Taịtọsụ 2:11 - Ika

¹¹ Makẹni, ẹfọma Osolobuẹ gi a zụọpụha ịhịan ile a pụhagụọ ifọn.

Taịtọsụ 2:11 ပူးပေါင်းရင်းမြစ်များ

Ẹbụ-ọma 67:2

Kẹni ụwa ile marịn kẹ y'e mẹ, alị ile a marịn kẹ i dọn a zụọpụha.

Ẹbụ-ọma 84:11

Makẹni, Osolobuẹ wụ Chuku ẹnyi wụ ẹnyanwụn lẹ akpaịn, ara gi ihiẹn ọwụlẹ rị mma jọ ndị obibi wẹ kụrụ ọtọ ẹfọ.

Ẹbụ-ọma 96:10

Sị nị alị ndị ọzọ, “Osolobuẹ wụ eze!” Ụwa hụ ebe o butọ a, o mẹhunmẹkọ; Osolobuẹ ka hannị alị ile ezigbo eṅẹn.

Azaya 45:22

Buruhẹ nị m nwan nị m zụọpụha ụnụ, ndị ile rị elu-ụwa! Makẹni, mmẹ wụ Chuku, ọzọ arịa.

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 52:10

Osolobuẹ sikọ d'a ghọsị ẹka a rị nsọ idẹnya alị ndị ọzọ ile, elu-ụwa ile a hụn kẹ Chuku ẹnyi dọn a zụọpụha.

Zẹkaraya 12:10

M k'e hu mmọn omikẹn lẹ arịrịọ ye ebọn eze-Defidi lẹ ndị bi Jerusalẹm obi, nke wụnị, wẹ k'e lee m ẹnya, onyẹ hụn wẹ dụn ihiẹn, a kwannị w'a ẹkwan kẹ ịhịan a kwan akpụ nwa ohu ọ mụ; wẹ k'a kwangbu enwẹn wẹ nọkẹ onyẹ okẹnnyẹ ibuzọ a nwụnnahịn.

Zẹkaraya 4:7

“Ihiẹn ọwụlẹ ị wụ, uguni jẹngbu enwẹn elu, i k'e ziẹnkpọ ihun Zerubabẹlụ, họnrin alị aradan. Zerubabẹlụ gha a tụngụ ụlọnị, ịhịan ile k'a rị e yi, ‘Ẹfọma rọ; ẹfọma rọ!!’ ”

Matiu 28:19

Jẹnmẹ ni nwan d'e mẹ ndị alị ile rị ichẹn-ichẹn wụrụ ndị e sọnni m; e gi ni ẹfan Nẹdi lẹ Nwa lẹ Mmọn-nsọ e mẹ wẹ mirin-Chuku.

Makị 16:15

Ọ nọ sị wẹ, “Ghagbama nị ụwa ile d'e zi ihiẹn ile Chuku ke oziọma.

Luku 24:47

nị wẹ jẹnkọ d'e gi ẹfan a zi ndị alị ile ozi w'e gi rogharị kẹni Osolobuẹ gbagharị wẹ njọ; nị Jerusalẹm kẹ wẹ jẹnkọ d'a gha bidọn.

Luku 3:6

ịhịan ile a hụn nzụọpụha Osolobuẹ!’ ”

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 1:9

Onyẹ hụn wụ Ezigbo Ukpẹ hụn e ye ịhịan ile ukpẹ lala imẹ ụwa ogẹn ahụn.

Ọrụn Ndị-ozi 11:23

Ogẹn o gi ru ẹ, hụn ẹfọma Osolobuẹ k'ọ rị ọrụn, ọ nọ ghọghọ; ọ nọ dụn wẹ ọdụn wẹ wechanrịn enwẹn wẹ kwanị Di-nwọnni-ẹnyi, kwọnkẹnmẹchanrịn Di-nwọnni-ẹnyi.

Ọrụn Ndị-ozi 13:43

Ogẹn wẹ gi gbashịagụ, ndị Ju bu ọda lẹ ndị ọzọ e fe ofufe ndị Ju nọ sọnmẹ Pọlụ lẹ Banabasị. Pọlụ lẹ Banabasị nọ gba wẹ umẹ, sị wẹ turusọnmẹ imẹ ẹfọma Osolobuẹ mẹni ẹnyi.

Ọrụn Ndị-ozi 13:47

Makẹni ya kẹ Di-nwọnni-ẹnyi sị ẹnyi mẹ: ọ sị, ‘E tumẹgụọ m ụnụ nị ụnụ wụrụ ukpẹ ndị alị ọzọ, kẹni ụnụ wẹhẹ nzụọpụha ebe ile rị elu ụwa.’ ”

Ọrụn Ndị-ozi 17:30

Osolobuẹ e fepụghọ ẹnya ogẹn mbụ ịhịan marịnlẹn'a. Kanị, ọ sị nwan ịhịan ile rị ebe ile wẹ rogharị.

Ọrụn Ndị-ozi 20:24

Kanị onwọnni ihiẹn m kpọ ndụn m, kasị m gbagụ ọsọ Osolobuẹ, rụngụ ọrụn Di-nwọnni-ẹnyi wụ Jesu buche m ẹka: ọrụn izisọnmẹ oziọma banyeni ọhụnma Osolobuẹ mẹ.

Ndị Rom 10:18

Nị m jụ nwan: ndị Izrẹlụ anụnị nwan ozi hụ ra? Eziẹ, a nụgụọ w'a. Ọ nọhụ kẹ Ẹkụkwọ-nsọ dọn ku, sị, “Olu wẹ a pụọlẹ; ọ ghagbarịgụọ ụwa ile; ihiẹn wẹ rị e ku e rugụọ ebe ụwa ru.”

Ndị Rom 5:15

Kanị, ihiẹn Osolobuẹ ye ọfẹ anọnị kẹ njọ Adam. Ọnwụn kẹ njọ okẹnnyẹ ohu hụ wụ Adam buhẹni ndị bu ọda. Kanị, Osolobuẹ gi ẹfọma okẹnnyẹ ohu ahụn wụ Jesu Kristi mẹni ndị bu ọda ọhụnma, ye wẹ ihiẹn-ọfẹ — ẹlẹ ọnwụn.

Ndị Rom 5:2

onyẹ hụn Osolobuẹ gha ẹka a gi okukwe ẹnyi webanhan ẹnyi ọnọdị ndị wẹ mẹni ẹfọma hụn ẹnyi turu nwan imẹ ẹ; ẹnyi rị nwan a ṅan makẹni ẹnyi rị e lee ẹnya ọghọ Osolobuẹ jẹnkọ d'e ye ẹnyi!

Ndị Kọrẹntị Nke Ẹbụọ 6:1

Makẹni ẹnyi lẹ Osolobuẹ gba a rụn, ẹnyi rị nwan a rịọ ụnụ: dodo ni, anịlẹ ni ẹfọma Osolobuẹ rugụ ụnụ ẹka la iwi.

Ndị Galeshịa 2:21

Emẹkọ m ẹfọma Osolobuẹ la iwi, makẹni, omẹni idọnmẹ Iwu kẹ Osolobuẹ te gi e kuni ịhịan ọhụnma, ya wụ nị ọnwụn Kraịstị nwụn wụ ihiẹn la iwi!”

Ndị Ẹfẹsọsụ 2:5

ọsụọn'a nị njọ ẹnyi e te gbugụọ ẹnyi, ọ nọ gha ọnwụn wepụha ẹnyi, mẹ ẹnyi sọn Kraịstị rịzị ndụn. Ẹfọma Osolobuẹ mẹ kẹ ụnụ gi nwọn nzụọpụha.

Ndị Ẹfẹsọsụ 2:8

ẹfọma haịn Osolobuẹ gi gi okukwe ụnụ zụọpụha ụnụ, ẹlẹ ụnụ gi ẹka ụnụ mẹ ẹ, ihiẹn Chuku ye ọfẹ rọ —

Ndị Kolosị 1:23

omẹkwọ nị ụnụ e wuzoghọ ọhụnma, turukẹnmẹ imẹ okukwe; omẹni ụnụ alatọnị olilẹnya hụ rị oziọma ụnụ nụ hụn wẹ zigbarịgụ ndị ile rị okpuru elu-igwee. Ọrụn Oziọmanị kẹ wẹ tumẹ mmẹ wụ Pọlụ d'a rụn.

Ndị Kolosị 1:6

Oziọma e rugụọ ụnụ ẹka. K'o dọn a mị mkpụrụ, e sue, a ghagbarị ụwa ile, ẹrịra k'o gizi nwan rị a mị mkpụrụ imẹ ụnụ kete ụhụọhịn ahụn ụnụ nụ a, ghọta ẹfọma Osolobuẹ mẹ nke-esi.

Ndị Tẹsalonika Nke Ẹbụọ 2:16

Di-nwọnni-ẹnyi Jesu Kristi lẹ enwẹn ẹ lẹ Chuku Nẹdi ẹnyi hụn gi ihiẹn-ọsụsụọ o nwọn ebe ẹnyi rị mẹni ẹnyi ọhụnma ye ẹnyi nkasị-obi itẹbitẹ lẹ olilẹnya rị mma,

Timoti Ibuzọ 1:14

Di-nwọnni-ẹnyi gi ẹka rị mma sọn m, mẹni m omikẹn ọda-ọda, wezi okukwe lẹ ihiẹn-ọsụsụọ rị imẹ Jizọsị ye m ọda-ọda.

Timoti Ibuzọ 2:4

makẹni Osolobuẹ chọ nị ịhịan ile nwọnrin nzụọpụha, marịn ezioku.

Timoti Nke Ẹbụọ 1:10

ọ nọ mẹ ẹ pụha ifọn ogẹnni ghahanị ọbịbịa Kraịstị wụ Jizọsị Onyẹ-nzụọpụha ẹnyi bịa imẹ ụwa. Kraịstị wụ Jizọsị e mẹrigụọ ọnwụn, napụ a ikẹn. O gigụọ Oziọma wepụha ndụn lẹ ibi-jẹnrin-ejẹn ifọn.

Timoti Nke Ẹbụọ 4:17

Kanị Di-nwọnni-ẹnyi nọyeni m anọyeni; ọ nọ ye m ikẹn, kẹni m hụn ụzọ ziru oziọma alị, zi ẹ nị ndị alị ndị ọzọ ile wụlẹni ndị Ju nụ a. Ọ zụọpụha m ọnụ ẹwọrọ ahụn.

Hibru 12:15

Hụn n'a n'o nwọnni onyẹ ẹfọma Osolobuẹ fie; nị ize ewerini ọnọdị imẹ igunrun ụnụ, buhẹ nsọngbu, mẹrụ ndị bu ọda.

Hibru 2:9

Kama, ẹnyi rị a hụn Jizọsị, onyẹ ahụn Osolobuẹ mẹ nị ndị mmọn-ozi karị a ẹkẹrẹ ogẹn, kẹni o gi ufiri ẹfọma Osolobuẹ nwụndọnni ịhịan ile ọnwụn; o kpurugụọ nwan ọghọ lẹ mgbaye nọkẹ okpu-eze makẹni ọ tagụọ afụnfụn nwụnnị ẹnyi ọnwụn.