Taịtọsụ 1:6 - Ika

⁶ Onyẹ-isi ụka k'a wụrịrị onyẹ nwọnlẹni nkọrịanị, onyẹ nwọn nwunyẹ ohu sụọ; onyẹ hụn ụmụ a wụzị ndị kwerini lẹ ndị wẹ gilẹni eje-obibi mọbụ ịgba isi-akwanran marịn.

Taịtọsụ 1:6 ပူးပေါင်းရင်းမြစ်များ

Jẹnẹsisi 18:19

Mba, ezuemẹkọnị m'a ya makẹni a họrịọlẹ m'a kẹni ọ hụn ụzọ gwa mmụ a lẹ ikpụlọ a ihiẹn wẹ jẹnkọ d'e mẹ, sị wẹ e sọn ụzọ Osolobuẹ ghahanị imẹ ezi-omumẹ lẹ imẹ ihiẹn furuni, kẹni Osolobuẹ mẹzuni Ebraham nkwa o kwe ẹ.”

Itẹn 28:7

Onyẹ e dọnmẹ Iwu-Osolobuẹ wụ nwa nwọn uche, kanị hụn e sọn ndị okẹn ihiẹn-oriri e gbe ifẹnrẹn e ye nẹdi ẹ ihun.

Izikẹlụ 44:22

Onyẹ nchụn-ẹjan alụkọ okpoho di ẹ nwụn mọbụ okpoho wẹ kpechan; okpoho Izrẹlụ wẹ kelẹni wa ụkụ mọbụ nwunyẹ onyẹ nchụn-ẹjan nwụnnị kẹ wẹ sikọ d'a lụrụ.

Lẹvitikọsụ 21:14

Ọ lụkọ okpoho di ẹ nwụn mọbụ onyẹ kpechan di ẹ mọbụ okpoho gigụ ịgba-ịgbaraja mẹrụ enwẹn ẹ, kama okpoho okẹnnyẹ kelẹni wa ụkụ hụn rị imẹ ndị nke ẹ k'o k'a lụrịrị,

Lẹvitikọsụ 21:7

“Alụkọ wẹ ikpoho wụ ịgbaraja mẹrụ enwẹn ẹ mọbụ ikpoho kpechan di wẹ: emẹkọ w'a makẹni wẹ wụ ndị nchụn-ẹjan rịnị Osolobuẹ nsọ.

Malakaị 2:15

Ẹlẹ ẹhụ ohu kẹ Osolobuẹ mẹ wẹ wụrụ — o mẹ mmọn a nọdị imẹ ẹ? Kị Osolobuẹ chọkọ o gi mẹ ẹ? O mẹ ẹ kẹni ụmụ ụnụ wụrụ nke Osolobuẹ nkesi. Kpachanpụ nwan ẹnya, amamgbe y'a latọ nwunyẹ-ụtụntụn ị.

Luku 1:5

Ogẹn Hẹrọdụ gi wụ eze Judia, o nwọn onyẹ nchụn-ẹjan ohu w'a kpọ Zẹkaraya. Imẹ ndị nchụn-ẹjan, itu Abija k'ọ rị. Ẹlizabẹti nwunyẹ ẹ wụzịkwọ onyẹ ebọn Ẹrọnụ.

Ndị Ẹfẹsọsụ 5:18

Aralẹ ni manya tụ, makẹni obibi la iwi rọ; ka a nị nị Mmọn-nsọ a kị ụnụ —

Ndị Tẹsalonika Ibuzọ 5:14

Umunẹ, ẹnyi rị a dụn ụnụ ọdụn: a gba nị ndị nọdị mmaka mkpịnsịn-ẹka; a kasị nị ndị-ụjọ obi; e yeni ni ndị zelẹni ẹka; e gi ni ndidin e sọn onyẹ ọwụlẹ.

Timoti Ibuzọ 1:9

marịn nị ẹlẹ ndị ezi-omumẹ kẹ wẹ tini iwu, kanị ndị-ejẹ lẹ ndị nnupụ-isi; ndị nwọnlẹni ihiẹn wẹ kpọ Osolobuẹ lẹ ndị e mẹ njọ; ndị e lelịa ihiẹn rị nsọ lẹ ndị ghalẹni e ro nke Osolobuẹ; ndị e gbu nẹdi wẹ mọbụ nnẹ wẹ ili lẹ ndị izighẹ;

Timoti Ibuzọ 3:12

Ndị-ọrụn ụka k'a wụrịrị ndị nwọn nwunyẹ ohu sụọ; ndị a kị ụmụ wẹ lẹ ikpụlọ wẹ ọhụnma.

Taịtọsụ 1:10

Makẹni ndị rị e nupụ isi lẹ ndị rị e ku mpụ lẹ ndị-ndufie bu ọda, tụmadụ ndị ahụn e mẹ oku ịkwa-ugun.

Samuẹlụ Nke Ibuzọ 2:11

Ya kẹ Ẹl'kana lẹ Hana nọ lakin Rama. Nwata hụ nọ nọdị ebẹhụ rụnmanị Osolobuẹ ọrụn okpuru onyẹ nchụn-ẹjan wụ Ẹlaị.

Samuẹlụ Nke Ibuzọ 2:22

Ẹlaị akakpụkpọgụọ; ọ hụ a nụ ihiẹn ụmụ a rị e mẹ ndị Izrẹlụ ile, a nụzị kẹ wẹ dọn e mẹ mgba ikpoho ndị a nọ ọnụ-ụgba Ọdụ-ofufe e jẹn ozi.