Rutu 3:7 - Ika

⁷ Ogẹn Bụazị gi rigụ, ragụ, ẹhụ e mẹgụ a gbẹdẹẹ, ọ nọ shi ụsụọ ikpọn ọka hụ wẹ kụkpọ d'e dinẹ. Ya Rutu nọ gehẹ ebe o dinẹ, kpushi ẹ ẹkwa o gi kpumẹ ụkụ elu, dinẹyen'ẹ.

Rutu 3:7 ပူးပေါင်းရင်းမြစ်များ

Jẹnẹsisi 43:34

Elu teburu Josẹfụ kẹ wẹ gha buyesọnmẹ wẹ ihiẹn-oriri ahụn; hụn wẹ buye Bẹnjamini wụ ụzọ isẹn. Wẹ nọ sọn Josẹfụ ra manya rajun ẹfọ.

Samuẹlụ Nke Ẹbụọ 13:28

Absalọm nọ sị idibo ẹ, “Gọn ni ntịn! Hụn manya gi nwunyemẹ Amnọnụ ẹnya, m sịhụ ụnụ, ‘Gbu ni Amnọnụ,’ ụnụ e gbu ẹ. Atụkwọlẹ ni egun. Mmẹ gwa ụnụ — ẹlẹ ya? Atụlẹ ni egun; mẹn'ẹ.”

Ndị-nze Nke Ibuzọ 21:7

Nwunyẹ ẹ wụ Jezibẹlụ nọ sị a, “Ẹlẹdẹ ịyụ wụ eze Izrẹlụ?! Lihi n'i ri ihiẹn-oriri! Shịapụ ihun. M k'e ye i alị vaịnị Nabọtụ onyẹ Jezriẹlụ.”

Ẹsta 1:10

Hụn mẹ akp'ọhịn ẹsa, ogẹn manya gi nwunyemẹ eze ẹnya, ọ nọ zi idibo ẹ ẹsa pụ-ichẹn wẹ wara ozi. Mmadụ ẹsa hụ wụ Mẹhumanị, Biz'ta, Habona, Big'ta, Abag'ta, Zeta lẹ Kakasị.

Ẹbụ-ọma 104:15

kẹni ịhịan hụn manya ẹfọ gi a sụọ a ụsụọ kẹni ịhịan hụn udẹn-olivu a kwọ, ihun ẹ e dẹn, kẹni wẹ hụn ihiẹn wẹ e ri ndụn a ban wẹ.

Ẹkịliziastisi 10:19

W'e ri oriri nị ẹmụ sụọ ịhịan, a ra manya nị ẹfọ sụọ ịhịan ụsụọ, kanị egho a zachanrịn oku ile.

Ẹkịliziastisi 2:24

Ya wụ, onwọnzini ihiẹn ẹfọ e gi jun ịhịan karị nị ọ hụ e ri, a ra, a nị ọrụn a a sụọ a ụsụọ. A hụngụọ m'a nị ọnwan wụzịkwọ ẹka Chuku.

Ẹkịliziastisi 8:15

Ya wụ, m rị nwan a sị ịhịan e ri ụwa — makẹni onwọnzini ihiẹn ka mma ịhịan e mẹ elu-ụwa karị oriri lẹ ọrịra lẹ inwọn anwịnrịn — ịghọghọ e sọnmẹ ẹ imẹ ọrụn ile ọ rụn ebe ọ rị ndụnnị Chuku ye ẹ bi elu-ụwanị rị okpuru ẹnyanwụn.

Ẹkịliziastisi 9:7

Gi nwan anwịnrịn rimẹ ihiẹn-oriri i, y'e gi ịghọghọ rama manya ị, makẹni Chuku a kwadọngụọ a.

Ndị Kọrẹntị Ibuzọ 10:31

Kẹ oriri kẹ ọrịra kẹ ihiẹn ọzọ ọwụlẹ ụnụ e mẹ, e mẹni wẹ ile ụzọ o gi wẹhẹni Osolobuẹ ọghọ,

Ndị Ẹfẹsọsụ 5:18

Aralẹ ni manya tụ, makẹni obibi la iwi rọ; ka a nị nị Mmọn-nsọ a kị ụnụ —

Ndị Han Eṅẹn 16:25

Ebe manya rị a tụ wẹ, wẹ nọ yi, “Wepụhanị nị ẹnyi Samsịn nị ẹnyi gi ẹ mụ ẹmụ.” Ya wẹ nọ kpọpụha Samsịn ụlọ-ngan, wẹ nọ gi ẹ mụ ẹmụ. E mẹ wẹ ẹ wuzo ẹgbata adansụn gi ụlọ-mmọn hụ.

Ndị Han Eṅẹn 19:22

Ebẹhụ wẹ rị e ri, a ra, ndị-ejẹ rị obodo hụ nọ kehunmẹ ụlọ hụ. Wẹ hụ a dụ ẹka ẹkwe, e yini okẹnnyẹ-ọba hụ nwọn ụlọ oro, “Wepụhakwọ okẹnnyẹ hu bịa iwe i nị ẹnyi mẹ mgba a.”

Ndị Han Eṅẹn 19:6

Ya wẹ ẹbụbụọ nọ nọdị alị, rigbama, ragbama. Omẹgụ nẹdi nwata-okpoho nọ sị a, “Dodo nọdịzị uhinhinni n'i rizi, ra, zu ikẹn.”

Ndị Han Eṅẹn 19:9

Ogẹn okẹnnyẹ hụ lẹ mgba a lẹ odibo ẹ gi lihi ọtọ nị wẹ la, ọgọ a, nẹdi nwata-okpoho, nọ sị a, “Lee ẹ nwan, ọhịhị e d'a gbama. Nọdị nị ebeni uhinhinni, tannị e d'a gụ. Nọdị n'i ri, ra zu ikẹn. Eki ghahụ e fọn ụnụ e buli, ban ụzọ, lama.”

Rutu 3:6

Ọ nọ jẹnmẹ ebẹhụ wẹ nọ a kụkpọ ọka. O ru ẹ, ọ nọ mẹ kẹ nnẹ-di ẹ sị a mẹ.

Rutu 3:8

O ru etintin abalị, okẹnnyẹ hụ nọ fetẹnhin, o gbehutọhụ: e lee okpoho dinẹ ibe ụkụ a!