Taịtọsụ 2:12 - Ika

¹² Ẹfọma ahụn a kuzi ẹnyi ịjụ obibi rịlẹni mma ẹnya Osolobuẹ lẹ ịjụ ihiẹn-ọlịlẹnya ụwanị; ọ kuzi ẹnyi igi uche e bi lẹ ibi obibi kụrụ ọtọ lẹ ịtụ egun Osolobuẹ — imẹ ụwanị ẹnyi rị,

Taịtọsụ 2:12 ပူးပေါင်းရင်းမြစ်များ

Ẹbụ-ọma 105:45

O mẹ ẹ kẹni ndị nke ẹ e dọnmẹ uhi ẹ, e dọnmẹ iwu ẹ. Ja nị Osolobuẹ mma!

Ẹbụ-ọma 4:3

Marịnkwọ nị nị Osolobuẹ e wegụọ onyẹ e fen'ẹ che ẹhụ a; m kpọ Osolobuẹ oku, ọ k'a za m.

Izikẹlụ 36:27

M k'e bu Mmọn m che imẹ ndụn ụnụ, e mẹ ụnụ e dọnmẹ Iwu m, e gi usọnrọn m e bi.

Matiu 12:32

Nị wẹ gbagharịghọ onyẹ kuja oku mmẹ wụ Nwa nke Ịhịan; kanị, agbagharịkọ wẹ onyẹ kuja oku Mmọn-nsọ; agbagharịkọ w'a kẹ ogẹnni kẹ ogẹn ahụn lalanị.

Matiu 16:24

Ya Jizọsị nọ sị ndị nsọnmazụụn a, “Onyẹ chọ n'o sọn m, ya jụkwọ enwẹn ẹ, buru obe ẹ, sọnmẹ m.

Matiu 28:20

Kuzi ni wẹ, nị wẹ e mẹ ihiẹn ile m sị ụnụ mẹ. Eziẹ, m nọyeni ụnụ ogẹn ile d'e ru ọgụgụ-ogẹn.”

Luku 1:6

Wẹ ẹbụbụọ wụ ndị ezi-omumẹ ẹnya Osolobuẹ; w'e dọnmẹchanrịn iwu lẹ ọdịnalị Di-nwọnni-ẹnyi, onwọnni hụn w'e gi kọrịanị wẹ —

Luku 1:75

ẹnyi e gi ịrị-nsọ lẹ ezi-omumẹ e fe ẹ, ẹnyi e we nwụn.

Jọnụ 14:30

Ogẹn arịa m'e gi gwamazị ụnụ ihiẹn bu ọda, makẹni onyẹ hụn a kị ụwanị lala nwan; onwọnni ihiẹn o k'a saẹka mẹ m,

Jọnụ 6:25

Ogẹn wẹ gi hụn Jesu nfetu “ohimin” hụ, wẹ nọ sị a, “Onyẹ-nkuzi, ele ogẹn k'i gizi ru ebeni?!”

Ọrụn Ndị-ozi 24:16

Ufiri ẹ kẹ m gi a lịlịma ogẹn ile, kẹni m hụn a nị obi m rị ọchan ebe Osolobuẹ lẹ ịhịan rị.

Ọrụn Ndị-ozi 24:25

K'o dọn rị e ku oku ezi-omumẹ lẹ ikwọndọn-enwẹn ịhịan lẹ Okinkin-ikpe lalanị, egun nọ tụma Fẹlisi. Ọ nọ sị, “I k'e jẹnmẹgụ, m k'a chọ efe kpọzị ị.”

Ndị Rom 12:2

Elerilẹ ni ndị ụwanị, ka nị nị Osolobuẹ hutọ ụnụ ghahanị ihutọ iroro ụnụ. Mẹn'ẹ kẹni ụnụ hụn ụzọ marịn ihiẹn wụ uche Osolobuẹ, ihiẹn rị Osolobuẹ mma, ihiẹn a sụọ a ụsụọ, ihiẹn zu oke.

Ndị Rom 6:12

Anịlẹ ni nwan njọ a kị ẹhụ ụnụ, e mẹ ụnụ a gbaye eje-ihiẹn a gụnsọnmẹ ẹhụ ụnụ;

Ndị Rom 6:19

(M rị e ku ẹ hụ kẹ ịhịan e ku kẹni ọ nị ụnụ ghọha.) Kẹ ụnụ te dọn we mkpamkpa ẹhụ ụnụ ye ihiẹn-ụrụ lẹ eje-obibi nọkẹ igbọn — hụn ụnụ gi rị e bi eje-obibi, e biwaye, gizi ni nwan ẹrịra we mkpamkpa ẹhụ ụnụ ye ezi-omumẹ, kẹni ụnụ rị nsọ.

Ndị Rom 8:13

Makẹni, ụnụ bimẹ kẹ ịhịan-mmaka, ụnụ k'a nwụnhụnrịrị. Kanị, ụnụ gi isọn Mmọn-nsọ gbupụ eje-ihiẹn ndị ahụn ẹhụ e mẹ, ụnụ k'a rị ndụn.

Ndị Kọrẹntị Nke Ẹbụọ 1:12

Ihiẹn ẹnyi gi a nyan isi wụ ọnwan: nị ịhọrị ẹnyi rị a shịanị ẹnyi ẹri nị ẹnyi gi obi rị ọchan lẹ ezioku Osolobuẹ bi obibi ẹnyi imẹ ụwa, tụmadụ ẹgbata ẹnyi lẹ ụnụ; nị ẹnyi egini amamihiẹn ụwa bi, kanị eyemẹka Osolobuẹ.

Ndị Kọrẹntị Nke Ẹbụọ 7:1

Ndị nke m, hụnnị Osolobuẹ kwe ẹnyi nkwa ndịnị, nị ẹnyi chanpụ enwẹn ẹnyi ihiẹn ile e mẹrụ ẹhụ lẹ mmọn, gi egun Osolobuẹ a rịchanrịn nsọ.

Ndị Galeshịa 1:4

Di-nwọnni-ẹnyi wụ Jizọs Kraịstị we ndụn a ye makẹ ufiri njọ ẹnyi, kẹni ọ gbapụha ẹnyi imẹ eje-agbọnị gi mẹzu uche Osolobuẹ ẹnyi wụ Nẹdi ẹnyi.

Ndị Galeshịa 5:24

Ndị hụn wụ nke Kraịstị Jizọsị a kpọgbugụọ ịhịan-mmaka wẹ te wụ lẹ ihiẹn a gụnn'a lẹ ihiẹn a sụọn'a elu obe Kraịstị.

Ndị Ẹfẹsọsụ 1:4

Nị Osolobuẹ d'e kedẹ ụwa, ọ họtọgụọlẹ ẹnyi imẹ Kraịstị makẹni o nwọn ihiẹn-ọsụsụọ ẹnyi, nị ẹnyi jẹnkọ d'a wụrụn'a ndị rị nsọ, nwọnlẹni nkọrịanị.

Ndị Ẹfẹsọsụ 2:2

Ụnụ e mẹ njọ, e mẹfie nọkẹ ndị ụwanị, e sọn onyẹ hụn a kị eje-mmọn ile rị imẹ elu, mmọn ahụn rị nwan ọrụn imẹ igunrun ndị rị e nupụ isi okpuru Osolobuẹ.

Ndị Kolosị 1:22

Kanị Kraịstị e gigụọ nwan ẹhụ o gi bi elu-ụwanị dọnzi ẹgbata ụnụ lẹ Osolobuẹ, ghahanị ọnwụn a, kẹni o wepụha ụnụ ihun ẹ kẹ ndị rị nsọ, nwọnlẹni nkarụ mọbụ nkọrịanị,

Ndị Tẹsalonika Ibuzọ 4:7

Makẹni, ẹlẹ obibi ru unyin kẹ Osolobuẹ kpọ ẹnyi d'e bi, kanị obibi rị ọchan.

Ndị Tẹsalonika Ibuzọ 4:9

O mẹ nke inwọn ihiẹn-ọsụsụọ ibe ụnụ nọkẹ umunẹ imẹ Kraịstị, ọ rịnị mkpa nị wẹ deni ụnụ ihiẹn ọwụlẹ. Makẹni, Osolobuẹ e gigụọ ẹka a kuzi ụnụ inwọn ihiẹn-ọsụsụọ ibe ụnụ.

Timoti Ibuzọ 4:12

Anịkwọlẹ onyẹ ọwụlẹ legberi i n'ị wụ nwata. Ka wụrụ onyẹ ndị kwerini e leri oku-ọnụ a, obibi ẹ, ihiẹn-ọsụsụọ a, okukwe ẹ lẹ k'o dọn e dọnmẹ obi ẹ ọchan.

Timoti Ibuzọ 6:17

Nke ndị wụ ọdanfịn elu ụwanị, gba wẹ mkpịnsịn-ẹka, sị wẹ apachelẹ mọbụ gi ẹfe (akụ-lẹ-ụba) ụwanị ghalẹni a tọ dọn ẹnya. Kama, wẹ gi Osolobuẹ dọn ẹnya, onyẹ hụn e yechanrịn ẹnyi ihiẹn ile e yekwasị kẹni ẹfọ a sụọ ẹnyi ụsụọ.

Timoti Ibuzọ 6:9

Ndị rị a chọ nị wẹ hi ọdanfịn a danban ọnwụnwan lẹ ọnyan lẹ ẹgụn rị ichẹn-ichẹn nwọnlẹni isi a rụ ịhịan ẹhụ, e wiwi ịhịan, e tikpọ a.

Timoti Nke Ẹbụọ 3:12

Eziẹ, wẹ k'e kpokporịrị ndị ile chọ nị wẹ bi obibi ndị e fe Osolobuẹ imẹ Kraịstị Jizọsị.

Timoti Nke Ẹbụọ 4:10

nị Dẹmasị a lagụọ m tọ shi Tẹsalonika, makẹni ihiẹn ụwanị rị a sụọ a; Krẹsẹnsị nkẹ e shigụọ Galeshịa, Taịtọsụ e jẹnmẹ Damashịa.

Taịtọsụ 3:3

Makẹni, ẹnyi nwẹn te wụzị ndị-nzuzu, ndị nnupụ-isi lẹ ndị wẹ dufie; eje-ihiẹn a gụnnị ẹnyi lẹ ihiẹn ichẹn-ichẹn a sụọnị e te kịzịghọ ẹnyi kẹ igbọn. Ẹnyi te e mẹ ibe ẹnyi eje-ihiẹn, e we iwe-ẹnya, ize ẹnyi hụ e ze ịhịan, ize ibe ẹnyi hụ e ze ẹnyi.

Hibru 8:11

Ẹlẹzi hụn ịhịan k'e gi kuzimẹ ibe ẹ, mọbụ gwama ibe ẹ, “Marịnkwọ Onyẹ-nwọnni-ẹnyi.” Makẹni, wẹ ile jẹnkọ d'a marịn m; gha onyẹ kachanrịn ntịn imẹ wẹ d'e ru onyẹ kachanrịnnị.

Jemisi 1:27

Ezigbo ofufe zu oke, rụlẹni ẹnya Osolobuẹ Nẹdi ẹnyi wụ hụnnị: ịtụnị ndị nwọnlẹni nẹdi mọbụ nnẹ lẹ ikpoho di wẹ nwụn rị e ri ụya ụya, lẹzi idọnmẹ enwẹn ịhịan makẹ ụwa gha e mẹrụ a.

Pita Nke Ẹbụọ 2:9

wẹ ile ghọsị nị Di-nwọnni-ẹnyi ma gbapụha ndị e fen'ẹ imẹ ọnwụnwan, e bu ndị-njọ e che imẹ afụnfụn d'e ru Ụhụọhịn okinkin-ikpe,

Pita Nke Ẹbụọ 3:11

Ebe o mẹ ni wẹ k'e tikpọpụ ihiẹn ndịnị ile ẹnịna, o furu nị ụnụ e bi obibi rị nsọ, e gi egun Osolobuẹ e bi,

Jọnụ Ibuzọ 2:27

O mẹ nke ụnụ, udẹn Mmọn-nsọ a hụn rị imẹ ndụn ụnụ a kuzi ụnụ ihiẹn ile, ẹlẹzi hụn ụnụ e gi chọmazị onyẹ k'a kuzini ụnụ. Ihiẹn udẹn Mmọn-nsọ a kuzi ụnụ wụ ezioku — ntụ arị a. Mẹ ni nwan ihiẹn ọ kuzi ụnụ: nọdị nị imẹ Kraịstị.

Jọnụ Ibuzọ 2:6

onyẹ hụn sị n'ọ rị imẹ ẹ sikọ d'e birịrị k'o dọn bi.

Jọnụ Ibuzọ 5:19

Ẹnyi a marịnghọ nị ẹnyi wụ nke Osolobuẹ kanị ụwa ile rị okpuru Eje-onyẹ hụ.

Judu 1:18

Wẹ gwa ụnụ nị “Ndị-nlelịa k'a pụha ogẹn ikpanzụụn, ndị e mẹ ihiẹn rị a gụnnị wẹ.”

Rẹvẹleshọnụ 14:12

Ọnwan chọ ndidin ẹka ndị nsọ, ndị e mẹ ihiẹn Osolobuẹ ku, kwerini Jizọsị jẹnrin ejẹn.