Rẹvẹleshọnụ 11:2 - Ika

² Ka amalẹ ihun-ezi Ụlọ-NSỌ, hapụ ọhụn makẹni o bugụọ a che ẹka ndị alị ọzọ. Wẹ k'a zọ obodo nsọ hụ ụkụ ọrọgbọ ifọn ẹbụọ kwasị ọgụnnaị.

Rẹvẹleshọnụ 11:2 ပူးပေါင်းရင်းမြစ်များ

Ẹbụ-ọma 79:1

Chuku, ndị alị ọzọ a banhangụọ alị ị; e mẹrụgụọ wẹ Ụlọ-NSỌ ị, e tikpọgụọ wẹ Jerusalẹm, o họnrin mkpọkọ-mkpọkọ!!

Azaya 48:2

ụnụ ndị a kpọ enwẹn ụnụ ụmụ-di-alị Obodo nsọ wụ Jerusalẹm, a sị nị Chuku Izrẹlụ kẹ ụnụ gi dọn ẹnya — Onyẹ ẹfan a wụ Osolobuẹ ihiẹn ile rị okpuru ẹ!

Azaya 5:5

Nị m gwa nwan ụnụ ihiẹn m k'e mẹ alị vaịnị m: m k'e wepụ ihiẹn m gi gbọnhunmẹ ẹ, e wiwi w'ẹ; e tikpọpụ m mgbọn ẹ, a zọtịta w'a.

Azaya 52:1

Tẹnhin! Tẹnhin! Zayọnụ, tẹnhin! Jeri ikẹn lekẹ ẹkwa. Obodo nsọ wụ Jerusalẹm, yiri ẹwuru ọma ị; ndị ahụn wẹ kwalẹni ugun, ndị ahụn rịlẹni ụchan, abanhankọzị imẹ i.

Ẹkwan 1:10

Eṅẹnrẹn e bu ẹka che ihiẹn ile rị mkpa o dọnmẹ; ọ hụnghọdẹ kẹ ndị a rụa mmọn banye ụlọ-nsọ a — ndị hụn ị sị nị abanyekọ wẹ igunrun ndị nke i.

Izikẹlụ 4:6

“I mẹgụ ọhụn, y'e dinẹ nkọ ẹka-nni i gi tazịkwọ afụnfụn njọ ndị ikpụlọ Juda. Akpọhịn ọgụnnaị kẹ m tumẹ y'e gi mẹ ẹ: akpọhịn ohu sikọ d'a nọkin ẹnya ahụa ohu.

Izikẹlụ 42:20

Ọ machanrịn azụụn ẹnịnọ rịn'a. Usue mgbọn ghahunmẹchanrịnn'a wụ ụbụkụ mmisẹn kwasị ọgụn ẹtọ kwasị nnụnaị (875), ụshịa a ụbụkụ mmisẹn kwasị ọgụn ẹtọ kwasị nnụnaị (875). Mgbọn ahụn kebe ebe rị nsọ lẹ ebe wẹ nọ e mẹ ihiẹn mmaka.

Daniẹlụ 12:7

Ya okẹnnyẹ ahụn yi ẹkwa linẹni hụn rị elu mirin-iyi ahụn nọ kịshi ẹka-nni lẹ ẹka-ekpẹn elu zinmẹ elu-igwee, m nọ nụ k'o kun Onyẹ Ahụn Rị Ndụn Jẹnrin-ejẹn, sị, “O k'a rị ahụa ohu cheni ahụa ẹbụọ lẹ mkpikpi. Hụn wẹ gihụ mẹrigụ ndị-nsọ, ihiẹn ndịnị ile k'e mẹzuchanrịn.”

Daniẹlụ 7:19

“M nọ chọ nị m marịnzịkwọ ihiẹn eje-anụ ahụn mẹ wẹ ẹnọ wụ, hụn ahụn rị ichẹn ebe ndị họdụnị rị, hụn wụ okẹn ihiẹn egun, hụn nwọn eze-igwe lẹ mbụọ igwe-bronzu; eje-anụ ahụn hụn a dọkịka ihiẹn danban a ẹka, e ripụ, a zọkpụkpọ hụn ọwụlẹ họdụnị.

Daniẹlụ 7:25

O k'e kuja oku Onyẹ hụ Kachanrịnnị, a bịangbu ndị-nsọ a, mẹmẹ n'o gbehutọ ogẹn mmẹmmẹ ichẹn-ichẹn lẹ iwu. Wẹ k'e we ndị-nsọ che ẹ ẹka n'o mẹshi wẹ ikẹn ahụa ẹtọ lẹ mkpikpi.

Daniẹlụ 8:10

O sue d'e ru n'ọ sụntụ ihiẹn ndị rị elu-igwere, nutusọnmẹ kokisẹ ndị o nutu ye alị, zọkpụkpọ wẹ.

Daniẹlụ 8:13

Ya m nọ nụ kẹ onyẹ-nsọ ohu rị e ku oku, onyẹ-nsọ ọzọ nọ sị a, “Nanị ọhụnnị e biehan d'e mẹ — ọhụn ahụn gbashịarịnị ẹjan w'a chụsọnmẹ ụhụọhịn-ụhụọhịn lẹ arụ ahụn k'e buhẹ ntikpọ, lẹzi ọlatọ wẹ k'a latọn'a Ụlọ-nsọ lẹ igunrun ndị nsọ o k'a zọkpụkpọ?”

Daniẹlụ 8:14

Ọ nọ sị m, “O k'a nọ ẹnyasị lẹ ụtụntụn ọgụn-mmisẹn kwasị nnụ-isẹn (2,300); ogẹn ahụn kẹ w'e gi dọnzi Ụlọ-nsọ hụ rụnị.”

Ọgụngụn 14:34

Ẹghẹẹ, ọrọgbọ ahụa ọgụnnaị hụ m k'e gi nọkin ẹnya akp'ọhịn ọgụnnaị ndị hụ ụnụ gi lele kẹ alị ahụn nọ kẹ ụnụ k'a rị a ta afụnfụn njọ ụnụ — ụnụ a hụn k'ọ nọ ebe mmẹ lẹ ịhịan nọ mẹ eṅẹnrẹn’.

Matiu 27:53

Ogẹn Jizọsị gi ghagụ ọnwụn lihi, wẹ nọ pụhasọnmẹ, banye imẹ obodo nsọ hụ wụ Jerusalẹm; ndị bu ọda hụn wẹ ebẹhụ.

Matiu 4:5

Ya kẹ Ekwensụ nọ we ẹ shi imẹ obodo nsọ wụ Jerusalẹm, w'ẹ tumẹ mkpọnụnụ Ụlọ-nsọ,

Matiu 5:13

“Ụnụ wụ nnu ụwa. Kanị, omẹni nnu asụọzịnị ụsụọ, nị wẹ s'ẹka mẹ ẹ sụọmazị ụsụọ? Onwọnzini ihiẹn wẹ gi ẹ e mẹ, karị ikpọn ẹ tuhu, a zọgbumẹ wẹ ẹ.

Luku 21:24

Wẹ k'e gi ọpịa-agha gbu wẹ, kpụnrụn wẹ shi alị ile rị ichẹn-ichẹn. Alị ndị ọzọ jẹnkọ d'a zọ Jerusalẹm ụkụ d'e ru nị ogẹn alị ndị ọzọ e zu.

Hibru 10:29

elee ụdị afụnfụn k'i ro nị wẹ k'e ye onyẹ hụn legberi Nwa Osolobuẹ, lelịa ẹdeke nkwerigbama hụ wẹ gi dọn ẹ nsọ, kpasu Mmọn-nsọ wẹ gha mẹn'ẹ ẹfọma iwe?

Rẹvẹleshọnụ 11:11

Kanị o mẹpụ akpọhịn ẹtọ lẹ mkpikpi, Osolobuẹ nọ zihẹ ufere w'e gi rị ndụn, ọ ban imẹ wẹ, e lihi wẹ ọtọ, okẹn egun nọ bịa ndị hụnnị wẹ.

Rẹvẹleshọnụ 11:3

“M k'e ye ndị ọshẹri m ẹbụọ ikẹn ku oku-Chuku, ọrọgbọ akpọhịn ọgụn-ẹtọ kwasị nnụ-ẹtọ, (1,260), wẹ k'e yisọnmẹ achọ (ahịọ) wẹ gi a kwan ịhịan.”

Rẹvẹleshọnụ 12:6

Ya okpoho hụ nọ gbashi imẹ atụ d'a nọdị ebẹhụ Osolobuẹ kwademẹn'ẹ, ebe wẹ k'a nọ e ye ẹ ihiẹn-oriri akpọhịn ọgụn-ẹtọ kwasị nnụ-ẹtọ, (1,260).

Rẹvẹleshọnụ 21:10

Ọ nọ buru m imẹ-mmọn shi elu ugu hi-ogbe jẹn elu, ghọsị m obodo nsọ hụ wụ Jerusalẹm k'ọ gha ẹka Osolobuẹ imẹ elu-igwee hidanla.

Rẹvẹleshọnụ 21:2

M nọ hụn obodo nsọ hụ, Jerusalẹm ọhụn, k'ọ gha ẹka Osolobuẹ imẹ elu-igwee hidanla. Ọ nọ kẹ nwagbọọ chọgụ mma agbamẹkụkwọ rị e che di ẹ.

Rẹvẹleshọnụ 22:19

onyẹ wepụ ihiẹn imẹ wẹ, Osolobuẹ e wepụ ihiẹn run'ẹ imẹ osisi hụ e ye ndụn hụn wẹ kusọnmẹ oku ẹ imẹ ẹkụkwọnị lẹ obodo nsọ ahụn wẹ kusọnmẹ oku ẹ imẹ ẹkụkwọnị.