Rẹvẹleshọnụ 15:4 - Ika

⁴ Euu Osolobuẹ, onyẹ k'a sị n'ọ tụkọ egun i, n'ọ jakọ ẹfan ị mma? Ịyụ sụọ rị nsọ. Alị ile k'a bịa d'e fe i, makẹni y'a ghọsịọlẹ n'ị y'e mẹ ihiẹn furuni.”

Rẹvẹleshọnụ 15:4 ပူးပေါင်းရင်းမြစ်များ

Ẹbụ-ọma 105:7

Ịya wụ Osolobuẹ, Chuku ẹnyi; elu-ụwa ile hụ a hụn ẹka a.

Ẹbụ-ọma 111:9

Ịya zụọpụha ndị nke ẹ; o mẹsọnmẹ ihiẹn o kwe nkwa a jẹnrin ejẹn! Ẹfan a wụ ẹfan rị nsọ w'a tụ egun ẹ!

Ẹbụ-ọma 22:23

Ụnụ ndị a tụ egun Osolobuẹ, ja nị Osolobuẹ mma! Ụnụ ile Jekọpụ mụ, gbaye n'ẹ! Tụ nị egun ẹ, ụmụ Izrẹlụ ile,

Ẹbụ-ọma 22:27

Ndị rị ebe ile rị elu-ụwa jẹnkọ d'a nyanhan, femẹ Osolobuẹ; ndị alị ile rị ichẹn-ichẹn k'e fe ẹ.

Ẹbụ-ọma 22:3

Kanị ịyụ wụ Eze, Onyẹ hụn rị nsọ! Ịyụ kẹ ndị Izrẹlụ rị a ja mma;

Ẹbụ-ọma 86:9

Ịyụ ke alị ile, Osolobuẹ, wẹ k'a bịa d'a kụnị ị isi-alị; wẹ k'a gha a ja ẹfan ị mma.

Ẹbụ-ọma 89:7

Chuku w'a tụ egun ẹ imẹ ozuzu ndị mmọn-ozi k'ọ wụ, ịya ka ndị ile nọhunmẹn'ẹ mgbaye e nwọn.

Ẹbụ-ọma 97:8

Ndị Zayọnụ hụ a nụ a, a ghọghọ, ẹfọ hụ a sụọ ụmụ-alị Juda ụsụọ makẹ ezigbo eṅẹn i ile, Osolobuẹ.

Ẹbụ-ọma 99:5

Bushi ni Osolobuẹ wụ Chuku ẹnyi elu; kụ nị isi alị ebe ọ tụkwasị ụkụ! Onyẹ rị nsọ k'ọ wụ!

Ẹbụ-ọma 99:9

Bushi ni Osolobuẹ wụ Chuku ẹnyi elu; fe n'ẹ ofufe elu Ugu nsọ a makẹni Osolobuẹ wụ Chuku ẹnyi rị nsọ.

Azaya 24:15

Ndị rị ẹbamịn ọwụwa-ẹnyanwụn yemẹ ni nwan Osolobuẹ ọghọ; ja nị ẹfan Osolobuẹ wụ Chuku Izrẹlụ mma imẹ alị ndị hụ tegbu enwẹn ẹ rị mkpẹnrẹn ohimin.

Azaya 25:3

Alị ichẹn-ichẹn zeni jẹnkọ nwan d'e ye i ọghọ; obodo ndị alị ichẹn-ichẹn w'a tụdẹ egun wẹ k'a tụ egun i.

Azaya 26:9

Uhinhin, m'a chọ ị ọda-ọda; o ru ụtụntụn, obi m ile hụzị a chọ ị — makẹni i yeọlẹ ụwa afụnfụn, ndị rị elu-ụwa e gi ẹ marịn ihiẹn ezi-omumẹ wụ.

Azaya 45:23

E kungụọ m enwẹn m, ku ihiẹn m ku; a shịapụgụọ m ọnụ ku ihiẹn wụchanrịn ezioku — oku hụn m jẹnkọlẹni d'a kagbu, nị, mkpụkụ ọwụlẹ jẹnkọ d'e gbuni m osekpu, ọnụ ile jẹnkọ d'e ku ẹ ni mmẹ wụ Osolobuẹ.’

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Azaya 6:3

Wẹ hụ e yi, a sị ibe wẹ, “Nsọ! Nsọ!! Nsọ!! Osolobuẹ Ihiẹn Ile rị okpuru ẹ rị nsọ! Ọghọ a jun ụwa ile!”

Azaya 60:5

Ogẹn y'e gi hụn wẹ, ihun i k'e kechan kẹ ukpẹ, obi a sụọma ị ụsụọ, ịghọghọ e jun i obi. Akụ-lẹ-ụba wẹ e bu elu ohimin k'a wụrụ nke i; akụ-lẹ-ụba alị ichẹn-ichẹn k'a wụrụzịkwọ nke i.

Jerimaya 10:7

Onyẹ k'a sị n'ọ gbayekọ ị, ịyụ, Eze alị ile? Mgbaye ru i eru! Makẹni imẹ ndị ile marịn ihiẹn imẹ alị ndị ọzọ lẹ ebe ile ọkịkị wẹ ru, onwọnni onyẹ nọ kẹ ịyụ.

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Jerimaya 5:22

Osolobuẹ sị: Ụnụ atụkọ egun m? Egun m ara tu ụnụ? Mmẹ gi ẹjan gbọndọn ohimin, mgbọn itẹbitẹ o jẹnkọlẹni d'a saẹka fetu, ẹbi-mirin nwọn ikẹn kpọ-ntan kpọ-imọn, ọ sakọ ẹka ghafe ẹ; ya zụndẹ ụzụn ile o k'a zụn, ọ sakọ ẹka hughafe ẹ.

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Habakọkụ 1:12

“Euu Osolobuẹ, y'ẹlẹzi Onyẹ hụn rị ẹdẹi ra? Chuku m, Onyẹ-nsọ m, ẹnyi anwụnkọ! Euu Osolobuẹ, y'e tumẹgụọ ndị Babilọnụ n'i gi wẹ ye afụnfụn njọ. Heuu, Okẹn-nkumẹ, y'e tumẹgụọ wẹ nwan n'i gi wẹ jụgbọ.

Zẹkaraya 14:16

Omẹgụ, ndị wẹ gbuhọdụ imẹ alị ile lụsọn Jerusalẹm agha e jẹnmẹ Jerusalẹm ahụa-ahụa d'e fe Eze, Osolobuẹ ihiẹn ile rị okpuru ẹ, lẹni wẹ d'e mẹ mmẹmmẹ Ibi-imẹ-ọdụ.

Zẹkaraya 2:11

O ru ogẹn hụ, alị bu ọda jẹnkọ d'a banyeni mmẹ wụ Osolobuẹ, e họnrin wẹ ndị nke m — e sọn m ụnụ biri.” Ogẹn hụ, ụnụ a marịn nị Osolobuẹ ihiẹn ile rị okpuru ẹ lẹ enwẹn ẹ zi mmẹ wụ Zẹkaraya d'a gwa ụnụ oku.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Ndị Rom 15:9

ọ bịazị d'a wụrụ odibo ndị wụlẹni ndị Ju kẹni ọ ghọsị wẹ omikẹn Osolobuẹ, gi ẹ wẹhẹni Osolobuẹ ọjịja-mma. Ẹrịra kẹ Ẹkụkwọ-nsọ ku ẹ, sị, “Makẹ ufiri ẹ, m k'a ja ị mma imẹ igunrun ndị alị ọzọ; m k'e gi ẹbụ ja ẹfan ị mma.”

Pita Ibuzọ 1:16

Makẹni Ẹkụkwọ-nsọ sị, “Rị nị nsọ, makẹni mmẹ nwẹn rị nsọ.”

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 14:7

Ọ nọ gi okẹn olu sị, “Tụ nị egun Osolobuẹ, ụnụ e ye ẹ ọghọ, makẹni ogẹn o k'e gi kin ikpe e rugụọ. Ẹghẹẹ, fe ni Onyẹ hụn ke elu-igwee lẹ ụwa lẹ ohimin lẹ isi-iyi ile!”

Rẹvẹleshọnụ 16:5

Ya kẹ m nọ nụ kẹ mmọn-ozi mirin ile rị ẹka a sị, “Euu Onyẹ-nsọ, onyẹ hụn rị kikẹnni hụn rịzịkwọ mbụ, ihiẹn furuni k'i mẹ ebe ị nọ ye afụnfụn ndịnị.

Rẹvẹleshọnụ 16:7

M nọ nụ kẹ ukpo nchụn-ẹjan shịarị, sị, “Ẹghẹẹ, Chuku-nwọnni ẹnyi hụn nwọn ikẹn ile, ikpe ị ma wẹ hụ mma, ezigbo eṅẹn kẹ y'a han!”

Rẹvẹleshọnụ 19:2

makẹni ọ han ezigbo eṅẹn furuni; O yeọlẹ okẹn ịgbaraja hụ afụnfụn ta ịgbaraja hụ gi ughẹrẹ ẹ wiwi ndị rị ụwa. O gbugwarịgụọ a ogbugbu o gbu idibo Osolobuẹ.”

Rẹvẹleshọnụ 19:8

“E yegụọ wẹ nwagbọọ hụ ezigbo ẹkwa linẹ yiri, ẹkwa linẹ nwunni rị e gbukeni,” makẹni ẹkwa linẹ hụ rị a ghọsị ọrụn ọma ndị nke Osolobuẹ rụn.

Rẹvẹleshọnụ 3:7

“Dejẹnni onyẹ-isi ụka Filadefịa, sị a: “Lee ihiẹn onyẹ hụ rị nsọ ku, onyẹ ezioku; onyẹ hụ gi ịsanhan Defidi; onyẹ hụ wẹ ghalẹni a saẹka a gụnma ụzọ ọ gụnpụ mọbụ gụnpụ ụzọ ọ gụnma: ọ sị,

Rẹvẹleshọnụ 4:8

Ihiẹn ẹnọ ndịnị rị ndụn nwọnsọnmẹ nku isin-isin. Ẹnya jun wẹ ẹhụ ile — kẹ okpuru nku wẹ. W'a ra bụbehi ẹbụ, kẹ uhinhin kẹ efinnaị, a bụ, “Nsọ, nsọ, nsọ! Di-nwọnni-ẹnyi Osolobuẹ hụn nwọn ikẹn ile rị nsọ — Onyẹ hụn rị mbụ, hụn rị kikẹnni, hụn lalanị.”

Rẹvẹleshọnụ 6:10

Wẹ nọ weshi olu wẹ elu yi, “Euu Di-nwọnni-ẹnyi, Onyẹ ihiẹn ile rị okpuru ẹ, onyẹ rị nsọ, onyẹ ezioku! Nanị kẹ y'e biehan d'e kin ndị rị elu-ụwa ikpe, gbugwarị wẹ ogbugbu wẹ gbu ẹnyi?”

Samuẹlụ Nke Ibuzọ 2:2

Onwọnni onyẹ rị nsọ nọkẹ Osolobuẹ! Onwọnni onyẹ ọzọ rịnị mmanị yụ; onwọnni ọmụma nọ kẹ Chuku ẹnyi.