Rẹvẹleshọnụ 21:9 - Ika

⁹ Ya kẹ mmọn-ozi ohu imẹ wẹ ẹsa ahụn bu afẹrẹ afụnfụn ikpanzụụn ẹsa nọ bịa, sị m, “Bịa: m k'a ghọsị ị onyẹ hụ ya lẹ Nwa-ebulu hụ jẹnkọ d'a gba ẹkụkwọ, nwunyẹ Nwa-ebulu hụ.”

Rẹvẹleshọnụ 21:9 ပူးပေါင်းရင်းမြစ်များ

Rẹvẹleshọnụ 1:1

Ihiẹn ndịnị kẹ Jizọsị Kraịstị ghọsị odibo ẹ wụ Jọnụ. Osolobuẹ we ihiẹn ndịnị ye Jizọsị, kẹni o we wẹ ghọsị idibo ẹ, kẹni wẹ hụn ụzọ marịn ihiẹn jẹnkọ d'e mẹ ẹhụ-nsue. Kraịstị e wepụhagụọ a ifọn ghahanị izihẹ mmọn-ozi ẹ d'a ghọsị odibo ẹ wụ Jọnụ ya.

Rẹvẹleshọnụ 17:1

Mmọn-ozi ohu imẹ wẹ ẹsa hụ gi afẹrẹ nọ bịa d'e kunrun m, sị m, “Bịa, nị m ghọsị ị afụnfụn wẹ sikọ d'e ye okẹn ịgbaraja hụ nọdị alị elu iyi bu ọda,

Rẹvẹleshọnụ 19:7

Nị ẹnyi ghọghọma nị, a ṅan; nị ẹnyi yemẹ ẹ ọghọ, makẹni agbamẹkụkwọ Nwa-ebulu hụ e rugụọ; nwagbọọ o k'a lụ e kọnrinọlẹ.

Rẹvẹleshọnụ 21:17

Ọ ma mgbọn ẹ, ọ gba kubiti ẹnọ kwasị ọgụn-ẹsa (144). Mmọn-ozi ahụn ma a kẹ ịhịan dọn a ma ihiẹn.

Rẹvẹleshọnụ 21:2

M nọ hụn obodo nsọ hụ, Jerusalẹm ọhụn, k'ọ gha ẹka Osolobuẹ imẹ elu-igwee hidanla. Ọ nọ kẹ nwagbọọ chọgụ mma agbamẹkụkwọ rị e che di ẹ.

Rẹvẹleshọnụ 22:1

Ya mmọn-ozi hụ nọ ghọsị m iyi hụn mirin ẹ e ye ndụn. Ọ hụ e nwun zaị kẹ ughegbe; ukpo-eze Osolobuẹ lẹ Nwa-ebulu ahụn k'ọ rị a gha e hupụha.

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.

Rẹvẹleshọnụ 22:6

Mmọn-ozi hụ nọ sị m, “Ihiẹn ndịnị ile wụ ezioku furu wẹ gi e dọn ẹnya, makẹni Di-nwọnni-ẹnyi lẹ enwẹn ẹ, Chuku hụn a gwa mmọn rị imẹ ndị-amụma ihiẹn ndị-amụma e ku, zihẹ nwan mmọn-ozi ẹ d'a ghọsị idibo ẹ ihiẹn ndị k'e mẹrịrị ẹgwa.”