Timoti Ibuzọ 1:14 - Ika

¹⁴ Di-nwọnni-ẹnyi gi ẹka rị mma sọn m, mẹni m omikẹn ọda-ọda, wezi okukwe lẹ ihiẹn-ọsụsụọ rị imẹ Jizọsị ye m ọda-ọda.

Timoti Ibuzọ 1:14 ပူးပေါင်းရင်းမြစ်များ

Ọpụpụ 34:6

Ọ ghafe ihun Mozizi, a sị, “Mmẹ wụ Osolobuẹ; mmẹ wụ Osolobuẹ — Chuku omikẹn lẹ ẹfọma, hụn ghalẹni e bukẹnrin olulu; hụn e nwọn ihiẹn-ọsụsụọ ọda-ọda, e mẹsọnmẹ ihiẹn run'ẹ,

Matiu 20:9

Ogẹn ndị ikpanzụụn hụ gha ọkụrọkụ isẹn anwụn rọmagụ rụnma gi bịa, ọ nọ kụ onyẹ-onyẹ egho-ọrụn akpọhịn.

Ọrụn Ndị-ozi 15:11

Pita nọzị sị, “Mba! Ẹnyi kweri nị ẹfọma Onyẹ-nwọnni-ẹnyi wụ Jesu ahụn ẹnyi gha nwọn nzụọpụha kẹ wẹ nwẹn ghazị nwọn.”

Ndị Rom 16:20

O biekọ Osolobuẹ hụn e ye udọn a zọkpụkpọ Ekwensụ ye okpuru ụkụ ụnụ. Ẹfọma Di-nwọnni-ẹnyi wụ Jizọsị ya ru ụnụ ile ẹka.

Ndị Kọrẹntị Ibuzọ 15:10

Kanị, m wụ nwan ihiẹn m wụ ghahanị ẹfọma Osolobuẹ; bụ ẹfọma hụ o mẹni m alanị nwan iwi. Kaka! Mmẹ rụnkarịdẹ wẹ ile. Kanị, ẹlẹ mmẹ rụn a, ẹka Osolobuẹ hụn rị imẹ ndụn m rụn a.

Ndị Kọrẹntị Ibuzọ 3:10

Ghahanị ikẹn Osolobuẹ ye m, e gbegụọ m iyetọ nọkẹ ọka ịtụn-ụlọ; onyẹ ọzọ rị nwan a tụnye elu ẹ. Onyẹ-onyẹ lekpọkwọ ihiẹn ọ rị a tụnye elu iyetọ ahụn,

Ndị Kọrẹntị Nke Ẹbụọ 13:14

Ẹfọma Di-nwọnni-ẹnyi Jesu Kristi lẹ ihiẹn-ọsụsụọ Osolobuẹ lẹ mmẹkọ Mmọn-nsọ ya nọyeni ụnụ ile.

Ndị Kọrẹntị Nke Ẹbụọ 4:15

Wẹ ile wụ n'ọ rịnị ụnụ mma, kẹni ndị ẹfọma Osolobuẹ rị e ru ẹka hụn ụzọ e buwaye ọda, ekele rị a bịanị Osolobuẹ a waye.

Ndị Kọrẹntị Nke Ẹbụọ 8:9

Makẹni, ụnụ a marịnghọ ẹfọma Onyẹ-nwọnni-ẹnyi wụ Jesu Kristi mẹ: nị, ọsụọn'a n'ọ wụ ọdanfịn, o gi ufiri ụnụ họnrin ogbẹnnyẹ kẹni ụnụ gi ogbẹnnyẹ o dan wụrụ ndị ịdanfịn.

Ndị Galeshịa 1:13

Ụnụ a nụgụọ kẹ m dọn bi mbụ, ogẹn m gi rị e fe ofufe ndị Ju, ofufe Iwu Mozizi: kẹ m dọn kpokpo ụka Osolobuẹ ọda-ọda, chọ nị m kpọnchanpụ a.

Ndị Tẹsalonika Ibuzọ 1:3

Ẹnyi hụ a nyanhan ụnụ ihun Osolobuẹ ẹnyi wụ Nẹdi ẹnyi: ihiẹn ile ụnụ rị e gi okukwe ụnụ a rụn, kẹ ụnụ dọn rị a lịlịma makẹni ụnụ nwọn ihiẹn-ọsụsụọ lẹzi kẹ ụnụ dọn rị e gi olilẹnya ụnụ nwọn imẹ Di-nwọnni-ẹnyi wụ Jesu Kristi e dingbu ihiẹn ile.

Ndị Tẹsalonika Ibuzọ 5:8

Kanị, ebe o mẹni ẹnyi wụ ndị e bi ebe eki rị elu, nị ẹnyi dọnrin ni nwan ẹnya; nị ẹnyi yiri okukwe lẹ ihiẹn-ọsụsụọ kẹ ẹwuru igwe onyẹ-agha gi e gbọndọn obi ẹ, ẹnyi e yiri olilẹnya nzụọpụha nọkẹ okpu onyẹ-agha gi e gbọndọn isi ẹ.

Timoti Ibuzọ 2:15

Kanị Osolobuẹ jẹnkọ d'e gi oku ọmụmụ nwa zụọpụha ikpoho, ka sị a mẹni wẹ hụ e gi okukwe lẹ ihiẹn-ọsụsụọ e bi, a rị nsọ, e kwọndọn enwẹn wẹ.

Timoti Ibuzọ 4:12

Anịkwọlẹ onyẹ ọwụlẹ legberi i n'ị wụ nwata. Ka wụrụ onyẹ ndị kwerini e leri oku-ọnụ a, obibi ẹ, ihiẹn-ọsụsụọ a, okukwe ẹ lẹ k'o dọn e dọnmẹ obi ẹ ọchan.

Timoti Ibuzọ 6:11

Kanị, ịyụ, onyẹ nke Osolobuẹ, gbanị ihiẹn ndịnị ile ọsọ. Chụma ezi-omumẹ, ife-Chuku ọhụnma, okukwe, ihiẹn-ọsụsụọ, ndidin lẹ imẹ-jụụ.

Timoti Nke Ẹbụọ 1:13

Sọnmẹ ụdị nkuzi ahụn zu oke ị nụ ọnụ m; e gi okukwe lẹ ihiẹn-ọsụsụọ hụn rị imẹ Jesu Kristi e sọn ẹ.

Timoti Nke Ẹbụọ 2:22

Jụchanrịn ihiẹn a la ikorọbịa lẹ ịgbagba ẹnya; chụma ezi-omumẹ, okukwe, ihiẹn-ọsụsụọ lẹ udọn, e sọn ndị gi obi rị ọchan a kpọku Di-nwọnni-ẹnyi.

Taịtọsụ 2:2

Kuzi ikẹnnyẹ-ọba wẹ wụrụ ndị ẹnya dọn, ndị furu w'a gbaye, ndị e kwọndọn enwẹn wẹ, ndị turu ọhụnma ebe okukwe lẹ ihiẹn-ọsụsụọ lẹ ndidin rị.

Pita Ibuzọ 1:3

Ọjịja-mma ya rịnị Osolobuẹ hụn wụ Chuku lẹ Nẹdi Onyẹ-nwọnni-ẹnyi wụ Jizọs Kraịstị! O gigụọ okẹn omikẹn ẹ mụdọnzi ẹnyi, mụ ẹnyi ye imẹ olilẹnya ọhụn rị ndụn ghahanị ịgha ọnwụn weli Jizọsị.

Jọnụ Ibuzọ 4:10

Ọnwan wụ ihiẹn-ọsụsụọ: ẹlẹni ẹnyi e nwọn ihiẹn-ọsụsụọ Osolobuẹ, kanị Osolobuẹ nọ nwọn ihiẹn-ọsụsụọ ẹnyi, gi ẹ zihẹ Nwa a n'ọ wụrụ ẹjan wẹ gi wepụ njọ ẹnyi.

Rẹvẹleshọnụ 22:21

Ẹfọma Jesu Di-nwọnni-ẹnyi ya rịnị ịhịan ile.