Timoti Ibuzọ 1:9 - Ika

⁹ marịn nị ẹlẹ ndị ezi-omumẹ kẹ wẹ tini iwu, kanị ndị-ejẹ lẹ ndị nnupụ-isi; ndị nwọnlẹni ihiẹn wẹ kpọ Osolobuẹ lẹ ndị e mẹ njọ; ndị e lelịa ihiẹn rị nsọ lẹ ndị ghalẹni e ro nke Osolobuẹ; ndị e gbu nẹdi wẹ mọbụ nnẹ wẹ ili lẹ ndị izighẹ;

Timoti Ibuzọ 1:9 ပူးပေါင်းရင်းမြစ်များ

Samuẹlụ Nke Ẹbụọ 16:11

Defidi nọ nwan sị Abishaị lẹ ịhaịmẹ ẹ ile, “Lee n'ẹ, nwa ẹfọ m rị nwan a chọ n'o gbu m, ọrịwụzị onyẹ ebọn Bẹnjamini-ni! Ha n'a ye; ya kpọma — nị Osolobuẹ sị a kpọ.

Ndị-nze Nke Ẹbụọ 19:37

Ụhụọhịn ohu, ebe ọ rị imẹ ụlọ-mmọn Nis'rọkụ hụn wụ mmọn a, a rụa a, ya ụmụ a ikẹnnyẹ ẹbụọ wụ Adramẹlẹki lẹ Sharẹza nọ gi ọpịa-agha gbu ẹ, gbashi alị Araratị. Ya kẹ nwa a wụ Ẹsahadọnụ nọ nọkin ẹnya a, kịma.

Ihiẹn Mẹni Nke Ẹbụọ 32:21

Ya Osolobuẹ nọ zi mmọn-ozi ohu, mmọn-ozi hụ nọ gbuchanrịn ndị-agha ile lẹ ndị-ndu lẹ ndị-isi ile rị ebẹhụ ndị-agha eze ndị Asiria ziẹntọ. Ya Sẹnakẹribụ nọ gi ifẹnrẹn lashi alị a. Ogẹn o gi banye ụlọ-mmọn a d'a rụa a, ụmụ ẹfọ a nọ gi ọpịa-agha gbu ẹ.

Ọpụpụ 20:13

“Egbulẹ ọchụ.

Ọpụpụ 21:14

Kanị omẹni ịhịan e rotọgụ a, kpachanpụ ẹnya gbu ịhịan, ọsụọkwọn'a n'ọ gbaban ukpo nchụn-ẹjan m, ghakwọ nị ebahụn dọkpụnrụn a d'e gbu.

Itẹn 20:20

Onyẹ kpari nẹdi mọbụ nnẹ ẹ, ukpẹ ẹ k'e tinyụnnahịn a imẹ ẹkpa-ishi.

Itẹn 28:17

Onyẹ gbu ọchụn obi rị e gbu mgbu k'a tọ a gba ọsọ ihiẹn hụ o mẹ o we nwụn — onyẹ ọwụlẹ ebuchekwọlẹn'a ọnụ.

Itẹn 28:24

Onyẹ hụn e zun nẹdi ẹ mọbụ nnẹ ẹ ohin, sị, “Ẹlẹ njọ” — lẹ onyẹ e tikpọ ịhịan wụ ohu.

Itẹn 30:11

O nwọnghọ ndị a kpọ nẹdi wẹ iyi, agbọ ghalẹni a gwa nnẹ wẹ oku rị mma.

Itẹn 30:17

“Ẹnya hụn a mụ nẹdi ẹ ẹmụ, e legberi oku nnẹ ẹ, nnụnụ rị ọdanmgbugbu k'a gụpụha a, ụmụ udele e ri ẹ.

Jerimaya 23:11

“Kẹ ndị-amụma kẹ ndị nchụn-ẹjan arịzị a tụ egun Osolobuẹ; m hụzịdẹ a hụn eje-obibi wẹ imẹ ụlọ-nsọ m! Ya kẹ Osolobuẹ ku.

Izikẹlụ 21:25

“Ịyụ, eze Izrẹlụ, eje-ịhịan njọ gbuchanrịngụ k'ị wụ! Ogẹn i e rugụọ! Ụhụọhịn w'e gi ye i afụnfụn e ruchanrịngụọ!

Lẹvitikọsụ 20:9

Onyẹ kpọ nẹdi ẹ mọbụ nnẹ ẹ iyi, wẹ k'e gburịrị a. Ọ kpọgụọ nẹdi ẹ mọbụ nnẹ ẹ iyi, ẹdeke ẹ rị a isi.

Matiu 10:21

“Nwẹnẹ k'e we nwẹnẹ ye wẹ gbu; nẹdi k'e we nwa a ye wẹ gbu; ụmụ k'e bunụmanị ndị mụnị wẹ, mẹ wẹ gbu wẹ.

Ndị Rom 1:30

ndị e kuja oku ịhịan, ndị ize Osolobuẹ e ze; w'a kpari ịhịan, a pache, a nyan isi, e ropụhasọnmẹ eje-ihiẹn, e nupụ isi okpuru ndị mụnị wẹ.

Ndị Rom 4:13

Nkwa Osolobuẹ kwe Ebraham lẹ nwa a nị ụwa ile k'a wụ nke ẹ ẹlẹ ghahanị Iwu kanị ghahanị ezi-omumẹ wẹ gi okukwe e nwọnhẹn.

Ndị Rom 5:20

Iwu Mozizi banhanhụ d'e mẹ ịhịan danwaye iwu. Kanị ebe njọ nọ barahị kẹ ẹfọma Osolobuẹ nọ a karịdẹ ẹka —

Ndị Rom 6:14

Ẹghẹẹ, njọ akịkọ ụnụ, makẹni ụnụ arịzị okpuru iwu, kanị okpuru ẹfọma.

Ndị Galeshịa 3:19

Kị Osolobuẹ webanhannị nwan Iwu? Njọ haịn. O webanhan a n'ọ rụn d'e ru ogẹn nwa ahụn wẹ kwe nkwa hụ e gi bịa. Wẹ gha ẹka ndị mmọn-ozi tumẹ Iwu hụ, we ẹ ye ụkọ ye wẹ.

Ndị Galeshịa 5:18

Kanị, omẹni Mmọn-nsọ rị a kị ụnụ, ya wụ nwan nị ụnụ arịzị okpuru iwu.

Ndị Galeshịa 5:21

iwe-ẹnya, igbu-ọchụn, ịra-manya tụ, eje-mmẹmmẹ lẹ ihiẹn ndị ọzọ nọ ẹrịra. M rị nwan a gba ụnụ mkpịnsịn-ẹka ẹnya kẹ m dọn gba ụnụ ya mbụ, nị ndị hụn e mẹ ihiẹn nọ ẹrịra abankọ Alị-eze Osolobuẹ.

Ndị Galeshịa 5:23

imẹ-jụụ, ikwọndọn-enwẹn ịhịan. Onyẹ e mẹ ihiẹn ndịnị adannị iwu ọwụlẹ.

Ditrọnọmi 27:16

“Ịbụ-ọnụ ya rịnị onyẹ ghalẹni a gbaye nẹdi ẹ mọbụ nnẹ ẹ.” Wẹ kugụ a, ịhịan ile sị, “Isẹẹ!”

Ndị Tẹsalonika Nke Ẹbụọ 2:8

Ogẹn hụ, Eje-ịhịan hụ a pụha. Di-nwọnni-ẹnyi wụ Jizọsị k'e gi uzun k'a gha a ọnụ pụha lẹ ọghọ Di-nwọnni-ẹnyi k'e gi bịa, gbu Eje-ịhịan hụ la iwi.

Timoti Ibuzọ 4:7

Latọ ilu ndị ahụn ndị marịnlẹni ihiẹn gi e dọn hụn ghalẹni a kwadọn ihiẹn Osolobuẹ. Ka gi ihiẹn Osolobuẹ a zụn enwẹn i.

Timoti Ibuzọ 6:20

Euu, Timoti, kwọnkẹnmẹkwọ ihiẹn wẹ buche i ẹka; latọkwọ oku ndị ahụn nwọnlẹni erere ọ bannị ihiẹn Osolobuẹ lẹ oku zulẹni oke wẹ rị a kpọ, “Amamihiẹn” bụ ẹlẹ ya.

Timoti Nke Ẹbụọ 2:16

Latọ oku nwọnlẹni-isi ghalẹni e yeni ịhịan ẹka e fe Osolobuẹ, makẹni o mẹ ịhịan a latọkẹnmẹ ihiẹn Osolobuẹ.

Timoti Nke Ẹbụọ 3:2

Makẹni, ịhịan k'a wụ ndị enwẹn wẹ a sụọ, ndị egho a sụọ, ndị a nyan isi, ndị mpache, ndị mkpari, ndị e nupụ isi okpuru ndị mụnị wẹ, ndị ọhụnma-ogodan, ndị nwọnlẹni ihiẹn rị nsọ ẹnya wẹ.

Taịtọsụ 1:10

Makẹni ndị rị e nupụ isi lẹ ndị rị e ku mpụ lẹ ndị-ndufie bu ọda, tụmadụ ndị ahụn e mẹ oku ịkwa-ugun.

Taịtọsụ 1:16

Wẹ sị n'a marịnghọ wẹ Osolobuẹ, kanị wẹ e gi ihiẹn w'e mẹ a ghọsị n'a marịn w'a. Wẹ wụ ihiẹn-izize; wẹ a gba isi-akwanran; w'a ra saẹka mẹ ihiẹn ọwụlẹ rị mma.

Taịtọsụ 1:6

Onyẹ-isi ụka k'a wụrịrị onyẹ nwọnlẹni nkọrịanị, onyẹ nwọn nwunyẹ ohu sụọ; onyẹ hụn ụmụ a wụzị ndị kwerini lẹ ndị wẹ gilẹni eje-obibi mọbụ ịgba isi-akwanran marịn.

Taịtọsụ 3:3

Makẹni, ẹnyi nwẹn te wụzị ndị-nzuzu, ndị nnupụ-isi lẹ ndị wẹ dufie; eje-ihiẹn a gụnnị ẹnyi lẹ ihiẹn ichẹn-ichẹn a sụọnị e te kịzịghọ ẹnyi kẹ igbọn. Ẹnyi te e mẹ ibe ẹnyi eje-ihiẹn, e we iwe-ẹnya, ize ẹnyi hụ e ze ịhịan, ize ibe ẹnyi hụ e ze ẹnyi.

Hibru 11:31

Okukwe kẹ ịgbaraja wụ Rehabụ gilẹni sọn ndị nupụ isi la ntikpọ, makẹni ọ nabanhanghọ ndị Izrẹlụ gi nzuzue bịa d'e lele alị wẹ.

Hibru 12:16

Hụnzịkwọ n'a n'o nwọnni onyẹ rị a ghẹrẹni, mọbụ onyẹ nọkẹ Isọ nwọnlẹni ihiẹn ọ kpọ ihiẹn rị nsọ, nwa-ibuzọ gi afẹrẹ ihiẹn-oriri ohu ghatarị ukuu nwa-ibuzọ hụn te k'e ru ẹ ẹka.

Pita Ibuzọ 2:7

Ya wụ, ọmụma ahụn rị ụnụ nwẹn kwerini mkpa ọda-ọda; kanị nke ndị hụn kwerilẹni — “Ọmụma ndị rị a tụn ụlọ jụ, a wụrụọlẹ hụn gi ụlọ!”

Pita Ibuzọ 3:20

ndị hụn gilẹni oku-Chuku wẹ gwa wẹ dọn ogẹn mbụ, ogẹn mbụ ahụn Osolobuẹ gi rị e din ndidin e che; ogẹn hụ Nụa gi rị a tụn ụgbọ-mirin hụ pụ-ichẹn, hụn wẹ gi zụọpụha ndị bulẹni ọda — madụ ẹsatọ kẹ wẹ zụọpụha, wepụha imẹ mirin ahụn.

Pita Ibuzọ 4:18

Ọzọzị, “Omẹni nzụọpụha fụ ndị ezi-omumẹ ọrụn, kị k'e mẹ ndị ghalẹni e fe Osolobuẹ lẹ ndị-njọ?”

Judu 1:15

Ọ lala d'e kin ịhịan ile ikpe, d'a ma wẹ ile ikpe — ikpe eje-ihiẹn ile wẹ gi eje-agụngụn wẹ mẹ lẹ eje-oku ile jọgbu enwẹn ẹ, hụn ndị-njọ ghalẹni a gbaye Osolobuẹ gi kuja oku ẹ!”

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.