Rutu 2:18 - Ika

¹⁸ Ya Rutu nọ gha ugbo bulụa ọka hụ imẹ obodo, nnẹ-di ẹ nọ hụn hụn ọ ghọlụa. Rutu nọzị wepụha ọka ọ tahọdụ ugbo Bụazị, we ẹ ye ẹ.

Rutu 2:18 ပူးပေါင်းရင်းမြစ်များ

Timoti Ibuzọ 5:4

Omẹni okpoho di ẹ nwụn e nwọnghọ ụmụ mọbụ ụmụ-oyẹ, wẹ mụnrụngụdẹ kẹ w'e fe Osolobuẹ iwe wẹ, e gi ẹka wẹ rị e yeni ndị mụnị wẹ a kụkinbelụa wẹ ụgwọ, makẹni ịya a sụọ Osolobuẹ.

Rutu 2:14

Ogẹn wẹ gi rị e ri ihiẹn-oriri, Bụazị nọ sị Rutu, “Bịa d'e sọn ẹnyi ri ihiẹn-oriri, y'e gi brẹdi suru manya.” Ya Rutu nọ sọn ndị rị a ghọ ọka nọdị, ri ihiẹn-oriri; Bụazị nọ kpọnye ẹ ọka wẹ ghe, ọ nọ ta, tajun ẹfọ, tahọdụ.

Rutu 2:17

Ya Rutu nọ nọ ugbo hụ ghọ d'e ru ẹnyasị. Ọ kụkpọ ọka-bali ọ ghọ, o jun mkpu-kọstadị uku isẹn.