Timoti Ibuzọ 1:5 - Ika

⁵ I sikọ d'a gwa wẹ akuzizilẹ, kẹni ịhịan hụn ụzọ gi ihiẹn-ọsụsụọ gha obi rị mma pụha e bi, e gi ịhọrị rị mma lẹ okukwe ru akpakalị obi e bi.

Timoti Ibuzọ 1:5 ပူးပေါင်းရင်းမြစ်များ

Ẹbụ-ọma 24:4

Onyẹ ẹka a lẹ obi ẹ rị ọchan, hụn ghalẹni e we enwẹn ẹ a kwanị mmọn mọbụ e kun ẹfan Osolobuẹ a tụ ntụ.

Ẹbụ-ọma 51:10

Dodo Osolobuẹ, ke obi rị ọchan ye imẹ m, y'e yezi m obi m gi a s'ẹka e turu.

Jerimaya 4:14

Heuu ndị Jerusalẹm, chanchanpụ nị eje-ihiẹn rị ụnụ obi, kẹni Osolobuẹ zụọpụha ụnụ. Ele mgbe kẹ ụnụ k'e robehi eje-ihiẹn imẹ obi ụnụ?

Zẹfanaya 3:7

M te nọ sị enwẹn m, ‘Obodoni sikọ d'a gbaye m nụ; wẹ jẹnkọ d'a nụ ihiẹn, amamgbe m'e tikpọ a otikpọnị ile m ku,’ kanị wẹ nọ mẹsọnmẹ arụ wẹ rị e mẹ.

Matiu 12:35

Ezigbo ịhịan a gha ihiẹn rị mma o butọ e wepụha ihiẹn rị mma, kanị eje-ịhịan a gha eje-ihiẹn o butọ e wepụha eje-ihiẹn.

Matiu 5:8

Ngọzi wụ nke ndị obi wẹ rị ọchan, makẹni wẹ sikọ d'a hụn Osolobuẹ.

Ọrụn Ndị-ozi 15:9

Onwọnni ihiẹn ọ sị n'ọ rị ichẹn ẹgbata ẹnyi lẹ wẹ, makẹni o gigụọ okukwe chanchan obi wẹ.

Ọrụn Ndị-ozi 23:1

Pọlụ nọ bu ẹnya tụma Ndị-isi Nkịkwama hụ, sị, “Umunẹ m, e giọlẹ m obi rị ọchan bi elu m idẹnya Osolobuẹ d'e ru tannị.”

Ọrụn Ndị-ozi 24:16

Ufiri ẹ kẹ m gi a lịlịma ogẹn ile, kẹni m hụn a nị obi m rị ọchan ebe Osolobuẹ lẹ ịhịan rị.

Ndị Rom 10:4

Makẹni ẹka Kraịstị kẹ Iwu nọ bi, kẹni Osolobuẹ hụn ụzọ kpọ ndị ile sikọ d'e kwerini Kraịstị ndị ezi-omumẹ.

Ndị Rom 12:9

E nwọnni ihiẹn-ọsụsụọ gha akpakalị obi pụha. A jụ nị eje-ihiẹn; e kwọnkẹnmẹ ni ihiẹn rị mma.

Ndị Rom 14:15

K'osilẹrị, omẹni ihiẹn y'e ri rị e ye nwẹnẹ i nsọngbu, ya wụ nị y'a rịzị e gi ihiẹn-ọsụsụọ e bi. Egikwọlẹ ihiẹn-oriri y'e ri tikpọ onyẹ Kraịstị nwụnnị ọnwụn!

Ndị Rom 9:1

M rị e ku ezioku idẹnya Kraịstị, arị m a tụ ntụ, ịhọrị m rị a ghọnị m idẹnya Mmọn-nsọ nị arị m a tụ ntụ, nị

Ndị Kọrẹntị Ibuzọ 13:1

Omẹni m'a sụ asụsụ ile, kẹ asụsụ ịhịan kẹ asụsụ ndị mmọn-ozi, bụ e nwọn m ihiẹn-ọsụsụọ, m wụhụ ẹgogo mọbụ okpokoro ogbogoro rị a zụn ụzụn!

Ndị Kọrẹntị Nke Ẹbụọ 1:12

Ihiẹn ẹnyi gi a nyan isi wụ ọnwan: nị ịhọrị ẹnyi rị a shịanị ẹnyi ẹri nị ẹnyi gi obi rị ọchan lẹ ezioku Osolobuẹ bi obibi ẹnyi imẹ ụwa, tụmadụ ẹgbata ẹnyi lẹ ụnụ; nị ẹnyi egini amamihiẹn ụwa bi, kanị eyemẹka Osolobuẹ.

Ndị Galeshịa 5:22

Kanị, mkpụrụ Mmọn-nsọ a mịpụha wụ: ihiẹn-ọsụsụọ, ịghọghọ, udọn, ndidin, ẹfọma, imẹ-mma, ịwụ onyẹ wẹ gi e dọn ẹnya,

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Ditrọnọmi 10:12

Euu ndị Izrẹlụ, kị Osolobuẹ wụ Chuku ụnụ chọ nwan ẹka ụnụ karị ịtụ-egun Osolobuẹ, isọn ụzọ a ile, inwọn ihiẹn-ọsụsụọ a, igi obi i ile lẹ umẹ-ndụn i ile e fe Osolobuẹ wụ Chuku i,

Timoti Ibuzọ 1:18

Timoti nwa m, m rị e ye i iwu ndịnị makẹ amụma ndị hụ wẹ bu banyen'i ogẹn mbụ, kẹni ị saẹka gi wẹ lụ ọgụn ahụn rị mma,

Timoti Ibuzọ 1:19

e kwọnkẹnmẹ okukwe lẹ idọnmẹ obi ọchan. O nwọngụọ ndị latọ idọnmẹ obi wẹ ọchan, gi ẹ sụkpọpụ okukwe wẹ.

Timoti Ibuzọ 3:9

Wẹ k'a wụrịrị ndị e kwọnkẹnmẹ ihiẹn-omimi rị ofufe Kraịstị, ndị e dọnmẹ obi wẹ ọchan.

Timoti Nke Ẹbụọ 1:3

M hụ a kpanmịn Osolobuẹ m gha a nyanhan ị ogẹn ile m gi e mẹ ekpere uhinhin lẹ efinnaị, Osolobuẹ hụn hụn m rị e dọnmẹ obi m ọchan e fe kẹ ndị nẹdi m dọn mẹ.

Timoti Nke Ẹbụọ 1:5

M hụ a nyanhan okukwe i hụn gha akpakalị obi i pụha; okukwe ohu hụ bu ụzọ rị imẹ nnẹ i kanị wụ Lọịsị lẹ nnẹ i wụ Yunisi, hụn m marịn n'ọ rịzịkwọ nwan imẹ i.

Timoti Nke Ẹbụọ 2:22

Jụchanrịn ihiẹn a la ikorọbịa lẹ ịgbagba ẹnya; chụma ezi-omumẹ, okukwe, ihiẹn-ọsụsụọ lẹ udọn, e sọn ndị gi obi rị ọchan a kpọku Di-nwọnni-ẹnyi.

Taịtọsụ 1:15

Ẹnya ndị obi wẹ rị ọchan, ihiẹn ile rị ọchan, kanị ẹnya ndị rụnị lẹ ndị gilẹni oku Osolobuẹ dọn, ihiẹn ile rụ arụ — kẹ uche wẹ kẹ ịhọrị wẹ rụzịdẹ arụ.

Hibru 10:22

Nị ẹnyi gichanrịn ni nwan obi ẹnyi lẹ okukwe obi ẹbụọ rịlẹni buruhẹ Osolobuẹ, ẹnyi lẹ obi o fepụgụ ihiẹn ile obi gi e gbu ẹnyi mgbu, lẹ ẹhụ o gi mirin nwunni wụchanpụ.

Hibru 13:18

E mẹni ni ẹnyi ekpere, makẹni ẹnyi a marịnghọ nị obi ẹnyi rị ọchan lẹni ẹnyi achọnị nị ẹnyi mẹ ihiẹn ọwụlẹ ẹnyi e gi fa Osolobuẹ.

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.

Jemisi 4:8

Nọkunmẹ ni Osolobuẹ kẹni Osolobuẹ nọkunmẹ ụnụ. Kwọpụ nị ẹka ụnụ, ndị njọ! Chanchanpụ nị obi ụnụ, ndị obi-ẹbụọ!

Pita Ibuzọ 1:22

Ebe o mẹ ni ụnụ a chanchangụọ nwan obi ụnụ ghahanị ịgbaye ezioku Osolobuẹ, ụnụ sikọ d'a saẹka e nwọn ezigbo ihiẹn-ọsụsụọ ibe ụnụ. E gi ni nwan obi ụnụ ile, obi rị ọchan, e nwọn ihiẹn-ọsụsụọ ibe ụnụ —

Pita Ibuzọ 3:16

Ka e gi ni nwayọ lẹ mgbaye e mẹ ẹ. E dọnmẹ ni obi ụnụ ọchan, kẹni ifẹnrẹn mẹ ndị hụn e kuja ihiẹn rị mma ụnụ rị e mẹ imẹ Kraịstị.

Pita Ibuzọ 3:21

Wẹ gi ọnwan gwatọ ẹnyi kẹ mirin-Chuku dọn nwan a zụọpụha ịhịan kikẹnni: ẹlẹ wẹ rị e gi mirin-Chuku a wụpụ unyin rị ịhịan ẹhụ, kama, ịhịan gi ẹ a ghọsị Osolobuẹ n'o gi obi ẹ ile bịa d'e kunrun ẹ, ghahanị olihi Jesu Kristi gha ọnwụn lihi.

Pita Ibuzọ 4:8

Hụn kachanrịn mkpa, e nwọn ni ihiẹn-ọsụsụọ ibe ụnụ ọda-ọda, makẹni ihiẹn-ọsụsụọ e kpumẹ njọ bu ọda.

Pita Nke Ẹbụọ 1:7

We ni obi-nwẹnẹ e cheni ibini Osolobuẹ. E nwọnzi ni ihiẹn-ọsụsụọ nwọnlẹni ihiẹn o tu e cheni obi-nwẹnẹ.

Jọnụ Ibuzọ 3:10

Ọnwan kẹ wẹ gi a marịn ndị wụ ụmụ Osolobuẹ lẹ ndị wụ ụmụ Ekwensụ: onyẹ ọwụlẹ ghalẹni e mẹ ihiẹn rị mma mọbụ onyẹ ihiẹn ibe ẹ ghalẹni a sụọ ẹlẹ nwa Osolobuẹ.

Jọnụ Ibuzọ 3:23

Ọnwan wụ iwu ẹ: nị ẹnyi k'e kweri ni ẹfan Nwa a wụ Jesu Kristi lẹ ni ẹnyi k'e nwọn ihiẹn-ọsụsụọ ibe ẹnyi — nọkẹ k'o dọn gwa ẹnyi.

Jọnụ Ibuzọ 3:3

Ndị ile nwọn olilẹnyanị imẹ obi wẹ e dọnmẹ enwẹn wẹ ọchan kẹ ya lẹ enwẹn ẹ dọn rị ọchan.