Taịtọsụ 2:2 - Ika

² Kuzi ikẹnnyẹ-ọba wẹ wụrụ ndị ẹnya dọn, ndị furu w'a gbaye, ndị e kwọndọn enwẹn wẹ, ndị turu ọhụnma ebe okukwe lẹ ihiẹn-ọsụsụọ lẹ ndidin rị.

Taịtọsụ 2:2 ပူးပေါင်းရင်းမြစ်များ

Jobu 12:12

Ẹlẹ imẹ ndị ẹgẹdi kẹ wẹ nọ a hụn amamihiẹn? Ẹlẹ onyẹ gha a tọcheni ọ hụ e nwọnwaye nghọta?

Ẹbụ-ọma 92:14

Wẹ kagụdẹ ẹgẹdi, wẹ k'a gha a mịzị mkpụrụ, e du, a gha ihun;

Itẹn 16:31

Isi-ẹwọ wụ ugọn wẹ tu ịhịan gi ye ẹ ọghọ; obibi-ọma kẹ wẹ gi e nwọn ẹ.

Azaya 65:20

Ụmụ-ẹka anwụnkọzị ebe wẹ pa wẹ ẹka, onyẹ ka-ẹhụ anwụnchukọzị. Onyẹ tọ ahụa ọgụn-isẹn nwụnhụn, e sị wẹ n'ọ tọnị; onyẹ hụn rulẹni nwa ahụa ọgụn-isẹn nwụnhụn, a sị wẹ ‘Wẹ bụ a ọnụ’.

Lẹvitikọsụ 19:32

“E lihi ni ndị ẹgẹdi ọtọ, e lee ndị ẹgẹdi ẹnya ihun makẹ egun Chuku i. Mmẹ wụ Osolobuẹ.

Makị 5:15

Ya wẹ nọ bịa d'e kunrun Jesu; wẹ nọ hụn onyẹ hụ igunrun eje-mmọn te rị imẹ ẹ: ọ nọdịhụ alị, o yihụ ẹkwa, o gihụ ezigbo uche ẹ. Ya kẹ egun nọ tụma wẹ.

Luku 8:35

Ndị nụnị nọ pụha d'a hụn ihiẹn mẹni. E ru wẹ ebe Jesu rị, wẹ nọ hụn okẹnnyẹ ahụn eje-mmọn ndị hụ gha imẹ ẹ pụ k'ọ nọdị alị ẹhụ ụkụ Jesu: o yihụ ẹwuru; uche ẹ zu oke; ya kẹ egun nọ tụma wẹ.

Ọrụn Ndị-ozi 24:25

K'o dọn rị e ku oku ezi-omumẹ lẹ ikwọndọn-enwẹn ịhịan lẹ Okinkin-ikpe lalanị, egun nọ tụma Fẹlisi. Ọ nọ sị, “I k'e jẹnmẹgụ, m k'a chọ efe kpọzị ị.”

Ndị Rom 12:3

M rị e gi ikẹn Osolobuẹ ye m a sị onyẹ-onyẹ imẹ ụnụ: edọnmẹlẹ enwẹn i ebe i rulẹni, ka dọnrin ẹnya lele kẹ Osolobuẹ yehan ị okukwe, n'i dọnmẹ enwẹn i ebẹhụ.

Ndị Kọrẹntị Ibuzọ 15:34

Tẹnhin ni nwan nwọnrin uche; ụnụ e mẹbehi njọ, nị ụfọdụ imẹ ụnụ amarịn Osolobuẹ, kaka! M rị e ku ọnwan kẹni ifẹnrẹn mẹ ụnụ.

Ndị Kọrẹntị Ibuzọ 9:25

Onyẹ-ọsọ ọwụlẹ chọ n'o mẹri a napụsọnmẹ enwẹn ẹ ihiẹn ile rị ichẹn-ichẹn. Wẹ e mẹ ihiẹnni ile nị wẹ gi okpu mmaka e wiwini tu wẹ ugọn. Kanị, ẹnyi nwẹn rị a gbanị hụn ghalẹni e wiwi.

Ndị Kọrẹntị Nke Ẹbụọ 5:13

Makẹni, omẹni ẹnyi e mẹ kẹ ndị uche wẹ zulẹni, ufiri Osolobuẹ rọ; omẹni ẹnyi e mẹ kẹ ndị uche wẹ zu oke, ufiri ụnụ rọ.

Ndị Galeshịa 5:23

imẹ-jụụ, ikwọndọn-enwẹn ịhịan. Onyẹ e mẹ ihiẹn ndịnị adannị iwu ọwụlẹ.

Ndị Filipi 4:8

Umunẹ m, igi mẹkin, m sị ụnụ, e bu ni obi e che ihiẹn ọwụlẹ wụ ezioku, ihiẹn ọwụlẹ w'a gbaye, ihiẹn ọwụlẹ furuni; ihiẹn ọwụlẹ eje-ihiẹn rịlẹni, ihiẹn ọwụlẹ a sụọ ịhịan ụsụọ ẹfọ, ihiẹn ọwụlẹ w'a ja mma; ihiẹn ọwụlẹ rịchanrịn mma, ihiẹn ọwụlẹ wẹ e ku oku ẹ ọhụnma.

Ndị Tẹsalonika Ibuzọ 5:6

Ya wụ, ẹnyi aranhịnkọ kẹ ndị ọzọ; kama, nị ẹnyi kpachanpụ nị ẹnya, nị ẹnyi dọnrin ẹnya.

Ndị Tẹsalonika Ibuzọ 5:8

Kanị, ebe o mẹni ẹnyi wụ ndị e bi ebe eki rị elu, nị ẹnyi dọnrin ni nwan ẹnya; nị ẹnyi yiri okukwe lẹ ihiẹn-ọsụsụọ kẹ ẹwuru igwe onyẹ-agha gi e gbọndọn obi ẹ, ẹnyi e yiri olilẹnya nzụọpụha nọkẹ okpu onyẹ-agha gi e gbọndọn isi ẹ.

Timoti Ibuzọ 1:10

ndị ughẹrẹ lẹ ikẹnnyẹ wẹ lẹ ikẹnnyẹ e mẹ mgba lẹ ikpoho wẹ lẹ ikpoho e mẹ mgba; ndị e re ịhịan lẹ ndị e ṅọn ịhịan; ndị-ntụ lẹ ndị a shịa ẹri-ntụ — lẹzi ndị ọzọ ile e mẹ ihiẹn ọwụlẹ ya lẹ ezigbo nkuzi ghalẹni a dangbama.

Timoti Ibuzọ 1:14

Di-nwọnni-ẹnyi gi ẹka rị mma sọn m, mẹni m omikẹn ọda-ọda, wezi okukwe lẹ ihiẹn-ọsụsụọ rị imẹ Jizọsị ye m ọda-ọda.

Timoti Ibuzọ 1:2

M rị e dejẹnni Timoti wụ ezigbo nwa m imẹ okukwe. Ẹfọma lẹ omikẹn lẹ udọn Chuku-Nẹdi lẹ Kraịstị wụ Jizọsị Di-nwọnni-ẹnyi ya rịnị ị.

Timoti Ibuzọ 1:5

I sikọ d'a gwa wẹ akuzizilẹ, kẹni ịhịan hụn ụzọ gi ihiẹn-ọsụsụọ gha obi rị mma pụha e bi, e gi ịhọrị rị mma lẹ okukwe ru akpakalị obi e bi.

Timoti Ibuzọ 3:11

Ẹrịra k'ọ rịzịkwọ ikpoho, wẹ k'a wụrịrị ndị furu w'a gbaye; awụkọ wẹ ndị e kuja oku ịhịan. Wẹ k'a wụrịrị ndị ẹnya dọn, e wetu obi alị; wẹ k'a wụrịrị ndị wẹ gi e dọn ẹnya imẹ ihiẹn ile.

Timoti Ibuzọ 3:2

Ya wụ, onyẹ-isi ụka k'a wụrịrị onyẹ nwọnlẹni nkọrịanị. O k'a wụrịrị onyẹ nwọn nwunyẹ ohu sụọ; onyẹ e kwọndọn enwẹn ẹ; onyẹ nwọn uche; onyẹ furu w'a gbaye, onyẹ ma nabanhan ọbịa; onyẹ ma kuzi nkuzi.

Timoti Ibuzọ 3:4

Ọ k'a wụrịrị onyẹ hụn a s'ẹka a kị ikpụlọ a ọhụnma, a hụn a nị ụmụ a hụ e humẹ isi, a gbaye ẹ ogẹn ile.

Timoti Ibuzọ 3:8

Ẹrịrazịkwọ, ndị-ọrụn ụka k'a wụrịrị ndị furu w'a gbaye; awụkọ wẹ ndị irenaị; awụkọ wẹ ndị okẹn-manya mọbụ ndị ẹkpịrị-egho.

Timoti Ibuzọ 5:1

Aganlẹ okẹnnyẹ-ọba, ka gi mgbaye gwa a oku nọkẹ nẹdi ịhịan; a gwa ikẹnnyẹ rị ibe alị oku rịkẹ umunẹ;

Taịtọsụ 1:13

Ezioku k'o ku. A jụgbọ wẹ nwan ọhụnma-ọhụnma, kẹni wẹ hụn ụzọ turu ọhụnma imẹ okukwe,

Taịtọsụ 1:8

Kama, o k'a wụrịrị onyẹ ma nabanhan ọbịa; onyẹ hụn imẹ ihiẹn rị mma a sụọ; onyẹ uche ẹ zu oke, onyẹ kụma enwẹn ẹ ọtọ; onyẹ rị nsọ, onyẹ e kwọndọn enwẹn ẹ.

Taịtọsụ 2:7

Wụrụ onyẹ wẹ e leri imẹ ihiẹn ile rị mma. Ebe nkuzi i rị, wụrụ onyẹ ezioku lẹ onyẹ ghalẹni e gi nkuzi e gu egu,

Filemọnụ 1:9

kanị makẹ ufiri ihiẹn-ọsụsụọ, ọ ka m mma nị m rịọ ị. Mmẹ Pọlụ, hụn wụ okẹnnyẹ-ọba, hụn rị a nọkin ẹnya Jizọs Kraịstị, hụn rị imẹ ngan makẹ ufiri Jizọs Kraịstị; mmẹ rị a rịọ ị.

Pita Ibuzọ 1:13

Kwademẹ ni nwan obi ụnụ, e dọnrin ẹnya; buchanrịn nị obi che ọhụnma hụ Osolobuẹ k'e mẹni ụnụ ogẹn Jesu Kristi e gi bịa.

Pita Ibuzọ 4:7

Ihiẹn ile e d'e bi. E kwọndọn ni nwan enwẹn ụnụ, e dọnrin ẹnya makẹ ọdakin gha a rị ekpere ụnụ.

Pita Ibuzọ 5:8

E dọnrin ni ẹnya; e che ni nche. Makẹni eṅẹnrẹn ụnụ wụ Ekwensụ rị a ghahunmẹ nọkẹ ẹwọrọ rị e dẹnni, a chọ onyẹ o k'a nwụn ri.

Pita Nke Ẹbụọ 1:6

Wezi ni ikwọndọn-enwẹn ịhịan cheni ịmarịn-ihiẹn. E we ni ezigbo ndidin e cheni ikwọndọn-enwẹn ịhịan; ụnụ e we ibini Osolobuẹ e cheni ezigbo ndidin.