Rẹvẹleshọnụ 3:5 - Ika

⁵ Onyẹ hụn mẹrini k'e yi ẹkwa ọchan; onwọnni ogẹn m'e gi finchanpụ ẹfan a imẹ ẹkụkwọ ndụn-itẹbitẹ! M k'a nọ idẹnya Nẹdi m lẹ ndị mmọn-ozi ẹ kpọ ẹfan hụnyẹ, ku oku ẹ ọhụnma.

Rẹvẹleshọnụ 3:5 ပူးပေါင်းရင်းမြစ်များ

Ẹbụ-ọma 109:13

Ụmụ a ile wẹ nwụnhụnchanrịn; ẹfan wẹ y'a gụ agbọ lalanị gini d'a pụha!

Ẹbụ-ọma 69:28

Wẹ finchanpụ ẹfan wẹ imẹ ẹkụkwọ ndị k'a rị ndụn; w'a gụnkwọlẹ wẹ ye imẹ ndị ezi-omumẹ!

Malakaị 3:17

Osolobuẹ Nwọn ikẹn ile sị, “Wẹ jẹnkọ d'a wụrụ nke m, ụhụọhịn m jẹnkọ d'e mẹ ihiẹn m k'e mẹ e gi m wẹ họnrin ihiẹn m pụ ichẹn. M k'e mẹ omikẹn wẹ kẹ nẹdi dọn e mẹ omikẹn nwa a hụn e fen'ẹ.

Matiu 10:32

“Ya wụ, onyẹ nọ idẹnya ịhịan ku ẹ n'ọ wụ nke m, mmẹ nwẹn jẹnkọ d'a nọ idẹnya Nẹdi m rị elu-igwee kuzikwọ a n'ọ wụ nke m.

Luku 10:20

K'osilẹrị, aghọghọlẹ ni nị eje-mmọn rị e humẹni ụnụ isi, ka ghọghọ nị n'e deyegụọ wẹ ẹfan ụnụ imẹ elu-igwee.”

Luku 12:8

“M rị a gwapụ ụnụ ezioku, onyẹ ọwụlẹ nọ idẹnya ịhịan kweri n'ọ wụ nke m, mmẹ wụ Nwa nke Ịhịan jẹnkọ d'a nọ idẹnya ndị mmọn-ozi Osolobuẹ kwerizikwọ nị onyẹ hụ wụ nke m.

Ditrọnọmi 9:14

Ha m ye nị m gbupụ wẹ, finchanpụ ẹfan wẹ elu-ụwa — e gi m'i họnrin okẹn alị ka-ẹhụ hụn k'a ka wẹ ọda!”

Ndị Filipi 4:3

Ẹghẹẹ, yụ wụ onyẹ-ọrụn ibe m furu wẹ gi e dọn ẹnya, m rị a rịọ ị n'ị yeni ikpoho ndịnị ẹka, makẹni e sọngụọ wẹ m lụnị oziọma ọgụn, uwẹ lẹ Klemẹnti lẹ ndị ọzọ ile mmẹ lẹ wẹ gba a rụn ọrụn — ndị ẹfan wẹ rị imẹ ẹkụkwọ ndụn-itẹbitẹ.

Judu 1:24

Ọjịja-mma ya rịnị Osolobuẹ, onyẹ hụn k'a s'ẹka mẹ ụnụ adanlẹ, mẹ ụnụ wụrụ ndị nwọnlẹni ntụpọ, ụnụ e gi ịghọghọ turu ihun ya lẹ Ọghọ a,

Rẹvẹleshọnụ 13:8

Ndị ile bi elu-ụwa k'e fe ẹ, ndị ile wẹ delẹni ẹfan wẹ imẹ ẹkụkwọ ndụn-itẹbitẹ, ẹkụkwọ Nwa-ebulu hụ wẹ gbu nị wẹ d'e gbe iyetọ ụwa.

Rẹvẹleshọnụ 17:8

“Eje-anụ ufie hụ ị hụn te rị mbụ; ọ rịzị a nwan; kanị, o d'a gha mgbugbu hụ migbu enwẹn ẹ pụha. Ọ pụhagụ, ọ la ntikpọ. Ogẹn ndị rị elu-ụwa k'e gi hụn kẹ eje-anụ ufie hụ pụhazị, ndị ahụn ile wẹ deyelẹni ẹfan wẹ imẹ ẹkụkwọ ndụn-itẹbitẹ ogẹn ụwa gi bidọn, o k'a tụ wẹ ẹnya. Makẹni, o te rị arị, bụ ọ rịzị a nwan, kanị ọ lalazị alala.

Rẹvẹleshọnụ 19:8

“E yegụọ wẹ nwagbọọ hụ ezigbo ẹkwa linẹ yiri, ẹkwa linẹ nwunni rị e gbukeni,” makẹni ẹkwa linẹ hụ rị a ghọsị ọrụn ọma ndị nke Osolobuẹ rụn.

Rẹvẹleshọnụ 2:11

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ mẹri, ọnwụn nke ẹbụọ erukọ a ẹhụ.’

Rẹvẹleshọnụ 2:7

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ hụn mẹrini kẹ m k'a nị ri mkpụrụ-osisi ahụn e ye ndụn hụn rị Paradaịsị, Alị Ezumikẹn Osolobuẹ.

Rẹvẹleshọnụ 20:12

M nọ hụn ndị nwụnhụnnị kẹ wẹ turu nwan ihun ukpo-eze hụ, kẹ onyẹ-uku kẹ onyẹ-nta. E kpupụsọnmẹ wẹ ẹhụhụọ bu ọda; ya wẹ nọzị kpupụ ẹhụhụọ ọzọ, hụn wụ ẹkụkwọ ndụn-itẹbitẹ. Wẹ nọ gi ihiẹn wẹ detọsọnmẹ imẹ ẹhụhụọ ndị hụ kin onyẹ-onyẹ ikpe ihiẹn o mẹ.

Rẹvẹleshọnụ 20:15

Onyẹ ọwụlẹ wẹ hụnlẹni ẹfan a imẹ ẹkụkwọ ndụn-itẹbitẹ, a tụ w'a ye imẹ odiyiri ọkụn hụ.

Rẹvẹleshọnụ 21:27

Kanị onwọnni ihiẹn ọwụlẹ rụnị mọbụ onyẹ e mẹ ihiẹn Osolobuẹ a sọ mọbụ onyẹ e mẹ ihiẹn ọwụlẹ ya lẹ ntụ wị k'a banyen'ẹ. Ndị wẹ de ẹfan wẹ imẹ ẹkụkwọ ndụn-itẹbitẹ Nwa-ebulu hụ sụọ k'a banye ẹ.

Rẹvẹleshọnụ 22:19

onyẹ wepụ ihiẹn imẹ wẹ, Osolobuẹ e wepụ ihiẹn run'ẹ imẹ osisi hụ e ye ndụn hụn wẹ kusọnmẹ oku ẹ imẹ ẹkụkwọnị lẹ obodo nsọ ahụn wẹ kusọnmẹ oku ẹ imẹ ẹkụkwọnị.

Rẹvẹleshọnụ 3:12

Onyẹ hụn mẹrini kẹ m k'e gi họnrin adansụn imẹ Ụlọ-nsọ Osolobuẹ m, ọ pụkọzị ebẹhụ kaka! M k'e de ẹfan Osolobuẹ m lẹ ẹfan Jerusalẹm ọhụn wụ obodo uku Osolobuẹ m ye ẹ ẹhụ, Jerusalẹm hụn k'a gha elu-igwee lẹ ẹka Osolobuẹ m bịa; m k'e dezikwọ ẹfan ọhụn m ye onyẹ ahụn ẹhụ.

Rẹvẹleshọnụ 3:4

“Kanị, o nwọnghọ ndị bulẹni ọda rị Sadisi kelẹni ru ẹkwa wẹ unyin. Wẹ jẹnkọ d'e yi ẹkwa ọchan sọn m e jẹnhunmẹ, makẹni wẹ furu efuru.

Rẹvẹleshọnụ 6:11

Ya wẹ nọ ye onyẹ-onyẹ imẹ wẹ ẹwuru ọchan tueni, sị wẹ zuzi ikẹn ẹkẹrẹ ni umunẹ wẹ lẹ idibo ibe wẹ zugụ ọnụ, umunẹ wẹ ịhịan jẹnkọ d'e gbu kẹ wẹ.

Samuẹlụ Nke Ibuzọ 17:25

Ndị Izrẹlụ hụ a sị, “Ya hụnkwọ kẹ okẹnnyẹni dọn a pụha? Ọ pụha d'a kpọ ndị Izrẹlụ mgba. Eze k'e ye onyẹ sikọ d'e gbun'ẹ ihiẹn ọda-ọda, o jẹnkọ d'e wedẹ nwa a okpoho y'ẹ lụrụ, ọ hẹnhẹn ikpụlọ nẹdi ẹ ile, akụkọzị wẹ ụgwọ-isi!”