Rẹvẹleshọnụ 4:8 - Ika

⁸ Ihiẹn ẹnọ ndịnị rị ndụn nwọnsọnmẹ nku isin-isin. Ẹnya jun wẹ ẹhụ ile — kẹ okpuru nku wẹ. W'a ra bụbehi ẹbụ, kẹ uhinhin kẹ efinnaị, a bụ, “Nsọ, nsọ, nsọ! Di-nwọnni-ẹnyi Osolobuẹ hụn nwọn ikẹn ile rị nsọ — Onyẹ hụn rị mbụ, hụn rị kikẹnni, hụn lalanị.”

Rẹvẹleshọnụ 4:8 ပူးပေါင်းရင်းမြစ်များ

Jẹnẹsisi 17:1

Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Ẹbụ-ọma 91:1

Onyẹ hụn warị okpuru Chuku Kachanrịnnị, a rịsọnmẹ igungun Onyẹ Nwọn Ikẹn Ile.

Ọpụpụ 15:11

“Euu Osolobuẹ, elee mmọn nọ kẹ yụ? Onyẹ nọ kẹ yụ — hụn rị nsọ pụ-ichẹn; hụn e mẹ ihiẹn a tụ egun w'a ja mma; hụn a rụn ọrụn atụmẹnya?

Ọpụpụ 3:14

Chuku nọ sị Mozizi, “Onyẹ M Wụ Kẹ M Wụ. Ihiẹnni k'i jẹnkọ d'a gwa wẹ: ‘Onyẹ M Wụ zihẹ m d'e kunrun ụnụ.’ ”

Azaya 13:6

Kwanmanị ụya, makẹni Ụhụọhịn Osolobuẹ e d'e ru; o k'a bịa nọkẹ ntikpọ, ntikpọ Onyẹ hụ nwọn ikẹn ile.

Azaya 62:1

Makẹ Ọrịrịmma Zayọnụ, agbakọ m nkịtịn; makẹ Ọrịrịmma Jerusalẹm, ekpumẹkọ m ọnụ — d'e runi ihiẹn a rịn'a mma hụn pụha ifọn; d'e runi nzụọpụha a e nwunrun kẹ ukpẹ-ọwa.

Izikẹlụ 1:18

Wili ndị hụ jẹn elu ọda-ọda hụn a tụ egun; ẹnya rịsọnmẹ wili ndị hụ ẹhụ ile.

Izikẹlụ 1:5

Ihiẹn ẹnọ rị ndụn hụ etintin ọkụn hụ. Ihiẹn ẹnọ hụ nọ kẹ ịhịan,

Izikẹlụ 1:6

kanị wẹ ẹnịnọ nwọnsọnmẹ ihun ẹnọ-ẹnọ lẹ ẹka-nku ẹnọ-ẹnọ.

Izikẹlụ 10:12

Ẹnya jun chẹrobu ndịnị ẹhụ ile — kẹ azụụn kẹ ẹka kẹ ẹka-nku kẹ wili ẹnọ hụ.

Juwẹlụ 1:15

Ụhụọhịn ahụn k'a jọgbu enwẹn ẹ! Ụhụọhịn Osolobuẹ ahụn a rịgụọ nsue! Okẹn ntikpọ gha ẹka Onyẹ hụ nwọn ikẹn ile bịa k'o k'e buhẹ!

Ọrụn Ndị-ozi 20:31

We ni nwan ẹnya ru alị; nyanhan nị nị ezuni m ikẹn ọrọgbọ ahụa ẹtọ, kẹ uhinhin kẹ efinnaị, ebe m rị e gi ẹnya-mirin a dọ onyẹ ọwụlẹ ẹka-ntịn.

Ndị Kọrẹntị Nke Ẹbụọ 6:18

a wụrụ m nẹdi ụnụ, ụnụ a wụrụ ụmụ m ikẹnnyẹ lẹ ikpoho. Ịya kẹ Osolobuẹ nwọn ikẹn ile ku.”

Ndị Tẹsalonika Ibuzọ 2:9

Umunẹ, ụnụ a nyanhanghọ kẹ ẹnyi dọn e gi ẹka ẹnyi a lụrụ ogẹn hụ, a rụngbu enwẹn ẹnyi kẹ uhinhin kẹ efinnaị, amamgbe ẹnyi gha a wụrụnị onyẹ ọwụlẹ ibu imẹ ụnụ ebe ẹnyi rị e zi ụnụ oziọma Osolobuẹ.

Timoti Ibuzọ 4:16

E leban enwẹn i lẹ nkuzi i ẹnya — mẹsọnmẹ ẹ, makẹni ịya kẹ y'e gi zụọpụha kẹ enwẹn i kẹ ndị rị e gọn i ntịn.

Timoti Nke Ẹbụọ 4:2

e ku oku-Chuku; e ku ẹ ogẹn ile, kẹ ọnọdị rị mma kẹ ọnọdị jọ njọ; a gwapụ ịhịan njọ wẹ, a jụgbọ, a kasị obi, e gichanrịn ndidin lẹ nkuzi e mẹ ẹ.

Hibru 13:8

Jizọsị Kraịstị wụkwọ ihiẹn ọ wụ ụnyanhụn, tannị lẹ jẹnrin ejẹn.

Rẹvẹleshọnụ 1:4

Jọnụ rị e dejẹnni ụka ẹsa rị Ẹgbẹrẹ Eshịa ẹkụkwọnị. Ẹfọma lẹ udọn ya rịnị ụnụ, ẹfọma lẹ udọn onyẹ ahụn rị kikẹnni, Onyẹ ahụn rị mbụ, Onyẹ ahụn lalanị lẹ Mmọn ẹsa rị ihun ukpo ẹ

Rẹvẹleshọnụ 1:8

“Mmẹ wụ Ibuzọ lẹ Ikpanzụụn!” Ya kẹ Di-nwọnni-ẹnyi wụ Osolobuẹ ku — onyẹ hụ hụn rị kikẹnni, hụn rị mbụ, hụn lalanị; Onyẹ hụn nwọn ikẹn ile.

Rẹvẹleshọnụ 11:17

a bụ ẹbụnị: “Ẹnyi rị e ye i ekele, Di-nwọnni ẹnyi, Chuku hụn nwọn ikẹn ile, onyẹ hụn rị kikẹnni, hụn rịzịkwọ mbụ. Makẹni y'e gigụọ ikẹn i hi-ogbe kịma.

Rẹvẹleshọnụ 14:11

ẹnwụnrụn ọkụn hụ wẹ gi a dụn wẹ alọbehikọ, makẹni wẹ k'a ta eje-afụnfụn ahụn jẹnrin ejẹn. Kẹ uhinhin kẹ efinnaị, ezumikẹn arịkọnị ndị hụ sikọ d'e fe eje-anụ hụ lẹ enwẹn ẹ mọbụ hụn wẹ kpụ lẹ onyẹ ọwụlẹ narịn ahịma wẹ gi marịn a.”

Rẹvẹleshọnụ 14:3

Mmadụ nnụ ọgụn mmẹsatọ ahụn hụ a bụ ẹbụ ọhụn ihun ukpo-eze ahụn lẹ ihiẹn ẹnọ ahụn rị ndụn lẹ ndị-isi ahụn. Onwọnni onyẹ saẹka mụnrụn ẹbụ hụ wezụka mmadụ nnụ ọgụn-mmẹsatọ hụ wẹ gha imẹ ụwa gbapụha.

Rẹvẹleshọnụ 15:3

Wẹ hụ a bụ ẹbụ odibo Osolobuẹ wụ Mozizi lẹ ẹbụ Nwa-ebulu hụ: “Euu Chuku-nwọnni ẹnyi hụn nwọn ikẹn ile! Y'e mẹkẹ okẹn ihiẹn lẹ ihiẹn a tụ ẹnya! Euu, Eze alị ile! Ezioku lẹ ẹka furuni k'i gi e mẹ ihiẹn i.

Rẹvẹleshọnụ 15:7

Ohu imẹ ihiẹn ẹnọ ahụn rị ndụn nọ buye ndị mmọn-ozi ẹsa hụ afẹrẹ goru ẹsa. Ihiẹn jun afẹrẹ ndị hụ wụ iwe-lẹ-ọnụma Osolobuẹ, Onyẹ hụ rị ndụn jẹnrin ejẹn.

Rẹvẹleshọnụ 16:14

Eje-mmọn ndị a rụnsọnmẹ ọrụn-atụmẹnya; uwẹ e jẹn d'a kpọgbama ndị-nze ile rị ụwa makẹ agha wẹ jẹnkọ d'a lụ Ụhụọhịn ahụn Osolobuẹ nwọn ikẹn ile kaye.

Rẹvẹleshọnụ 16:7

M nọ nụ kẹ ukpo nchụn-ẹjan shịarị, sị, “Ẹghẹẹ, Chuku-nwọnni ẹnyi hụn nwọn ikẹn ile, ikpe ị ma wẹ hụ mma, ezigbo eṅẹn kẹ y'a han!”

Rẹvẹleshọnụ 19:15

Ọpịa-agha tụnị o k'e gi mẹ alị ile ihiẹn rị a ọnụ. O k'e gi ọkpọ-igwe kị wẹ. O k'a zọkpụkpọ wẹ imẹ ebẹhụ Osolobuẹ nwọn ikẹn ile nọ e gi iwe-lẹ-ọnụma a a zọkpụkpọ ndị-njọ kẹ akpụrụ vaịnị.

Rẹvẹleshọnụ 19:4

Ndị-isi ẹnọ kwasị ọgụn hụ lẹ ihiẹn ẹnọ hụ rị ndụn nọ fiẹnrin alị, fe Onyẹ hụn rị ukpo-eze, sị, “Isẹẹ! Ja nị Osolobuẹ mma.”

Rẹvẹleshọnụ 21:22

Ahụnnị m ụlọ-nsọ imẹ obodo hụ — makẹni Di-nwọnni-ẹnyi Osolobuẹ hụn nwọn ikẹn ile lẹ enwẹn ẹ wụ ụlọ-nsọ obodo hụ, ya lẹ Nwa-ebulu hụ.

Rẹvẹleshọnụ 3:7

“Dejẹnni onyẹ-isi ụka Filadefịa, sị a: “Lee ihiẹn onyẹ hụ rị nsọ ku, onyẹ ezioku; onyẹ hụ gi ịsanhan Defidi; onyẹ hụ wẹ ghalẹni a saẹka a gụnma ụzọ ọ gụnpụ mọbụ gụnpụ ụzọ ọ gụnma: ọ sị,

Rẹvẹleshọnụ 4:4

Ukpo ẹnọ-kwasị-ọgụn fihunmẹ ukpo-eze ahụn. Ndị-isi ẹnọ-kwasị-ọgụn nọdịsọnmẹ ukpo ndị ahụn. Wẹ ile yisọnmẹ ẹwuru ọchan; wẹ kpu okpu-eze wẹ gi goru mẹmẹ.

Rẹvẹleshọnụ 4:6

Ihiẹn rịkẹ ohimin ughegbe rị e be nwaịn-nwaịn rị ihun ukpo hụ. Ihiẹn ẹnọ rị ndụn ẹnya jun ihun lẹ azụụn nọhunmẹzi ukpo-eze hụ:

Rẹvẹleshọnụ 4:9

Ihiẹn ẹnọ ahụn rị ndụn yegụ Onyẹ ahụn rị ndụn jẹnrin ejẹn hụn nọdị alị ukpo-eze ọghọ lẹ mgbaye lẹ ekele ẹnịna,

Rẹvẹleshọnụ 5:6

Ya m nọ hụn Nwa-ebulu hụn nọ kẹ sị wẹ te gbu ẹ egbu; o turu etintinnaị ihun ukpo-eze hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ e fihunmẹ ẹ. Nwa-ebuluni nwọn mpịn ẹsa lẹ ẹnya ẹsa hụn wụ Mmọn ẹsa Osolobuẹ, hụn Osolobuẹ zijẹn elu-ụwa ile.

Rẹvẹleshọnụ 6:1

Ya m nọ hụn kẹ Nwa-ebulu hụ tọpụ eriri ohu imẹ eriri ẹsa hụ wẹ gi kẹnmẹ ẹhụhụọ hụ, m nọ nụ kẹ ohu imẹ ihiẹn ẹnọ hụ rị ndụn gi okẹn olu nọ kẹ akpabọ, sị, “Pụha!”

Rẹvẹleshọnụ 6:6

M nọ nụ ihiẹn nọ kẹ olu rị e ku oku etintinnaị ihiẹn ẹnọ hụ rị ndụn, a sị, “Ọka jẹnkọ d'a kọgbu enwẹn ẹ: mkpu ọka-witi ẹnọ k'a wụdẹ egho-ọrụn akpọhịn! Mkpu ọka-bali mmakalaka mmẹbụọ k'a wụdẹ egho-ọrụn akpọhịn! Ewiwikwọlẹ ofigbọn-olivu lẹ manya!”

Rẹvẹleshọnụ 7:11

Ndị mmọn-ozi ile turusọnmẹ ebẹhụ, fihunmẹ ukpo hụ lẹ ndị-isi hụ lẹ ihiẹn ẹnọ hụ rị ndụn; wẹ nọ kụ isi alị, fe Osolobuẹ,

Rẹvẹleshọnụ 7:15

Ya haịn wẹ gi rị ihun ukpo Osolobuẹ e fe ẹ uhinhin lẹ efinnaị imẹ Ụlọ-nsọ a. Osolobuẹ, Onyẹ hụn rị ukpo-eze, k'a nọyeni wẹ, e che wẹ nche.