Taịtọsụ 3:5 - Ika

⁵ ọ nọ zụọpụha ẹnyi, ẹlẹ ihiẹn rị mma ẹnyi mẹ haịn, kanị, omikẹn ẹ; o gi ịmụdọnzini ẹnyi chanchan ẹnyi, o mẹ ẹnyi wụrụ ndị ọhụn ghahanị Mmọn-nsọ,

Taịtọsụ 3:5 ပူးပေါင်းရင်းမြစ်များ

Jobu 15:14

Kị ịhịan wụdẹ hụn o k'e gi s'ẹka rị ọchan; kị onyẹ okpoho mụ wụ hụn o k'e gi s'ẹka mẹ ezi-omumẹ?

Jobu 25:4

Nanị kẹ ịhịan e dọn nwan s'ẹka rị ọchan ẹnya Chuku? Nanị kẹ ịhịan okpoho mụ a dọn nwan s'ẹka rị ọchan?

Jobu 9:20

Ọ sụọdẹn'a nị onwọnni ihiẹn m mẹ, ọnụ m ka madẹ m ikpe; omẹdẹni emẹni m ihiẹn nkẹ w'e gi kọrịanị m, ọnụ m k'a sị nị ikpe ma m.

Ẹbụ-ọma 130:7

Ndị Izrẹlụ, gi ni Osolobuẹ dọn ẹnya! Makẹni, ara nwọnbehi ihiẹn-ọsụsụọ lẹ ni ọ gbapụha ịhịan ọda-ọda.

Ẹbụ-ọma 143:2

Dodo, akpọlẹ mmẹ wụ odibo i kpe, makẹni onwọnni onyẹ rị ndụn hụn rị ọchan ẹnya ị,

Ẹbụ-ọma 51:10

Dodo Osolobuẹ, ke obi rị ọchan ye imẹ m, y'e yezi m obi m gi a s'ẹka e turu.

Ẹbụ-ọma 62:12

lẹ ni y'e mẹsọnmẹ hụn run'i, Di-nwọnni-ẹnyi; ihiẹn onyẹ rụn k'i gi a kụ a ụgwọ.

Ẹbụ-ọma 86:15

Kanị Osolobuẹ, ị wụ Chuku omikẹn hụn e mẹyeni ịhịan, Chuku hụn ghalẹni e bukẹnrin olulu, onyẹ okẹn ihiẹn-ọsụsụọ hụn e mẹsọnmẹ hụn run'ẹ.

Ẹbụ-ọma 86:5

Makẹni y'a rịka mma, Osolobuẹ; y'a gbagharị njọ; y'a ghọsị ndị a kpọkun'i ihiẹn-ọsụsụọ ọda-ọda.

Azaya 57:12

M jẹnkọ d'e wepụha ‘ezigbo ihiẹn’ i ahụn ifọn ya lẹ ihiẹn ị rị a rụn; abankọnị wẹ i erere.

Izikẹlụ 36:25

E fekpu m ụnụ mirin nwunni, gi ẹ fepụ ụnụ ụrụ ile ụnụ rụ lẹ mmọn ile ụnụ fe.

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Matiu 3:11

“Mmẹ nwẹn gi mirin-mmaka e mẹ ụnụ mirin-Chuku ụnụ gi a ghọsị nị ụnụ e rogharịgụọ. Kanị, onyẹ hụn sọnla m azụụn ka m ọhụnma-ọhụnma; erudẹni m onyẹ e bu akpụkụ a! Mmọn-nsọ lẹ ọkụn kẹ ya nwẹn k'e gi mẹ ọnụ mirin-Chuku.

Luku 1:50

O mẹsọnmẹni ndị hụn e humẹn'ẹ isi omikẹn gha agbọ d'e ru agbọ.

Luku 1:54

O yegụọnị odibo ẹ wụ Izrẹlụ ẹka; ọ nyanhangụọ mẹ omikẹn

Luku 1:72

n'o sikọ d'e mẹni ndị nẹdi ẹnyi kanị omikẹn nyanhan nkwerigbama nsọ a —

Luku 1:78

Ihiẹnni jẹnkọ d'e mẹ makẹ ẹfọma lẹ omikẹn Osolobuẹ ẹnyi, hụn anwụn elu-igwee e gi bịa d'a wanị ẹnyi,

Ndị Rom 11:14

ikẹnkwọ nị m saẹka gi ẹ mẹ ẹnya fụma ndị alị m, kẹni m saẹka zụọpụhadẹ ụfọdụ.

Ndị Rom 11:6

O mẹ nwan nị ẹfọma k'o gi mẹ ẹ, ya wụ ẹlẹzi ọrụn haịn — nkẹ o mẹ ni ẹfọma ẹlẹzi ẹfọma.

Ndị Rom 12:2

Elerilẹ ni ndị ụwanị, ka nị nị Osolobuẹ hutọ ụnụ ghahanị ihutọ iroro ụnụ. Mẹn'ẹ kẹni ụnụ hụn ụzọ marịn ihiẹn wụ uche Osolobuẹ, ihiẹn rị Osolobuẹ mma, ihiẹn a sụọ a ụsụọ, ihiẹn zu oke.

Ndị Rom 3:20

Makẹni, onwọnni onyẹ jẹnkọ d'e gi idọnmẹ Iwu Mozizi wụrụ onyẹ ezi-omumẹ ebe Osolobuẹ rị, makẹni Iwu Mozizi ke wẹ gidẹ a ghọsị ịhịan n'o mẹọlẹ njọ.

Ndị Rom 3:28

Ya wụ, ẹnyi gi ẹ dọn nị okukwe ịhịan kẹ Osolobuẹ gi e kuni ịhịan ọhụnma, ẹlẹ idọnmẹ Iwu.

Ndị Rom 4:5

Kanị nke onyẹ nwọnlẹni ihiẹn ọ rụn, kanị o kweyeni Osolobuẹ hụn a gbagharị onyẹ njọ a nabanhan a, okukwe hụnyẹ kẹ Osolobuẹ gi e kun'ẹ ọhụnma.

Ndị Rom 9:11

kanị, nị wẹ d'a mụ wẹ, kẹ wẹ kelẹni mẹ ihiẹn ọwụlẹ — kẹ mma kẹ njọ — Osolobuẹ nọ ghọsị nị ihiẹn ọ chọ n'o mẹ k'o mẹ —

Ndị Rom 9:16

Ya wụ nwan nị ẹlẹ “onyẹ hụn chọnị” mọbụ “onyẹ hụn lịlịmanị” kẹ wẹ gi e mẹ ẹ, kanị omikẹn Osolobuẹ sụọ k'o gi e mẹ ẹ.

Ndị Rom 9:30

Kị ẹnyi k'e kuzi nwan? Nị ndị alị ọzọ te rịlẹni e mẹ oku ezi-omumẹ a wụrụgụọ nwan ndị ezi-omumẹ ẹnya Osolobuẹ, ezi-omumẹ wẹ gi okukwe wẹ ye wẹ;

Ndị Kọrẹntị Ibuzọ 6:11

Ihiẹn ndịnị kẹ ụfọdụ imẹ ụnụ te wụ, kanị Osolobuẹ ẹnyi gi Mmọn-nsọ a chanchan ụnụ; o dọn ụnụ nsọ, gi ẹfan Jizọs Kraịstị Di-nwọnni-ẹnyi nabanhan ụnụ.

Ndị Galeshịa 2:16

Bụ ẹnyi a marịnghọ nị ẹlẹ Iwu ịhịan dọnmẹ kẹ Osolobuẹ gi e kun'ẹ ọhụnma, kanị ikwerini Jesu Kristi, gi ẹ e dọn ẹnya. Ẹnyi lẹ enwẹn ẹnyi e kwerigụọ nị nwan Jesu Kristi, kẹni Osolobuẹ gi ọhụn kuni ẹnyi ọhụnma ẹlẹ nị ẹnyi e dọnmẹ Iwu Mozizi. Makẹni, onwọnni onyẹ Osolobuẹ k'e kuni ọhụnma makẹni o dọnmẹ Iwu.

Ndị Ẹfẹsọsụ 2:4

Kanị, makẹni Osolobuẹ e mẹkẹ onyẹ-omikẹn, makẹni o nwọn okẹn ihiẹn-ọsụsụọ ebe ẹnyi rị —

Ndị Ẹfẹsọsụ 4:23

nị mmọn ụnụ lẹ uche ụnụ k'e hutọrịrị,

Ndị Ẹfẹsọsụ 5:26

kẹn'o gi mirin hụ wụ oku-Osolobuẹ chanchan a, dọn ẹ nsọ,

Ditrọnọmi 9:5

Ẹlẹ nị ụnụ wụ ndị ezi-omumẹ mọbụ nị ụnụ kụrụ ọtọ kẹ ụnụ gi bankọ d'e weri alị wẹ: kama, ufiri njọ ndị alị ndịnị wẹ kẹ Osolobuẹ wụ Chuku ụnụ k'e gi chụpụ wẹ, kẹn'o mẹzu ihiẹn ahụn o gi ufiri ẹ kun enwẹn ẹ kwe ndị nẹdi ụnụ kanị wụ Ebraham, Aziki lẹ Jekọpụ nkwa.

Ndị Kolosị 3:10

ụnụ e yirigụọ ndụn ọhụn hụn rị a marịnwaye onyẹ ken'ẹ, a rịwaye kẹ ịya.

Timoti Nke Ẹbụọ 1:9

Makẹni, Osolobuẹ wụ onyẹ zụọpụhanị ẹnyi, kpọ ẹnyi oku rị nsọ. Ẹlẹ ọrụn-ọma ẹnyi rụn haịn o gi kpọ ẹnyi, kanị uche ẹ lẹ ẹfọma a haịn. O mẹgụọnị ẹnyi ẹfọmanị imẹ Kraịstị wụ Jizọsị nị ụwa d'e bidọn,

Taịtọsụ 3:4

Kanị, ogẹn Osolobuẹ Onyẹ-nzụọpụha ẹnyi gi mẹni ịhịan ọhụnmanị o gi mẹyeni ịhịan,

Hibru 10:22

Nị ẹnyi gichanrịn ni nwan obi ẹnyi lẹ okukwe obi ẹbụọ rịlẹni buruhẹ Osolobuẹ, ẹnyi lẹ obi o fepụgụ ihiẹn ile obi gi e gbu ẹnyi mgbu, lẹ ẹhụ o gi mirin nwunni wụchanpụ.

Hibru 4:16

Nị ẹnyi wepụ nwan egun, bịa ukpo ẹfọma Osolobuẹ, kẹni ẹnyi nwọnhẹn omikẹn, nwọnhẹnzikwọ ẹfọma k'e yeni ẹnyi ẹka ogẹn o k'a rị ẹnyi mkpa.

Hibru 6:6

lazị Osolobuẹ tọ! Ewekinkọzị wẹ wẹ, makẹni wẹ rị a kpọgbuzi Nwa Osolobuẹ elu obe, e gbe ifẹnrẹn e ye ẹ ihun ogbe, e gi ẹ e mẹ enwẹn wẹ.

Pita Ibuzọ 1:3

Ọjịja-mma ya rịnị Osolobuẹ hụn wụ Chuku lẹ Nẹdi Onyẹ-nwọnni-ẹnyi wụ Jizọs Kraịstị! O gigụọ okẹn omikẹn ẹ mụdọnzi ẹnyi, mụ ẹnyi ye imẹ olilẹnya ọhụn rị ndụn ghahanị ịgha ọnwụn weli Jizọsị.

Pita Ibuzọ 2:10

Ogẹn mbụ, ụnụ “ẹlẹ ndị nke Osolobuẹ”, kanị, ụnụ a wụrụọlẹ nwan ndị nke ẹ; “omikẹn ẹ ete runi ụnụ ẹka mbụ”, kanị omikẹn ẹ e rugụọ nwan ụnụ ẹka.

Pita Ibuzọ 3:21

Wẹ gi ọnwan gwatọ ẹnyi kẹ mirin-Chuku dọn nwan a zụọpụha ịhịan kikẹnni: ẹlẹ wẹ rị e gi mirin-Chuku a wụpụ unyin rị ịhịan ẹhụ, kama, ịhịan gi ẹ a ghọsị Osolobuẹ n'o gi obi ẹ ile bịa d'e kunrun ẹ, ghahanị olihi Jesu Kristi gha ọnwụn lihi.