Ọrụn Ndị-ozi 9:2 - Ika

² sị a deye ẹ ẹkụkwọ-ozi jẹnni ụlọ-ofufe ndị Ju ile rịkwọrị Damaskọsụ, kẹni, ọ hụn onyẹ ọwụlẹ rị e sọn Ụzọ-Jesu ebẹhụ, o kẹnmẹhẹn wẹ Jerusalẹm, ọsụọn'a okẹnnyẹ mọbụ okpoho.

Ọrụn Ndị-ozi 9:2 ပူးပေါင်းရင်းမြစ်များ

Jẹnẹsisi 14:15

Ọ nọ gi uhinhin kebe itu ẹ, ya lẹ idibo ẹ nọ ke ẹka maye wẹ; a gba wẹ ọsọ, ọ nọ chụrụ wẹ d'a pụha alị Hoba hụn rị ẹbamịn-ugu alị Damaskọsụ.

Azaya 17:1

Ihiẹnni kẹ Osolobuẹ ku Banyeni Damaskọsụ: Ọ sị, “Lee ẹnya, Damaskọsụ awụkọzị obodo; o k'a wụrụ ikpọn mkpọkọ-ihiẹn mkpọkọ-ihiẹn.

Jerimaya 49:23

Nke obodo Damaskọsụ, “Ndụn a gụgụọ alị Hamatị lẹ alị Apadị — makẹni wẹ nụ eje-ozi; obi e dẹnhingụọ wẹ yeni uhue, obi a nọ wẹ kẹ ohimin ẹbi rị a kpọ, obi eruzini wẹ alị.

Matiu 10:17

Kpachanpụ nị nị ịhịan ẹnya, makẹni wẹ jẹnkọ d'e wejẹn ụnụ ọgwa rị ichẹn-ichẹn, fịan ụnụ mkpịnsịn imẹ ụlọ-ofufe wẹ.

Jọnụ 14:6

Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Ọrụn Ndị-ozi 18:25

A kuzigụọ w'a Ụzọ Di-nwọnni ẹnyi; o nwọnkẹnmẹkẹ adụdụ iku oku-Chuku; ọ kuzi banyeni Jesu ọhụnma. Kanị mirin-Chuku Jọnụ sụọ k'ọ marịn.

Ọrụn Ndị-ozi 19:23

Ogẹn hụ kẹ okẹn nsọngbu gi pụha imẹ Ẹfẹsọsụ makẹ Ụzọ-Jesu:

Ọrụn Ndị-ozi 19:9

Kanị ogẹn ụfọdụ rị ebẹhụ gi gbama isi-akwanran, jụ n'e kwerikọ wẹ, kujama oku Ụzọ-Jesu idẹnya ịhịan ile imẹ ụlọ-ofufe hụ, Pọlụ nọ la wẹ tọ. O weri ndị kwerini pụ d'a kuzimẹ wẹ ụhụọhịn ile imẹ ụlọ-ẹkụkwọ onyẹ w'a kpọ Taịranọsụ.

Ọrụn Ndị-ozi 24:14

Kanị m k'a saẹka gwa ị nị Ụzọ hụ wẹ rị e ye eje-ẹfan kẹ m gha e fe Osolobuẹ ndị nẹdi ẹnyi kanị; m kweri ihiẹn ile Iwu Mozizi ku lẹ ihiẹn ile wẹ de imẹ ẹkụkwọ ndị-amụma.

Ọrụn Ndị-ozi 24:22

Kanị Gọvanọ wụ Fẹlisi nọ bu ikpe hụ shi ihun, makẹni ọ marịnghọ Ụzọ-Jesu ru alị: ọ sị wẹ, “Ụnụ jẹnkọ d'e cheri nị Laịsịasị onyẹ-isi agha kanị bịa m kebe hannị ụnụ eṅẹn.”

Ọrụn Ndị-ozi 26:10

E mẹghọ m'a imẹ Jerusalẹm. M'a narịndẹ ndị-isi nchụn-ẹjan ikẹn ogẹn hụ, a tụ ndị kwerini Jesu ngan; ẹlẹdẹ ọhụn sụọ, wẹ ma wẹ ikpe-ọnwụn, e biye m ẹka.

Ọrụn Ndị-ozi 26:12

“E kpokpo m wẹ d'e ru ebe m nọ narịn ndị-isi nchụn-ẹjan ikẹn lẹ ẹkụkwọ jẹnmẹ Damaskọsụ.

Ọrụn Ndị-ozi 6:9

Kanị ụfọdụ ndị Ju, ndị ụlọ-ofufe w'a kpọ “Ụlọ-ofufe ndị Ju werigụ enwẹn wẹ”, nọ lihi, sọn Stivini dọma ndọndọ. Ndịnị wụ ndị Ju ghasọnmẹ Saịrini lẹ Alẹzandrịa lẹ ndị ghazị ẹgbẹrẹ Silisia lẹ Eshịa bịa.

Ọrụn Ndị-ozi 7:19

Ezeni wụ hụn gi aghịghọ sọn ndị nke ẹnyi, mẹjama ndị nẹdi ẹnyi wẹ, mẹ wẹ latọ ụmụ wẹ mụ nke ọhụn, kẹni ọnwụn gbu wẹ.

Ọrụn Ndị-ozi 9:14

Ọ rị nwan ebeni makẹni onyẹ-isi nchụn-ẹjan e yegụọ a ikẹn n'o gi nwụnrụn ndị ile a kpọku ẹfan ị.”

Ọrụn Ndị-ozi 9:21

Ọ tụ wẹ ile nụn'a ẹnya, wẹ hụ a sị, “Ọnwan ẹlẹ okẹnnyẹnẹi te rị e kpokpo ndị a kpọku ẹfannị imẹ Jerusalẹm? Ẹlẹ ya k'ọ bịanị nwan ebeni, kẹni ọ kẹnmẹnrin wẹ jẹnni ndị-isi nchụn-ẹjan?”

Ndị Kọrẹntị Nke Ẹbụọ 11:32

Imẹ obodo Damaskọsụ, Gọvanọ kị okpuru eze Arẹtasị butọ ndị-nche ọnụ-mgbọn obodo hụ kẹni ọ nwụndọn m,

Ndị Galeshịa 1:17

Ejẹndẹni m Jerusalẹm d'e kunrun ndị buni m ụzọ wụrụ ndị-ozi pụ-ichẹn, kama, e shi m Arebịa ozigbo. O mẹgụ, m nọ kinhẹnzi Damaskọsụ.