Taịtọsụ 3:1 - Ika

¹ Nyanhan nị wẹ nị wẹ e bu enwẹn wẹ e che okpuru ndị-ndu lẹ ndị-ọkịkị, wẹ e humẹ isi; wẹ kwademẹ nị wẹ e mẹ ihiẹn ọwụlẹ rị mma.

Taịtọsụ 3:1 ပူးပေါင်းရင်းမြစ်များ

Itẹn 24:21

Nwa m, ka a tụkwọ egun Osolobuẹ lẹ eze esọnkwọlẹ ndị nnupụ-isi,

Ẹkịliziastisi 10:4

Omẹni onyẹ rị a kịnị rị e buni i olulu, alatọlẹ ọrụn ị, ịgba-nkịtịn e dọnzidẹ mmẹfie bu ọda jọgbu enwẹn ẹ.

Azaya 43:26

Gbanị nị m ihiẹn ndị mẹ mbụ, nị ẹnyi dọ nị okuni ru alị; kin ni nwan nị ẹnyi lee kẹ ẹka ụnụ dọn rị ọchan.

Jerimaya 27:17

Egọnlẹ ni wẹ ntịn. Ka fe ni eze ndị Babilọnụ, kẹni ụnụ rị ndụn. Kị ụnụ k'a nịnị Osolobuẹ tikpọ obodoni?

Matiu 22:21

Wẹ nọ sị, “Nke Siza rọ.” Ya ọ nọ sị wẹ, “We ni nwan ihiẹn Siza ye Siza, ụnụ e we ihiẹn Osolobuẹ ye Osolobuẹ.”

Ndị Kọrẹntị Ibuzọ 15:58

Ezi umunẹ m, turu ni nwan; emẹhunmẹlẹ ni; a rụn nị ọrụn Di-nwọnni-ẹnyi a rụnwaye, ebe ụnụ marịn nị ọrụn ụnụ rụn imẹ Di-nwọnni-ẹnyi alakọ iwi.

Ndị Ẹfẹsọsụ 2:10

Ọrụn-ẹka Osolobuẹ kẹ ẹnyi wụ, ndị o ke imẹ Kraịstị wụ Jizọsị, kẹni ẹnyi hụn ụzọ e mẹ ihiẹn rị mma o ketọnị ẹnyi.

Ditrọnọmi 17:12

Onyẹ pa oku ọka-ikpe mọbụ onyẹ nchụn-ẹjan hụn e wuzo ebahụn a rụnnị Osolobuẹ wụ Chuku ụnụ ọrụn, wẹ k'e gburịrị a. Ụnụ k'e wepụchanrịnrịrị eje-ihiẹn ahụn imẹ Izrẹlụ.

Ndị Filipi 1:11

makẹni o ru a hụn w'a nị ndụn ụnụ a mịjungụọ mkpụrụ hụn wụ ezi-omumẹ, hụn gha ẹka Jesu Kristi a bịa. O k'e wẹhẹni Osolobuẹ ọghọ lẹ ọjịja-mma.

Ndị Kolosị 1:10

kẹni ụnụ e bi obibi furu Di-nwọnni-ẹnyi, obibi hụn a sụọn'a ụzọ ile, a mịpụha mkpụrụ ọrụn ọma ile rị ichẹn-ichẹn, a marịn Osolobuẹ, a marịnwaye.

Timoti Ibuzọ 2:2

e mẹzini ni ndị-nze lẹ ndị ile rị isi-ọkịkị ekpere ẹrịra, kẹni ẹnyi hụn ụzọ e gi udọn e bi, e bini Osolobuẹ, e nwọn mgbaye.

Timoti Ibuzọ 4:6

Ị gwa umunẹ ẹnyi imẹ Kraịstị ihiẹn ndịnị wẹ, i k'a wụrụ ezigbo onyẹ-ọrụn Kraịstị Jizọsị wẹ zụn ọhụnma, onyẹ wẹ gi ihiẹn ndị nke Kraịstị kweri lẹ ezigbo nkuzi zụn.

Timoti Ibuzọ 5:10

Ọ k'a wụrịrị onyẹ wẹ gi ọrụn ọma marịn: ya wụ, n'ọ zụnghọ ụmụ; n'ọ nabanhanghọ ndị ọbịa; n'o feghọ ndị nke Osolobuẹ, chanchanpụ wẹ unyin ụkụ; n'o yeghọnị ndị rị nsọngbu ẹka; n'o bughọ enwẹn ẹ che ọrụn ọma ụzọ ile.

Timoti Nke Ẹbụọ 1:6

Ufiri ẹ, m rị a nyanhann'ị n'ị fụnwun oyiye Osolobuẹ hụn rị imẹ i, hụn Osolobuẹ ye i ogẹn m gi bu ẹka kwasị ị.

Timoti Nke Ẹbụọ 2:14

A nyanhan nị wẹ ihiẹnni; e gi ẹfan Chuku a gba wẹ mkpịnsịn-ẹka ẹnya. Sị wẹ adọzịlẹ akpụrụ oku, nị ara ye ẹka, o wiwihụ ndị a nụn'a.

Timoti Nke Ẹbụọ 2:21

onyẹ chanchanpụ nwan enwẹn ẹ ihiẹn nwọnlẹni ọghọ, ọ wụrụ arịa nwọn ọghọ, arịa wẹ dọnmẹ ichẹn, hụn a bannị onyẹ nwọn ụlọ erere, arịa w'e gi mẹ ihiẹn ile rị mma.

Taịtọsụ 1:16

Wẹ sị n'a marịnghọ wẹ Osolobuẹ, kanị wẹ e gi ihiẹn w'e mẹ a ghọsị n'a marịn w'a. Wẹ wụ ihiẹn-izize; wẹ a gba isi-akwanran; w'a ra saẹka mẹ ihiẹn ọwụlẹ rị mma.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Taịtọsụ 3:14

Ndị nke ẹnyi wẹ mụnrụnzịkwọ kẹ wẹ dọn e we enwẹn wẹ a kwanị ihiẹn rị mma, kẹni wẹ saẹka e ye ẹka ezigbo mkpa pụha, amamgbe w'a wụrụ ndị nwọnlẹni hụn w'a rụn.

Taịtọsụ 3:8

Ọnwan wụ ezioku. M chọ ni y'e ku ihiẹn ndịnị, e kushi wẹ ikẹn, kẹni ndị kwerigụnị Osolobuẹ hụn ụzọ e dọnrin ẹnya e we enwẹn wẹ a kwanị ọrụn ọma. Ihiẹn ndịnị a rịka mma, w'a bannị ịhịan ile erere.

Hibru 13:21

ya dodo yechanrịn ụnụ ihiẹn ile rị mma ụnụ e gi mẹ uche ẹ, a rụn ọrụn imẹ ndụn ẹnyi kẹni ihiẹn a sụọn'a hụn ụzọ e mẹ imẹ ndụn ẹnyi ghahanị Jesu Kristi. Ọjịja-mma ya rịnị Jizọsị Kraịstị ogẹn ile jẹnrin ejẹn! Isẹẹ.

Pita Nke Ẹbụọ 1:12

Ya wụ, m chọ nwan nị m'a nyanhannị ụnụ ihiẹn ndịnị ogẹn ile, ọsụọn'a nị ụnụ a marịngụọlẹ wẹ; ọsụọn'a nị ụnụ e turugụọ ọhụnma imẹ ezioku hụ wẹ wẹhẹni ụnụ.

Judu 1:5

M chọ nị m nyanhan nị ụnụ ihiẹn ụnụ marịn, nị Di-nwọnni-ẹnyi ahụn gha alị Ijiptu zụọpụha ndị Izrẹlụ gizi ẹka a tikpọ ndị rị imẹ wẹ hụn kwerilẹni;