Rẹvẹleshọnụ 11:15 - Ika

¹⁵ Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 11:15 ပူးပေါင်းရင်းမြစ်များ

Ẹbụ-ọma 110:4

Osolobuẹ e kungụọ enwẹn ẹ ku ẹ — o kuhutọkọ ọnụ: “Onyẹ nchụn-ẹjan k'ị wụ jẹnrin ejẹn, ụdị nke Mẹkizẹdẹkị.”

Ẹbụ-ọma 146:10

Osolobuẹ k'a kị jẹnrin-ejẹn! Zayọnụ, Chuku i k'a kịsọnmẹ gha agbọ pụ agbọ! Ja nị Osolobuẹ mma!

Ẹbụ-ọma 2:2

Ndị-nze ụwa rị a kwademẹ, ndị ọkịkị wẹ rị e zu umẹ nị wẹ bunụmanị Osolobuẹ lẹ onyẹ o te udẹn, tumẹ!

Ẹbụ-ọma 72:11

Ndị-nze ile wẹ kpọn'a isi alị; alị ile wẹ fe ẹ.

Ẹbụ-ọma 82:8

Chuku dodo, d'a kịma ụwa, makẹni alị ile wụ nke i.

Ẹbụ-ọma 86:9

Ịyụ ke alị ile, Osolobuẹ, wẹ k'a bịa d'a kụnị ị isi-alị; wẹ k'a gha a ja ẹfan ị mma.

Ọpụpụ 15:18

“Osolobuẹ jẹnkọ d'a kị jẹnrin ejẹn!”

Azaya 27:13

O ru ogẹn ahụn, okẹn opi k'a han, ndị Izrẹlụ ile hụn rị alị Asiria a la iwi lẹ ndị ile wẹ kpụnshi alị Ijiptu k'a lụa d'a nọ elu ugu nsọ hụ rị Jerusalẹm fe Osolobuẹ.

Azaya 44:23

Igwere, bụma ẹbụ ịghọghọ, makẹni Osolobuẹ e mẹgụọ ihiẹnni! Alị, yi oro! Ugu ichẹn-ichẹn, bụye ni ẹbụ — kẹ ọfịa lẹ osisi ile rịn'a! Makẹni Osolobuẹ a gbapụhagụọ ebọn Jekọpụ, o giọlẹ ụmụ Izrẹlụ ghọsị ọghọ a.

Azaya 55:5

Eziẹ, ị k'a kpọ alị ndị ị marịnlẹni oku, alị ndị marịnlẹn'i a gbahadẹ d'a za ị, makẹ ufiri Osolobuẹ, Chuku i — Onyẹ-nsọ Izrẹlụ, makẹni o yeọlẹ i ọghọ ọda-ọda.

Azaya 9:7

Ọkịkị a lẹ Ọrịrịmma o k'e wẹhẹ agụkọ. O k'a nọ ukpo-eze Defidi kị alị-eze Defidi, e gi ezigbo-eṅẹn lẹ ezi-omumẹ a kwadọn ẹ, e kwọndọn ẹ — gha ogẹn ahụn jẹnmẹ, jẹnrin ejẹn. Adụdụ Osolobuẹ Onyẹ nwọn ikẹn ile k'a han ihiẹnni mẹ.

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Izikẹlụ 37:25

Wẹ k'e biri alị hụ m ye odibo m wụ Jekọpụ, alị hụ ndị nẹdi ụnụ kanị bi. Wẹ lẹ ụmụ wẹ lẹ ụmụ-ụmụ wẹ k'e biri ebahụn jẹnrin ejẹn, odibo m wụ Defidi k'a wụferi eze wẹ.

Izikẹlụ 47:5

K'ọ mazị nwan amụkụ ọgụn-mmisẹn kwasị nnụ, mirin hụ anịzịnị m gi ụkụ fetu makẹni o miọlẹ — o rugụọ hụn w'e gu, ẹlẹzi hụn wẹ gi ụkụ e fetu.

Daniẹlụ 7:14

Wẹ nọ ye ẹ ikẹn lẹ ọghọ lẹ ọkịkị hụn ihiẹn ile gi a rị okpuru ẹ; ndị ile rị ichẹn-ichẹn, ndị alị ile lẹ asụsụ ile hụ e fe ẹ. Ọkịkị a wụ ọkịkị jẹnrin ejẹn hụn jẹnkọlẹni d'a gụ. Alị-eze ẹ wụ hụn wẹ jẹnkọlẹni d'e tikpọ.

Daniẹlụ 7:18

Kanị omẹgụ, ọkịkị lẹ alị-eze jẹnkọ d'a ban ndị-nsọ Onyẹ hụ Kachanrịnnị ẹka, ọ wụrụ nke wẹ, wụrụchanrịn, jẹnrin ejẹn.’

Daniẹlụ 7:22

d'e ru mgbe Onyẹ hụ Nwọnlẹni Mbidọn gi bịa d'a hanyeni ndị-nsọ Onyẹ hụ kachanrịnnị eṅẹn, ogẹn nọ ru hụn wẹ gi nwọnrin ọkịkị lẹ alị-eze.

Daniẹlụ 7:27

Ogẹn ahụn kẹ wẹ jẹnkọ d'e gi we ọkịkị ile lẹ ikẹn lẹ ọghọ alị-eze ile rị okpuru igwere ye ndị-nsọ, ya wụ, ndị nke Onyẹ hụ Kachanrịnnị. Anị-eze lẹ ọkịkị a k'a tọ jẹnrin ejẹn, ndị ọkịkị ile k'e fe ẹ, e mẹ ihiẹn o ku.’

Hosia 2:23

“M k'a kụnye Izrẹlụ alịnị kẹ ihiẹn m, e mẹni m ‘Omikẹn-arịa’ omikẹn ọsụọn'a nị m kpọ a ‘Omikẹn-arịa’; m k'a sị ndị nwẹn w'a kpọ ‘Ẹlẹ wẹ ndị nke m,’ ‘ndị nke m kẹ ụnụ wụ,’ a sị wẹ m, ‘Ịyụ wụ Chuku ẹnyi.’ ”

Obadaya 1:21

Ndị mgbapụha jẹnkọ e shi Ugu Zayọnụ d'a nọ a kị Ugu-Ịsọ wụ alị Ẹdọm. Ogẹn ahụn, Osolobuẹ lẹ enwẹn ẹ k'a wụ eze.

Maịka 4:7

E gi m ndị te wụ ngụrọ pumẹzi alị wẹ, gi ndị nwẹn m te jụ họnrin okẹn alị; mmẹ wụ Osolobuẹ a nọ Ugu Zayọnụ kị wẹ jẹnrin ejẹn.”

Zẹkaraya 14:9

Osolobuẹ k'a wụrụ eze ụwa ile. Osolobuẹ sụọ kẹ wẹ k'a gha e fe ogẹn ahụn, ẹfan Osolobuẹ sụọ kẹ wẹ k'a gha a kpọku.

Zẹkaraya 2:11

O ru ogẹn hụ, alị bu ọda jẹnkọ d'a banyeni mmẹ wụ Osolobuẹ, e họnrin wẹ ndị nke m — e sọn m ụnụ biri.” Ogẹn hụ, ụnụ a marịn nị Osolobuẹ ihiẹn ile rị okpuru ẹ lẹ enwẹn ẹ zi mmẹ wụ Zẹkaraya d'a gwa ụnụ oku.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Matiu 24:31

O sikọ d'e gi okẹn opi hannị zipụ ndị mmọn-ozi ẹ ẹbamịn ẹnịnọ d'e wegbama ndị nke Osolobuẹ rị ebe ile ụwa ru.

Matiu 6:13

Edulẹ ẹnyi ye imẹ ọnwụnwan, ka gbapụha ẹnyi imẹ eje-ihiẹn.’

Luku 1:33

o k'a kị ikpụlọ Jekọpụ jẹnrin ejẹn; alị-eze ẹ agụkọ!”

Luku 15:10

M rị a gwa ụnụ, ẹrịra kẹ ịghọghọ dọn a rị imẹ igunrun ndị mmọn-ozi Osolobuẹ makẹni onyẹ-njọ rogharị erogharị.”

Luku 15:6

o ru ụlọ, ọ kpọgbama ndị ọwụ a lẹ ndị bikunmẹn'ẹ, sị wẹ, ‘Sọn ni m ghọghọ, ni a hụngụọ m atụnrụn m tuhuni.’

Ọrụn Ndị-ozi 4:26

Ndị-nze ụwa e kọnrinsọnmẹ agha; ndị rị a kịnị e zu d'e bunụmanị Di-nwọnni-ẹnyi lẹ Onyẹ hụn o tumẹ.’

Hibru 1:8

Kanị, nke Nwa a, ihiẹn Osolobuẹ ku wụ, “Euu, Osolobuẹ! Ukpo i k'a rị jẹnrin ejẹn; ọkpọ ọkịkị kụrụ ọtọ k'i gi a kị alị-eze i.

Rẹvẹleshọnụ 10:7

mmọn-ozi nke ẹsa gbuọlẹ opi ẹ, ihiẹn ahụn Osolobuẹ zuemẹ sikọ d'e mẹchanrịn k'o dọn gwa ndị idibo ẹ ndị-amụma.”

Rẹvẹleshọnụ 12:10

M nọ nwan nụ okẹn olu imẹ elu-igwee, hụn rị a sị, “Nzụọpụha lẹ ikẹn lẹ alị-eze Chuku ẹnyi lẹ ọkịkị Kraịstị a a bịagụọ nwan. Makẹni a tụtugụọ wẹ onyẹ ahụn e kpe umunẹ ẹnyi ndị Itu-Kraịstị, ẹka Osolobuẹ ẹnyi uhinhin lẹ efinnaị.

Rẹvẹleshọnụ 15:4

Euu Osolobuẹ, onyẹ k'a sị n'ọ tụkọ egun i, n'ọ jakọ ẹfan ị mma? Ịyụ sụọ rị nsọ. Alị ile k'a bịa d'e fe i, makẹni y'a ghọsịọlẹ n'ị y'e mẹ ihiẹn furuni.”

Rẹvẹleshọnụ 16:17

Mmọn-ozi nke ẹsa e hu ihiẹn rị afẹrẹ a ye imẹ ufere, okẹn olu nọ gha ukpo-eze hụ, imẹ Ụlọ-nsọ, sị, “Ọ mẹgụọ!”

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 19:1

Ọhụn e mẹgụ, m nọ nụ olu ihiẹn nọ kẹ igunrun hi-ogbe imẹ elu-igwee, wẹ hụ e yi, “Ịja-mma ya rịnị Osolobuẹ! Nzụọpụha lẹ ọghọ lẹ ikẹn wụ nke Osolobuẹ ẹnyi,

Rẹvẹleshọnụ 19:6

Ya m nọ nụ okẹn olu hụn nọ kẹ olu igunrun hi-ogbe, nọkẹ nke okẹn mirin rị e huni, okẹn akpara, ọ hụ a sị, “Ịja-mma ya rịnị Osolobuẹ — makẹni Di-nwọnni-ẹnyi wụ Osolobuẹ ẹnyi, onyẹ hụn nwọn ikẹn ile, rị a kị!

Rẹvẹleshọnụ 20:4

Ya m nọ hụn ukpo-eze ndị rị ebẹhụ. Wẹ nọ tumẹ ndị rịsọnmẹ ukpo ndị hụ ndị ọkịkị. M nọ hụnzịkwọ umẹ-ndụn ndị wẹ gi ufiri ozi Jizọsị lẹ oku Osolobuẹ bepụ isi. Ndịnị jụ nị efekọ wẹ eje-anụ hụ lẹ enwẹn ẹ mọbụ hụn wẹ leri ẹ kpụ, jụzị nị anarịnkọ wẹ ahịma eje-anụ hụ ezimezi ihun wẹ mọbụ ẹka wẹ. Wẹ nọ nwan gha ọnwụn lihi, rịzị ndụn, sọn Kraịstị kị ahụa nnụ-uku hụ.

Rẹvẹleshọnụ 8:12

Mmọn-ozi nke ẹnọ e gbu opi ẹ, ẹnyanwụn nọ wiwi azụụn ohu, ifọn lẹ kokisẹ nọ wiwizịkwọ azụụn ohu-ohu, a latọsọnmẹ wẹ azụụn ẹbụọ-ẹbụọ. Ukpẹ wẹ nọ tibelụa, timẹhụ ụzọ ẹbụọ imẹ ụzọ ẹtọ. Anwụn amụchanrịnzịnị kẹ ụhụọhịn han k'o dọn a mụ mbụ; ifọn etibiehanzịnị k'o dọn e ti mbụ. Wẹ kebe ụhụọhịn ụzọ ẹtọ, anwụn amụkarịzịnị ụzọ ẹbụọ — ẹrịra kẹ ifọn mẹzikwọ imẹ uhinhin.

Rẹvẹleshọnụ 9:1

Mmọn-ozi nke isẹn e gbu opi ẹ, m nọ hụn kokisẹ ohu hụn gha elu-igwee danye ụwa. Wẹ nọ ye kokisẹ hụ ịsanhan mgbugbu ahụn migbu enwẹn ẹ.

Rẹvẹleshọnụ 9:13

Mmọn-ozi nke isin e gbu opi ẹ, m nọ nụ kẹ olu gha mpịn ẹnịnọ rị ntịn ẹnịnọ ukpo nchụn-ẹjan goru hụ rị ihun Osolobuẹ rị e ku oku.