Rẹvẹleshọnụ 16:14 - Ika

¹⁴ Eje-mmọn ndị a rụnsọnmẹ ọrụn-atụmẹnya; uwẹ e jẹn d'a kpọgbama ndị-nze ile rị ụwa makẹ agha wẹ jẹnkọ d'a lụ Ụhụọhịn ahụn Osolobuẹ nwọn ikẹn ile kaye.

Rẹvẹleshọnụ 16:14 ပူးပေါင်းရင်းမြစ်များ

Ndị-nze Nke Ibuzọ 22:6

Ya Ehabụ nọ kpọkikomẹ ndị-amụma, ihiẹn nọ kẹ madụ nnụ, ọ nọ jụma wẹ, “Nị m jẹn d'a lụsọn ndị rị Ramọtụ-Gilẹdị agha ra nị m nọdị?” Wẹ nọ sị a, “Eze, jẹn! Osolobuẹ k'e we ẹ ye i.”

Izikẹlụ 14:9

“Omẹni onyẹ-amụma amarịn n'e dufiegụọ w'a, o ku ihiẹn ọwụlẹ, mmẹ dufie ẹ. M k'e tikpọ a, wepụ a imẹ ndị nke m Izrẹlụ;

Matiu 24:14

Wẹ jẹnkọ d'e zigbarị elu-ụwa ile oziọmanị, oziọma Alị-eze, kẹn'ọ wụrụ ọshẹri imẹ alị ile; ogẹn hụ kẹ ọgụgụ-ogẹn e gi ru.

Matiu 24:24

Makẹni, ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha, rụnsọnmẹ okẹn ihiẹn-ahịma lẹ ọrụn-atụmẹnya, kẹni wẹ dufie ịhịan, dufiedẹ ndị Osolobuẹ họrị omẹni o te k'a nị wẹ mẹ.

Makị 13:22

Ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha. Wẹ jẹnkọ d'a rụnsọnmẹ ihiẹn ahịma lẹ ọrụn-atụmẹnya kẹni wẹ dufie ịhịan, kẹni wẹ dufiedẹ ndị Osolobuẹ họrị — omẹni o te k'a nị mẹ.

Luku 2:1

Ogẹn hụ, eze-kanị wụ Siza Ọgọstusu nọ yi uhi, sị wẹ detuchanrịn ẹfan ịhịan ile rị ụwa — ebe ile rị okpuru ọkịkị ndị Rom.

Jọnụ 8:44

“Ụnụ wụ nke Ekwensụ nẹdi ụnụ. Ihiẹn nẹdi ụnụ chọ kẹ ụnụ chọ nwan nị ụnụ mẹ. Izighẹ k'ọ wụ gha isi mbidọn lala; ọ kwadọntuni ezioku — makẹni ezioku arị imẹ ẹ. Ọ gha a tụ ntụ, onwọnni ihiẹn ọ kpọ a, makẹni onyẹ ntụ lẹ nẹdi ntụ k'ọ wụ.

Ndị Rom 1:8

Nke ibuzọ, m rị e gi ufiri ụnụ ile a kpanmịn Osolobuẹ m ghahanị Jesu Kristi, makẹni wẹ rị e ku oku okukwe ụnụ imẹ ụwa ile.

Ndị Tẹsalonika Nke Ẹbụọ 2:9

Ọbịbịa Eje-ịhịan hụ k'a wụ ẹka-ọrụn Ekwensụ. O k'e gi ikẹn ile rị ichẹn-ichẹn lẹ ihiẹn-nghọsị lẹ ọrụn-atụmẹnya ichẹn-ichẹn wẹ gi e dufie ịhịan bịa,

Timoti Ibuzọ 4:1

Mmọn-nsọ e kupụgụọ a n'o ru ogẹn ikpanzụụn, o nwọn ndị k'a latọ ofufe-Kraịstị, sọnmẹ mmọn ndị hụn e dufieni lẹ nkuzi eje-mmọn,

Jemisi 3:15

Amamihiẹn nọ ẹrịra aghakwọnị elu-igwee bịa! Nke ụwa rọ, ẹka Mmọn-nsọ arịa; nke Ekwensụ rọ.

Joshụa 11:5

Ndị-nzeni ile nọ kịgbama ndị agha wẹ ile, jẹn d'a nọdị ẹhụ Mirin-Mẹrọm, nị wẹ hụn ụzọ lụsọn Izrẹlụ agha.

Jọnụ Ibuzọ 5:19

Ẹnyi a marịnghọ nị ẹnyi wụ nke Osolobuẹ kanị ụwa ile rị okpuru Eje-onyẹ hụ.

Rẹvẹleshọnụ 12:9

Wẹ nọ tụtu Dragọnụ uku hụ ye elu-ụwa, agwọ mbụ-mbụ hụ w'a kpọ Ekwensụ, a kpọzị a Setanị, hụn e dufie ụwa ile; a tụtu wẹ kẹ ịya kẹ ndị mmọn-ozi ẹ.

Rẹvẹleshọnụ 13:3

Isi ẹ ohu nọ kẹ isi anụ wẹ gbugụ, kanị ebẹhụ wẹ gi gbu ẹ a lagụọ. Eje-anụnị a tụkẹnmẹkẹ ụwa ile ẹnya, nke wụ nị wẹ ile hụ e sọn ẹ.

Rẹvẹleshọnụ 16:16

Eje-mmọn ẹtọ hụ nọ kpọkwama ndị-nze, wẹ ile nọ zu imẹ ebe w'a kpọ Harụ-Amagidọnụ asụsụ Hibru.

Rẹvẹleshọnụ 16:7

M nọ nụ kẹ ukpo nchụn-ẹjan shịarị, sị, “Ẹghẹẹ, Chuku-nwọnni ẹnyi hụn nwọn ikẹn ile, ikpe ị ma wẹ hụ mma, ezigbo eṅẹn kẹ y'a han!”

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 20:8

Ọ k'a pụ nwan d'e dufie alị ile, ẹbamịn ẹnọ ụwa. Gọgụ lẹ Magọgụ kẹ w'a kpọ wẹ. Ọ k'e wegbama wẹ d'a lụ agha, wẹ ile bu ọda kẹ ẹjan rị mkpẹnrẹn ohimin.

Rẹvẹleshọnụ 3:10

Makẹni y'e dingbuọlẹ ihiẹn ile kẹ m dọn gwa ị, anịkọ m afụnfụn lalanị wẹ jẹnkọ d'e gi lele ndị ile rị elu ụwa ru i ẹhụ.

Rẹvẹleshọnụ 6:17

makẹni okẹn ụhụọhịn wẹ e gi ghọsị ọnụma a bịagụọ! Onyẹ jẹnkọ d'a sa ẹka wuzo!”