Timoti Ibuzọ 1:10 - Ika

¹⁰ ndị ughẹrẹ lẹ ikẹnnyẹ wẹ lẹ ikẹnnyẹ e mẹ mgba lẹ ikpoho wẹ lẹ ikpoho e mẹ mgba; ndị e re ịhịan lẹ ndị e ṅọn ịhịan; ndị-ntụ lẹ ndị a shịa ẹri-ntụ — lẹzi ndị ọzọ ile e mẹ ihiẹn ọwụlẹ ya lẹ ezigbo nkuzi ghalẹni a dangbama.

Timoti Ibuzọ 1:10 ပူးပေါင်းရင်းမြစ်များ

Jẹnẹsisi 19:5

Wẹ nọ hịma Lọtụ, sị a, “Elebe kẹ ikẹnnyẹ ndị nẹi bịa ẹnyasịnị d'a hụn ị rị? Wepụha wẹ nị ẹnyi mẹ mgba wẹ.”

Jẹnẹsisi 37:27

Ngwa nị, nị ẹnyi ren'ẹ ye ndị Ishmẹlụ ndịnị, hụn nkẹ ẹnyi e gi gbu ẹ; k'o mẹlẹru, nwẹnẹ ẹnyi rọ, ẹdeke ẹnyi k'ọ wụ.” Umunẹ ẹ nọ kweri.

Jẹnẹsisi 40:15

Makẹni ẹka-ikẹn kẹ wẹ gi gha alị ndị Hibru ẹnyi weri m; kẹ hụnnị m rịdẹ nwan ebeni, onwọnni ihiẹn-ngan m mẹ hụn m'e gi rị ebeni.”

Ọpụpụ 20:7

“Egikwọlẹ ni ẹfan Osolobuẹ wụ Chuku ụnụ mẹ ihiẹn furulẹni; makẹni, Osolobuẹ ahatukọkwọ onyẹ ọwụlẹ gi ẹfan a mẹ ihiẹn furulẹni.

Ọpụpụ 21:16

“Onyẹ nwụnrụn ịhịan, k'o repụgụọ a kẹ ọ hụkwọ a ẹka ogẹn wẹ gi kwọndọn ẹ, wẹ k'e gburịrị a.

Hosia 10:4

Oku wẹ wụ oku ọnụnụ-ire, wẹ hụ e kwetarị nkwa wẹ jẹnkọlẹni d'e mẹzu, hụn ihiẹn wẹ gi a shịagbu wẹ ẹri gi e jun ụzọ ile, nọkẹ eje-ẹfịfịa rujun imẹ ugbo.

Lẹvitikọsụ 18:22

“Okẹnnyẹ esọnkwọlẹ okẹnnyẹ ibe ẹ mẹ mgba nọkẹ okpoho; arụ k'ọ wụ.

Lẹvitikọsụ 20:13

Okẹnnyẹ lẹ okẹnnyẹ ranhịn kẹ okẹnnyẹ lẹ okpoho dọn a ranhịn, wẹ ẹbụọ e mẹgụọ ihiẹn m'a sọ. Wẹ k'e gburịrị wẹ; ẹdeke wẹ k'a rị wẹ isi.

Zẹkaraya 5:4

Osolobuẹ nwọn ikẹn ile sị, ‘M zikọ a d'a banyesọnmẹ iwe onyẹ ọwụlẹ e zun ohin lẹ onyẹ e kun ẹfan m a tụ ntụ. O jẹnkọ d'a nọbie iwe ẹ, tikpọ a ru alị, kẹ osisi kẹ blọkụ lẹ ẹjan.’ ”

Zẹkaraya 8:17

amamalẹ ni ni ibe ụnụ eje-ihiẹn; egilẹ ni ẹri-ntụ mẹ ẹhụ; makẹni ihiẹn ndịnị ile e ze m ize.” Ya kẹ Osolobuẹ ihiẹn ile rị okpuru ẹ ku.

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Jọnụ 8:44

“Ụnụ wụ nke Ekwensụ nẹdi ụnụ. Ihiẹn nẹdi ụnụ chọ kẹ ụnụ chọ nwan nị ụnụ mẹ. Izighẹ k'ọ wụ gha isi mbidọn lala; ọ kwadọntuni ezioku — makẹni ezioku arị imẹ ẹ. Ọ gha a tụ ntụ, onwọnni ihiẹn ọ kpọ a, makẹni onyẹ ntụ lẹ nẹdi ntụ k'ọ wụ.

Ndị Rom 1:26

Osolobuẹ nọ gi ufiri ẹ la wẹ tọnị ẹgụn ihiẹn-ifẹnrẹn, nke wụ nị ikpoho wẹ nọ mẹmẹ mgba ikpoho ibe wẹ, gi ẹ nọkin ẹnya hụn te furu w'e mẹ.

Ditrọnọmi 24:7

Wẹ hụn onyẹ zunrun onyẹ Izrẹlụ ibe ẹ, a kpa a kẹ igbọn mọbụ re ẹ, wẹ k'e gburịrị onyẹ ahụn zunrun ịhịan. Ụnụ k'e gi ọhụn wepụchanrịn eje-ihiẹn imẹ igunrun ụnụ.

Timoti Ibuzọ 4:6

Ị gwa umunẹ ẹnyi imẹ Kraịstị ihiẹn ndịnị wẹ, i k'a wụrụ ezigbo onyẹ-ọrụn Kraịstị Jizọsị wẹ zụn ọhụnma, onyẹ wẹ gi ihiẹn ndị nke Kraịstị kweri lẹ ezigbo nkuzi zụn.

Timoti Ibuzọ 6:3

Omẹni ịhịan rị a kuzi ihiẹn ọzọ, a jụ ezigbo nkuzi Onyẹ-nwọnni-ẹnyi wụ Jesu Kristi lẹ nkuzi furu ofufe Osolobuẹ,

Timoti Nke Ẹbụọ 1:13

Sọnmẹ ụdị nkuzi ahụn zu oke ị nụ ọnụ m; e gi okukwe lẹ ihiẹn-ọsụsụọ hụn rị imẹ Jesu Kristi e sọn ẹ.

Timoti Nke Ẹbụọ 4:3

Makẹni ogẹn lala hụn ịhịan jẹnkọlẹni d'e kweri ezigbo nkuzi. Kama, ebe ntịn wẹ rị a chọsọnmẹ n'ọ nụ ihiẹn a sụọnị wẹ, wẹ k'a chọrị ndị k'a kuzi wẹ ihiẹn wẹ chọ nị wẹ nụ.

Taịtọsụ 1:13

Ezioku k'o ku. A jụgbọ wẹ nwan ọhụnma-ọhụnma, kẹni wẹ hụn ụzọ turu ọhụnma imẹ okukwe,

Taịtọsụ 1:9

O k'a marịnrịrị ẹnya nkuzi ahụn furu w'a tụkwasị obi hụn rị okukwe ẹnyi, kẹni ọ saẹka gi nkuzi zu oke a gba ndị ọzọ umẹ, e gizi ẹ a ghọsị ndị hụn a papụ nkuzi ahụn nị wẹ rị e mẹfie.

Hibru 13:4

Gbayekẹnmẹ ni ọlụlụ di-lẹ-nwunyẹ; kẹ di kẹ nwunyẹ ẹ dọnmẹ enwẹn ẹ makẹ elu-ukpo wẹ gha a rụ, makẹni Osolobuẹ jẹnkọ d'a ma ndị ughẹrẹ ikpe.

Judu 1:7

Ẹrịra kẹ ndị Sodọm lẹ Gomora lẹ obodo ndị nọkunmẹni wẹ mẹzi, bu enwẹn wẹ che ughẹrẹ lẹ ihiẹn-ụrụ, ya wẹ nọ narịn afụnfụn ọkụn-itẹbitẹ. Wẹ nọ wụrụ ihiẹn wẹ gi a gba ịhịan mkpịnsịn-ẹka ẹnya.

Rẹvẹleshọnụ 18:13

onwọnzini onyẹ e ṅọnnarịn wẹ sinamọnụ lẹ ihiẹn-akụnkụn ndị ọzọ ihiẹn-oriri gi a sụọ lẹ ndị e kun fuẹin; nsẹnsi lẹ maa lẹ frankisẹnsị; onwọnzini onyẹ e ṅọnnarịn wẹ manya, ofigbọn-olivu, ọka wẹ gwe a ṅanrannị lẹ ọka-witi; efin, atụnrụn, ẹshin lẹ ụgbọ-anyịnyan; igbọn lẹ ndụn ịhịan.

Rẹvẹleshọnụ 21:27

Kanị onwọnni ihiẹn ọwụlẹ rụnị mọbụ onyẹ e mẹ ihiẹn Osolobuẹ a sọ mọbụ onyẹ e mẹ ihiẹn ọwụlẹ ya lẹ ntụ wị k'a banyen'ẹ. Ndị wẹ de ẹfan wẹ imẹ ẹkụkwọ ndụn-itẹbitẹ Nwa-ebulu hụ sụọ k'a banye ẹ.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.