Ọrụn Ndị-ozi 8:2 - Ika

² Ogẹn wẹ gi magbu Stivini, ikẹnnyẹ e feshi Osolobuẹ ikẹn nọ bịa d'e buru ozun ẹ d'e li; wẹ nọ kwan ọda-ọda kwanshi elu nị Stivini a nwụnhụn.

Ọrụn Ndị-ozi 8:2 ပူးပေါင်းရင်းမြစ်များ

Jẹnẹsisi 23:2

Ya Sẹra nọ nwụntọ alị Kiriatị-Aba (hụn wụ alị Hibrọnụ) hụn rị imẹ alị Kenaanị. Ya Ebraham nọ banye ebe ozun Sẹra rị d'a kwan a, kwan ezigbo ẹkwan.

Jẹnẹsisi 50:9

Ndị-agha e nyin ụgbọ-ẹshin lẹ ndị e nyin ẹshin-mmaka sọnjẹnzikwọ Josẹfụ; e bukẹmẹkẹ wẹ ọda jẹnni.

Samuẹlụ Nke Ẹbụọ 3:31

Ya Defidi nọ sị Jụabụ lẹ ndị ile ya lẹ wẹ wị, “Dọka nị ẹkwa ọnụ! Yiri ni ẹkwa ndị ihiẹn mẹ; kwan nị Abna!” Defidi nke ẹ nọ sọn ozun Abna azụụn kẹ wẹ bukọ a d'e li.

Ihiẹn Mẹni Nke Ẹbụọ 32:33

Hezikaya a nwụnhụn, laburu ndị nẹdi ẹ, wẹ nọ li ẹ ye elu òke w'e liye ebozo Defidi. Ndị Juda lẹ Jerusalẹm ile ye ẹ ọghọ k'ọ nwụnhụn, nwa a wụ Manasẹ nọ họnrin eze nọkin ẹnya a.

Ihiẹn Mẹni Nke Ẹbụọ 35:25

O nwọn ẹbụ onyẹ-amụma wụ Jerimaya de gi kwan Josaya hụn ikẹnnyẹ lẹ ikpoho ile a bụ ẹbụ gi a nyanhan Josaya d'e rukwọ ụhụọhịn tannị; ẹbụ ndị hụ nọ họnrin ọdịnalị imẹ Izrẹlụ; wẹ rị nwan ebe wẹ detọ Ẹbụ-ẹkwan.

Jerimaya 22:10

Ẹlẹ eze wụ Josaya hụn nwụnhụnnị kẹ ụnụ sikọ d'a kwan mọbụ kwannị ẹkwan. Ka kwanma nị Shalum wụ Jeho-ahazị hụn rikin ẹ eze wẹ kpụnrụn nwan shi alị ọzọ, makẹni onwọnzini ogẹn o k'e gi kinhẹn mọbụ hụnzị alị a.

Jerimaya 22:18

Lee nwan ihiẹn Osolobuẹ ku banyeni i, Jehoyakim nwa Josaya rị a kị alị Juda: Osolobuẹ sị, “Akwankọnị w'a, ‘Nwẹnẹ m a laa! Nwẹnẹ m a laa!’ Akwankọnị w'a, ‘Heuu, di-nwọnni-ẹnyi a la! Eze a laa!’

Ọgụngụn 20:29

Ogẹn ndị Izrẹlụ ile gi nụ nị Ẹrọnụ a nwụnhụn, Izrẹlụ ile nọ kwan a akpọhịn iri kwasị ọgụn.

Makị 6:29

Ogẹn ndị nsọnmazụụn Jọnụ gi nụ ihiẹnni, wẹ nọ bịa d'e buru ẹhụ a li.

Luku 2:25

Ogẹn hụ, o nwọn okẹnnyẹ ohu w'a kpọ Simiọnụ hụn bi Jerusalẹm. Onyẹ ezi-omumẹ k'ọ wụ; ara gi ofufe Osolobuẹ gu egu, e che ni Osolobuẹ zụọpụha ndị Izrẹlụ. Mmọn-nsọ nọyen'ẹ anọyeni.

Ọrụn Ndị-ozi 10:2

Okẹnnyẹni e feshi Osolobuẹ ikẹn, a tụ egun Osolobuẹ, ya lẹ ezi-lẹ-ụlọ a ile. O yesọnmẹ ndị igbẹnnyẹ rị alị hụ ihiẹn. Ọ kpọku Osolobuẹ ogẹn ile.

Ọrụn Ndị-ozi 2:5

Ndị Ju e feshi Osolobuẹ ikẹn gha alị ile rị elu-ụwa bịa Jerusalẹm ogẹn ahụn d'a nọdị.

Ọrụn Ndị-ozi 8:1

Sọlụ a kwadọnghọ wẹ kẹ wẹ rị e gbu Stivini. Gha ụhụọhịn hụ jẹnmẹ, wẹ nọ kpokpomẹ ndị ụka rị Jerusalẹm ọda-ọda. Wẹ ile nọ gbayịya, gbashisọnmẹ ẹgbẹrẹ Judia lẹ Sameria — wezụka ndị-ozi hụ pụ-ichẹn.

Ọrụn Ndị-ozi 8:3

Kanị Sọlụ nkẹ hụ a lụ nọ kụsị ụka Jesu, a gha ụlọ-ụlọ a dọkpụnpụha ikẹnnyẹ lẹ ikpoho kweri ni Jesu, e bu wẹ e che ụlọ-ngan.

Ditrọnọmi 34:8

Ndị Izrẹlụ nọ gi akp'ọhịn iri kwasị ọgụn kwan Mozizi imẹ aradan Mụabụ, kwan a ọrọgbọ wẹ gi a kwan ozun.

Samuẹlụ Nke Ibuzọ 28:3

Samuẹlụ a nwụnhụngụọ ogẹn ahụn; ndị Izrẹlụ ile a kwangụọ a, li ẹ imẹ obodo ẹ wụ Rama. Sọlụ nkẹ a chụpụgụọ ndị ile a gba ẹfa lẹ ndị ile a ma ozun e du mmọn e ku imẹ alị Izrẹlụ.