Taịtọsụ 1:11 - Ika

¹¹ O furu ni wẹ kpukin wẹ ọnụ! Makẹni, wẹ rị e gi ihiẹn ahụn furulẹni wẹ gi ufiri egho a kuzi a sụkpọsọnmẹ ikpụlọ.

Taịtọsụ 1:11 ပူးပေါင်းရင်းမြစ်များ

Ẹbụ-ọma 107:42

Ndị ezi-omumẹ hụn ihiẹnni, ẹfọ a sụọma wẹ ụsụọ, ndị-mmẹgbu ile e kpumẹ ọnụ!

Ẹbụ-ọma 63:11

Kanị eze k'e gi ihiẹn Chuku mẹ ghọghọ; ndị ile gi ẹfan Osolobuẹ dọn ẹnya k'a dụ ẹka obi, ọnụ ile a tụ ntụ e kpuru.

Jerimaya 8:10

Ufiri ihiẹn wẹ rị e mẹ, m k'e we inyẹnmẹ wẹ ye ndị ọzọ, we ugbo wẹ ye ndị ọzọ weri. Kẹ ndị uku kẹ ndị nta, ẹnya wẹ ile rị ihiẹn k'a ban wẹ ẹkpa; kẹ ndị-amụma kẹ ndị nchụn-ẹjan wụchanrịn ndị ntụ-lẹ-aghịghọ.

Izikẹlụ 13:19

Ụnụ rị e gi ufiri ọka-bali junhụ ọb'ẹka w'e kpọnye ụnụ lẹ mpekele brẹdi e budan m ẹnya ndị nke m. Ụnụ hụ e gi ntụ ụnụ rị a tụ ndị nke m hụn gi ntụ e dọn e gbu ndị furu ni wẹ rị ndụn, a latọ ndị furu ni wẹ nwụn.

Izikẹlụ 16:63

M k'e mẹ ẹ, kẹni m gbarịgụ isi i imẹ eje-ihiẹn ile i mẹ, y'a nyanhan ihiẹn i mẹ, ifẹnrẹn e mẹ i, y'a shịapụkọzị ọnụ yeni ifẹnrẹn. Ya kẹ Osolobuẹ Nwọn Ihiẹn Ile ku.’ ”

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Maịka 3:5

Lee ni ihiẹn Osolobuẹ ku banyeni ndị-amụma hụn rị e dufie ndị nke m: onyẹ ye wẹ ihiẹn, e buni w'ẹ amụma rị mma. Kanị onyẹ yelẹni wẹ ihiẹn e bu wẹ nụman'a.

Matiu 23:13

“Kanị nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Makẹni ụnụ a kpọkin ụzọ Alị-eze elu-igwee: ụnụ abanyeni, ụnụ eyekọ ndị chọ nị wẹ banye efe banye.

Luku 20:40

Egun anịnị wẹ jụzị a ajụjụ.

Jọnụ 10:12

Nke onyẹ wẹ we ọrụn, atụnrụn ndị ahụn ẹlẹ nke ẹ. Ọ hụn ẹwọrọ k'ọ lala, ọ la atụnrụn ndị hụ tọ, gbapụ — ẹwọrọ a nwụnrụn atụnrụn, mẹ wẹ gbayịya.

Ndị Rom 3:19

Ẹnyi a marịnghọ nị ihiẹnni ile Iwu ku, nị ndị rị okpuru Iwu k'ọ rị a gwa, kẹni ịhịan ile kinbehi, ụwa ile a rịọma Osolobuẹ dodo.

Ndị Kọrẹntị Nke Ẹbụọ 11:10

Onwọnni ihiẹn jẹnkọ d'a saẹka napụ m ihiẹnni m gi a nyan isi imẹ Ẹgbẹrẹ Akaya ile, mmanị ezioku Kraịstị arịzị imẹ m!

Timoti Ibuzọ 5:13

Wezụkadẹ ọhụn, o ru a mụnrụn wẹ ẹka-nkụtọpụ, a gha ụlọ-ụlọ. Ẹlẹdẹ ẹka-nkụtọpụ sụọ, a sị sị-sị-sị, rụnkọ ọrụn wẹ zilẹni wẹ, kukọ oku rulẹni wẹ.

Timoti Ibuzọ 5:4

Omẹni okpoho di ẹ nwụn e nwọnghọ ụmụ mọbụ ụmụ-oyẹ, wẹ mụnrụngụdẹ kẹ w'e fe Osolobuẹ iwe wẹ, e gi ẹka wẹ rị e yeni ndị mụnị wẹ a kụkinbelụa wẹ ụgwọ, makẹni ịya a sụọ Osolobuẹ.

Timoti Ibuzọ 6:5

lẹ ịdọ-ndọndọ ndị uche wẹ rịlẹni mma a dọ, ndị ezioku nahịngụ, ndị weri ife-Osolobuẹ kẹ ihiẹn wẹ gi e hi ọdanfịn. [Esọnkwọlẹ ndị nọ ẹrịra].

Timoti Nke Ẹbụọ 2:18

Madụ ẹbụọnị a ghaọlẹ imẹ ezioku kpapụ: wẹ rị a sị nị Osolobuẹ e weligụọlẹ ndị nwụnnị. Wẹ rị e gi ihiẹnni e wiwi okukwe ụfọdụ ndị kwerini.

Timoti Nke Ẹbụọ 3:6

Ụfọdụ imẹ wẹ gi ẹro a rụbanhan iwe ịhịan a rẹrẹrị ikpoho nwọnlẹni uche, hụn obi rị e gbu mgbu yeni njọ wẹ, ikpoho ẹgụn ihiẹn rị ichẹn-ichẹn rịlẹni mma rị e buhunmẹ,

Taịtọsụ 1:7

Ebe o mẹ ni onyẹ-isi ụka e lepụ ọrụn Osolobuẹ ẹnya, o furuni n'o nwọn nkọrịanị. Ọ wụkọ onyẹ e mẹ uche ẹ mọbụ onyẹ e bukẹnrin olulu mọbụ onyẹ-manya mọbụ onyẹ ẹka-ikẹn mọbụ onyẹ e mẹ oku egho.

Taịtọsụ 1:9

O k'a marịnrịrị ẹnya nkuzi ahụn furu w'a tụkwasị obi hụn rị okukwe ẹnyi, kẹni ọ saẹka gi nkuzi zu oke a gba ndị ọzọ umẹ, e gizi ẹ a ghọsị ndị hụn a papụ nkuzi ahụn nị wẹ rị e mẹfie.

Taịtọsụ 3:10

O mẹ nke onyẹ nkebe, dọ a ẹka-ntịn nke ibuzọ, dọ a nke ẹbụọ, y'a la a tọ — ịyụ lẹ ịya enwọnzilẹ mmẹkọ,