Timoti Ibuzọ 1:19 - Ika

¹⁹ e kwọnkẹnmẹ okukwe lẹ idọnmẹ obi ọchan. O nwọngụọ ndị latọ idọnmẹ obi wẹ ọchan, gi ẹ sụkpọpụ okukwe wẹ.

Timoti Ibuzọ 1:19 ပူးပေါင်းရင်းမြစ်များ

Matiu 6:27

Imẹ ụnụ ile, onyẹ k'a saẹka gi uhue tọ mgbahunmẹ ọkụrọkụ ohu cheni hụn nkẹ ọ tọ?

Ndị Kọrẹntị Ibuzọ 11:19

W'a rụ ụka a, nghọta rị ichẹn-ichẹn hụn wẹ gi a marịn ndị rị e mẹ ihiẹn Osolobuẹ chọ k'a rị imẹ igunrun ụnụ.

Ndị Galeshịa 5:4

Onyẹ ọwụlẹ rị e dọnmẹ Iwu n'o gi ẹ wụrụ onyẹ ezi-omumẹ ẹnya Osolobuẹ a ghagụọ imẹ Kraịstị pụ; ọ ghagụọkwọ imẹ ẹfọma Osolobuẹ mẹ danpụ.

Timoti Ibuzọ 1:5

I sikọ d'a gwa wẹ akuzizilẹ, kẹni ịhịan hụn ụzọ gi ihiẹn-ọsụsụọ gha obi rị mma pụha e bi, e gi ịhọrị rị mma lẹ okukwe ru akpakalị obi e bi.

Timoti Ibuzọ 3:9

Wẹ k'a wụrịrị ndị e kwọnkẹnmẹ ihiẹn-omimi rị ofufe Kraịstị, ndị e dọnmẹ obi wẹ ọchan.

Timoti Ibuzọ 6:12

Lụ ezigbo ọgụn ahụn okukwe ẹnyi chọ; kwọnkẹnmẹ ndụn itẹbitẹ hụn Osolobuẹ gi ufiri ẹ kpọ ị, hụn i gizi ufiri ẹ nọ idẹnya ndị bu ọda ku ẹ n'i kwerichanrịnnị Jizọsị.

Timoti Ibuzọ 6:21

Makẹni, o nwọngụọ ndị latọ ofufe-Kraịstị ebe wẹ rị e sọn ya wụ ihiẹn. Ẹfọma Osolobuẹ ya rịnị ụnụ ile.

Timoti Ibuzọ 6:9

Ndị rị a chọ nị wẹ hi ọdanfịn a danban ọnwụnwan lẹ ọnyan lẹ ẹgụn rị ichẹn-ichẹn nwọnlẹni isi a rụ ịhịan ẹhụ, e wiwi ịhịan, e tikpọ a.

Timoti Nke Ẹbụọ 2:18

Madụ ẹbụọnị a ghaọlẹ imẹ ezioku kpapụ: wẹ rị a sị nị Osolobuẹ e weligụọlẹ ndị nwụnnị. Wẹ rị e gi ihiẹnni e wiwi okukwe ụfọdụ ndị kwerini.

Timoti Nke Ẹbụọ 4:4

Wẹ k'a gbakitọ ezioku azụụn, sọnmẹ ilu.

Taịtọsụ 1:9

O k'a marịnrịrị ẹnya nkuzi ahụn furu w'a tụkwasị obi hụn rị okukwe ẹnyi, kẹni ọ saẹka gi nkuzi zu oke a gba ndị ọzọ umẹ, e gizi ẹ a ghọsị ndị hụn a papụ nkuzi ahụn nị wẹ rị e mẹfie.

Hibru 3:14

Makẹni ẹnyi lẹ Kraịstị k'a rịsọnmẹ omẹni ẹnyi e kwọnkẹnmẹ ẹka ahụn ẹnyi gi bidọn d'e ru njẹndemẹ.

Jọnụ Ibuzọ 2:19

Ezioku rọ nị imẹ igunrun ẹnyi kẹ ndịnị gha pụ, kanị, ẹlẹ wẹ ndị nke ẹnyi. Makẹni, omẹni wẹ wụ ndị nke ẹnyi, nkẹ e sọn wẹ ẹnyi nọdị. Kanị, ọpụpụ wẹ pụ imẹ igunrun ẹnyi k'o gi wechanrịn ẹnya nị ẹlẹ wẹ ndị nke ẹnyi.

Rẹvẹleshọnụ 3:10

Makẹni y'e dingbuọlẹ ihiẹn ile kẹ m dọn gwa ị, anịkọ m afụnfụn lalanị wẹ jẹnkọ d'e gi lele ndị ile rị elu ụwa ru i ẹhụ.

Rẹvẹleshọnụ 3:3

Nyanhan nwan ihiẹn wẹ kuzi i lẹ ihiẹn i nụ; mẹ ẹ, bihutọ ẹka. Omẹni y'e tẹnhinni, m k'a bịa d'e kunrun i idẹnmizi kẹ ohin, y'a marịnkọ ogẹn m'e gi banhan!

Rẹvẹleshọnụ 3:8

“A marịnghọ m ihiẹn ị rị e mẹ. Lee ẹ, a gụnpụgụọnị m'ị ụzọ hụn o mẹ ni onwọnni onyẹ k'a saẹka gụnman'a, makẹni, ọsụọn'a nị y'e nwọnkẹni ndụn, ị hụkwọ e mẹ ihiẹn m ku, y'a zabehini ẹfan m.