Rẹvẹleshọnụ 12:8 - Ika

⁸ Kanị wẹ nọ mẹri Dragọnụ hụ, anịzịnị wẹ ya lẹ ndị mmọn-ozi ẹ nọdị elu-igwee.

Rẹvẹleshọnụ 12:8 ပူးပေါင်းရင်းမြစ်များ

Jobu 20:9

Ẹnya hụnn'a ahụnkọzị a; ebe o te nọdị amarịnkọzịd'a.

Jobu 7:10

Ọ lụahakọzị iwe ẹ, ebe o bi amarịnkọzị a.

Jobu 8:18

Kanị wẹ huepụ a hụ ọnọdị a, ebẹhụ o te rị a jụ a, sị, ‘Ahụntuni m'i.’

Ẹbụ-ọma 129:2

“E mẹọlẹ wẹ m ihiẹn bu ọda gha ẹhụ nwa-ndu m lala, kanị, wẹ eke saẹka mẹri m.

Ẹbụ-ọma 13:4

eṅẹnrẹn m a sị, “E mẹrigụọ m'a;” ndị-iṅẹnrẹn m a ghọghọma n'a dangụọ m.

Ẹbụ-ọma 37:10

Ọ họdụhụ ẹkẹrẹ onyẹ-njọ a la; ị chọ wẹ ntan, chọ wẹ imọn ebe wẹ te rị, y'a hụnkọzị wẹ.

Jerimaya 1:19

Wẹ k'a lụsọn i ọgụn, kanị asakọ wẹ ẹka mẹri i, makẹni m k'a nọyen'i, zụọpụha ị.” Ya kẹ Osolobuẹ ku.

Jerimaya 5:22

Osolobuẹ sị: Ụnụ atụkọ egun m? Egun m ara tu ụnụ? Mmẹ gi ẹjan gbọndọn ohimin, mgbọn itẹbitẹ o jẹnkọlẹni d'a saẹka fetu, ẹbi-mirin nwọn ikẹn kpọ-ntan kpọ-imọn, ọ sakọ ẹka ghafe ẹ; ya zụndẹ ụzụn ile o k'a zụn, ọ sakọ ẹka hughafe ẹ.

Matiu 16:18

M rị a gwa ị, ẹfan ị wụ Ọmụma; m jẹnkọ d'a tụn ụka m ye elu ọmụmanị, ọnwụn asaẹka mẹri ẹ.

Ọrụn Ndị-ozi 1:25

n'o weri ọkwa lẹ ọrụn onyẹ-ozi pụ-ichẹn, hụn Judasị latọ jẹnmẹ ebẹhụ furun'ẹ.”

Judu 1:6

nị ndị mmọn-ozi hụ te rị nsọ hụn nọdịlẹni ebe wẹ sị wẹ nọdị, la ọnọdị wẹ tọ, rị nwan ẹgbụn itẹbitẹ imẹ eje-ishi, e che okinkin-ikpe hụn jẹnkọ d'a rị okẹn Ụhụọhịn ahụn.

Rẹvẹleshọnụ 12:11

“Kanị e gi wẹ ẹdeke Nwa-ebulu hụ lẹ oku wẹ gi shịan'a ẹri mẹri ẹ; ndụn wẹ a danị wẹ, e kweridẹ wẹ nị wẹ gbu wẹ.

Rẹvẹleshọnụ 12:7

Ya wẹ nọ lụma agha elu-igwee. Mmọn-ozi wụ Maịkẹlụ lẹ ndị mmọn-ozi e sọnn'ẹ nọ lụsọn eje-anụ uku hụ wụ Dragọnụ agha, Dragọnụ lẹ ndị mmọn-ozi ẹ nọ lụsọn wẹ agha.

Rẹvẹleshọnụ 12:9

Wẹ nọ tụtu Dragọnụ uku hụ ye elu-ụwa, agwọ mbụ-mbụ hụ w'a kpọ Ekwensụ, a kpọzị a Setanị, hụn e dufie ụwa ile; a tụtu wẹ kẹ ịya kẹ ndị mmọn-ozi ẹ.

Rẹvẹleshọnụ 20:11

Ya m nọ hụn ukpo-eze ọchan hi-ogbe lẹ onyẹ nọdị alị elu ẹ. Ụwa lẹ elu-igwere nọ gbaman'a ọsọ, onwọnzini ebe wẹ k'a nọdị.