Rẹvẹleshọnụ 5:12 - Ika

¹² Wẹ hụ e gi okẹn olu a bụ, “Nwa-ebulu hụ wẹ gbu furu hụn w'a ja mma, nị ikẹn lẹ akwanran lẹ ẹfe lẹ amamihiẹn lẹ mgbaye lẹ ọghọ lẹ ọjịja-mma wụ nke ẹ!”

Rẹvẹleshọnụ 5:12 ပူးပေါင်းရင်းမြစ်များ

Zẹkaraya 13:7

“Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn.

Matiu 28:18

Jizọsị nọ jẹnzụnhan, sị wẹ, “E yeọlẹ wẹ m ikẹn ile rị elu-igwee lẹ elu-ụwa.

Jọnụ 1:29

Eki e fọn, Jọnụ nọ hụn Jizọsị k'ọ lala, Jọnụ nọ sị, “Lee n'ẹ! Ọnwan wụ Nwa-ebulu Osolobuẹ hụn e wepụ njọ ụwa!

Jọnụ 17:2

nọkẹ kẹ i dọn bu ịhịan ile che okpuru ẹ kẹni o ye ndị ile i ye ẹ ndụn itẹbitẹ.

Ndị Kọrẹntị Nke Ẹbụọ 8:9

Makẹni, ụnụ a marịnghọ ẹfọma Onyẹ-nwọnni-ẹnyi wụ Jesu Kristi mẹ: nị, ọsụọn'a n'ọ wụ ọdanfịn, o gi ufiri ụnụ họnrin ogbẹnnyẹ kẹni ụnụ gi ogbẹnnyẹ o dan wụrụ ndị ịdanfịn.

Timoti Ibuzọ 1:17

Eze Itẹbitẹ kẹ Osolobuẹ wụ! Eze ghalẹni a nwụn! Onyẹ wẹ ghalẹni e legha ẹnya! Chuku ohu sụọ rịnị! Mgbaye lẹ ọjịja-mma ya rịn'a jẹnrin ejẹn! Isẹẹ!

Rẹvẹleshọnụ 1:6

ọ nọ nwan mẹ ẹnyi wụrụ alị-eze, mẹ ẹnyi wụrụ ndị nchụn-ẹjan Osolobuẹ ẹ hụn wụ Nẹdi ẹ. Ọghọ lẹ ọkịkị ya wụrụ nke ẹ jẹnrin ejẹn! Isẹẹ.

Rẹvẹleshọnụ 13:8

Ndị ile bi elu-ụwa k'e fe ẹ, ndị ile wẹ delẹni ẹfan wẹ imẹ ẹkụkwọ ndụn-itẹbitẹ, ẹkụkwọ Nwa-ebulu hụ wẹ gbu nị wẹ d'e gbe iyetọ ụwa.

Rẹvẹleshọnụ 15:3

Wẹ hụ a bụ ẹbụ odibo Osolobuẹ wụ Mozizi lẹ ẹbụ Nwa-ebulu hụ: “Euu Chuku-nwọnni ẹnyi hụn nwọn ikẹn ile! Y'e mẹkẹ okẹn ihiẹn lẹ ihiẹn a tụ ẹnya! Euu, Eze alị ile! Ezioku lẹ ẹka furuni k'i gi e mẹ ihiẹn i.

Rẹvẹleshọnụ 19:1

Ọhụn e mẹgụ, m nọ nụ olu ihiẹn nọ kẹ igunrun hi-ogbe imẹ elu-igwee, wẹ hụ e yi, “Ịja-mma ya rịnị Osolobuẹ! Nzụọpụha lẹ ọghọ lẹ ikẹn wụ nke Osolobuẹ ẹnyi,

Rẹvẹleshọnụ 4:11

“Chuku-nwọnni ẹnyi, i furu onyẹ w'a ja mma makẹni ọghọ lẹ mgbaye lẹ ikẹn wụ nke i. Makẹni, ịyụ ke ihiẹn ile. Ịyụ chọ nị wẹ rị; ịyụ chọ n'ị ke wẹ.”

Rẹvẹleshọnụ 5:13

M nọ nụzị kẹ ihiẹn ile Osolobuẹ ke rị a bụ ẹbụ — kẹ ndị rị elu-igwee kẹ ndị rị elu-ụwa kẹ ndị rị okpuru ụwa kẹ ndị rị imẹ ohimin. Ihiẹn wẹ rị a bụ wụ: “Ọjịja-mma lẹ mgbaye lẹ ọghọ lẹ ọkịkị wụ nke Onyẹ hụ nọdị ukpo-eze lẹ Nwa-ebulu hụ — jẹnrin ejẹn!”

Rẹvẹleshọnụ 5:6

Ya m nọ hụn Nwa-ebulu hụn nọ kẹ sị wẹ te gbu ẹ egbu; o turu etintinnaị ihun ukpo-eze hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ e fihunmẹ ẹ. Nwa-ebuluni nwọn mpịn ẹsa lẹ ẹnya ẹsa hụn wụ Mmọn ẹsa Osolobuẹ, hụn Osolobuẹ zijẹn elu-ụwa ile.

Rẹvẹleshọnụ 5:8

O werigụ ẹhụhụọ hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ nọ fiẹnrin alị ihun Nwa-ebulu hụ, onyẹ-onyẹ lẹ ụbọ a lẹ afẹrẹ goru o bu hụn wẹ kpọnjun nsẹnsi. Nsẹnsini wụ ekpere ndị nke Osolobuẹ.

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.

Rẹvẹleshọnụ 6:1

Ya m nọ hụn kẹ Nwa-ebulu hụ tọpụ eriri ohu imẹ eriri ẹsa hụ wẹ gi kẹnmẹ ẹhụhụọ hụ, m nọ nụ kẹ ohu imẹ ihiẹn ẹnọ hụ rị ndụn gi okẹn olu nọ kẹ akpabọ, sị, “Pụha!”

Rẹvẹleshọnụ 7:12

a bụ ẹbụnị: “Isẹẹ! Ịja-mma lẹ ọghọ lẹ amamihiẹn lẹ ekele lẹ mgbaye lẹ ikẹn lẹ akwanran wụ nke Chuku ẹnyi jẹnrin ejẹn! Isẹẹ!”