Samuẹlụ Nke Ẹbụọ 1:2 - Ika

² hụn mẹ ẹ akpọhịn ẹtọ, okẹnnyẹ ohu nọ gha azụụn nke Sọlụ bịa: ọ dọwagụọ ẹwuru ẹ, kpọn ntụn ye isi nke onyẹ ihiẹn mẹ. Ogẹn o gi ru ebe Defidi rị, ọ nọ dann'a alị.

Samuẹlụ Nke Ẹbụọ 1:2 ပူးပေါင်းရင်းမြစ်များ

Samuẹlụ Nke Ibuzọ 4:12

Ụhụọhịn ahụn, okẹnnyẹ ohu, onyẹ ebọn Bẹnjamini nọ gha ọgbọ-agha gbaha Shilo. Ọ dọkagụọ ẹkwa a, kpọn uzunzun ye isi.

Samuẹlụ Nke Ẹbụọ 4:10

ogẹn okẹnnyẹ ohu gi bịa d'e kunrun m imẹ Zik'lagị, sị m, ‘Sọlụ a nwụnhụn,’ e ro n'o wẹhẹni m ozi rị mma, e kwọndọn m'ẹ, gbu ẹ. Ịya kẹ m gi kụ a ụgwọ ozi ẹ!

Samuẹlụ Nke Ibuzọ 25:23

Ogẹn Abigẹlụ gi hụn Defidi, ọ nọ jẹn d'e kunrun ẹ, Abigẹlụ nọ hidan elu jaki ẹ ozigbo-ozigbo, hulụan'a alị;

Joshụa 7:6

Ya Joshụa nọ tika ẹkwa a, fiẹnrin alị, bu ihun kpumẹ alị ihun Ẹkpẹti Osolobuẹ d'e ru ogẹn ẹnyasị, kẹ ịya kẹ ndị-isi Izrẹlụ, kpọn uzunzun ye enwẹn wẹ isi.

Rẹvẹleshọnụ 3:9

“Lee ẹ! M k'e wẹhẹ ndị ụlọ-ofufe Ekwensụ ahụn, ndị ntụ ahụn a kpọ enwẹn wẹ ndị Ju bụ ẹlẹ wẹ ndị Ju, a bịa wẹ ụkụ ị d'a kụnị ị isi alị, kẹni wẹ hụn ụzọ marịn nị ihiẹn i sụọ m.

Matiu 16:21

Gha ogẹn hụ jẹnmẹ, Jizọsị nọ gwama ndị nsọnmazụụn a n'o k'e jẹnrịrị Jerusalẹm, nị ndị-isi lẹ ndị-isi nchụn-ẹjan lẹ ndị-nkuzi Iwu k'e mẹshi ẹ ikẹn, gbu ẹ, nke akpọhịn ẹtọ, Osolobuẹ a gha ọnwụn weli ẹ.

Matiu 12:40

Kẹ Jona dọn nọ akpọhịn ẹtọ imẹ ẹfọ azụn hụ hi-ogbe, ẹrịra kẹ mmẹ nwẹn Nwa nke Ịhịan k'a nọ akpọhịn ẹtọ imẹ alị.

Juwẹlụ 2:13

dọwa nị obi ụnụ, ẹlẹ ẹwuru ụnụ. Kinhẹn ni ebe Osolobuẹ wụ Chuku ụnụ rị; onyẹ ẹfọma lẹ omikẹn k'ọ wụ; ara bukẹnrin olulu; o nwọn ihiẹn-ọsụsụọ ọda-ọda; ọ latọ afụnfụn o te k'e ye ịhịan alatọ.”

Hosia 6:2

Akpọhịn ẹbụọ ghafegụ, o mẹzi ndụn ban ẹnyi; ẹghẹẹ, hụn mẹ ẹ akpọhịn ẹtọ, o welizi ẹnyi, kẹni ẹnyi bisọnmẹn'ẹ.

Ẹbụ-ọma 66:3

Sị nị Chuku, “Y'a rụnka ọrụn a tụ egun! Makẹni ikẹn i e hikẹ ogbe ya haịn ndị-iṅẹnrẹn i gi a man'ị piripiri.

Ẹsta 5:1

Hụn mẹ akpọ ụhụọhịn ẹtọ, Ẹsta nọ yiri ẹwuru-nze ẹ, wuzo ezi-ọgwa rị imẹ-imẹ obi-eze ebẹhụ, nchetarị ihun ebe eze a nọdị a hụn ịhịan. Eze nkẹ nọdị elu ukpo-eze ẹ, bu ihun zinmẹ ọnụmụzọ.

Ẹsta 4:16

“Jẹn d'a kpọkwama ndị Ju ile rị imẹ Susa, ụnụ e buni m ọnụ — erilẹ ni, aralẹ ni — akpọhịn ẹtọ, kẹ uhinhin kẹ efinnaị; mmẹ nwẹn lẹ ịgbagba ndịnị e feni m k'e buzikwọ ọnụ kẹ ụnụ dọn rị e bu. O mẹgụ, m k'e jẹn d'e kunrun eze, ọ sụọn'a nị ịdan iwu rọ. Omẹni ọnwụn rọ, a nwụn m.”

Samuẹlụ Nke Ẹbụọ 15:32

Ogẹn Defidi gi ru elu òke hụ, ebẹhụ wẹ te nọ e fe Chuku, e lee Hushaị onyẹ Aki, ọ hụ ebẹhụ e che ẹ; ọ dọkagụọ ẹwuru ẹ, kpọn uzunzun ye isi.

Samuẹlụ Nke Ẹbụọ 14:4

Ogẹn okpoho hụ gha Tẹkụa bịa gi ru ebe eze rị, ọ nọ dannị eze alị ye ẹ ọghọ; ọ nọ sị, “Agụ, dodo, yeni m ẹka!”

Samuẹlụ Nke Ibuzọ 20:41

Nwata hụ a lamagụ, Defidi nọ gha ụsụọ ọmụma hụ, ẹbamịn ndịdan-mirin ẹ, pụha, hulụanị Jonatanị isi mgbe ẹtọ. Wẹ nọ dide, kwanma ẹkwan; kanị Defidi ka a kwan.

Samuẹlụ Nke Ibuzọ 4:16

Okẹnnyẹ hụ nọ sị Ẹlaị, “Ọnụ agha kẹ m ghahụ lala; tannị kẹ m ghahụ ebẹhụ gbaha.” Ẹlaị nọ sị a, “Kị rọ, nwa m?”

Jẹnẹsisi 43:28

Wẹ nọ sị a, “Odibo i wụ nẹdi ẹnyi hụ ikẹn; echẹn k'ọ rị ndụn.” Wẹ nọ hulụan'a isi, kele ẹ.

Jẹnẹsisi 37:34

Ya kẹ Jekọpụ nọ dọwa ẹkwa ye enwẹn ẹ olu, yiri ẹkwa achọ, gi akp'ọhịn ole-lẹ-ole kwan Josẹfụ.

Jẹnẹsisi 37:29

Ogẹn Rubẹni gi kinhẹn d'e lele ọmị ahụn, ọ nọ hụn nị Josẹfụ arịzị a; ọ nọ dọwa ẹwuru ye enwẹn ẹ olu.

Jẹnẹsisi 22:4

Hụn mẹ ẹ akpọhịn ẹtọ Ebraham buli ijẹn ahụn, ọ nọ weli ẹnya elu, lecheni ebahụn.

Samuẹlụ Nke Ẹbụọ 1:3

Defidi nọ sị a, “Ebe ị gha bịa?” Ọ nọ sị, “M wụ onyẹ agha Izrẹlụ, m gha ọnụ agha gbapụha.”

Izikẹlụ 27:30

Wẹ k'e weshi olu elu, kwannị ị ẹkwan ọda-ọda; e kpọn uzunzun e ye isi, e kpere imẹ ntụn.

Samuẹlụ Nke Ẹbụọ 13:19

Tama nọ nwan bụọ ntụn ye isi, dọka ẹwuru-ọma hụ o te yi. Ọ nọ kị ẹka kwasị isi lama, kwankọ ẹkwan ọda-ọda, lakọ.

Samuẹlụ Nke Ẹbụọ 24:20

Ogẹn Araụna gi lee ẹnya, legha eze lẹ ndị ya lẹ wẹ wị kẹ wẹ lala ebe ọ rị, ọ nọ pụha d'e gbuni eze osekpu.