Timoti Ibuzọ 2:4 - Ika

⁴ makẹni Osolobuẹ chọ nị ịhịan ile nwọnrin nzụọpụha, marịn ezioku.

Timoti Ibuzọ 2:4 ပူးပေါင်းရင်းမြစ်များ

Azaya 45:22

Buruhẹ nị m nwan nị m zụọpụha ụnụ, ndị ile rị elu-ụwa! Makẹni, mmẹ wụ Chuku, ọzọ arịa.

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 53:11

Ọ tagụ afụnfụn, nwụnhụn, ọ k'a hụn ihiẹn ọ rụn, ẹfọ e jun ẹ. Odibo m k'e mẹ wẹ hatu ndị bu ọda ikpe ma hụn sikọ d'a marịnn'a — o k'e buru njọ wẹ.

Azaya 55:1

Bịa nị, ụnụ ile ẹgụn mirin rị a gụn, bịa nị ebe mirin rị; kẹ onyẹ ọwụlẹ gilẹni egho, bịa nị d'e ṅọnrin ihiẹn-oriri ri! Bịa d'e ṅọnrin manya lẹ mirin-ẹran ọfẹ, onwọnni ihiẹn ụnụ k'a kụ!

Izikẹlụ 18:23

Ọ sụọdẹ m nwan a sụọ nị onyẹ njọ nwụn anwụn ra? Ẹlẹ o bihutọ ẹka, rị ndụn, kẹ ẹfọ nọ a sụọ m ụsụọ? Ya kẹ Osolobuẹ Nwọn Ihiẹn Ile ku.

Izikẹlụ 18:32

Osolobuẹ Nwọn Ihiẹn Ile sị, ‘Ara sụọ m nị ịhịan nwụn. Bihutọ nị nwan ẹka, kẹni ụnụ rị ndụn.’

Izikẹlụ 33:11

Sị wẹ nwan nị mmẹ, Osolobuẹ Nwọn Ihiẹn ile, sị, ‘Ma isi m, o mẹkwọ nị ọnwụn eje-ịhịan a sụọ m asụọ! Ihiẹn m chọ wụ n'o bihutọ ẹka, rị ndụn!! Bihutọ nị ẹka! La nị eje-obibi ụnụ tọ! Kị ụnụ ndị Izrẹlụ k'a nwụnnị?’

Habakọkụ 2:14

Kanị, wẹ sikọ d'a marịn ọghọ Osolobuẹ elu-ụwa ile, kẹ mirin dọn e jun ohimin ụzọ ile.

Matiu 28:19

Jẹnmẹ ni nwan d'e mẹ ndị alị ile rị ichẹn-ichẹn wụrụ ndị e sọnni m; e gi ni ẹfan Nẹdi lẹ Nwa lẹ Mmọn-nsọ e mẹ wẹ mirin-Chuku.

Makị 16:15

Ọ nọ sị wẹ, “Ghagbama nị ụwa ile d'e zi ihiẹn ile Chuku ke oziọma.

Luku 1:77

i jẹnkọ d'e mẹ ndị nke ẹ marịn kẹ w'e dọn nwọnhẹn nzụọpụha ghahanị inwọnhẹn mgbagharị njọ.

Luku 14:23

Ya di-nwọnn'ẹ nọ sị a, ‘Shi nwan ụwaya lẹ nwa-ozue: lịlịma n'ị mẹ ịhịan bịa kẹni ụlọ m jun.

Luku 24:47

nị wẹ jẹnkọ d'e gi ẹfan a zi ndị alị ile ozi w'e gi rogharị kẹni Osolobuẹ gbagharị wẹ njọ; nị Jerusalẹm kẹ wẹ jẹnkọ d'a gha bidọn.

Jọnụ 14:6

Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Jọnụ 17:17

Gi ezioku dọn wẹ nsọ: oku i wụ ezioku.

Jọnụ 6:37

“Ndị ile Nẹdi m ye m sikọ d'a bịa d'e kunrun m; achụpụkọ m onyẹ ọwụlẹ bịa d'e kunrunni m

Ndị Rom 11:14

ikẹnkwọ nị m saẹka gi ẹ mẹ ẹnya fụma ndị alị m, kẹni m saẹka zụọpụhadẹ ụfọdụ.

Timoti Ibuzọ 4:10

Ịya haịn ẹnyi gi a rụngbu enwẹn ẹnyi, a lụgbu enwẹn ẹnyi, makẹni ẹnyi gi Chuku rị ndụn dọn ẹnya, Chuku hụn wụ Onyẹ-nzụọpụha ịhịan ile, tụmadụ ndị kwerini.

Timoti Nke Ẹbụọ 2:25

e gi nwayọ a kọwanị ndị ghalẹni e kweyen'ẹ, makẹni Osolobuẹ nwọn ikẹn mẹ wẹ rogharị, bịa d'a marịn ezioku,

Timoti Nke Ẹbụọ 3:7

ikpoho w'a tọ a kuzi, kanị w'a ra s'ẹka marịn ezioku.

Taịtọsụ 1:1

Mmẹ wụ Pọlụ de ẹkụkwọ-ozini. M wụ igbọn Osolobuẹ lẹ onyẹ-ozi pụ-ichẹn Jizọs Kraịstị. Ọrụn m wụ ịkwadọn okukwe ndị hụ Osolobuẹ họrị lẹ imẹ ịhịan marịn ezioku wẹ gi e fe Osolobuẹ k'o furu.

Taịtọsụ 2:11

Makẹni, ẹfọma Osolobuẹ gi a zụọpụha ịhịan ile a pụhagụọ ifọn.

Hibru 10:26

Makẹni, ẹnyi kpachanpụ ẹnya tọ njọ e mẹ ebe ẹnyi marịngụ ezioku, onwọnzini ẹjan họdụnị wẹ jẹnkọ d'a chụn gi wepụ njọ;

Jemisi 3:14

Kanị, omẹni eje ẹnya-ụfụ lẹ nke-i nke-i rị ị obi, egikwọlẹ ịban-mban lẹ ntụ zuemẹ ezioku rịn'a.

Pita Nke Ẹbụọ 3:9

Ẹlẹni Di-nwọnni-ẹnyi rị e bie mbie imẹzu nkwa a kẹ ndị hụ dọn a ghọha ibie-mbie; mba, o gi ndidin e sọn ụnụ. Onwọnni onyẹ ọ chọ n'ọ la iwi, kama, ọ chọkọ nị ịhịan ile rogharị.

Jọnụ Nke Ẹbụọ 1:1

Mmẹ wụ onyẹ-isi de ẹkụkwọ-ozini. M rị e deni okpoho hụ Osolobuẹ họrị lẹ ụmụ a. Ndị ihiẹn wẹ a sụọ m ebe Ezioku rị kẹ wẹ wụ, ẹlẹdẹ mmẹ sụọ nwọn ihiẹn-ọsụsụọ wẹ kanị ndị ile marịn Ezioku,

Rẹvẹleshọnụ 14:6

M nọzị hụn mmọn-ozi ọzọ k'o fekọ imẹ elu. O gi oziọma itẹbitẹ hụn o k'e zi ndị ile bi elu-ụwa — ndị alị ile lẹ ebọn ile lẹ asụsụ ile lẹ ndị ile.