnị ndị rị nsọngbu ẹka; n'o bughọ enwẹn ẹ che ọrụn ọma ụzọ ile.

Timoti Ibuzọ 5:22

Ahụhụkwọlẹ bu ẹka kwasị ịhịan; kpachanpụ ẹnya amamgbe y'e bi ẹka ye njọ ndị ọzọ mẹ; dọnmẹ enwẹn i ọchan.

Timoti Ibuzọ 5:9

Okpoho di ẹ nwụn rugụ ahụa ọgụn ẹtọ mọbụ karị sụọ kẹ ụka jẹnkọ d'e lepụ ẹnya; o k'a wụrịrị onyẹ lụkarịlẹni di ohu.

Timoti Nke Ẹbụọ 2:24

bụ odibo Di-nwọnni-ẹnyi awụkọ onyẹ ikpe; kanị onyẹ gi ẹfọma e sọn onyẹ ọwụlẹ, onyẹ a kuzini, onyẹ ndidin,

Taịtọsụ 2:2

Kuzi ikẹnnyẹ-ọba wẹ wụrụ ndị ẹnya dọn, ndị furu w'a gbaye, ndị e kwọndọn enwẹn wẹ, ndị turu ọhụnma ebe okukwe lẹ ihiẹn-ọsụsụọ lẹ ndidin rị.

Hibru 13:2

Egikwọlẹ ni ịnabanhan ndị ọbịa gu egu, makẹni o nwọngụọ ndị gi ẹ nabanhan ndị mmọn-ozi, lee wẹ ọbịa, bụ a marịn wẹ nị ndị-mmọn ozi rọ.

Hibru 3:14

Makẹni ẹnyi lẹ Kraịstị k'a rịsọnmẹ omẹni ẹnyi e kwọnkẹnmẹ ẹka ahụn ẹnyi gi bidọn d'e ru njẹndemẹ.

Pita Ibuzọ 4:7

Ihiẹn ile e d'e bi. E kwọndọn ni nwan enwẹn ụnụ, e dọnrin ẹnya makẹ ọdakin gha a rị ekpere ụnụ.

Pita Ibuzọ 4:9

A nabanhan nị ibe ụnụ iwe ụnụ, endẹnwịnwịnlẹ ni.

Pita Ibuzọ 5:8

E dọnrin ni ẹnya; e che ni nche. Makẹni eṅẹnrẹn ụnụ wụ Ekwensụ rị a ghahunmẹ nọkẹ ẹwọrọ rị e dẹnni, a chọ onyẹ o k'a nwụn ri.