Taịtọsụ 3:8 - Ika

⁸ Ọnwan wụ ezioku. M chọ ni y'e ku ihiẹn ndịnị, e kushi wẹ ikẹn, kẹni ndị kwerigụnị Osolobuẹ hụn ụzọ e dọnrin ẹnya e we enwẹn wẹ a kwanị ọrụn ọma. Ihiẹn ndịnị a rịka mma, w'a bannị ịhịan ile erere.

Taịtọsụ 3:8 ပူးပေါင်းရင်းမြစ်များ

Jobu 22:2

“Nị ịhịan sa nwan ẹka bannị Chuku erere? Ele erere kẹ onyẹ marịn ihiẹn k'a bandẹn'a?

Ẹbụ-ọma 78:22

Makẹni egini wẹ Chuku dọn ẹnya; ekwerini wẹ n'ọ saẹka zụọpụha.

Itẹn 21:28

Ọshẹri-ntụ kumẹ, a jụgbọ wẹ oku ye ẹ ọnụ, kanị onyẹ hụn lebangụ oku ẹnya kumẹ o kusọnmẹ.

Matiu 20:4

Ọ nọ sị wẹ, ‘Ụnụ nwẹn, d'a rụnnị ni m ọrụn imẹ ugbo-vaịnị, nị m kụghọ ụnụ ụgwọ ọhụnma.’

Jọnụ 12:44

Jesu nọ yi, “Onyẹ kwerinini m ẹlẹ mmẹ k'o kwerini, kanị onyẹ hụn zihẹni m.

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Ọrụn Ndị-ozi 12:15

Wẹ nọ sị a, “Ẹra rị a pụ ị!” Kanị ọ tọ a sị nị ezioku rọ. Wẹ nwẹn hụ a sị, “Mmọn-ozi Pita rọ.”

Ndị Rom 4:5

Kanị nke onyẹ nwọnlẹni ihiẹn ọ rụn, kanị o kweyeni Osolobuẹ hụn a gbagharị onyẹ njọ a nabanhan a, okukwe hụnyẹ kẹ Osolobuẹ gi e kun'ẹ ọhụnma.

Ndị Kọrẹntị Nke Ẹbụọ 4:13

Makẹni ẹnyi nwọnzi okukwe ohu ahụn wẹ ku oku ẹ imẹ Ẹkụkwọ-nsọ, sị, “M kweri ekweri, ya haịn m gi ku ihiẹn m ku,” ẹnyi nwẹn kwerizi ekweri, ya haịn ẹnyi gi e ku oku-Chuku ẹnyi rị e ku.

Ndị Ẹfẹsọsụ 4:28

Onyẹ e zun ohin y'e zunzilẹ. Ya gi ẹka a lụrụ ihiẹn o gi e bi, e gi ẹka a a rụn ihiẹn rị mma, kẹni ọ hụn ihiẹn o gi e yezini ndị ihiẹn rị a fụ ọrụn ẹka.

Timoti Ibuzọ 1:15

Okuni wụ ezioku furu w'a nabanhanchanrịn: “Kraịstị wụ Jizọsị bịa imẹ ụwa d'a zụọpụha ndị njọ” hụn o mẹ ni mmẹ kachanrịn njọ imẹ wẹ ile.

Timoti Ibuzọ 2:8

Ya wụ, m chọ nị ikẹnnyẹ rị ebe ọwụlẹ hụn a nị wẹ e mẹ ekpere, a kịshi ẹka rị nsọ elu, ẹlẹ ẹka olulu lẹ ndọndọ.

Timoti Ibuzọ 5:10

Ọ k'a wụrịrị onyẹ wẹ gi ọrụn ọma marịn: ya wụ, n'ọ zụnghọ ụmụ; n'ọ nabanhanghọ ndị ọbịa; n'o feghọ ndị nke Osolobuẹ, chanchanpụ wẹ unyin ụkụ; n'o yeghọnị ndị rị nsọngbu ẹka; n'o bughọ enwẹn ẹ che ọrụn ọma ụzọ ile.

Timoti Nke Ẹbụọ 1:12

ufiri ẹ kẹ m gizi rị a ta afụnfụn ẹnịna. Kanị ifẹnrẹn arị e mẹ m, makẹni a marịnghọ m onyẹ m gi dọn ẹnya; a marịnzịghọ m n'o k'a s'ẹka chedọn ihiẹn m buche ẹ ẹka d'e ru Ụhụọhịn ahụn.

Taịtọsụ 1:9

O k'a marịnrịrị ẹnya nkuzi ahụn furu w'a tụkwasị obi hụn rị okukwe ẹnyi, kẹni ọ saẹka gi nkuzi zu oke a gba ndị ọzọ umẹ, e gizi ẹ a ghọsị ndị hụn a papụ nkuzi ahụn nị wẹ rị e mẹfie.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Taịtọsụ 2:7

Wụrụ onyẹ wẹ e leri imẹ ihiẹn ile rị mma. Ebe nkuzi i rị, wụrụ onyẹ ezioku lẹ onyẹ ghalẹni e gi nkuzi e gu egu,

Taịtọsụ 3:1

Nyanhan nị wẹ nị wẹ e bu enwẹn wẹ e che okpuru ndị-ndu lẹ ndị-ọkịkị, wẹ e humẹ isi; wẹ kwademẹ nị wẹ e mẹ ihiẹn ọwụlẹ rị mma.

Taịtọsụ 3:14

Ndị nke ẹnyi wẹ mụnrụnzịkwọ kẹ wẹ dọn e we enwẹn wẹ a kwanị ihiẹn rị mma, kẹni wẹ saẹka e ye ẹka ezigbo mkpa pụha, amamgbe w'a wụrụ ndị nwọnlẹni hụn w'a rụn.

Filemọnụ 1:11

Onwọnni erere ọ bann'ị mbụ. Kanị ọ bangụọnị nwan kẹ ịyụ kẹ mmẹ erere.

Hibru 10:24

Nị ẹnyi a chọsọnmẹ ni kẹ ẹnyi e dọn mẹ ibe ẹnyi e nwọn ihiẹn-ọsụsụọ, e mẹ ihiẹn rị mma.

Pita Ibuzọ 1:21

Ụnụ a ghagụọ nwan ẹka Kraịstị kwerini Osolobuẹ hụn gha ọnwụn weli Kraịstị, ye Kraịstị ọghọ. Ya wụ nị Osolobuẹ kẹ ụnụ kwerini; Osolobuẹ kẹ ụnụ gi dọn ẹnya.