Taịtọsụ 3:2 - Ika

² Gwa wẹ ekujalẹ oku ịhịan, wẹ emẹlẹ ndị ikpe-lẹ-ọgụn, wẹ wụrụ ndị e mẹ jụụ lẹ ndị e ye onyẹ ọwụlẹ mgbaye.

Taịtọsụ 3:2 ပူးပေါင်းရင်းမြစ်များ

Samuẹlụ Nke Ẹbụọ 22:36

Y'e yegụọ m akpaịn i gi e mẹri; makẹni y'e tukun e yeni m ẹka kẹ m gi mẹ okẹn-ịhịan.

Ẹbụ-ọma 140:11

Onyẹ kuja oku ịhịan y'a ghalẹ ihun imẹ alịnị; eje-ihiẹn ya chụ eje-ịhịan, nwụndọn ẹ.

Itẹn 19:19

Onyẹ obi-ọkụn k'e girịrị isi ẹ buru ihiẹn rịn'a; ị zụọpụhagụ a, ị k'a zụọpụhazị a ọzọ.

Itẹn 25:24

Ọ ka mma nị ịhịan bi ụsụọ ohu elu ụlọ, karị nị ya lẹ nwunyẹ hụn e mẹ oku bi imẹ ụlọ.

Itẹn 6:19

ọshẹri-ntụ, hụn ntụ rị e hupụha ọnụ kẹ mirin lẹ onyẹ hụn e seni nwẹnẹ lẹ nwẹnẹ ikpe.

Azaya 40:11

O k'e lepụ atụnrụn a ẹnya lekẹ onyẹ e du atụnrụn; ọ pa ụmụ atụnrụn rịn'a, a pa wẹ e che obi; o tu udọn e du ndị kị ụmụ.

Matiu 11:29

Yiri ni agbụn yoku m, ụnụ a mụnarịn m; makẹni, m rị jụụ, e welụa enwẹn m alị imẹ obi. Ụnụ mẹ ẹ, umẹ-ndụn ụnụ e nwọnrin ezumikẹn.

Ọrụn Ndị-ozi 23:5

Pọlụ nọ sị, “Umunẹ m, amarịn m nị onyẹ-isi nchụn-ẹjan rọ; makẹni Ẹkụkwọ-nsọ sị, ‘Ekujalẹ oku onyẹ-ndu ụnụ.’ ”

Ndị Kọrẹntị Ibuzọ 6:10

ndị ohin lẹ ndị ẹnya-uku lẹ ndị manya lẹ ndị a kpọ iyi lẹ ndị a tụnarịn ịhịan ihiẹn ẹ abanyekọ Alị-eze Osolobuẹ.

Ndị Kọrẹntị Ibuzọ 9:19

Eziẹ rọ nị mmẹ nwọn enwẹn m. Kanị, e gigụọ m enwẹn m họnrin odibo ịhịan ile kẹni m wẹhẹzini Kraịstị ndị bu ọda.

Ndị Kọrẹntị Nke Ẹbụọ 10:1

Mmẹ wụ Pọlụ rị a rịọ ụnụ; m rị e gi nwayọ lẹ obi-ebere Kraịstị a rịọ ụnụ. Mmẹ hụn wẹ sị nị m'e ku ẹkẹrẹ-ẹkẹrẹ ihun ụnụ, kanị m pụ ebe ụnụ rị, a banmanị m ụnụ mban!

Ndị Kọrẹntị Nke Ẹbụọ 12:20

Egun rị a tụ m nị ikẹnkwọ, m bịa, ahụnkọ m ụnụ kẹ m dọn chọ, ụnụ nwẹn ahụnkọ m kẹ ụnụ dọn chọ; egun rị a tụ m nị, ikẹnkwọ, ikpe lẹ ẹnya-ụfụ lẹ eje-olulu jẹnkọ d'a rị; nị ụfọdụ imẹ ụnụ k'a gha e ro enwẹn wẹ sụọ; nị ikuja oku ịhịan, oku-azụụn, mpache lẹ isusu jẹnkọ d'a rị.

Ndị Galeshịa 5:22

Kanị, mkpụrụ Mmọn-nsọ a mịpụha wụ: ihiẹn-ọsụsụọ, ịghọghọ, udọn, ndidin, ẹfọma, imẹ-mma, ịwụ onyẹ wẹ gi e dọn ẹnya,

Ndị Galeshịa 6:1

Umunẹ m, omẹni o nwọn onyẹ mẹ njọ, ụnụ ndị Mmọn-nsọ rị a kị, gi ni nwayọ wekinhẹn ẹ. Ka kpachanpụ nị ẹnya amamgbe ọnwụnwan a bịanị ụnụ nwẹn.

Ndị Galeshịa 6:10

Ya wụ, nị ẹnyi e gini oghere ọwụlẹ bịanịnị ẹnyi e mẹni nwan ịhịan ile ihiẹn rị mma, tụmadụ ndị ezi-lẹ-ụlọ ofufe-Kraịstị.

Ndị Ẹfẹsọsụ 4:2

E welụachanrịn nị enwẹn ụnụ alị, e mẹ ni jụụ; e gi ni ndidin e sọn ibe ụnụ makẹ ufiri ihiẹn-ọsụsụọ.

Ndị Ẹfẹsọsụ 4:31

Wepụ nị iwe ile, ịkpọ-ọnụma, olulu, oro, ikuja oku ịhịan lẹ eje-ihiẹn ile ịhịan gi e sọn ibe ẹ imẹ ụnụ.

Ndị Filipi 4:5

Ịhịan ile wẹ gi ẹka rị mma ụnụ gi e sọn ihiẹn ile marịn ụnụ; Di-nwọnni-ẹnyi lala ẹgwa.

Ndị Tẹsalonika Ibuzọ 2:7

Ẹnyi te furu hụn a dọ ụnụ ihiẹn runi ẹnyi nọkẹ ndị-ozi pụ-ichẹn Kristi, kama, ẹnyi gụn agụngụn ụmụẹka imẹ igunrun ụnụ, e gi ẹka-alụlụa e sọn ụnụ kẹ nnẹ-ọmụmụ dọn e mẹ ụmụ a.

Timoti Ibuzọ 3:11

Ẹrịra k'ọ rịzịkwọ ikpoho, wẹ k'a wụrịrị ndị furu w'a gbaye; awụkọ wẹ ndị e kuja oku ịhịan. Wẹ k'a wụrịrị ndị ẹnya dọn, e wetu obi alị; wẹ k'a wụrịrị ndị wẹ gi e dọn ẹnya imẹ ihiẹn ile.

Timoti Ibuzọ 3:3

O mẹkọ onyẹ-manya mọbụ onyẹ ẹka-ikẹn, kanị onyẹ e mẹ jụụ; ẹlẹ onyẹ ikpe-lẹ-ọgụn mọbụ onyẹ egho a sụọ.

Jemisi 3:17

O mẹ nke amamihiẹn ahụn gha elu-igwee bịa, nke ibuzọ wụ nị ya lẹ obi rị ọchan wị, udọn k'ọ chọ, ara mẹ ikẹn-ikẹn; o kweyezini ndị ọzọ, omikẹn lẹ mkpụrụ rị mma jun ẹ, ara gbeyeni ịhịan, ntụ arịa.

Jemisi 4:11

Umunẹ m, ekujakwọlẹ ni oku ibe ụnụ, makẹni onyẹ hụn kuja oku ibe ẹ mọbụ kin ẹ ikpe rị e kuja oku Iwu Osolobuẹ ye, e kin Iwu Osolobuẹ ikpe. Ị gha e kin Iwu ikpe, y'ẹlẹzi onyẹ e dọnmẹ Iwu, y'a wụrụgụọ ọka-ikpe!

Pita Ibuzọ 2:1

Latọ nị nwan ịchọ-njọ ile, ẹro ile, ihunnaị, iwe-ẹnya lẹ ikuja oku ịhịan.

Pita Ibuzọ 3:10

Makẹni Ẹkụkwọ-nsọ sị, “Onyẹ chọ ndụn, onyẹ chọ nị elu ẹ rị mma, ya wepụ eje-oku ire ẹ; ya wepụzịkwọ oku e dufieni ụgb'ọnụ a.

Pita Ibuzọ 3:8

Nke ikpanzụụn, ụnụ ile, e gi ni obi ohu e bi; e ro ni k'ọ rị ibe ụnụ; a nị nị ihiẹn ibe ụnụ a sụọ ụnụ kẹ umunẹ; e mẹni omikẹn ibe ụnụ; e welụa nị enwẹn ụnụ alị.

Pita Ibuzọ 4:4

Ọ tụka wẹ nwan ẹnya nị ụnụ arịzị e sọn wẹ e bi obibi ahụn la iwi; wẹ rị nwan e gi ẹ e kuja oku ụnụ.

Pita Nke Ẹbụọ 2:10

tụmadụ ndị hụn e mẹ ihiẹn ụrụ a gụnnị wẹ lẹ ndị e legberi ọkịkị. Obi ndị nkuzi-ntụ ndịnị e zekẹ, ihiẹn obi wẹ ye wẹ kẹ w'e mẹ; egun anịdẹ wẹ e kuja oku eje-mmọn.

Judu 1:10

Kanị ndịnị e kuja oku ihiẹn ọwụlẹ wẹ ghọtalẹni; wẹ rị e mẹ kẹ anụmanụ, a ghọta ihiẹn k'ọ rị wẹ, e gi ẹ a la iwi.

Judu 1:8

Ẹrịra kẹ ndị nkuzi-ụghanị dọn nwan a hụnsọnmẹ ọhụn e mẹ wẹ e mẹ ihiẹn ẹhụ wẹ gi a rụ, e legberi ọkịkị, e kuja oku eje-mmọn.