Ọrụn Ndị-ozi 8:25 - Ika

²⁵ Ogẹn Pita lẹ Jọnụ gi shịagụnị Di-nwọnni-ẹnyi ẹri, zigụ ozi Di-nwọnni-ẹnyi, wẹ nọ lakin Jerusalẹm, zikọ oziọma imẹ obodo mẹsọnmẹ ẹkẹrẹ-ẹkẹrẹ bu ọda rị alị Sameria.

Ọrụn Ndị-ozi 8:25 ပူးပေါင်းရင်းမြစ်များ

Matiu 10:5

Ya Jizọsị nọ ye madụ mmẹbụọnị ikẹn, zipụ wẹ: ọ sị wẹ, “Ejẹnkwọlẹ ni d'e kunrun ndị wụlẹni ndị Ju; abanyekwọlẹ ni obodo ọwụlẹ rị alị Sameria.

Luku 16:28

makẹni m nwọn umunẹ ikẹnnyẹ isẹn. Ya jẹn d'a gwashi wẹ oku ikẹn makẹ wẹ gha a bịa ebeni afụnfụn rị.’

Jọnụ 15:27

Ụnụ lẹ enwẹn ụnụ sikọ d'a shịazịkwọnị m ẹri, makẹni mmẹ lẹ ụnụ rị gha isi mbidọn lala.

Ọrụn Ndị-ozi 1:8

Kama, ụnụ jẹnkọ d'e nwọnhẹn ikẹn ogẹn Mmọn-nsọ e gi hidankwasịgụ ụnụ, ụnụ a wụrụ ndị ọshẹri m imẹ Jerusalẹm lẹ imẹ Judia ile lẹ imẹ Sameria d'e ru ebe ụwa ru.”

Ọrụn Ndị-ozi 13:12

Ogẹn Gọvanọ hụ gi hụn ihiẹn mẹni, ọ nọ kwerini Di-nwọnni-ẹnyi, makẹni nkuzi Di-nwọnni-ẹnyi ri ẹ ọnụ.

Ọrụn Ndị-ozi 18:5

Ogẹn Saịlasị lẹ Timoti gi gha Masẹdonia bịa, Pọlụ nọ gi ogẹn ẹ ile e ku oku-Chuku, a kọwanị ndị Ju nị Jesu wụ Kraịstị.

Ọrụn Ndị-ozi 20:21

a gwa kẹ ndị Ju kẹ ndị wụlẹni ndị Ju oku irogharị buru Osolobuẹ lẹ ikwerini Di-nwọnni-ẹnyi wụ Jesu.

Ọrụn Ndị-ozi 28:23

Ya wẹ nọ kaye ụhụọhịn. O ru ụhụọhịn hụ, e ruhẹ wẹ ebẹhụ ọ rị. Gha ụtụntụn d'e ru ẹnyasị ọ hụ a gwa wẹ oku Alị-eze Osolobuẹ, a kọwa, e gi Iwu Mozizi lẹ ihiẹn ndị-amụma ku a lịlịma n'o mẹ wẹ kwerini Jesu.

Ọrụn Ndị-ozi 28:28

Marịn nị nwan n'e zigụọ wẹ ndị alị ọzọ ozi nzụọpụhanị gha ẹka Osolobuẹ bịa: nị wẹ gọnghọ ntịn!”

Ọrụn Ndị-ozi 28:31

ọ hụ e zi ozi Alị-eze Osolobuẹ, a kuzi banyeni Di-nwọnni-ẹnyi wụ Jesu Kristi, e ku ẹ, e kushi ẹ ikẹn, onwọnni onyẹ gbọndọnn'ẹ.

Ọrụn Ndị-ozi 8:40

Ebe Filipu nkẹ nọzị hụn enwẹn ẹ wụ Azọtusu. Ọ nọ jẹnsọnmẹ, zikọ oziọma imẹ obodo ile rị ẹgbẹrẹ hụ d'e ru n'ọ pụha Sizaria.

Pita Ibuzọ 5:12

Sivanọsụ yeni m ẹka de ẹkụkwọ-ozini mẹ ẹkẹrẹ; nwẹnẹ ẹnyi hụn m weri n'o furu wẹ gi e dọn ẹnya k'ọ wụ. M de ẹkụkwọ-ozini kẹni m gi ẹ gba ụnụ umẹ, gizi ẹ ku nị ụzọ-Kraịstị wụ ezigbo ẹfọma ahụn Osolobuẹ mẹni ịhịan; turukẹnmẹ ni nwan imẹ ẹ.