Timoti Ibuzọ 2:15 - Ika

¹⁵ Kanị Osolobuẹ jẹnkọ d'e gi oku ọmụmụ nwa zụọpụha ikpoho, ka sị a mẹni wẹ hụ e gi okukwe lẹ ihiẹn-ọsụsụọ e bi, a rị nsọ, e kwọndọn enwẹn wẹ.

Timoti Ibuzọ 2:15 ပူးပေါင်းရင်းမြစ်များ

Taịtọsụ 2:12

Ẹfọma ahụn a kuzi ẹnyi ịjụ obibi rịlẹni mma ẹnya Osolobuẹ lẹ ịjụ ihiẹn-ọlịlẹnya ụwanị; ọ kuzi ẹnyi igi uche e bi lẹ ibi obibi kụrụ ọtọ lẹ ịtụ egun Osolobuẹ — imẹ ụwanị ẹnyi rị,

Pita Ibuzọ 4:7

Ihiẹn ile e d'e bi. E kwọndọn ni nwan enwẹn ụnụ, e dọnrin ẹnya makẹ ọdakin gha a rị ekpere ụnụ.

Timoti Ibuzọ 1:5

I sikọ d'a gwa wẹ akuzizilẹ, kẹni ịhịan hụn ụzọ gi ihiẹn-ọsụsụọ gha obi rị mma pụha e bi, e gi ịhọrị rị mma lẹ okukwe ru akpakalị obi e bi.

Timoti Ibuzọ 2:9

M chọzị nị ikpoho e gi uche e kẹn ekikẹn: w'e yile ihiẹn e mẹ ifẹnrẹn kanị ihiẹn furuni; ẹlẹ ịchọ ntutu mma mọbụ iyi goru mọbụ ihiẹn-mma mọbụ ẹkwa ṅanrannị.

Azaya 9:6

Makẹni a mụgụọnị wẹ ẹnyi nwa, e yegụọ wẹ ẹnyi nwa-okẹnnyẹ; ịya jẹnkọ d'a kị. Wẹ k'a kpọ a Onyẹ-ndụnmọdụn Hụn Pụ-ichẹn, Chuku Hụn wụ Dikẹn, Nẹdi Itẹbitẹ, Eze-Udọn.

Luku 2:7

Ọ nọ mụ nwa ibuzọ a, mụ a okẹnnyẹ. Ọ nọ gi ẹkwa fụma a, bu ẹ dinẹ imẹ ihiẹn anụ gi e ri ihiẹn-oriri — makẹni ebe wẹ k'a nọdị imẹ ụlọ ndị-ijẹn arịa.

Azaya 7:14

Osolobuẹ lẹ enwẹn ẹ jẹnkọ nwan d'a ghọsị ụnụ ahịma: Lee ẹ, nwagbọọ kelẹni marịn okẹnnyẹ jẹnkọ d'a tụrụ imẹ, mụ okẹnnyẹ, a gụn w'a Imanuẹlụ

Jerimaya 31:22

Elee mgbe kẹ y'a danshibehidẹ azụụnnị lẹ azụụnnị, ịyụ, nwata-okpoho ẹnya rịlẹni ụzọ ohu? Kanị Osolobuẹ jẹnkọ d'e ke ihiẹn ọhụn imẹ ụwa: ebe okpoho nọ e lepụ okẹnnyẹ ẹnya.”

Timoti Ibuzọ 1:14

Di-nwọnni-ẹnyi gi ẹka rị mma sọn m, mẹni m omikẹn ọda-ọda, wezi okukwe lẹ ihiẹn-ọsụsụọ rị imẹ Jizọsị ye m ọda-ọda.

Ndị Kọrẹntị Ibuzọ 12:23

Mkpamkpa ẹhụ ndị ahụn ẹnyi e weri ni enwọn wẹ ọghọ kẹ ẹnyi e yedẹ ọghọ pụ-ichẹn; mkpamkpa ndị hụn furulẹni ẹnya e legha kẹ ẹnyi kadẹ ọhụnma e kpumẹ, amamgbe wẹ a hụn wẹ.