Ọrụn Ndị-ozi 9:31 - Ika

³¹ Ya kẹ ndị ụka rị Judia lẹ Galili lẹ Sameria ogẹn hụ nọ zu ikẹn ukpokpo wẹ rị e kpokpo wẹ. Wẹ hụ e zekẹnmẹ, e gi egun Di-nwọnni-ẹnyi e bi, Mmọn-nsọ hụ e yeni wẹ ẹka e buwaye ọda.

Ọrụn Ndị-ozi 9:31 ပူးပေါင်းရင်းမြစ်များ

Ihiẹn Mẹni Nke Ibuzọ 22:18

Ọ sị wẹ, “Ẹlẹ Osolobuẹ wụ Chuku ụnụ nọyeni ọnụ anọyeni? O mẹgụọnị agha bini ụnụ azụụn ile? Makẹni o bugụọ ndị bi alị ile rị ẹgbẹrẹni che m ẹka; alịnị ile rị nwan okpuru Osolobuẹ lẹ ndị nke ẹ.

Ihiẹn Mẹni Nke Ibuzọ 22:9

Kama, ị k'a mụ okẹnnyẹ, hụn k'e mẹ onyẹ udọn. M k'e mẹ ndị-iṅẹnrẹn ẹ ile rị azụụn ọwụlẹ yen'ẹ efe. Ẹfan a k'a wụ Solomọnụ hụn wụ “Udọn”. M k'e ye Izrẹlụ udọn ogẹn ẹ, mẹ Izrẹlụ mẹ jụụ.

Nehemiah 5:15

Kanị, ndị gọvanọ bu m ụzọ kị buye wẹ okẹn ibu, d'e ru ebe wẹ nọ sị wẹ tụhamanị wẹ ihiẹn-oriri lẹ manya lẹ akpụrụ egho siliva ọgụnnaị ụhụọhịn-ụhụọhịn; ndị ọrụn ndị gọvanọ a kịgbudẹ wẹ a kịgbu. Kanị, emẹni m ẹrịra, makẹ egun Osolobuẹ.

Nehemiah 5:9

M nọ nwan sị wẹ, “Ihiẹn ụnụ rị e mẹ arị mma. Ẹlẹ o te furu nị ụnụ e gi egun Osolobuẹ ẹnyi e bi amamgbe ndị alị ọzọ ndị-iṅẹnrẹn ẹnyi gha a mụ ẹnyi ẹmụ?”

Jobu 28:28

Ya ọ nọ sị ịhịan, ‘Ịtụ egun Osolobuẹ — ịya wụ amamihiẹn, ịjụ eje-ihiẹn — ịya wụ nghọta.’ ”

Ẹbụ-ọma 111:10

Ịtụ egun Osolobuẹ wụ mbidọn amamihiẹn; ndị gi ẹ e bi e nwọnrin ezigbo nghọta. Ịja-mma k'a rịnị Osolobuẹ jẹnrin ejẹn.

Ẹbụ-ọma 86:11

Osolobuẹ, dodo kuzi m ụzọ ị, kẹni m'e gi ezioku i e bi; mẹ m e gi akpak'alị obi m a gbaye ẹfan ị.

Ẹbụ-ọma 94:13

e gi ẹ e mẹ obi e ru wẹ alị ogẹn nsọngbu, d'e ru mgbe ndị-njọ danban olu i gutọnị wẹ.

Itẹn 1:7

Ịtụ egun Osolobuẹ kẹ ịhịan gi e nwọnmẹ amamihiẹn; ndị-nzuzu e legberi amamihiẹn lẹ ọzụnzụn.

Itẹn 23:17

Anịlẹ ni ihiẹn ndị-njọ la ị ẹnya, k'a tụ egun Osolobuẹ ogẹn ile,

Itẹn 8:13

Ịtụ-egun Osolobuẹ wụ ize-ize eje-ihiẹn; ize mpache lẹ nhọnrọn e ze m e ze, uwẹ lẹ eje-omumẹ lẹ oku rụnị.

Azaya 11:10

Ogẹn hụ, Mkpọgụn Jese ahụn jẹnkọ d'e suepụhanị k'a wụrụnị alị ichẹn-ichẹn ahịma wẹ tumẹni wẹ hụn w'e gi e dọn ẹnya; ndị alị ichẹn-ichẹn jẹnkọ d'e buruhẹ ẹ, ebe o bi jẹnkọ d'e nwọn ọghọ ọda-ọda.

Azaya 33:6

O k'e mẹ ẹnyi saẹka e wuzo imẹ ọnọdị ọwụlẹ — a zụọ ẹnyi a zụọsọnmẹ, e ye ẹnyi akọ-lẹ-uche lẹ amamihiẹn ọda-ọda. Ịtụ-egun Osolobuẹ sụọ wụ ihiẹn k'a rị a mkpa.

Zẹkaraya 8:20

Osolobuẹ ihiẹn ile rị okpuru ẹ, sị: “Ịhịan lala! Ndị bidẹ obodo ndị ọzọ rị ichẹn-ichẹn lala!

Ọrụn Ndị-ozi 12:24

Kanị oku Osolobuẹ hụ a gha ihun, ndị bu ọda hụ e kweri.

Ọrụn Ndị-ozi 16:5

Ya ụka ndị hụ nọ zekẹnmẹ imẹ okukwe, e buwaye ọda ụhụọhịn-ụhụọhịn.

Ọrụn Ndị-ozi 2:47

a ja Osolobuẹ mma; ihiẹn wẹ hụ a sụọ ịhịan ile. Ụhụọhịn-ụhụọhịn, Di-nwọnni-ẹnyi hụ e bucheni wẹ ndị hụn ọ rị a zụọpụha.

Ọrụn Ndị-ozi 20:32

“M rị nwan e bu ụnụ e che ẹka Osolobuẹ lẹ ozi banyeni ọhụnma a, ozi ẹ hụn k'a s'ẹka tụn ụnụ kẹ ụlọ mẹ ụnụ turu — weye ụnụ ihiẹn runi ụnụ imẹ ndị nsọ Osolobuẹ ile.

Ọrụn Ndị-ozi 5:11

Ya kẹ okẹn egun nọ tụma ndị ụka Kraịstị ile lẹ ndị ile nụ ihiẹn ndịnị.

Ọrụn Ndị-ozi 6:7

Oku-Chuku hụkwọ a ghagbarị, e ru ndị bu ọda ẹka, ndị kwerini hụ e buwaye ọda imẹ Jerusalẹm; ndị nchụn-ẹjan bu ọda nọ gbehutọ sọnmẹ Ụzọ Jesu.

Ọrụn Ndị-ozi 8:1

Sọlụ a kwadọnghọ wẹ kẹ wẹ rị e gbu Stivini. Gha ụhụọhịn hụ jẹnmẹ, wẹ nọ kpokpomẹ ndị ụka rị Jerusalẹm ọda-ọda. Wẹ ile nọ gbayịya, gbashisọnmẹ ẹgbẹrẹ Judia lẹ Sameria — wezụka ndị-ozi hụ pụ-ichẹn.

Ndị Rom 14:17

makẹni Alị-eze Osolobuẹ ẹlẹ oku ihiẹn-oriri lẹ ihiẹn-ọrịra kanị ezi-omumẹ, udọn lẹ ịghọghọ Mmọn-nsọ.

Ndị Rom 14:19

Nị ẹnyi a chọ nị nwan ihiẹn ẹnyi lẹ ibe ẹnyi e gi bi udọn, e sue imẹ okukwe.

Ndị Rom 15:13

Osolobuẹ hụn e ye olilẹnya ya ye ụnụ ịghọghọ lẹ udọn mmagi-mmagi kẹ ụnụ dọn rị e gi ẹ e dọn ẹnya. Y'a mẹ ẹ, kẹni ụnụ nwọn olilẹnya, nwọn ẹ ọda-ọda, ghahanị ikẹn Mmọn-nsọ.

Ndị Rom 5:5

bụ olilẹnyanị ekpuyekọ ẹnyi, makẹni Osolobuẹ nwọn ihiẹn-ọsụsụọ ẹnyi ọda-ọda — o hugụọd'a ye ẹnyi imẹ obi ghahanị Mmọn-nsọ a o ye ẹnyi.

Ndị Kọrẹntị Ibuzọ 14:12

Ẹrịrazịkwọ, ebe ụnụ rị e mẹ oku oyiye Mmọn-nsọ, lịlịma nị nwan a wụ ọkaa imẹ oyiye ndị hụn e mẹ ụka e sue.

Ndị Kọrẹntị Ibuzọ 14:26

Umunẹ m, kị ẹnyi e mẹ nwan? Ụnụ zu, onyẹ-onyẹ nwọn ihiẹn ọ k'a s'ẹka mẹ: ikẹnkwọ ẹbụ rọ; ikẹnkwọ nkuzi, ikẹnkwọ ihiẹn Osolobuẹ ghọsị ịhịan, ikẹnkwọ ịsụ-asụsụ ọzọ, ikẹnkwọ ịnaye oku: e mẹ ni ihiẹn ile k'o dọn buli okukwe ịhịan elu.

Ndị Kọrẹntị Nke Ẹbụọ 10:8

Di-nwọnni-ẹnyi ye ẹnyi ikẹn ẹnyi e gi du ụnụ: ikẹn ẹnyi e gi mẹ ụnụ sue imẹ okukwe — ẹlẹ ịdọtu ụnụ. Ya wụ, ọ sụọn'a nị m'e gikẹzi ikẹn ahụn a nyan isi, ọhụn emẹkọ m ifẹnrẹn.

Ndị Kọrẹntị Nke Ẹbụọ 12:19

Ụnụ rodẹ nwan nị ẹnyi gi hụnnị ile e kinrin ọnụ ẹnyi ihun ụnụ ra? Ẹlẹkwọ ya! Ẹnyi rị e ku ẹ ihun Osolobuẹ, e ku ẹ kẹ Kraịstị chọ. Ndị nke m, ẹnyi rị e mẹ ihiẹnni ile kẹni okukwe ụnụ sue.

Ndị Kọrẹntị Nke Ẹbụọ 13:10

Ya haịn m gi deni ụnụ ihiẹn ndịnị ogẹnni m kelẹni bịa ebahụn ụnụ rị, amamgbe m'a bịa, e gi m ikẹn hụ Di-nwọnni-ẹnyi ye m mẹghafe ihiẹn okẹn, ikẹn o ye m gi zụn ụnụ ẹlẹ itikpọ ụnụ.

Ndị Kọrẹntị Nke Ẹbụọ 7:1

Ndị nke m, hụnnị Osolobuẹ kwe ẹnyi nkwa ndịnị, nị ẹnyi chanpụ enwẹn ẹnyi ihiẹn ile e mẹrụ ẹhụ lẹ mmọn, gi egun Osolobuẹ a rịchanrịn nsọ.

Ndị Ẹfẹsọsụ 4:12

O yesọnmẹ oyiye ndịnị n'o gi wẹ a zụn ndị nke Osolobuẹ ile ọzụnzụn ọrụn Kraịstị chọ lẹni o gi wẹ e mẹ ẹhụ Kraịstị wụ ụka e sue, a tụn a kẹ ụlọ.

Ndị Ẹfẹsọsụ 4:16

Kraịstị gi ẹhụ hụ ile, hụn akwanran ile rịn'a gi wegbamachanrịn ihiẹn ile rịn'a, kwọndọn ọhụnma-ọhụnma; ịya rịzị e mẹ mkpamkpa ọwụlẹ a sa ẹka a rụn ọhụnma, hụn ẹhụ ile gi a rị ikẹn, e sue, ghahanị ihiẹn-ọsụsụọ.

Ndị Ẹfẹsọsụ 4:29

Anịlẹ ni eje-oku pụha ụnụ ọnụ, kanị oku rị mma a gba ịhịan umẹ, a bann'a erere imẹ ọnọdị ọ rị, kẹni oku ọnụ ụnụ e yeni ndị rị e gọn ntịn ẹka.

Ndị Ẹfẹsọsụ 5:21

e gi ni egun Kraịstị e humẹni ibe ụnụ isi.

Ditrọnọmi 12:10

Kanị, ụnụ k'e fetu Iyi Jọdanị d'e biri alị ahụn Osolobuẹ wụ Chuku ụnụ rị e ye ụnụ n'ọ wụrụ ukuu ụnụ, o mẹ ẹhụ fu ụnụ, ụnụ e biri udọn-lẹ-ndọnkwa, ndị-iṅẹnrẹn ụnụ ile fihunmẹni ụnụ eyekọ ụnụ mmakp'ẹhụ.

Ndị Filipi 2:1

Omẹni w'a kasị ịhịan obi imẹ Kraịstị; omẹni ihiẹn-ọsụsụọ e mẹ ịhịan a rọkọ ibe ẹ obi; omẹni ẹnyi ile hụ e mẹkọ imẹ Mmọn-nsọ; omẹni ịhịan e mẹ ni ibe ẹ ẹfọma, e ro k'ọ rị ibe ẹ,

Ndị Kolosị 1:10

kẹni ụnụ e bi obibi furu Di-nwọnni-ẹnyi, obibi hụn a sụọn'a ụzọ ile, a mịpụha mkpụrụ ọrụn ọma ile rị ichẹn-ichẹn, a marịn Osolobuẹ, a marịnwaye.

Ndị Tẹsalonika Ibuzọ 5:11

A gba nị nwan ibe ụnụ umẹ, e mẹ ihiẹn ibe ụnụ e gi sue, kẹ ụnụ dọn nwan rị e mẹ.

Timoti Ibuzọ 1:4

w'e gọnzilẹ ntịn ilu “ihiẹn-haịn” lẹ okẹn ịchọ-alị oku nwọnlẹni njẹndemẹ hụn e mẹ ịhịan a jụ ajụjụ-ajụjụ hụn nkẹ ịhịan e gi bi obibi okukwe Osolobuẹ gi e mẹ ihiẹn ẹ.

Hibru 4:9

Ya wụ nwan nị ezumikẹn ọrụn hụkwọ e che ndị nke Osolobuẹ,

Joshụa 21:44

Osolobuẹ nọ ye wẹ ezumikẹn, obi e ru wẹ alị azụụn ile, k'o dọn kun enwẹn ẹ kwe ndị nẹdi wẹ kanị nkwa; onwọnni akpụ eṅẹnrẹn wẹ ohu sa ẹka che wẹ ọgụn; Osolobuẹ mẹ wẹ mẹrichanrịn ndị iṅẹnrẹn wẹ ile.

Judu 1:20

Nke ụnụ ezi umunẹ m, e sue ni imẹ Okukwe ahụn rịchanrịn nsọ ụnụ rị e sọn; e mẹ ni ekpere kẹ Mmọn-nsọ dọn chọ.

Ndị Han Eṅẹn 3:30

Ụhụọhịn ahụn, ndị Mụabụ nọ we enwẹn wẹ che okpuru ndị Izrẹlụ. Udọn nọ rị alị hụ ọrọgbọ ahụa ọgụn-ẹnọ.