Timoti Ibuzọ 1:17 - Ika

¹⁷ Eze Itẹbitẹ kẹ Osolobuẹ wụ! Eze ghalẹni a nwụn! Onyẹ wẹ ghalẹni e legha ẹnya! Chuku ohu sụọ rịnị! Mgbaye lẹ ọjịja-mma ya rịn'a jẹnrin ejẹn! Isẹẹ!

Timoti Ibuzọ 1:17 ပူးပေါင်းရင်းမြစ်များ

Ihiẹn Mẹni Nke Ibuzọ 29:11

Ịyụ kachanrịn, ikẹn wụzịkwọ nke i; ọghọ lẹ ikpẹn lẹ mgbaye wụchanrịn nke i — makẹni ihiẹn ile rị igwere lẹ ụwa wụ nke i. Alị eze wụ nke i, Osolobuẹ; ịyụ ka ihiẹn ile.

Nehemiah 9:5

Ya ndị Livaị wụ Jeshụa lẹ Kad'miẹlụ lẹ Bani lẹ Hashab'neya lẹ Shẹrẹbịa lẹ Hodia lẹ Shẹbania lẹ Pẹtahia nọ hị: “Lihi ni ja Osolobuẹ wụ Chuku ụnụ mma, Onyẹ hụn nwọnlẹni mbidọn mọbụ ọgụgụ!” “Ịja-mma ya rịnị ẹfan ị hụn nwọn ọghọ; wẹ ye ẹfan ị ọghọ hụn karị ekele ile lẹ ịja-mma ile.

Ẹbụ-ọma 10:16

Osolobuẹ wụ Eze jẹnrin-ejẹn; ndị alị ọzọ rị alị a k'a lachanrịn iwi!

Ẹbụ-ọma 106:48

Ịja-mma ya rịnị Osolobuẹ wụ Chuku Izrẹlụ ya rịn'a jẹnrin ejẹn, jẹnrin ejẹn! Ịhịan ile wẹ sị, “Isẹẹ!” Ja nị Osolobuẹ mma!

Ẹbụ-ọma 145:13

Alị-eze i agụkọ; ọkịkị ị k'a tọ gha agbọ pụ agbọ. Osolobuẹ e mẹzuchanrịn nkwa a ile; o nwọn ihiẹn-ọsụsụọ ihiẹn ile o ke.

Ẹbụ-ọma 41:13

Ọjịja-mma ya rịnị Osolobuẹ, Chuku Izrẹlụ! Ya rịn'a jẹnrin ejẹn! Isẹẹ! Isẹẹ!

Ẹbụ-ọma 45:1

Obi rị a sụọ m ụsụọ, yeni ihiẹn rị mma m chọ nị m ku. Eze kẹ m rị a gwa; ire m wụ ukeke (pẹni) akanwe marịn ọrụn!

Ẹbụ-ọma 45:6

Chuku, ukpo i k'a rị jẹnrin ejẹn; ọkpọ ọkịkị kụrụ ọtọ k'i gi a kị alị-eze i;

Ẹbụ-ọma 57:11

Ọghọ ị ya pụha elu-igwere; ọghọ ị ya pụhazị elu-ụwa ile!

Ẹbụ-ọma 90:2

N'i d'e ke ugu ọwụlẹ, n'i d'e ke ụwa lẹ ndị rịn'a, ịyụ wụ Chuku; ị wụ Chuku ẹdẹi; ịyụ wụzịkwọ Chuku jẹnrin-ejẹn.

Jerimaya 10:10

Kanị, Osolobuẹ wụ Chuku nke-esi; ịya wụ Chuku hụn rị ndụn, Eze itẹbitẹ. O bumẹ olulu, elu-ụwa e mẹhunmẹ — onwọnni alị isi wẹ k'a saẹka che ọnụma a.

Daniẹlụ 2:44

“Ogẹn ndị-nze ndịnị k'e gi rị a kị, Chuku hụn rị elu-igwee k'e pumẹ alị-eze hụn wẹ jẹnkọlẹni d'e tikpọ mọbụ latọnị ndị ọzọ. O k'e tipịpịa alị-eze ndị hụ ile — arịkọzị wẹ; kanị ya nwẹn sikọ d'a rị jẹnrin ejẹn.

Daniẹlụ 4:34

Ogẹn hụ e zugụ, mmẹ wụ Nebukadineza nọ bu ẹnya zinmẹ elu-igwee, ẹnya nọ dọn m. M nọ ja Onyẹ Hụ kachanrịnnị mma; a gbaye m onyẹ hụ rị ndụn jẹnrin ejẹn, ye ẹ ọghọ. Ọkịkị a wụ ọkịkị itẹbitẹ; alị-eze ẹ k'a rị agbọ ile.

Daniẹlụ 4:37

Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.

Daniẹlụ 7:14

Wẹ nọ ye ẹ ikẹn lẹ ọghọ lẹ ọkịkị hụn ihiẹn ile gi a rị okpuru ẹ; ndị ile rị ichẹn-ichẹn, ndị alị ile lẹ asụsụ ile hụ e fe ẹ. Ọkịkị a wụ ọkịkị jẹnrin ejẹn hụn jẹnkọlẹni d'a gụ. Alị-eze ẹ wụ hụn wẹ jẹnkọlẹni d'e tikpọ.

Maịka 5:2

Kanị, ịyụ, Bẹt'lẹhẹm Ẹfrata, hụn nwọnlẹni ihiẹn ọ wụ imẹ ebọn ndị rị Juda, imẹ i kẹ onyẹ-ọkịkị a gha pụhanị m, d'a kị ndị Izrẹlụ, Onyẹ hụn rị ẹdẹi, rị kete-kete.

Malakaị 1:14

“Ọ rịkọnị onyẹ-ntụ hụ mma, onyẹ hụn nwọn ebulu rị mma imẹ anụ a, kwe nkwa nị ịya k'o k'a chụnyeni Osolobuẹ, kanị ogẹn ru ọ chụnyen'ẹ hụn ẹhụ a zulẹni! Makẹni, okẹn Eze w'a gbaye ẹfan a imẹ alị ndị ọzọ kẹ m wụ. Ya kẹ Osolobuẹ ihiẹn ile rị okpuru ẹ ku.”

Matiu 25:34

“Ogẹn hụ, Eze wụ Nwa nke Ịhịan, jẹnkọ d'a sị ndị hụ rị a ẹka-nni, ‘Bịa nị, ndị Nẹdi m gọzi, weri ni Alị-eze hụ wẹ kwademẹni ụnụ kete wẹ gbelẹ iyetọ ụwa.

Matiu 28:20

Kuzi ni wẹ, nị wẹ e mẹ ihiẹn ile m sị ụnụ mẹ. Eziẹ, m nọyeni ụnụ ogẹn ile d'e ru ọgụgụ-ogẹn.”

Matiu 6:13

Edulẹ ẹnyi ye imẹ ọnwụnwan, ka gbapụha ẹnyi imẹ eje-ihiẹn.’

Jọnụ 1:18

Onwọnni onyẹ hụntu Osolobuẹ, kanị akpụ Nwa ohu ọ mụ sụọ, hụn wụ Osolobuẹ, hụn ya lẹ Nẹdi ẹ rị, e mẹgụọ ẹnyi marịn Osolobuẹ.

Jọnụ 5:44

Nanị nkẹ ụnụ a dọndẹ nwan kweri? Ụnụ hụn a narịn ọjịja-mma ẹka ibe ụnụ, kanị ụnụ ara lịlịma nị Onyẹ hụ ya sụọ wụ Osolobuẹ ja ụnụ mma.

Ndị Rom 1:20

Ebe o mẹ ni kete Osolobuẹ kelẹ ụwa, ihiẹn ile wẹ ghalẹni e legha banyeni Osolobuẹ pụhachanrịn ifọn, kẹ ikẹn-itẹbitẹ ẹ kẹ ihiẹn o gi wụrụ Osolobuẹ; makẹni w'e gi ihiẹn o ke a ghọta wẹ. Onwọnzini nwan ihiẹn wẹ k'e kin!

Ndị Rom 1:23

hụn nkẹ w'e gi fe Osolobuẹ ghalẹni a nwụn, e fesọnmẹ wẹ mmọn wẹ kpụ — kẹ ndị yi ịhịan mmaka a nwụnnị kẹ ndị yisọnmẹ anụ nwọn ụkụ ẹnọ lẹ nnụnụ lẹ ihiẹn ndị a rịnị!

Ndị Rom 11:36

Ẹghẹẹ! Makẹni, ẹka a kẹ ihiẹn ile gha a bịa; ẹka a kẹ ihiẹn ile gha a rị; ihiẹn ile a rịzịkwọ n'a. Ịja-mma ya rịn'a jẹnrin ejẹn! Isẹẹ.

Ndị Rom 16:27

Ẹghẹẹ, ịja-mma ya rịnị Osolobuẹ hụn ya sụọ marịn ihiẹn ile! Ya rịn'a jẹnrin ejẹn ghahanị Jizọs Kraịstị! Isẹẹ.

Ndị Rom 2:10

Kanị Osolobuẹ k'e we ọghọ lẹ ikpẹn lẹ udọn ye ndị ile e mẹ ihiẹn rị mma, ndị Ju wụ ibuzọ, o sọn ndị wụlẹni ndị Ju.

Ndị Rom 2:7

Nke ndị e mẹsọnmẹ mma makẹni wẹ rị a chọ nị Osolobuẹ ye wẹ ọghọ lẹ mgbaye lẹ ndụn nwọnlẹni ọgụgụ, Osolobuẹ k'e gi ndụn itẹbitẹ kụ wẹ ụgwọ.

Ndị Kolosị 1:15

Ẹnya hụn Nwa a nị wụ Kraịstị a hụngụọ Osolobuẹ wẹ ghalẹni e legha; Kraịstị wụzịkwọ Nwa-ibuzọ, Onyẹ-isi hụn ihiẹn ile wẹ ke rị okpuru ẹ.

Hibru 11:27

Okukwe k'o gi gha Ijiptu pụ, o gini egun ihiẹn Fẹro k'e mẹ ẹ nọdị, kama, o dinsọnmẹ ndidin nọkẹ sị ọ rị e legha Onyẹ ahụn wẹ ghalẹni e legha.

Hibru 2:7

Y'e mẹọlẹ ndị mmọn-ozi karị a ẹkẹrẹ ogẹn; y'e mẹgụọ ọghọ lẹ mgbaye jun ẹ ẹhụ,

Pita Ibuzọ 5:11

Ikẹn ile wụ nke ẹ jẹnrin ejẹn! Isẹẹ.

Pita Nke Ẹbụọ 3:18

Kama, gi ni ẹfọma Jesu Kristi wụ Di-nwọnni-ẹnyi lẹ Onyẹ-nzụọpụha ẹnyi e suewaye imẹ okukwe; a marịnwayezi ni Di-nwọnni-ẹnyi. Ọghọ ya rịn'a ogẹnni, rịzịkwọn'a jẹnrin ejẹn, d'e ru ụhụọhịn ikpanzụụn! Isẹẹ.

Jọnụ Ibuzọ 4:12

Onwọntuni onyẹ gi ẹnya a hụn Osolobuẹ, kanị omẹni ẹnyi nwọn ihiẹn-ọsụsụọ ibe ẹnyi, ya wụ nị Osolobuẹ bi imẹ ẹnyi, ihiẹn-ọsụsụọ a zuzikwọ oke imẹ ẹnyi.

Judu 1:25

Onyẹ ahụn ịya sụọ wụ Chuku, Onyẹ nzụọpụha ẹnyi, ọjịja-mma ya rịn'a ghahanị Jizọs Kraịstị Di-nwọnni-ẹnyi — ọjịja-mma lẹ ikpẹn lẹ ikẹn lẹ ọkịkị ya rịn'a: k'ọ rịn'a nị ogẹn d'e bidọn, ya rịn'a kikẹnni, rịn'a jẹnrin ejẹn! Isẹẹ.

Rẹvẹleshọnụ 15:3

Wẹ hụ a bụ ẹbụ odibo Osolobuẹ wụ Mozizi lẹ ẹbụ Nwa-ebulu hụ: “Euu Chuku-nwọnni ẹnyi hụn nwọn ikẹn ile! Y'e mẹkẹ okẹn ihiẹn lẹ ihiẹn a tụ ẹnya! Euu, Eze alị ile! Ezioku lẹ ẹka furuni k'i gi e mẹ ihiẹn i.

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 19:1

Ọhụn e mẹgụ, m nọ nụ olu ihiẹn nọ kẹ igunrun hi-ogbe imẹ elu-igwee, wẹ hụ e yi, “Ịja-mma ya rịnị Osolobuẹ! Nzụọpụha lẹ ọghọ lẹ ikẹn wụ nke Osolobuẹ ẹnyi,

Rẹvẹleshọnụ 19:16

Nzere wẹ deye elu ẹwuru ẹ lẹ ọgbọdọgbọ a wụ, “Eze ndị-nze lẹ Nna ndị wụ nna.”

Rẹvẹleshọnụ 19:6

Ya m nọ nụ okẹn olu hụn nọ kẹ olu igunrun hi-ogbe, nọkẹ nke okẹn mirin rị e huni, okẹn akpara, ọ hụ a sị, “Ịja-mma ya rịnị Osolobuẹ — makẹni Di-nwọnni-ẹnyi wụ Osolobuẹ ẹnyi, onyẹ hụn nwọn ikẹn ile, rị a kị!

Rẹvẹleshọnụ 7:12

a bụ ẹbụnị: “Isẹẹ! Ịja-mma lẹ ọghọ lẹ amamihiẹn lẹ ekele lẹ mgbaye lẹ ikẹn lẹ akwanran wụ nke Chuku ẹnyi jẹnrin ejẹn! Isẹẹ!”