Ọrụn Ndị-ozi 8:22 - Ika

²² Rogharịkwọ nwan eje-ihiẹnni i mẹ, y'e mẹ ekpere, rịọ Di-nwọnni-ẹnyi; ikẹnkwọ ọ gbagharị ị iroroni.

Ọrụn Ndị-ozi 8:22 ပူးပေါင်းရင်းမြစ်များ

Itẹn 24:9

Ihiẹn hụn onyẹ-ẹwobi romẹ wụ njọ; onyẹ hụn e lelịanị e ze ịhịan ize.

Daniẹlụ 4:27

Eze-Agụ, dodo weri nwan ọdụn m k'a dụn ị: mẹbehi njọ, mẹmẹ ezi-omumẹ; la ẹfọ-njọ tọ n'i mẹmẹni ndị rị e ri ụya ẹfọma. Ikẹnkwọ y'a ghasọnmẹ ihun.”

Emọsụ 5:15

Eje-ihiẹn ya zemẹ ụnụ ize; ihiẹn rị mma ya sụọma ụnụ; hụn n'a nị w'a han ezigbo eṅẹn ọgwa. Ikẹnkwọ Osolobuẹ, Chuku ihiẹn ile rị okpuru ẹ e gi ufiri ẹ mẹ omikẹn ụnụ, ụmụ Josẹfụ họdụnị.

Emọsụ 5:6

Chọburukwọ nị Osolobuẹ kẹni ụnụ rị ndụn, amamgbe o nwunrun kẹ ọkụn imẹ ikpụlọ Josẹfụ — ọkụn hụn k'e bu obodo Bẹtẹlụ ri, onwọnni onyẹ sikọ d'a sa ẹka tinyụnn'a!

Jona 1:6

Ya kẹ onyẹ-isi ụgbọ nọ jẹnburu ẹ ebẹhụ, sị a, “Elee hụn kẹ ị rị a ranhịnnị? Lihi ọtọ, n'ị kpọku mmọn yụ nwẹn e fe! Ikẹnkwọ o mẹ ọhụnma zụọpụha ẹnyi.”

Jona 3:9

Onyẹ marịn? Ikẹnkwọ Osolobuẹ e gharị, ikẹnkwọ olulu ẹ a rọ, ẹnyi a hụn isi.”

Ọrụn Ndị-ozi 17:30

Osolobuẹ e fepụghọ ẹnya ogẹn mbụ ịhịan marịnlẹn'a. Kanị, ọ sị nwan ịhịan ile rị ebe ile wẹ rogharị.

Ọrụn Ndị-ozi 2:38

Pita nọ za wẹ, sị, “Onyẹ-onyẹ imẹ ụnụ ya rogharị, ni wẹ gi ẹfan Jizọs Kraịstị mẹ ẹ mirin-Chuku, Osolobuẹ a gbagharị a njọ, ogẹn ahụn, o nwọnhẹn oyiye hụ wụ Mmọn-nsọ.

Ọrụn Ndị-ozi 3:19

Rogharị nị nwan ụnụ e kinhẹn n'o finchanpụ ụnụ njọ,

Ọrụn Ndị-ozi 8:20

Pita nọ sị a, “Ịyụ lẹ egho i la iwi! Makẹni i ro n'ị k'a saẹka gi egho ṅọnrin oyiye Osolobuẹ!

Ọrụn Ndị-ozi 9:11

Di-nwọnni-ẹnyi nọ sị a, “Lihi n'i jẹn Ọgbara-ogbe ahụn w'a kpọ Streti. I ru iwe Judasị, y'a jụ ukwere onyẹ Tasọsụ ẹfan a wụ Sọlụ. Ọ rị e mẹ ekpere kikẹnni,

Ndị Rom 2:4

Ra ị rị e lelịa okẹn ẹfọma a lẹ nkịtịn ọ rị a gba ị lẹ ndidin ẹ? Y'a marịn nị Osolobuẹ rị e mẹni i ẹfọmanị kẹni i hụn ụzọ rogharị?

Hibru 4:12

Makẹni, Oku Osolobuẹ rị ndụn; ọ rụn ọrụn; ọ tụ nkọ, tụkarị ọpịa-agha ọnụnaị ọwụlẹ: o zubanchanrịn imẹ, d'e ru umẹ-ndụn lẹ mmọn, d'e rudẹ okẹn-ẹhụ lẹ ụmị ọkpụkpụ, o rudẹ obi ịhịan d'e lele iroro ẹ lẹ ihiẹn o bu obi.

Rẹvẹleshọnụ 2:21

“E yeọlẹ m'a oghere bihutọ ẹka, kanị o kweni ghẹrẹbehi.