Rẹvẹleshọnụ 20:15 - Ika

¹⁵ Onyẹ ọwụlẹ wẹ hụnlẹni ẹfan a imẹ ẹkụkwọ ndụn-itẹbitẹ, a tụ w'a ye imẹ odiyiri ọkụn hụ.

Rẹvẹleshọnụ 20:15 ပူးပေါင်းရင်းမြစ်များ

Ẹbụ-ọma 69:28

Wẹ finchanpụ ẹfan wẹ imẹ ẹkụkwọ ndị k'a rị ndụn; w'a gụnkwọlẹ wẹ ye imẹ ndị ezi-omumẹ!

Matiu 13:42

tụ wẹ ye okẹn ọkụn hụ. Ebẹhụ, ịhịan jẹnkọ d'a rị a kwan ẹkwan, a ta nkwẹnrẹn-eze.

Matiu 13:50

kpọn wẹ ye okẹn ọkụn hụ. Ebẹhụ, ịhịan jẹnkọ d'a rị a kwan ẹkwan, a ta nkwẹnrẹn-eze.”

Matiu 25:41

“Ogẹn hụ, o sikọ d'a sị ndị hụ rị ẹka-ekpẹn ẹ, ‘Pụnị nị m ebeni, ndị wẹ bụ ọnụ! Shi ni ọkụn itẹbitẹ hụn wẹ kwademẹni Ekwensụ lẹ ndị mmọn-ozi ẹ!

Makị 16:16

Onyẹ hụn kwerini, e mẹ wẹ ẹ mirin-Chuku, jẹnkọ d'e nwọn nzụọpụha; kalẹ, onyẹ kwerilẹni, ikpe jẹnkọ d'a ma a.

Luku 10:20

K'osilẹrị, aghọghọlẹ ni nị eje-mmọn rị e humẹni ụnụ isi, ka ghọghọ nị n'e deyegụọ wẹ ẹfan ụnụ imẹ elu-igwee.”

Jọnụ 14:6

Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Jọnụ 3:36

Onyẹ hụn kwerini Nwa Osolobuẹ nwọn ndụn itẹbitẹ; onyẹ kwerilẹnini Nwa Osolobuẹ ahụnkọ ndụn; kama, iwe-lẹ-ọnụma kẹ Osolobuẹ k'e gi sọn ẹ.”

Ọrụn Ndị-ozi 4:12

Onwọnni onyẹ ọzọ nzụọpụha gha ẹka a a bịa, makẹni onwọnni ẹfan ọzọ rị okpuru elu-igwee hụn Osolobuẹ ye ịhịan n'o gi nwọn nzụọpụha karị ẹfan Jesu.”

Hibru 12:25

Hụnkwọ n'a nwan nị ụnụ enupụnị isi okpuru onyẹ hụn rị nwan e kuni. Makẹni, omẹni ndị mbụ awanahịnnị ogẹn ahụn wẹ gi nupụ isi okpuru onyẹ nọ elu-ụwanị a dọ wẹ ẹka-ntịn, nanị ẹnyi a dọn nwan wanahịn, omẹni ẹnyi e nupụ isi okpuru onyẹ hụn gha nwan elu-igwee e ku.

Hibru 2:3

nanị ẹnyi a dọn nwan wanahịn omẹni ẹnyi a jụ okẹn nzụọpụhanị nọ ẹnịna, hụn Di-nwọnni-ẹnyi lẹ enwẹn ẹ bu ụzọ zimẹ ozi ẹ; hụn ndị gha ọnụ a nụ a shịa ẹri, ghọsị ẹnyi nị ezioku rọ,

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;

Rẹvẹleshọnụ 20:10

Wẹ nọ tụ Ekwensụ hụn dufieni wẹ ye imẹ odiyiri ọkụn lẹ nsịn-ẹnyanwụn, ebẹhụ eje-anụ hụ lẹ onyẹ amụma-ntụ hụ rị. Wẹ k'e ye wẹ afụnfụn uhinhin lẹ efinnaị jẹnrin ejẹn.

Rẹvẹleshọnụ 20:12

M nọ hụn ndị nwụnhụnnị kẹ wẹ turu nwan ihun ukpo-eze hụ, kẹ onyẹ-uku kẹ onyẹ-nta. E kpupụsọnmẹ wẹ ẹhụhụọ bu ọda; ya wẹ nọzị kpupụ ẹhụhụọ ọzọ, hụn wụ ẹkụkwọ ndụn-itẹbitẹ. Wẹ nọ gi ihiẹn wẹ detọsọnmẹ imẹ ẹhụhụọ ndị hụ kin onyẹ-onyẹ ikpe ihiẹn o mẹ.

Rẹvẹleshọnụ 20:14

Ya wẹ nọ tụ Ọnwụn lẹ Alị-mmọn ye imẹ odiyiri ọkụn hụ. Odiyiri ọkụnnị wụ ọnwụn nke mgbe ẹbụọ.

Rẹvẹleshọnụ 3:5

Onyẹ hụn mẹrini k'e yi ẹkwa ọchan; onwọnni ogẹn m'e gi finchanpụ ẹfan a imẹ ẹkụkwọ ndụn-itẹbitẹ! M k'a nọ idẹnya Nẹdi m lẹ ndị mmọn-ozi ẹ kpọ ẹfan hụnyẹ, ku oku ẹ ọhụnma.