Rẹvẹleshọnụ 7:16 - Ika

¹⁶ Ẹgụn ihiẹn-oriri lẹ ihiẹn-ọrịra agụnkọzị wẹ. Kẹ anwụn kẹ ihiẹn ọwụlẹ a nụ ọkụn amakọzị wẹ.

Rẹvẹleshọnụ 7:16 ပူးပေါင်းရင်းမြစ်များ

Ẹbụ-ọma 121:5

Osolobuẹ wụ onyẹ-nche i; Osolobuẹ rị ị ẹka-nni e kpumẹ i kẹ igungun dọn e kpumẹ ịhịan:

Ẹbụ-ọma 121:6

anwụn arụkọ ị ẹhụ efinaị; ifọn arụkọ ị ẹhụ imẹ uhinhin.

Ẹbụ-ọma 143:6

M kishi nwan ẹka elu a rịọ ị, e gi obi m ile a chọ ị, nọkẹ alị-ọkpọnkụn rị a chọ mirin. Sẹla

Ẹbụ-ọma 42:2

Ẹgụn Chuku rị a gụn m kẹ mirin, ẹgụn Chuku hụn rị ndụn rị a gụn m! Elee mgbe m'e gi jẹn ihun ẹ d'e fe ẹ?

Ẹbụ-ọma 63:1

Osolobuẹ, ịyụ wụ Chuku m; m rị a chọ ị. Ẹgụn ị rị a gụn m rịkẹ mirin, ẹgụn ị rị a gụn ẹhụ m rịkẹ onyẹ rị alị ọkpọ-nkụn hụnlẹni mirin ra!

Ẹbụ Solomọnụ 1:6

Agbazilẹ ni m ile makẹni m'e gi ngi, anwụn gikpo m. Makẹni umunẹ m ikẹnnyẹ rị e weni m iwe, wẹ nọ mẹ m rụnma alị vaịnị — ebuzini m ẹnya che alị vaịnị m.

Azaya 25:4

Ịyụ wụ ebe ndị igbẹnnyẹ a gbaban, ebe onyẹ mkpa gi a gbaban ogẹn nsọngbu ẹ, y'e kpumẹ ịhịan ebe okẹn ẹbi rị a kpọ, ị wụzị igungun ogẹn anwụn rị ma. Makẹni ihiẹn ndị ẹfọ-njọ rị e mẹ ịhịan nọ kẹ okẹn ẹbi rị a kpọ ẹhụ-ụlọ,

Azaya 32:2

Onyẹ-onyẹ imẹ wẹ sikọ d'a wụrụ ebe ịhịan a warị ogẹn okẹn ufere lẹ ebe w'a gbaban ẹbi gha a kpọ; wẹ k'a nọ kẹ mirin iyi imẹ alị ọkpọ-nkụn, lekẹ igungun okẹn-ọmụma imẹ alị anwụn nọ a mụ ọda-ọda.

Azaya 41:17

Ndị igbẹnnyẹ lẹ ndị elu rị a fụ hụ a chọ mirin wẹ k'a ra, kanị w'a ra hụn; ẹkpịrị hụ a kpọ wẹ nkụn yeni ẹgụn-mirin. Kanị mmẹ wụ Osolobuẹ jẹnkọ d'a za wẹ oku — mmẹ wụ Chuku ndị Izrẹlụ alatọkọ wẹ.

Azaya 49:10

Ẹgụn agụnkọ wẹ, ẹkpịrị akpọkọ wẹ nkụn, uwowo alị ọkpọ-nkụn emẹkọ wẹ, anwụn amakọ wẹ. Osolobuẹ hụn k'e mẹni wẹ omikẹn k'e du wẹ, du wẹ ghasọnmẹ ebe isi-mirin rị.

Azaya 65:13

Di-nwọnni-ẹnyi wụ Osolobuẹ sị nwan, “Lee n'ẹ, idibo m k'e rijun ẹfọ, kanị ụnụ k'a nọ ẹgụn! Lee n'ẹ, idibo m k'a rajun ẹfọ, kanị ẹkpịrị k'a kpọ ụnụ nkụn! Lee n'ẹ, idibo m k'a ghọghọ, kanị ifẹnrẹn k'e mẹgbu ụnụ!

Jona 4:8

Anwụn a mụma, Chuku nọ zihẹ ufere rị a nụ ọkụn gha ẹbamịn ọwụwa-ẹnyanwụn bịa, ọ nọ feye Jona isi ọda-ọda, o d'a fọhị; ọ nọ chọma ọnwụn, a sị, “Ọnwụn te ka m mma.”

Matiu 13:21

kanị, makẹni ọ gbanị nkpọgụn, ọ tọhụ ẹkẹrẹ. Ozi hụ wẹhẹ nsọngbu mọbụ ukpokpo, ọ danpụ ozigbo.

Matiu 13:6

Kanị anwụn a wahụ, ma wẹ, wẹ nọ shinwụn, makẹni enwọn wẹ nkpọgụn.

Matiu 5:6

Ngọzi wụ nke ndị ọ rị a gụn nị ihiẹn rị kẹ Osolobuẹ dọn chọ, a gụn wẹ kẹ ihiẹn-oriri lẹ ihiẹn-ọrịra; ẹfọ jẹnkọ d'e jun wẹ.

Makị 4:17

kanị, enwọn wẹ nkpọgụn; w'a tọhụ ẹkẹrẹ sụọ. Hụn oku-Chuku gihụ wẹhẹ nsọngbu mọbụ ukpokpo, a danpụ wẹ.

Makị 4:6

Anwụn a wa, ma wẹ, wẹ nọ shinwụn, makẹni mkpọgụn arịa;

Luku 1:53

O gigụọ ihiẹn rị mma yejun onyẹ ẹgụn rị a gụn ẹfọ, gba ọdanfịn ẹka chụpụ a.

Luku 6:21

Ngọzi wụ nke ụnụ, ndị ẹgụn rị a gụn ogẹnni, makẹni ẹfọ k'e jun ụnụ! Ngọzi wụ nke ụnụ ndị rị a kwan ẹkwan ogẹnni, makẹni ụnụ sikọ d'a mụ ẹmụ.

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Jemisi 1:11

anwụn wahụ, kẹnrẹn, ẹfịfịa rị ọfịa e shinwụn, obobo ẹ a danpụ, mma a a gụ! Ẹrịra kẹ ndị-ịdanfịn a nwụnhụn ebe wẹ rị e bi elu wẹ.

Rẹvẹleshọnụ 21:4

O k'e finchanpụchanrịn wẹ ẹnya-mirin. Ọnwụn arịkọzị, ẹnya-mirin lẹ ẹkwan lẹ ụfụ arịkọzị, makẹni ihiẹn akan a ghafegụọ.”