Rẹvẹleshọnụ 20:4 - Ika

⁴ Ya m nọ hụn ukpo-eze ndị rị ebẹhụ. Wẹ nọ tumẹ ndị rịsọnmẹ ukpo ndị hụ ndị ọkịkị. M nọ hụnzịkwọ umẹ-ndụn ndị wẹ gi ufiri ozi Jizọsị lẹ oku Osolobuẹ bepụ isi. Ndịnị jụ nị efekọ wẹ eje-anụ hụ lẹ enwẹn ẹ mọbụ hụn wẹ leri ẹ kpụ, jụzị nị anarịnkọ wẹ ahịma eje-anụ hụ ezimezi ihun wẹ mọbụ ẹka wẹ. Wẹ nọ nwan gha ọnwụn lihi, rịzị ndụn, sọn Kraịstị kị ahụa nnụ-uku hụ.

Rẹvẹleshọnụ 20:4 ပူးပေါင်းရင်းမြစ်များ

Daniẹlụ 2:44

“Ogẹn ndị-nze ndịnị k'e gi rị a kị, Chuku hụn rị elu-igwee k'e pumẹ alị-eze hụn wẹ jẹnkọlẹni d'e tikpọ mọbụ latọnị ndị ọzọ. O k'e tipịpịa alị-eze ndị hụ ile — arịkọzị wẹ; kanị ya nwẹn sikọ d'a rị jẹnrin ejẹn.

Daniẹlụ 7:18

Kanị omẹgụ, ọkịkị lẹ alị-eze jẹnkọ d'a ban ndị-nsọ Onyẹ hụ Kachanrịnnị ẹka, ọ wụrụ nke wẹ, wụrụchanrịn, jẹnrin ejẹn.’

Daniẹlụ 7:22

d'e ru mgbe Onyẹ hụ Nwọnlẹni Mbidọn gi bịa d'a hanyeni ndị-nsọ Onyẹ hụ kachanrịnnị eṅẹn, ogẹn nọ ru hụn wẹ gi nwọnrin ọkịkị lẹ alị-eze.

Daniẹlụ 7:27

Ogẹn ahụn kẹ wẹ jẹnkọ d'e gi we ọkịkị ile lẹ ikẹn lẹ ọghọ alị-eze ile rị okpuru igwere ye ndị-nsọ, ya wụ, ndị nke Onyẹ hụ Kachanrịnnị. Anị-eze lẹ ọkịkị a k'a tọ jẹnrin ejẹn, ndị ọkịkị ile k'e fe ẹ, e mẹ ihiẹn o ku.’

Daniẹlụ 7:9

“Ebe m nọzị e lee ẹnya, E butọsọnmẹ wẹ ukpo-eze, Onyẹ hụ Nwọnlẹni Mbidọn nọ weri oche. Ẹwuru ọchan o yi hụ e nwun zaị kẹ sno; ntutu rị a isi hụzị e nwun kẹ oruru ọchan. Ukpo ẹ hụ e nwụn ọkụn, ụkụ ukpo ẹ gi a gba hụzịkwọ e nwun ọkụn.

Malakaị 4:5

M k'e zihẹni ụnụ Ẹlaịja onyẹ-amụma Ụhụọhịn Osolobuẹ gini d'e ru, okẹn ụhụọhịn hụ a tụ egun;

Matiu 19:28

Jizọsị nọ sị wẹ, “M rị a gwa ụnụ ezioku, ụwa ọhụn lalanị, ogẹn hụ Nwa nke Ịhịan k'a nọdị okẹn ukpo ẹ, ụnụ ndị hụn sọnni m sikọ d'a nọdịsọnmẹ ukpo mmẹbụọ, a hannị ebọn mmẹbụọ Izrẹlụ eṅẹn.

Matiu 24:10

Ndị bu ọda jẹnkọ d'a danpụ imẹ okukwe, e re ibe wẹ, e ze ize ibe wẹ.

Makị 6:16

Kanị, ogẹn Hẹrọdụ gi nụ a, ọ sị, “Jọnụ hụn m bepụ isi a ghaọlẹ ọnwụn lihi.”

Makị 6:27

Ọ nọ zi onyẹ-agha ohu e che ẹ nche d'e behẹ isi Jọnụ. Onyẹ-agha hụ nọ jẹn imẹ ụlọ-ngan, bepụ Jọnụ isi,

Makị 9:11

A jụghọ wẹ Jesu ogẹn ahụn, sị, “Kị haịn nwan ndị-nkuzi Iwu gi sị nị Ẹlaịja k'a bịagụ Kraịstị kebe bịa?”

Luku 1:17

O k'e buruni Di-nwọnni-ẹnyi ụzọ, gi agụngụn lẹ ikẹn onyẹ-amụma wụ Ẹlaịja mẹ ndị nẹdi bu obi wẹ che ebe ụmụ wẹ rị, mẹ ndị nnupụ-isi rogharị d'e bimẹ obibi ndị marịn ihiẹn, obibi ndị ezi-omumẹ. O k'e gi ẹ kwademẹ ịhịan makẹ ọbịbịa Di-nwọnni-ẹnyi.”

Luku 14:14

“I jẹnkọ d'e nwọnhẹn ngọzi makẹni asa wẹ ẹka kụkin i y'ẹ, Osolobuẹ sikọ d'a kụkin i y'ẹ ụhụọhịn hụ ndị ezi-omumẹ k'a gha ọnwụn lihi.”

Luku 22:30

kẹni ụnụ sọn m ri, ra imẹ alị-eze m; onyẹ-onyẹ imẹ ụnụ sikọ d'a nọdị ukpo-eze, a hannị ikpụlọ mmẹbụọ rị Izrẹlụ eṅẹn.

Jọnụ 14:19

“Ọ họdụ ẹkẹrẹ nị ụwa hụnbehi m; kanị ụnụ nwẹn k'a gha a hụn m. Makẹni m rị ndụn, ụnụ nwẹn k'a rịzị ndụn.

Ndị Rom 11:15

Makẹni, omẹni ọjụjụ Osolobuẹ jụ wẹ ye ụwa oghere wẹ lẹ Osolobuẹ gi dọn, kị ịnabanhannị wẹ k'e wẹhẹ nwan? Ẹlẹ ịgha ọnwụn lihi?!

Ndị Rom 8:17

O mẹ nwan nị ẹnyi wụ ụmụ, ihiẹn nẹdi ẹnyi wụ nke ẹnyi, ihiẹn Osolobuẹ wụ nke ẹnyi: ẹnyi lẹ Kraịstị gba nwan nwọn ihiẹn Osolobuẹ, omẹkwọnị ẹnyi e sọn nwan Kraịstị ta afụnfụn kẹni ẹnyi sọnzi ẹ nwọnrin ọghọ.

Timoti Nke Ẹbụọ 2:12

omẹni ẹnyi e din ndidin, ẹnyi k'e sọnzi ẹ kị; omẹni ẹnyi a jụ a, ya nwẹn k'a jụzị ẹnyi;

Rẹvẹleshọnụ 1:2

Jọnụ nkẹ e kugụọ nwan ihiẹn Osolobuẹ ku; o zigụọ ozi Jizọsị Kraịstị; o kugụọ ihiẹn ile ọ hụn.

Rẹvẹleshọnụ 1:9

Mmẹ wụ Jọnụ nwẹnẹ ụnụ, hụn rịzị ndị rị a tanị Jesu afụnfụn lẹ ndị alị-eze Jesu lẹ ndị rị e lee ẹnya Jesu — nọkẹ kẹ ụnụ lẹ enwẹn ụnụ dọn rị e lee ẹnya a. Ndị ọkịkị gi ufiri oku Osolobuẹ lẹ ozi Jesu nwụnrụn m, bu m tọ alị Patịmọsụ ohimin fihunmẹ.

Rẹvẹleshọnụ 11:11

Kanị o mẹpụ akpọhịn ẹtọ lẹ mkpikpi, Osolobuẹ nọ zihẹ ufere w'e gi rị ndụn, ọ ban imẹ wẹ, e lihi wẹ ọtọ, okẹn egun nọ bịa ndị hụnnị wẹ.

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 11:3

“M k'e ye ndị ọshẹri m ẹbụọ ikẹn ku oku-Chuku, ọrọgbọ akpọhịn ọgụn-ẹtọ kwasị nnụ-ẹtọ, (1,260), wẹ k'e yisọnmẹ achọ (ahịọ) wẹ gi a kwan ịhịan.”

Rẹvẹleshọnụ 11:7

Wẹ shịagụ ẹri wẹ, eje-anụ hụ hụn k'a gha mgbugbu hụ migbu enwẹn ẹ pụha k'a lụsọn wẹ agha, mẹri wẹ, gbu wẹ.

Rẹvẹleshọnụ 12:11

“Kanị e gi wẹ ẹdeke Nwa-ebulu hụ lẹ oku wẹ gi shịan'a ẹri mẹri ẹ; ndụn wẹ a danị wẹ, e kweridẹ wẹ nị wẹ gbu wẹ.

Rẹvẹleshọnụ 14:11

ẹnwụnrụn ọkụn hụ wẹ gi a dụn wẹ alọbehikọ, makẹni wẹ k'a ta eje-afụnfụn ahụn jẹnrin ejẹn. Kẹ uhinhin kẹ efinnaị, ezumikẹn arịkọnị ndị hụ sikọ d'e fe eje-anụ hụ lẹ enwẹn ẹ mọbụ hụn wẹ kpụ lẹ onyẹ ọwụlẹ narịn ahịma wẹ gi marịn a.”

Rẹvẹleshọnụ 15:2

M nọ hụn ihiẹn nọ kẹ ohimin ughegbe wẹ gwọgbama ya lẹ ọkụn, hụnzị ndị hụ mẹri eje-anụ hụ lẹ enwẹn ẹ lẹ hụn wẹ leri ẹ kpụ lẹ ahịma a. Wẹ turu mkpẹnrẹn ohimin ughegbe hụ. Wẹ gisọnmẹ ụbọ Osolobuẹ.

Rẹvẹleshọnụ 17:8

“Eje-anụ ufie hụ ị hụn te rị mbụ; ọ rịzị a nwan; kanị, o d'a gha mgbugbu hụ migbu enwẹn ẹ pụha. Ọ pụhagụ, ọ la ntikpọ. Ogẹn ndị rị elu-ụwa k'e gi hụn kẹ eje-anụ ufie hụ pụhazị, ndị ahụn ile wẹ deyelẹni ẹfan wẹ imẹ ẹkụkwọ ndụn-itẹbitẹ ogẹn ụwa gi bidọn, o k'a tụ wẹ ẹnya. Makẹni, o te rị arị, bụ ọ rịzị a nwan, kanị ọ lalazị alala.

Rẹvẹleshọnụ 2:26

Onyẹ hụn k'e mẹrini, onyẹ hụn mẹsọnmẹ ihiẹn m ku d'e ru isi-njẹndemẹ, kẹ m k'e bu ndị alị ichẹn-ichẹn che okpuru ẹ kịma;

Rẹvẹleshọnụ 20:6

Ndị k'a gha ọnwụn lihi olihi ibuzọnị e nwọnkẹ ngọzi; wẹ rị nsọ. Ọnwụn nke mgbe ẹbụọ erukọ wẹ ẹhụ, kama, wẹ k'a wụ ndị nchụn-ẹjan Osolobuẹ lẹ Kraịstị, wẹ k'e sọn Kraịstị kị ahụa nnụ-uku.

Rẹvẹleshọnụ 22:5

Eki egikọzị; achọkọzị wẹ ukpẹ-ẹka mọbụ ukpẹ ẹnyanwụn, makẹni Di-nwọnni-ẹnyi wụ Osolobuẹ jẹnkọ d'a wụ ukpẹ wẹ. Wẹ k'a kị jẹnrin ejẹn.

Rẹvẹleshọnụ 3:21

Onyẹ mẹri, a nị m'a sọn m nọdị ukpo-eze m, kẹ mmẹ nwẹn dọn mẹri, sọn Nẹdi m nọdị ukpo-eze ẹ.

Rẹvẹleshọnụ 4:4

Ukpo ẹnọ-kwasị-ọgụn fihunmẹ ukpo-eze ahụn. Ndị-isi ẹnọ-kwasị-ọgụn nọdịsọnmẹ ukpo ndị ahụn. Wẹ ile yisọnmẹ ẹwuru ọchan; wẹ kpu okpu-eze wẹ gi goru mẹmẹ.

Rẹvẹleshọnụ 6:9

Ogẹn Nwa-ebulu hụ gi tọpụ eriri nke isẹn, e lee m ẹnya okpuru ukpo nchụn-ẹjan, m nọ hụn umẹ-ndụn ndị wẹ gi ufiri oku Osolobuẹ lẹ ozi Jizọsị gbu.

Rẹvẹleshọnụ 7:3

sị wẹ, “E ke wiwilẹ ni ụwa mọbụ ohimin mọbụ osisi ọwụlẹ; cheri ni nị ẹnyi yegụ idibo Osolobuẹ ẹnyi ahịma ezimezi ihun.”