Rẹvẹleshọnụ 13:7 - Ika

⁷ Wẹ nọzị nị a lụsọn ndị-nsọ agha, mẹri wẹ; e wezikwọ wẹ ebọn ile lẹ ndị ile lẹ asụsụ ile lẹ alị ile che ẹ ẹka.

Rẹvẹleshọnụ 13:7 ပူးပေါင်းရင်းမြစ်များ

Ọpụpụ 9:16

Kanị, ihiẹn m gi hatu i ye wụ ọnwan: kẹni m ghọsị ị ikẹn m lẹni ẹfan m kpọgbarị ụwa ile.

Azaya 10:15

Anyụn e bushidẹ nwan enwẹn ẹ elu karị onyẹ gi ẹ e gbu osisi ra? Ihiẹn wẹ gi a wa osisi a nyandẹni onyẹ gi ẹ a rụn ọrụn isi ra? Ọ nọzị nwan kẹ ebe mkpịnsịn nọ e gi onyẹ gin'ẹ a fịan ihiẹn, mọbụ ebe ẹgbe rị nwan e fehunmẹ ịhịan hụn wụlẹni mkp'osisi!

Azaya 37:26

“Ụnụ eke nụ nị mmẹ ku ẹ kete-kete nị ihiẹn ndịnị k'e mẹ? Mmẹ rotọ wẹ ẹdẹi — e mẹgụọ m wẹ nwan ogẹnni, ebe m nọ nwan mẹ i tikpọchanrịn obodo ichẹn-ichẹn zegbu enwẹn wẹ — e họnrin wẹ ikpọn ọmụma.

Jerimaya 25:9

m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Daniẹlụ 12:1

“O ru ogẹn hụ, Maịkẹlụ onyẹ-isi ndị mmọn-ozi, onyẹ hụn e che ndị nke ụnụ nche, k'a pụha. Ogẹn nsọngbu k'a rị, ụdị hụn rịtulẹni kete anị ichẹn-ichẹn e bidọnlẹ. Kanị, o ru ogẹn hụ, wẹ k'a gbapụha ndị nke ụnụ, wẹ ile ẹfan wẹ rị imẹ ẹkụkwọ hụ.

Daniẹlụ 7:21

Ebẹhụ m rị e lee ile, mpịnnị nọ mayemẹ ndị-nsọ ọgụn, e mẹri wẹ,

Daniẹlụ 7:25

O k'e kuja oku Onyẹ hụ Kachanrịnnị, a bịangbu ndị-nsọ a, mẹmẹ n'o gbehutọ ogẹn mmẹmmẹ ichẹn-ichẹn lẹ iwu. Wẹ k'e we ndị-nsọ che ẹ ẹka n'o mẹshi wẹ ikẹn ahụa ẹtọ lẹ mkpikpi.

Luku 4:6

sị a, “M jẹnkọ d'e ye i ihiẹnni ile kịma, y'e nwọnrin ọghọ ile rịn'a, makẹni e bugụọ wẹ uwẹ ile che m ẹka, onyẹ sụọnị m kẹ m'e y'ẹ.

Jọnụ 19:11

Jesu nọ sị a, “Onwọnni ihiẹn i k'a saẹka mẹ m mmanị Osolobuẹ rị elu-igwee kweri e kweri. Ya wụ, onyẹ hụ bu m che ẹka ị ka njọ e mẹ.”

Rẹvẹleshọnụ 10:11

Ya wẹ nọzị sị m, “I k'e buzi amụma banyeni ndị bu ọda, alị bu ọda, ndị asụsụ ichẹn-ichẹn bu ọda lẹ ndị-nze bu ọda.”

Rẹvẹleshọnụ 11:18

Alị ile e te kpọghọ ọnụma; kanị y'e gigụọ iwe-lẹ-ọnụma ị mẹ wẹ ihiẹn. Ogẹn y'e gi kin ndị nwụnhụnnị ikpe e rugụọ. Ogẹn y'e gi kụ idibo i ụgwọ e rugụọ nwan — idibo i ndị-amụma — lẹ ndị-nsọ lẹ ndị a tụ egun i — kẹ ndị uku kẹ ndị nta. Ogẹn y'e gi tikpọ ndị rị e tikpọ ụwa e rugụọzị!”

Rẹvẹleshọnụ 11:7

Wẹ shịagụ ẹri wẹ, eje-anụ hụ hụn k'a gha mgbugbu hụ migbu enwẹn ẹ pụha k'a lụsọn wẹ agha, mẹri wẹ, gbu wẹ.

Rẹvẹleshọnụ 12:17

Iwe okpoho hụ nọ we Dragọnụ hụ, ọ pụ d'a lụsọn ụmụ okpoho hụ agha — ụmụ a ndị ọzọ, ndị hụn e mẹ ihiẹn Chuku ku, e kwọnkẹnmẹ oku Jesu;

Rẹvẹleshọnụ 17:15

Mmọn-ozi hụ nọzị sị m, “Mirin ndị ahụn ị hụn ịgbaraja ahụn nọdị alị elu wẹ wụ ndị rị ichẹn-ichẹn, igunrun ichẹn-ichẹn, alị ichẹn-ichẹn lẹ asụsụ ichẹn-ichẹn.

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.