Rẹvẹleshọnụ 19:9 - Ika

⁹ Mmọn-ozi hụ nọ sị m, “De ihiẹnni: ‘Ngọzi a rịkakwọnị ndị hụ wẹ kpọ oriri agbamẹkụkwọ Nwa-ebulu hụ.’ ” Ọ nọzị sị m, “Ihiẹnni wụ oku Osolobuẹ nke-esi.”

Rẹvẹleshọnụ 19:9 ပူးပေါင်းရင်းမြစ်များ

Azaya 8:1

Ya kẹ Osolobuẹ nọ sị m, “Weri ibe ụrụa shịanị, n'i gi mkpịnsịn deye ẹ: ‘Gbukpọkẹnrin; Gbukwarị-ozigbo’.

Habakọkụ 2:2

Ya kẹ Osolobuẹ nọ za m, sị m, “Detu ihiẹnni m k'a gwa ị, bụtọ; depụha a ọhụnma ye elu ihiẹn, hụn w'a saẹka a gụn a gba ọsọ.

Luku 22:16

Makẹni onwọnni ogẹn m'e gi rizi ẹ d'e ru mgbe w'e gi ri ẹ imẹ Alị-eze Osolobuẹ.”

Timoti Ibuzọ 1:15

Okuni wụ ezioku furu w'a nabanhanchanrịn: “Kraịstị wụ Jizọsị bịa imẹ ụwa d'a zụọpụha ndị njọ” hụn o mẹ ni mmẹ kachanrịn njọ imẹ wẹ ile.

Timoti Ibuzọ 4:9

Ezigbo oku rọ, o furu nị wẹ nabanhanchanrịn a.

Timoti Nke Ẹbụọ 2:11

Ihiẹnni w'e ku wụ ezioku: “Omẹni ẹnyi e sọngụọ a nwụnhụn, ẹnyi k'e sọnzi ẹ rị ndụn;

Taịtọsụ 3:8

Ọnwan wụ ezioku. M chọ ni y'e ku ihiẹn ndịnị, e kushi wẹ ikẹn, kẹni ndị kwerigụnị Osolobuẹ hụn ụzọ e dọnrin ẹnya e we enwẹn wẹ a kwanị ọrụn ọma. Ihiẹn ndịnị a rịka mma, w'a bannị ịhịan ile erere.

Rẹvẹleshọnụ 1:1

Ihiẹn ndịnị kẹ Jizọsị Kraịstị ghọsị odibo ẹ wụ Jọnụ. Osolobuẹ we ihiẹn ndịnị ye Jizọsị, kẹni o we wẹ ghọsị idibo ẹ, kẹni wẹ hụn ụzọ marịn ihiẹn jẹnkọ d'e mẹ ẹhụ-nsue. Kraịstị e wepụhagụọ a ifọn ghahanị izihẹ mmọn-ozi ẹ d'a ghọsị odibo ẹ wụ Jọnụ ya.

Rẹvẹleshọnụ 1:19

“Detu nwan ihiẹn ị rị a hụn: ihiẹn rị ogẹnni lẹ ihiẹn jẹnkọ d'e mẹ ihun.

Rẹvẹleshọnụ 10:4

Akpara ẹsa ahụn a hangụ, m te nọ chọ nị m demẹ, kanị m nọ nụ olu gha elu-igwee sị, “Zuemẹ ihiẹn akpara ẹsa hụ ku, edetulẹ ẹ!”

Rẹvẹleshọnụ 14:13

M nọ nụ olu gha elu-igwee sị, “De ihiẹnni: gha ogẹnni jẹnmẹ, ngọzi jẹnkọ d'a rịnị ndị nwụntọ imẹ Di-nwọnni-ẹnyi!” “E nwọngụọ wẹ ngọzi nke-esi! Wẹ k'e zu ikẹn ọrụn wẹ, ri ihiẹn wẹ rụn!” Ịya kẹ Mmọn-nsọ ku.

Rẹvẹleshọnụ 17:1

Mmọn-ozi ohu imẹ wẹ ẹsa hụ gi afẹrẹ nọ bịa d'e kunrun m, sị m, “Bịa, nị m ghọsị ị afụnfụn wẹ sikọ d'e ye okẹn ịgbaraja hụ nọdị alị elu iyi bu ọda,

Rẹvẹleshọnụ 17:17

makẹni Osolobuẹ e mẹgụọ wẹ ile e kwerigbama kẹni o gi wẹ mẹ ihiẹn ọ chọ n'o mẹ, mẹ wẹ bu ọkịkị wẹ che ẹka eje-anụ ufie hụ, d'e ru ogẹn oku Osolobuẹ e gi mẹzuchanrịn.

Rẹvẹleshọnụ 2:1

“Dejẹnni onyẹ-isi ụka Ẹfẹsọsụ, sị a: Lee ihiẹn onyẹ hụ kokisẹ ẹsa hụ rịchanrịn ẹka-nni ẹ ku, onyẹ ahụn a ghahunmẹ imẹ obu-ukpẹ goru ẹsa hụ:

Rẹvẹleshọnụ 2:12

“Dejẹnni onyẹ-isi ụka Pẹgamọm, sị a: “Lee ihiẹn onyẹ hụ ọpịa-agha ọnụnaị tụ nkọ rị ọnụ a ku:

Rẹvẹleshọnụ 2:18

“Dejẹnni onyẹ-isi ụka Tịatira, sị a: “Lee ihiẹn Nwa Osolobuẹ ku, onyẹ ahụn ẹnya a e nwun kẹ ọkụn; onyẹ ahụn ụkụ-alị a nọ kẹ igwe bronzu wẹ finchan ọhụnma-ọhụnma rị e gbukeni: ọ sị,

Rẹvẹleshọnụ 2:8

“Dejẹnni onyẹ-isi ụka Sụmẹna, sị a: ‘Lee ihiẹn onyẹ hụ wụ Ibuzọ lẹ Ikpanzụụn ku, onyẹ ahụn nwụnhụnnị hụn rịzị nwan ndụn: ọ sị,

Rẹvẹleshọnụ 21:5

Onyẹ hụ nọdị alị elu ukpo-eze hụ nọ sị, “Lee ẹ! M rị e kedọnzi ihiẹn ile!” Ọ nọ sịzị, “Detu ihiẹnni, makẹni oku ndịnị wụ ezioku lẹ oku furu w'e gi dọn ẹnya.”

Rẹvẹleshọnụ 22:6

Mmọn-ozi hụ nọ sị m, “Ihiẹn ndịnị ile wụ ezioku furu wẹ gi e dọn ẹnya, makẹni Di-nwọnni-ẹnyi lẹ enwẹn ẹ, Chuku hụn a gwa mmọn rị imẹ ndị-amụma ihiẹn ndị-amụma e ku, zihẹ nwan mmọn-ozi ẹ d'a ghọsị idibo ẹ ihiẹn ndị k'e mẹrịrị ẹgwa.”

Rẹvẹleshọnụ 3:1

“Dejẹnni onyẹ-isi ụka Sadisi, sị a: “Lee ihiẹn onyẹ hụ gi Mmọn ẹsa Osolobuẹ lẹ kokisẹ ẹsa hụ ku: a marịnghọ m ihiẹn ị rị e mẹ. W'e weri i kẹ onyẹ rị ndụn, kanị y'a nwụnhụngụọ!

Rẹvẹleshọnụ 3:14

“Dejẹnni onyẹ-isi ụka Laodishia, sị a, “Lee ihiẹn onyẹ hụ wụ Isẹẹ — Ọshẹri ahụn wụ onyẹ ezioku furu wẹ gi e dọn ẹnya; Onyẹ hụ ihiẹn ile Osolobuẹ ke gha ẹka a bịa: ọ sị,

Rẹvẹleshọnụ 3:20

“Lee ẹ, m turu nwan ọnụmụzọ a dụ ẹka, onyẹ nụ olu m gụnpụ ụzọ, a banhan m d'e kunrun ẹ, e sọn m'ẹ ri, o sọn m ri.

Rẹvẹleshọnụ 3:7

“Dejẹnni onyẹ-isi ụka Filadefịa, sị a: “Lee ihiẹn onyẹ hụ rị nsọ ku, onyẹ ezioku; onyẹ hụ gi ịsanhan Defidi; onyẹ hụ wẹ ghalẹni a saẹka a gụnma ụzọ ọ gụnpụ mọbụ gụnpụ ụzọ ọ gụnma: ọ sị,