Rutu 2:12 - Ika

¹² Osolobuẹ ya kụ ị ụgwọ ihiẹn-ọmanị ile i mẹ; ẹghẹẹ, Osolobuẹ wụ Chuku ndị Izrẹlụ, hụn i gbabanhan okpuru nku ẹ, ya kụ ị ụgwọ zu òke.”

Rutu 2:12 ပူးပေါင်းရင်းမြစ်များ

Ẹbụ-ọma 17:8

Chemẹ m rịkẹ nwa-ẹnya ị; bu m zuemẹ okpuru ẹka-nku i

Ẹbụ-ọma 19:11

Uwẹ a kuzi odibo i; erere a rịka idọnmẹni wẹ.

Ẹbụ-ọma 36:7

Ihiẹn-ọsụsụọ ị enwọn ihiẹn wẹ e gi jen'ẹ! Kẹ ndị uku kẹ ndị-nta a gbaban igungun nku i.

Ẹbụ-ọma 57:1

Chuku, dodo mẹ omikẹn m, dodo mẹ omikẹn m, nị ịyụ kẹ m gbọnni. Okpuru nku i kẹ m k'a nọdị d'e ru ni ntikpọnị a ghafegụ!

Ẹbụ-ọma 58:11

Onyẹ ọwụlẹ k'a sị, “Ezioku, onyẹ ezi-omumẹ nwọn ụgwọ-ọrụn; Chuku hụn a han ezigbo eṅẹn elu-ụwa rị arị.”

Ẹbụ-ọma 61:4

Dodo, nị m biri iwe i jẹnrin ejẹn, kẹni i gi nku i kpumẹ m. Sẹla

Ẹbụ-ọma 63:7

Makẹni ịyụ wụ onyẹ e yeni m ẹka; m'a nọ okpuru nku i a bụ ẹbụ ịghọghọ.

Ẹbụ-ọma 91:4

O k'e gi ugbele ẹka-nku ẹ kpumẹ i, ya nọdị okpuru nku ẹ, ihiẹn e mẹkọ ị. Akpaịn uku lẹ akpaịn nta wẹ gisọnmẹ e che ịhịan nche k'ọ wụ makẹni o furu w'a tụkwasị obi.

Itẹn 11:18

Ụgwọ-ọrụn a la iwi kẹ eje-ịhịan e nwọnhẹn, kanị ezigbo ụgwọ-ọrụn kẹ onyẹ a kụnye ezi-omumẹ a ghọrị.

Itẹn 23:18

makẹni elu k'a rịrịn'ị mma ihun, okpuyekọ ị.

Jerimaya 31:16

Osolobuẹ sị, “Akwanzilẹ; anịzịlẹ ẹnya-mirin gba ị. I k'e ri ihiẹn ị rụn; mmụ ị k'a gha alị ndị-iṅẹnrẹn lụa. Ya kẹ Osolobuẹ ku.

Matiu 23:37

“Euu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpumẹ ụmụ ị kẹ nneku-ọhụhụ dọn e gi nku e kpumẹ ụmụ a, bụ y'a nịnị m!

Matiu 5:12

Ghọghọ nị; ẹfọ ya sụọ ụnụ ụsụọ — makẹni ụgwọ-ọrụn ụnụ hi-ogbe imẹ elu-igwee! Ẹrịra kẹ wẹ kpokpozi ndị-amụma buni ụnụ ụzọ.

Matiu 6:1

“Kpachanpụkwọ nị ẹnya amamgbe ụnụ e mẹmẹ ihiẹn Osolobuẹ kẹni ịhịan hụn ụnụ. Makẹni, ụnụ mẹ ẹ, ụnụ anarịnkọzị ụgwọ-ọrụn ẹka Nẹdi ụnụ hụn rị elu-igwee:

Luku 6:35

Mba! Enwọn ni ihiẹn-ọsụsụọ ndị iṅẹnrẹn ụnụ, e mẹni ni wẹ ọhụnma. E zinye ni ịhịan, atụlẹ ni ẹnya ihiẹn ọwụlẹ, ụgwọ-ọrụn ụnụ jẹnkọ d'e hi-ogbe, ụnụ a wụrụ ezigbo ụmụ Onyẹ Hụ Kachanrịnnị. Makẹni, o mẹ ni ndị ọhụnma-ogodan lẹ ndị-njọ ẹfọma.

Ndị Kolosị 2:18

Anịlẹ ni ịhịan gi oku imẹshi ẹhụ ikẹn mọbụ oku ife ndị mmọn-ozi ma ụnụ ikpe: hụnyẹ e mẹ oku ọhụn ọ hụn, kanị ihiẹn rị a kịn'a wụ iroro ẹ hụn rị e bu ẹ isi.

Timoti Nke Ẹbụọ 1:18

Di-nwọnni-ẹnyi ya mẹni Onẹsiforọsụ omikẹn Ụhụọhịn hụ! Ịyụ lẹ enwẹn i a marịnzịghọ ẹka ile o yeni m imẹ Ẹfẹsọsụ.

Timoti Nke Ẹbụọ 4:8

Ihiẹn rị nwan e cheni m wụ ugọn ezi-omumẹ, hụn Onyẹ-nwọnni-ẹnyi, Ọka-Ikpe ahụn ghalẹni a tụ ntụ, jẹnkọ d'e tu m Ụhụọhịn hụ. Ẹlẹ mmẹ sụọ, kanị ndị ile buchanrịn obi wẹ che ọbịbịa a.

Hibru 11:26

Ọ sị enwẹn ẹ nị mkpari lẹ nlegberi o k'a narịn makẹ Kraịstị wụ ezigbo akụ-lẹ-ụba hụn ka akụ-lẹ-ụba alị Ijiptu, makẹni o bu ẹnya zinmẹ ụgwọ-ọrụn lalanị.

Hibru 11:6

bụ ịhịan as'ẹka mẹ ihiẹn a sụọ Osolobuẹ mmanị o nwọn okukwe. Makẹni, onyẹ ọwụlẹ bịa d'e kunrun Osolobuẹ k'e girịrị a dọn nị Osolobuẹ rị arị lẹ nị ọ kụ ndị e gichanrịn obi wẹ a chọ a ụgwọ.

Hibru 6:10

Makẹni, Osolobuẹ ara mẹgbu ịhịan; ọ zọkọ ọrụn ụnụ lẹ ihiẹn-ọsụsụọ ụnụ ghọsị a ebe ụnụ nọ gi ufiri ẹfan a yeni ndị nke ẹ ẹka, hụn ụnụ rịkwọ nwan e mẹ.

Rutu 1:16

Kanị, Rutu nọ sị a, “A gwazịlẹ m hapụ ị mọbụ sọnbehi i! Ebe ọwụlẹ i jẹn kẹ m k'e jẹn; ebe ọwụlẹ i bi kẹ m k'e bi; ndị nke i k'a wụrụ ndị nke m, Chuku i a wụrụ Chuku m.

Rutu 2:11

Kanị, Bụazị nọ sị a, “A gwachanrịngụọ wẹ m ihiẹn ile i mẹni nnẹ-di i kete di i a nwụnlẹ lẹzi kẹ i dọnmẹ latọ nẹdi i lẹ nnẹ i, latọ alị ị, bịa d'e sọn ndị ị marịnlẹni mbụ biri.

Rutu 2:13

Rutu nọ sị, “Diọkpa, ihun-ọmanị y'a kpọsọnmẹkwọ m ebe ị rị! Y'e mẹọlẹ obi ru m alị k'i dọn kuyeni m, ọ sụọn'a nị arị m ndị a rụnn'ị ọrụn.”

Rutu 4:15

O jẹnkọ d'e mẹ ndụn banzị ị; o jẹnkọ d'e lee i nka — makẹni ezioku-ezioku nwa ị rọ. Makẹni, nwunyẹ nwa ị hụn ihiẹn i a sụọ, nwunyẹ nwa ị hụn kadẹ ụmụ-ikẹnnyẹ ẹsa, mụ a.”

Samuẹlụ Nke Ibuzọ 24:19

Onyẹ hụn eṅẹnrẹn ẹ k'ọ danban a ẹka, n'ọ nị a la mmaka? Osolobuẹ ya gi ihiẹn rị mma kụ ị ụgwọ ihiẹn i mẹni m tannị.

Samuẹlụ Nke Ibuzọ 24:20

A marịnghọ m nị ị k'a wụrịrị eze, nị alị-eze Izrẹlụ k'a nọ ẹka ị gha ihun.