Rẹvẹleshọnụ 18:20 - Ika

²⁰ Elu-igwee, ghọghọma nwan! Ndị-nsọ lẹ ndị-ozi pụ-ichẹn lẹ ndị-amụma, ghọghọma nị nwan, makẹni Osolobuẹ e gigụọ ufiri ụnụ ma a ikpe!”

Rẹvẹleshọnụ 18:20 ပူးပေါင်းရင်းမြစ်များ

Ẹbụ-ọma 107:42

Ndị ezi-omumẹ hụn ihiẹnni, ẹfọ a sụọma wẹ ụsụọ, ndị-mmẹgbu ile e kpumẹ ọnụ!

Ẹbụ-ọma 109:28

Wẹ bụma ọnụ k'ọ sụọ wẹ, ọgọzi k'i jẹnkọ d'a gọzi m! Wẹ buhụ nụmanị m mmaka, ifẹnrẹn k'e mẹgbu wẹ, kanị ọghọghọ kẹ odibo i k'a ghọghọ.

Ẹbụ-ọma 18:47

Chukuni wụ onyẹ e mẹgwarịnịnị m, hụn we ndị alị ichẹn-ichẹn che okpuru m;

Ẹbụ-ọma 48:11

Ẹfọ hụ a sụọ ndị Zayọnụ ụsụọ! Ndị bi obodo ile rị Juda wẹ ghọghọma, makẹni y'a hanka ezigbo eṅẹn.

Ẹbụ-ọma 58:10

Ndị ezi-omumẹ k'a ghọghọ n'a hụngụọ wẹ mmẹgwarị Chuku mẹgwarị wẹ; wẹ k'a nọ imẹ ẹdeke ndị-njọ chan ụkụ!

Ẹbụ-ọma 94:1

Osolobuẹ, Chuku hụn e mẹgwarị ndị-njọ; Chuku hụn e mẹgwarị ndị-njọ, dodo ghọsị nwan ẹka ị!

Itẹn 11:10

Ezigbo ịhịan gha ihun, obodo a ghọghọ, kanị eje-ịhịan nwụnhụn, obodo e yi oro ịghọghọ.

Azaya 26:21

Lee n'ẹ, Osolobuẹ gha ebe-obibi ẹ pụla d'e ye ndị rị elu-ụwa afụnfụn njọ wẹ. Alị jẹnkọ d'a ghọsị ẹdeke ndị wẹ gbu elu ẹ — o kpumẹkọzị ndị wẹ gbu elu ẹ.

Azaya 44:23

Igwere, bụma ẹbụ ịghọghọ, makẹni Osolobuẹ e mẹgụọ ihiẹnni! Alị, yi oro! Ugu ichẹn-ichẹn, bụye ni ẹbụ — kẹ ọfịa lẹ osisi ile rịn'a! Makẹni Osolobuẹ a gbapụhagụọ ebọn Jekọpụ, o giọlẹ ụmụ Izrẹlụ ghọsị ọghọ a.

Azaya 49:13

Euu igwere, yimẹ oro ịghọghọ! Elu-ụwa, ghọghọma nwan! Ugu, kwankpọma nị nwan ẹbụ! Makẹni Osolobuẹ rị a rọkọ ndị nke ẹ obi, omikẹn ndị nke ẹ wẹ rị e mẹshi ikẹn rị e mẹ ẹ.

Zẹfanaya 3:15

Osolobuẹ a kụsịgụọ afụnfụn ahụn o te gi sọn njọ ụnụ; ọ zapụgụọ ndị-iṅẹnrẹn ụnụ. Eze Izrẹlụ wụ Osolobuẹ nọyeni ụnụ anọyeni! Atụlẹ ni egun ọdakin!

Ndị Ẹfẹsọsụ 2:20

Osolobuẹ a tụngụọ ụnụ nọkẹ ụlọ ye elu iyetọ ahụn wụ ndị-ozi pụ-ichẹn lẹ ndị-amụma. Ọmụma gi ụlọ ahụn wụ Jesu Kristi lẹ enwẹn ẹ.

Ndị Ẹfẹsọsụ 3:5

Osolobuẹ aghọsịnị ndị mbụ ya k'o dọn nwan ghọsị ndị-ozi nsọ a pụ-ichẹn lẹ ndị-amụma nsọ a ya ogẹnni ghahanị Mmọn-nsọ.

Ndị Ẹfẹsọsụ 4:11

Ịya yesọnmẹ ụka a ndị-ozi pụ-ichẹn, ndị-amụma e zi ozi Osolobuẹ, ndị e jẹnhunmẹ e zi oziọma, ndị ụkọ-Chuku lẹ ndị-nkuzi.

Ditrọnọmi 32:42

M k'e mẹ ọbara ụta m rajun ẹdeke ẹfọ. Ọpịa-agha m e ri uru: ẹdeke ndị wẹ gbu lẹ ndị wẹ kwọndọn, isi ndị-ndu ndị-iṅẹnrẹn.”

Pita Nke Ẹbụọ 3:2

sị ụnụ nyanhankwọ oku ndị-amụma nsọ Osolobuẹ ku ogẹn mbụ lẹ iwu Di-nwọnni-ẹnyi wụ Onyẹ-nzụọpụha ẹnyi ye ghahanị ndị-ozi pụ-ichẹn o zihẹni ụnụ.

Judu 1:17

Kanị ụnụ nwẹn, ndị nke m, nyanhan nị oku ndị-ozi pụ-ichẹn Di-nwọnni-ẹnyi wụ Jizọs Kraịstị tumẹ gwatọ ụnụ:

Rẹvẹleshọnụ 12:12

Elu-igwee ya ghọghọma nwan; ịya lẹ ndị bi imẹ ẹ! Kanị o k'a jọnị ụwa lẹ ohimin njọ, makẹni Ekwensụ e hidangụọ d'e kunrun ụnụ. O gi okẹn olulu bịa — makẹni o marịngụọ nị ogẹn ẹ họdụ ẹkẹrẹ!”

Rẹvẹleshọnụ 18:6

“Mẹ ẹ ihiẹn o mẹ ndị-ọzọ! Mẹgwarị a ya ụzọ ẹbụọ! Gbaye ẹ manya k'o dọn gbaye ndị ọzọ, y'a gbayedẹ ẹ ya ụzọ ẹbụọ!

Rẹvẹleshọnụ 6:10

Wẹ nọ weshi olu wẹ elu yi, “Euu Di-nwọnni-ẹnyi, Onyẹ ihiẹn ile rị okpuru ẹ, onyẹ rị nsọ, onyẹ ezioku! Nanị kẹ y'e biehan d'e kin ndị rị elu-ụwa ikpe, gbugwarị wẹ ogbugbu wẹ gbu ẹnyi?”

Ndị Han Eṅẹn 5:31

“Euu Osolobuẹ, ndị iṅẹnrẹn i ile wẹ la iwi ẹrịra! Kanị, ndị ihiẹn i a sụọ wẹ nọ kẹ ẹnyanwụn, ebe ọ nọ wachanrịn!” Agha hụ e bigụ, udọn nọ rị alị ahụa ọgụnnaị.