Rẹvẹleshọnụ 21:8 - Ika

⁸ “Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Rẹvẹleshọnụ 21:8 ပူးပေါင်းရင်းမြစ်များ

Itẹn 19:5

Ọshẹri ntụ k'a tarịrị afụnfụn, onyẹ a tụ ntụ-ntụ alakọ mmaka.

Itẹn 19:9

Ọshẹri ntụ k'a tarịrị afụnfụn; onyẹ a tụ ntụ k'a la iwi.

Azaya 51:12

“Mmẹ, mmẹ lẹ enwẹn, mmẹ a rọkọ ị obi. Onyẹ k'ị wụdẹ nwan i gi a tụ egun ịhịan mmaka ịhịan mmaka hụn a nwụnhụ kẹ ẹfịfịa?

Azaya 57:11

Onyẹ k'i rị a manị piripiri, a tụ egun ẹ hụnnị ile — i gi a tụ m ntụ ẹnịna; i gilẹni a nyanhan m mọbụ e rodẹ ihiẹn rị e mẹni? Ẹlẹ nkịtịnnị m gbabie haịn i gilẹni a tụ egun m?

Azaya 9:15

ndị-ichẹn lẹ ndị-ndu wụ isi, ndị-amụma rị a kuzi ntụ wụ ọdụndụn.

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Matiu 10:28

Atụlẹ ni egun ndị hụn sikọ d'a saẹka gbu ẹhụ bụ asa wẹ ẹka gbu umẹ-ndụn; ka tụ nị egun onyẹ hụ k'a saẹka tikpọ kẹ umẹ-ndụn kẹ ẹhụ imẹ ọkụn-mmọn.

Matiu 25:25

Egun i rị a tụ m; ya m nọ jẹn d'e zuemẹ egho i ye m imẹ alị; lee ẹ, weri ihiẹn i.’

Matiu 8:26

Ọ nọ sị wẹ, “Kị ụnụ rị a tụnị egun? Ndị okukwe nta!” Ya ọ nọ lihi ọtọ, jụgbọ okẹn ufere hụ lẹ ohimin hụ. Ụzọ ile nọ mẹchanrịn rajụụ.

Makị 9:44

Ọhọrị rị ebahụn ara nwụn; ọkụn rịn'a ara tinyụn.

Jọnụ 8:44

“Ụnụ wụ nke Ekwensụ nẹdi ụnụ. Ihiẹn nẹdi ụnụ chọ kẹ ụnụ chọ nwan nị ụnụ mẹ. Izighẹ k'ọ wụ gha isi mbidọn lala; ọ kwadọntuni ezioku — makẹni ezioku arị imẹ ẹ. Ọ gha a tụ ntụ, onwọnni ihiẹn ọ kpọ a, makẹni onyẹ ntụ lẹ nẹdi ntụ k'ọ wụ.

Ditrọnọmi 20:8

Ndị isi-agha ahụn a bịa d'e wechen'ẹ, sị, “O nwọn onyẹ egun rị a tụ mọbụ obi rị a nahịn? Ya lamakwọ, amamgbe obi a nahịnmazị ndị-agha ibe ẹ.”

Ndị Tẹsalonika Nke Ẹbụọ 2:9

Ọbịbịa Eje-ịhịan hụ k'a wụ ẹka-ọrụn Ekwensụ. O k'e gi ikẹn ile rị ichẹn-ichẹn lẹ ihiẹn-nghọsị lẹ ọrụn-atụmẹnya ichẹn-ichẹn wẹ gi e dufie ịhịan bịa,

Timoti Ibuzọ 4:2

ebe wẹ nọ e sọn nkuzi ndị-ntụ lẹ ndị ihunnaị obi ghalẹni e gbuzi mgbu makẹni a dagbugụọ w'a.

Taịtọsụ 1:16

Wẹ sị n'a marịnghọ wẹ Osolobuẹ, kanị wẹ e gi ihiẹn w'e mẹ a ghọsị n'a marịn w'a. Wẹ wụ ihiẹn-izize; wẹ a gba isi-akwanran; w'a ra saẹka mẹ ihiẹn ọwụlẹ rị mma.

Hibru 12:24

Jizọsị kẹ ụnụ bịa d'e kunrun, onyẹ hụn e wegbama Osolobuẹ lẹ ịhịan imẹ nkwerigbama ọhụn, ya lẹ ẹdeke wẹ gi e fepụ njọ, hụn rị e ku ihiẹn ka mma karị ẹdeke Ebẹlụ sị wẹ mẹgwarị.

Hibru 13:4

Gbayekẹnmẹ ni ọlụlụ di-lẹ-nwunyẹ; kẹ di kẹ nwunyẹ ẹ dọnmẹ enwẹn ẹ makẹ elu-ukpo wẹ gha a rụ, makẹni Osolobuẹ jẹnkọ d'a ma ndị ughẹrẹ ikpe.

Jọnụ Ibuzọ 2:22

Onyẹ wụ nwan onyẹ ntụ mmanị onyẹ sị nị Jizọsị ẹlẹ Kraịstị. Onyẹ nọ ẹrịra wụ eṅẹnrẹn Kraịstị; ara kwerini Chuku-Nẹdi lẹ Nwa a.

Jọnụ Ibuzọ 3:15

Onyẹ ọwụlẹ ize ibe ẹ e ze wụ izighẹ, bụ ụnụ a marịnghọ n'o nwọnni izighẹ ndụn itẹbitẹ rị imẹ ẹ.

Jọnụ Ibuzọ 5:10

Ya wụ, onyẹ hụn kwerini Nwa Osolobuẹ e gigụọ ẹrini dọn imẹ obi ẹ; kanị onyẹ hụn kwerilẹni a kpọgụọ Osolobuẹ onyẹ-ntụ, makẹni o gini ẹri Osolobuẹ shịanị Nwa a dọn.

Rẹvẹleshọnụ 14:10

o k'a ra manya ahụn wụ iwe-lẹ-ọnụma Osolobuẹ hụn Osolobuẹ gburọlẹni, o k'e gi mkpu iwe-lẹ-ọnụma a ye wẹ ya. Wẹ k'e gi ọkụn lẹ nsịn-ẹnyanwụn ye wẹ eje-afụnfụn idẹnya ndị mmọn-ozi rị nsọ lẹ idẹnya Nwa-ebulu hụ;

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;

Rẹvẹleshọnụ 2:11

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ mẹri, ọnwụn nke ẹbụọ erukọ a ẹhụ.’

Rẹvẹleshọnụ 2:2

A marịnghọ m ihiẹn ile ị rị e mẹ: kẹ ị dọn rị a lụgbu enwẹn i lẹ kẹ ị dọn rị e dingbu ihiẹn ile, lẹni y'a ra ye ndị rị e mẹ eje-ihiẹn efe; a marịnghọ m nị y'e lelegụọ ndị ahụn kpọ enwẹn wẹ ndị-ozi pụ-ichẹn bụ ẹlẹ wẹ ndị ozi pụ-ichẹn. Y'a hụngụọ a nị wẹ wụ ndị-ntụ.

Rẹvẹleshọnụ 21:27

Kanị onwọnni ihiẹn ọwụlẹ rụnị mọbụ onyẹ e mẹ ihiẹn Osolobuẹ a sọ mọbụ onyẹ e mẹ ihiẹn ọwụlẹ ya lẹ ntụ wị k'a banyen'ẹ. Ndị wẹ de ẹfan wẹ imẹ ẹkụkwọ ndụn-itẹbitẹ Nwa-ebulu hụ sụọ k'a banye ẹ.

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.

Rẹvẹleshọnụ 9:17

Lee kẹ m dọn hụn ẹshin ndị ahụn imẹ ọhụn ahụn m hụn: ndị rị e nyinni wẹ yisọnmẹ ihiẹn igwe wẹ gi e gbọndọn obi wẹ — hụn wẹ tekwama ihiẹn e nwun kẹ ọkụn lẹ ihiẹn e nwun bru-bru lẹ ihiẹn e nwun kẹ nsịn-ẹnyanwụn. Isi ẹshin ndị hụ rị kẹ nke ẹwọrọ. Ọkụn lẹ ẹnwụnrụn lẹ nsịn-ẹnyanwụn hụ a gha wẹ ọnụ a pụha.

Rẹvẹleshọnụ 9:21

egbubehini wẹ ọchụn, ebubehini wẹ nshi, akụsịnị wẹ ughẹrẹ lẹ Izun-ohin.

Ndị Han Eṅẹn 7:3

Sị wẹ nwan, ‘Onyẹ egun rị a tụ, y'a kin azụụn; ya gha Ugu-Gilẹdị pụ.’ ” Ya madụ nnụ-uku ẹbụọ kwasị ọgụn (22,000) nọ lama, ọ họdụ madụ nnụ-uku iri (10,000).