Taịtọsụ 1:8 - Ika

⁸ Kama, o k'a wụrịrị onyẹ ma nabanhan ọbịa; onyẹ hụn imẹ ihiẹn rị mma a sụọ; onyẹ uche ẹ zu oke, onyẹ kụma enwẹn ẹ ọtọ; onyẹ rị nsọ, onyẹ e kwọndọn enwẹn ẹ.

Taịtọsụ 1:8 ပူးပေါင်းရင်းမြစ်များ

Ndị-nze Nke Ibuzọ 5:1

Ogẹn Hiram wụ eze Taya gi nụ nị e kingụọ wẹ Solomọnụ eze gi nọkin ẹnya nẹdi ẹ wụ Defidi, ọ nọ zi idibo ẹ d'a hụn Solomọnụ, makẹni kẹ Defidi rị ndụn Defidi lẹ Hiram a sụọ asụọ.

Ndị-nze Nke Ibuzọ 5:7

Ogẹn Hiram gi nwọnhẹn ozi Solomọnụ, obi nọ sụọ a ụsụọ ọda-ọda, ọ nọ sị, “Ọjịja-mma ya rịnị Osolobuẹ tannị, n'o yeọlẹ Defidi nwa nwọn uche n'ọ kị okẹn alịnị.”

Ẹbụ-ọma 16:3

O mẹ nke ndị nsọ ị hụn rị alịnị — uwẹ wụ okẹn-ịhịan ebe m rị, ihiẹn wẹ a sụọ m ọda!

Emọsụ 5:15

Eje-ihiẹn ya zemẹ ụnụ ize; ihiẹn rị mma ya sụọma ụnụ; hụn n'a nị w'a han ezigbo eṅẹn ọgwa. Ikẹnkwọ Osolobuẹ, Chuku ihiẹn ile rị okpuru ẹ e gi ufiri ẹ mẹ omikẹn ụnụ, ụmụ Josẹfụ họdụnị.

Luku 2:25

Ogẹn hụ, o nwọn okẹnnyẹ ohu w'a kpọ Simiọnụ hụn bi Jerusalẹm. Onyẹ ezi-omumẹ k'ọ wụ; ara gi ofufe Osolobuẹ gu egu, e che ni Osolobuẹ zụọpụha ndị Izrẹlụ. Mmọn-nsọ nọyen'ẹ anọyeni.

Ọrụn Ndị-ozi 24:25

K'o dọn rị e ku oku ezi-omumẹ lẹ ikwọndọn-enwẹn ịhịan lẹ Okinkin-ikpe lalanị, egun nọ tụma Fẹlisi. Ọ nọ sị, “I k'e jẹnmẹgụ, m k'a chọ efe kpọzị ị.”

Ndị Tẹsalonika Ibuzọ 2:10

Ụnụ wụ ọshẹri ẹnyi; Osolobuẹ wụzịkwọ ọshẹri, nị ẹnyi mẹsọn ụnụ ndị kwerini omumẹ rị nsọ, rị mma ẹnya Osolobuẹ lẹ omumẹ nwọnlẹni nkọrịanị.

Timoti Ibuzọ 3:2

Ya wụ, onyẹ-isi ụka k'a wụrịrị onyẹ nwọnlẹni nkọrịanị. O k'a wụrịrị onyẹ nwọn nwunyẹ ohu sụọ; onyẹ e kwọndọn enwẹn ẹ; onyẹ nwọn uche; onyẹ furu w'a gbaye, onyẹ ma nabanhan ọbịa; onyẹ ma kuzi nkuzi.

Timoti Ibuzọ 4:12

Anịkwọlẹ onyẹ ọwụlẹ legberi i n'ị wụ nwata. Ka wụrụ onyẹ ndị kwerini e leri oku-ọnụ a, obibi ẹ, ihiẹn-ọsụsụọ a, okukwe ẹ lẹ k'o dọn e dọnmẹ obi ẹ ọchan.

Timoti Ibuzọ 6:11

Kanị, ịyụ, onyẹ nke Osolobuẹ, gbanị ihiẹn ndịnị ile ọsọ. Chụma ezi-omumẹ, ife-Chuku ọhụnma, okukwe, ihiẹn-ọsụsụọ, ndidin lẹ imẹ-jụụ.

Timoti Nke Ẹbụọ 2:22

Jụchanrịn ihiẹn a la ikorọbịa lẹ ịgbagba ẹnya; chụma ezi-omumẹ, okukwe, ihiẹn-ọsụsụọ lẹ udọn, e sọn ndị gi obi rị ọchan a kpọku Di-nwọnni-ẹnyi.

Timoti Nke Ẹbụọ 3:3

Wẹ k'a wụ ndị ẹfọ-njọ, ndị oku ghalẹni a gụ ẹfọ, ndị e kuja oku ịhịan, ndị ghalẹni e kwọndọn enwẹn wẹ, ndị obi wẹ rị azụụn, ndị ihiẹn rị mma ghalẹni a sụọ;

Taịtọsụ 2:7

Wụrụ onyẹ wẹ e leri imẹ ihiẹn ile rị mma. Ebe nkuzi i rị, wụrụ onyẹ ezioku lẹ onyẹ ghalẹni e gi nkuzi e gu egu,

Jọnụ Ibuzọ 3:14

Ihiẹn ẹnyi gi marịn nị ẹnyi a ghagụọ ọnwụn pụha, banye ndụn, wụ nị ẹnyi nwọn ihiẹn-ọsụsụọ ibe ẹnyi. Onyẹ nwọnlẹni ihiẹn-ọsụsụọ ibe ẹ a nwụnhụngụọ.

Jọnụ Ibuzọ 5:1

Onyẹ kweri nị Jisọzị wụ Kraịstị, hụnyẹ wụ nwa Osolobuẹ; onyẹ ọwụlẹ nwọn ihiẹn-ọsụsụọ nẹdi, nwọnzikwọ ihiẹn-ọsụsụọ onyẹ hụn ọ mụ.

Samuẹlụ Nke Ibuzọ 18:1

Ogẹn Defidi lẹ Sọlụ gi kugụ, Jonatanị nwa Sọlụ nọ wechanrịn enwẹn ẹ ye Defidi, ihiẹn Defidi a sụọ a kẹ enwẹn ẹ dọn a sụọ a.