Rẹvẹleshọnụ 6:8 - Ika

⁸ E lee m ẹnya, e lee ẹshin e nwun ṅanhịan kẹ mkp'ẹhụhụọ rịlẹni mma! Ẹfan onyẹ rị e nyinn'ẹ wụ Ọnwụn; Alị-mmọn sọnkọ a. Wẹ nọ ye wẹ ikẹn gi ọpịa-agha lẹ ụnwụn lẹ emu lẹ eje-anụ ndị rị elu ụwa gbupụ ụzọ ohu imẹ ụzọ ẹnọ imẹ ndị rị elu-ụwa.

Rẹvẹleshọnụ 6:8 ပူးပေါင်းရင်းမြစ်များ

Itẹn 5:5

Ụkụ a shikọ mmọn; nzọmụkụ a pụ ili —

Azaya 25:8

o k'e luepụ ọnwụn, ọnwụn arịkọzị. Osolobuẹ ihiẹn ile rị okpuru ẹ jẹnkọ d'e finchanpụ ịhịan ile ẹnya-mirin; o k'e wepụ ndị nke ẹ ifẹnrẹn ẹnya elu-ụwa ile. Ya kẹ Osolobuẹ ku.

Jerimaya 14:12

Ọsụọn'a wẹ bu ọnụ, egọnkọ m ntịn ẹkwan wẹ; ọsụọn'a wẹ chụn ẹjan w'a kpọ ọkụn lẹ ẹjan ọka, ewekọ m. Hụn nkẹ m'e gi narịn wẹ, m k'e gidẹ ọpịa-agha lẹ ẹgụn lẹ eje-emu gbu wẹ.”

Jerimaya 16:16

“Kanị, m zila nwan ndị bu ọda d'a nwụn wẹ kẹ azụụn. Omẹgụ, a kpọha m ndị k'a chụ wẹ kẹ w'a chụ ọfịa, a chụ wẹ wẹ ebe ọwụlẹ wẹ warị, elu ugu lẹ òke ile lẹ imẹ okporo ọmụma.

Jerimaya 16:4

Eje-emu jẹnkọ d'e gbu wẹ; onwọnni onyẹ jẹnkọ d'a kwannị wẹ mọbụ li wẹ; ozun wẹ jẹnkọ d'e jun alị kẹ nsịn-efin. Agha lẹ ụnwụn jẹnkọ d'e gbu wẹ; ozun wẹ k'a wụrụnị nnụnụ lẹ anụ-ọfịa ihiẹn-oriri.

Jerimaya 24:10

M k'e gi ọpịa-agha lẹ ụnwụn lẹ eje-emu sọn wẹ d'e ru ni a gụchanrịn wẹ alịnị m ye wẹ lẹ ndị nẹdi wẹ kanị.”

Jerimaya 29:17

Osolobuẹ ihiẹn ile rị okpuru ẹ sị, ‘M jẹnkọ d'e zihẹni wẹ ọpịa-agha, ụnwụn lẹ eje-emu, a nọ wẹ kẹ ogbe figi jọgbu enwẹn ẹ njọ jẹnkọlẹni d'a nị ri.

Jerimaya 43:11

O k'a bịa d'a lụsọn alị Ijiptu agha, ọnwụn e gbu ndị m sị nị ọnwụn k'e gbu, ọ kpụnrụn ndị m sị nị wẹ k'a kpụnrụn, ọpịa-agha e gbu ndị m sị nị ọpịa-agha k'e gbu.

Izikẹlụ 29:5

a la m'ị tọ alị imẹ atụ alị-ọkpọnkụn, yụ lẹ azụn hụ ile rị Iyi Naịlị ị. Ụnụ a tọ ogige ebẹhụ, ekpọnkikomẹkọ wẹ ụnụ, ekpọnrịnkọ wẹ ụnụ, makẹni e bugụọ m'i tọnị anụmanụ lẹ nnụnụ ri.

Izikẹlụ 5:12

M sikọ d'e kebe ndị nke i ụzọ ẹtọ, gi ẹgụn lẹ eje-emu gbu ụzọ ohu tọ imẹ i, gi ọpịa-agha gbu ụzọ ohu kanị ẹlẹ imẹ obodo, e fe m ụzọ ohu ye alị ndị ọzọ rị ẹbamịn ile, gi ọpịa-agha chụ wẹ.

Hosia 13:14

Nị m gbapụha wẹ nwan ẹka ọnwụn? Nị m gbapụha wẹ nwan ẹka ili! Ọnwụn! Wẹhẹchanrịn ihiẹn ile i gi e gbu! Alị-mmọn! Wẹhẹchanrịn ihiẹn ile i gi e tikpọ! Emẹkọzị m omikẹn ndịnị!

Habakọkụ 2:5

Manya rị e duhuhu wẹ, ndị mpache ghalẹni a nọdị ụzọ ohu; wẹ wụ ndị okẹn ẹkpịrị nọkẹ alị-mmọn, nọkẹ ọnwụn ẹfọ ghalẹni e jun, e kpọnrin alị ndị-ọzọ okpọnrin-okpọnrin.

Zẹkaraya 6:3

ẹshin-ọchan ẹshin-ọchan dọkpụnkọ ụgbọ-anyịnyan nke ẹtọ; ẹshin-ẹkịnịka ẹshin-ẹkịnịka dọkpụnkọ ụgbọ-anyịnyan nke ẹnọ. Wẹ ile ka-ẹhụ.

Matiu 11:23

Kẹ ịyụ, obodo Kapanọm, i ro nị wẹ k'e bushi i elu-igwee? Mba, wẹ k'e wetudẹ i alị-mmọn. Makẹni, omẹni alị Sodọm mẹgbu enwẹn wẹ njọ kẹ wẹ nọ rụn ọrụn-atụmẹnya ile wẹ rụn imẹ i, nkẹ ọ hụkwọ d'e ru tannị.

Matiu 24:7

“Alị sikọ d'a lụsọn alị; alị-eze a lụsọn alị-eze, ụnwụn lẹ alị-ọmahihie jẹnkọ d'a rị ebe rị ichẹn-ichẹn.

Ndị Kọrẹntị Ibuzọ 15:55

Euu ọnwụn! Elebe kẹ mmẹri i rị nwan? Euu ọnwụn! Elebe kẹ ihiẹn i gi e gbu rị nwan?”

Rẹvẹleshọnụ 1:18

Mmẹ wụzị onyẹ hụ rị ndụn! M te nwụnhụn anwụnhụn, ka lee ẹ, m rị nwan ndụn jẹnrin ejẹn. Mmẹ gizi ịsanhan Ọnwụn lẹ Alị-mmọn.

Rẹvẹleshọnụ 12:4

Ọdụndụn a nọ zarị ụzọ ohu imẹ kokisẹ rị elu-igwere, tụ wẹ ye alị — ọ họdụ ụzọ ẹbụọ. Dragọnụ hụ nọ turu ihun okpoho hụ imẹ rị e mẹ, kẹni ọ ripụ nwa a hụn o gihụ mụpụha a.

Rẹvẹleshọnụ 9:15

Wẹ nọ nwan tọpụ mmọn-ozi ẹnọ hụ wẹ kwademẹtọnị ogẹn ahụn, ụhụọhịn hụ, ifọn hụ lẹ ahụa hụ — wẹ nọ nwan tọpụ wẹ nị wẹ gbupụ ụzọ ohu imẹ ịhịan ile rị elu-ụwa, gbuhọdụ ụzọ ẹbụọ.

Rẹvẹleshọnụ 9:18

Ya wẹ nọ gi eje-ihiẹn ẹtọ hụ rị a gha ẹshin ndị hụ ọnụ a pụha, hụn wụ ọkụn lẹ ẹnwụnrụn lẹ nsịn-ẹnyanwụn, gbupụ ụzọ ohu imẹ ịhịan ile rị elu-ụwa, gbuhọdụ ụzọ ẹbụọ.