Rẹvẹleshọnụ 17:14 - Ika

¹⁴ Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 17:14 ပူးပေါင်းရင်းမြစ်များ

Ẹbụ-ọma 110:5

Di-nwọnni-ẹnyi hụ ị ẹka-nni; o k'e tikpọchanrịn ndị-nze, ụhụọhịn hụ o k'e bu olulu.

Jerimaya 1:15

M'e d'a kpọha alị-eze ndị rị ẹbamịn-ugu.” Ya kẹ Osolobuẹ ku. “Ndị-nze wẹ k'a bịa d'e tumẹsọnmẹ ukpo-eze wẹ ọnụ-mgbọn ile rị Jerusalẹm; wẹ k'e tikpọ mgbọn ile fihunmẹn'ẹ lẹ obodo ndị ọzọ ile rịzị alị Juda.

Jerimaya 1:19

Wẹ k'a lụsọn i ọgụn, kanị asakọ wẹ ẹka mẹri i, makẹni m k'a nọyen'i, zụọpụha ị.” Ya kẹ Osolobuẹ ku.

Jerimaya 50:44

“Lee ẹ! Kẹ ẹwọrọ dọn a gha ọfịa mkpẹnrẹn iyi-Jọdanị a pụha ebe atụnrụn nọ a kpa nni mkpẹnrẹn mirin hụ ghalẹni a tahị, ẹrịra kẹ m k'a dọn maye ndị Babilọnụ idẹnmizi, mẹ wẹ gba alị wẹ tọ. Onyẹ m chọ kẹ m'e gi mẹ ẹ. Onyẹ nọ kẹ mmẹ? Onyẹ k'a jụ m ihiẹn ọwụlẹ? Elee eze k'a s'ẹka che m ọgụn?”

Daniẹlụ 2:44

“Ogẹn ndị-nze ndịnị k'e gi rị a kị, Chuku hụn rị elu-igwee k'e pumẹ alị-eze hụn wẹ jẹnkọlẹni d'e tikpọ mọbụ latọnị ndị ọzọ. O k'e tipịpịa alị-eze ndị hụ ile — arịkọzị wẹ; kanị ya nwẹn sikọ d'a rị jẹnrin ejẹn.

Daniẹlụ 2:47

Eze nọ sị Daniẹlụ, “Eziẹ, Chuku i ka mmọn ile; ịya a kị ndị-nze; ịya e wepụha ihiẹn-omimi ifọn, makẹni y'a sagụọ nwan ẹka wepụha ihiẹn-omimini ifọn.”

Daniẹlụ 7:21

Ebẹhụ m rị e lee ile, mpịnnị nọ mayemẹ ndị-nsọ ọgụn, e mẹri wẹ,

Zẹkaraya 2:8

Makẹni, Osolobuẹ ihiẹn ile rị okpuru ẹ hụn gi ufiri ọghọ a zi m, e kuọlẹ oku ndị hụn gbu ụnụ kwarị ihiẹn ụnụ. Ọ sị nị onyẹ ọwụlẹ mẹtụ ụnụ ẹka mẹtụ nwa-ẹnya a ẹka!

Matiu 22:14

Makẹni ndị wẹ kpọ bu ọda, kanị ndị wẹ họrị ebuni ọda.”

Matiu 25:40

Eze sikọ d'a za wẹ, sị, ‘M rị a gwa ụnụ ezioku, ebe ụnụ nọ mẹni onyẹ kachanrịndẹ ntịn imẹ umunẹ m ndịnị ya, mmẹ kẹ ụnụ mẹn'ẹ!’

Matiu 28:18

Jizọsị nọ jẹnzụnhan, sị wẹ, “E yeọlẹ wẹ m ikẹn ile rị elu-igwee lẹ elu-ụwa.

Jọnụ 15:16

“Ẹlẹ ụnụ họrị m; kaka, mmẹ họrị ụnụ, tumẹ ụnụ kẹni ụnụ d'a mị mkpụrụ — mkpụrụ hụn sikọ d'a rịsọnmẹni, kẹni Chuku-Nẹdi ye ụnụ ihiẹn ọwụlẹ ụnụ gi ẹfan m rịọ.

Ndị Rom 1:6

ụnụ lẹ enwẹn ụnụ rịzị ndị wẹ kpọ d'a wụrụ nke Jesu Kristi.

Ndị Rom 8:30

Ndịnị ọ họtọ k'ọ kpọ; ọ kpọgụ wẹ, ọ nọ kuni wẹ ọhụnma, ya ọ nọ ye wẹ ọghọ.

Ndị Rom 8:37

Mba!! Imẹ ihiẹn ndịnị ile, ẹnyi wụ ndị-mmẹri ka ndị-mmẹri ile, ghahanị onyẹ ahụn nwọn ihiẹn-ọsụsụọ ẹnyi!

Ndị Kọrẹntị Ibuzọ 15:24

Ọhụn mẹgụ, njẹndemẹ ogẹn e ru, hụn Kraịstị jẹnkọ d'e gi bu alị-eze lẹ ọkịkị ile che ẹka Chuku-Nẹdi, o mẹrichanrịngụ ọkịkị ile lẹ onyẹ ọwụlẹ rị a kịnị lẹ onyẹ ọwụlẹ ikẹn ọwụlẹ rị ẹka a.

Ditrọnọmi 10:17

Makẹni, Osolobuẹ wụ Chuku ụnụ wụ Chuku ka mmọn-lẹ-iyi ile, Nna ndị nna; Chuku ahụn hi ogbe, hụn e mẹ ihiẹn a tụ egun; ara gbeyeni ịhịan, ara na egho azụụn.

Timoti Ibuzọ 6:15

Ọbịbịa a hụn Chuku jẹnkọ d'e wẹhẹ ogẹn ẹ ru. Chuku, Onyẹ hụn furuchanrịn w'a ja mma ile, Onyẹ ya sụọ wụ Eze nke-esi, Eze ndị-nze lẹ Nna ndị wụ nna;

Timoti Nke Ẹbụọ 2:4

Onwọnni onyẹ-agha e kọn ẹka e ye oku-elu, makẹni onyẹ-agha k'e mẹrịrị ihiẹn a sụọ onyẹ-isi agha ọ rị okpuru ẹ ụsụọ.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 11:7

Wẹ shịagụ ẹri wẹ, eje-anụ hụ hụn k'a gha mgbugbu hụ migbu enwẹn ẹ pụha k'a lụsọn wẹ agha, mẹri wẹ, gbu wẹ.

Rẹvẹleshọnụ 16:14

Eje-mmọn ndị a rụnsọnmẹ ọrụn-atụmẹnya; uwẹ e jẹn d'a kpọgbama ndị-nze ile rị ụwa makẹ agha wẹ jẹnkọ d'a lụ Ụhụọhịn ahụn Osolobuẹ nwọn ikẹn ile kaye.

Rẹvẹleshọnụ 2:10

Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.

Rẹvẹleshọnụ 2:13

A marịnghọ m ebe i bi, ebẹhụ ukpo Ekwensụ lẹ enwẹn ẹ rị, kanị i kwọndọnhụkwọ ẹfan m; y'a jụnị ihiẹn m sị ụnụ kweri, kẹ hụn ahụn wẹ gbudẹ ezigbo ọshẹri m wụ Antipasị, hụn wẹ gbu imẹ igunrun ụnụ imẹ obodo hụ Ekwensụ bi.

Rẹvẹleshọnụ 3:21

Onyẹ mẹri, a nị m'a sọn m nọdị ukpo-eze m, kẹ mmẹ nwẹn dọn mẹri, sọn Nẹdi m nọdị ukpo-eze ẹ.